ਬ੍ਰਿਟੇਨ ਦੇ ਆਕਸਫੋਰਟਸ਼ਾਇਰ ਸਥਿਤ ਬਲੇਨਹੇਮ ਪੈਲੇਸ 'ਚ ਚੋਰਾਂ ਨੇ ਸੋਨੇ ਦੀ ਇੱਕ ਟਾਇਲਟ 'ਤੇ ਹੀ ਹੱਥ ਸਾਫ਼ ਕਰ ਦਿੱਤਾ ਹੈ। 18 ਕੈਰੇਟ ਸੋਨੇ ਨਾਲ ਬਣੇ
ਲੰਦਨ : ਬ੍ਰਿਟੇਨ ਦੇ ਆਕਸਫੋਰਟਸ਼ਾਇਰ ਸਥਿਤ ਬਲੇਨਹੇਮ ਪੈਲੇਸ 'ਚ ਚੋਰਾਂ ਨੇ ਸੋਨੇ ਦੀ ਇੱਕ ਟਾਇਲਟ 'ਤੇ ਹੀ ਹੱਥ ਸਾਫ਼ ਕਰ ਦਿੱਤਾ ਹੈ। 18 ਕੈਰੇਟ ਸੋਨੇ ਨਾਲ ਬਣੇ ਅਤੇ 50 ਲੱਖ ਡਾਲਰ ਤੋਂ ਜ਼ਿਆਦਾ ਮੁੱਲ ਦੇ ਇਸ ਟਾਇਲਟ ਨੂੰ ਆਰਟ ਪ੍ਰਦਰਸਨੀ ਵਿੱਚ ਰੱਖਿਆ ਗਿਆ ਸੀ। ਦੱਸ ਦਈਏ ਕਿ ਇਸ ਮਹਿਲ 'ਚ ਬ੍ਰਿਟੇਨ ਦੇ ਸਾਬਕਾ ਪ੍ਰਧਾਨਮੰਤਰੀ ਵਿੰਸਟਨ ਚਰਚਿਲ ਦਾ ਜਨਮ ਹੋਇਆ ਸੀ। ਪੁਲਿਸ ਨੇ ਸ਼ਨੀਵਾਰ ਨੂੰ ਦੱਸਿਆ ਕਿ ਇਟਲੀ ਦੇ ਕਲਾਕਾਰ ਮੌਰੀਜੀਓ ਕੈਟਲਾਨ ਨੇ ਆਪਣੀ ਆਰਟ ਪ੍ਰਦਰਸਨੀ ਵਿੱਚ ਇਸ ਟਾਇਲਟ ਨੂੰ ਰੱਖਿਆ ਸੀ।
35 crore rupees golden toilet stolen
ਲੰਦਨ ਤੋਂ ਲੱਗਭੱਗ 90 ਕਿਲੋਮੀਟਰ ਦੂਰ ਸਥਿਤ ਇਸ ਪੈਲੇਸ 'ਚ ਲੱਗੀ ਪ੍ਰਦਰਸਨੀ ਨੂੰ ਦੋ ਦਿਨ ਪਹਿਲਾਂ ਹੀ ਲੋਕਾਂ ਲਈ ਖੋਲਿਆ ਗਿਆ ਸੀ। ਪੁਲਿਸ ਨੂੰ ਸ਼ਨੀਵਾਰ ਦੀ ਸਵੇਰ 4.57 ਤੇ ਟਾਇਲਟ ਚੋਰੀ ਹੋਣ ਦੀ ਜਾਣਕਾਰੀ ਮਿਲੀ। ਪੁਲਿਸ ਦੇ ਇੱਕ ਬਿਆਨ ਮੁਤਾਬਕ ਘਟਨਾ ਨੂੰ ਅੰਜਾਮ ਦੇ ਕੇ ਚੋਰ ਉੱਥੇ ਤੋਂ ਕਰੀਬ 4.50 ਵਜੇ ਫਰਾਰ ਹੋ ਗਏ ਸਨ। ਮਾਮਲੇ ਵਿੱਚ 66 ਸਾਲ ਦੇ ਇੱਕ ਵਿਅਕਤੀ ਨੂੰ ਚੋਰੀ ਦੇ ਸੰਬੰਧ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
35 crore rupees golden toilet stolen
ਅਮਰੀਕਾ ਦੇ ਨਾਮ ਤੋਂ ਸੀ ਮਸ਼ਹੂਰ
ਪੁਲਿਸ ਦਾ ਕਹਿਣਾ ਹੈ ਕਿ ਚੋਰੀ ਕੀਤੇ ਗਏ ਟਾਇਲਟ ਨੂੰ ਅਜੇ ਬਰਾਮਦ ਨਹੀਂ ਕੀਤਾ ਜਾ ਸਕਿਆ ਹੈ ਪਰ ਇਸਨੂੰ ਲੱਭਣ ਦੀ ਅਤੇ ਮੁਲਜਮਾਂ ਨੂੰ ਗ੍ਰਿਫ਼ਤਾਰ ਕਰਨ ਦੀ ਪੂਰੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਕਿਸੇ ਵੀ ਗਵਾਹ ਨੂੰ ਪੁਲਿਸ ਨਾਲ ਸੰਪਰਕ ਕਰਨ ਦੀ ਵੀ ਅਪੀਲ ਕੀਤੀ ਹੈ। ਅਮਰੀਕਾ ਦੇ ਨਾਮ ਨਾਲ ਜਾਣੇ ਜਾਣ ਵਾਲੇ ਇਸ ਟਾਇਲਟ ਨੂੰ ਸਭ ਤੋਂ ਪਹਿਲਾਂ ਨਿਊਯਾਰਕ ਸਿਟੀ ਵਿੱਚ ਸਾਲ 2016 ਵਿੱਚ ਗਗੇਨਹਾਇਮ ਵਿੱਚ ਦਿਖਾਇਆ ਗਿਆ ਸੀ।
35 crore rupees golden toilet stolen
ਅਮਰੀਕਾ ਨਾਮਕ ਟਾਇਲਟ ਨੂੰ ਇੱਕ ਵਾਰ ਲੋਨ 'ਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਵੀ ਆਫਰ ਕੀਤਾ ਗਿਆ ਸੀ। ਬਲੇਨਹਾਇਮ ਪੈਲੇਸ ਵਿੱਚ ਇਸ ਟਾਇਲਟ ਨੂੰ ਉਸ ਕਮਰੇ ਦੇ ਕੋਲ ਲਗਾਇਆ ਗਿਆ ਸੀ, ਜਿਸ ਵਿੱਚ ਚਰਚਿਲ ਦਾ ਜਨਮ ਹੋਇਆ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
