Advertisement

ਮਨੁੱਖਤਾ ਦੀ ਮਿਸਾਲ : 2 ਲੱਖ ਪ੍ਰਦਰਸ਼ਨਕਾਰੀਆਂ ਨੇ ਐਂਬੂਲੈਂਸ ਨੂੰ ਦਿੱਤਾ ਰਾਹ 

ਏਜੰਸੀ
Published Jun 17, 2019, 5:37 pm IST
Updated Jun 17, 2019, 5:37 pm IST
ਐਤਵਾਰ ਨੂੰ ਲਗਭਗ 2 ਲੱਖ ਲੋਕ ਸੜਕਾਂ 'ਤੇ ਪ੍ਰਦਰਸ਼ਨ ਕਰ ਰਹੇ ਸਨ
Hong Kong's anti-extradition protesters retreat from main roads
 Hong Kong's anti-extradition protesters retreat from main roads

ਹਾਂਗਕਾਂਗ : ਜਦੋਂ ਕੋਈ ਹਾਦਸਾ ਵਾਪਰਦਾ ਹੈ ਤਾਂ ਪੀੜਤ ਵਿਅਕਤੀ ਲਈ ਇਕ-ਇਕ ਮਿੰਟ ਬੇਸ਼ਕੀਮਤੀ ਹੋ ਜਾਂਦਾ ਹੈ। ਉਸ ਨੂੰ ਘੱਟ ਤੋਂ ਘੱਟ ਸਮੇਂ 'ਚ ਡਾਕਟਰੀ ਇਲਾਜ ਦੀ ਲੋੜ ਹੁੰਦੀ ਹੈ। ਮਰੀਜ਼ ਨੂੰ ਹਸਪਤਾਲ ਪਹੁੰਚਾਉਣ ਦੀ ਅਜਿਹੀ ਮਨੁੱਖਤਾ ਦੀ ਮਿਸਾਲ ਹਾਂਗਕਾਂਗ ਵਾਸੀਆਂ ਨੇ ਪੇਸ਼ ਕੀਤੀ ਹੈ। ਐਤਵਾਰ ਨੂੰ ਸੜਕਾਂ 'ਤੇ ਲੱਖਾਂ ਪ੍ਰਦਰਸ਼ਨਕਾਰੀ ਸਰਕਾਰ ਦੇ ਫ਼ੈਸਲੇ ਵਿਰੁੱਧ ਰੋਸ ਪ੍ਰਦਰਸ਼ਨ ਕਰ ਰਹੇ ਸਨ। ਪਰ ਜਦੋਂ ਉਨ੍ਹਾਂ ਨੇ ਐਂਬੁਲੈਂਸ ਨੂੰ ਆਉਂਦਿਆਂ ਵੇਖਿਆ ਤਾਂ ਪ੍ਰਦਰਸ਼ਨ ਭੁੱਲ ਕੇ ਐਂਬੁਲੈਂਸ ਨੂੰ ਰਸਤਾ ਦਿੱਤਾ।

Hong Kong protestHong Kong protest

ਹਾਂਗਕਾਂਗ 'ਚ ਪਿਛਲੇ ਕੁਝ ਦਿਨਾਂ ਤੋਂ ਪ੍ਰਦਰਸ਼ਨਾਂ ਦਾ ਸਿਲਸਿਲਾ ਜਾਰੀ ਹੈ। ਐਤਵਾਰ ਨੂੰ ਲਗਭਗ 2 ਲੱਖ ਲੋਕ ਸੜਕਾਂ 'ਤੇ ਪ੍ਰਦਰਸ਼ਨ ਕਰ ਰਹੇ ਸਨ। ਇਹ ਸਾਰੇ ਲੋਕ ਵਿਵਾਦਤ ਐਕਸਟ੍ਰਾਡਿਸ਼ਨ ਬਿਲ ਦਾ ਵਿਰੋਧ ਕਰ ਰਹੇ ਸਨ। ਇਸ ਬਿਲ ਨਾਲ ਹਾਂਗਕਾਂਸ ਤੋਂ ਲੋਕਾਂ ਨੂੰ ਚੀਨ ਵਿਚ ਹਵਾਲਗੀ 'ਚ ਮਦਦ ਮਿਲ ਸਕੇਗੀ।

Hong Kong protestHong Kong protest

ਜ਼ਿਕਰਯੋਗ ਹੈ ਕਿ ਪ੍ਰਦਰਸ਼ਨਕਾਰੀ ਹਾਂਗਕਾਂਗ ਦੇ ਆਗੂ ਕੈਰੀ ਲਾਮ ਨੂੰ ਅਹੁਦਾ ਛੱਡਣ ਦੀ ਮੰਗ ਕਰ ਰਹੇ ਸਨ। ਹਾਂਗਕਾਂਗ ਦੇ ਵੱਖ-ਵੱਖ ਹਿੱਸਿਆਂ 'ਚ ਟ੍ਰੈਫ਼ਿਕ ਪੂਰੀ ਤਰ੍ਹਾਂ ਰੁਕਿਆ ਹੋਇਆ ਸੀ। ਸੈਂਟਰਲ ਹਾਂਗਕਾਂਗ ਦੇ ਐਡਮਾਰਾਲਟੀ ਅਤੇ ਕਾਜਬੇ 'ਚ ਹਜ਼ਾਰਾਂ ਲੋਕ ਸੜਕਾਂ 'ਤੇ ਸਨ। ਐਡਮਾਰਾਲਟੀ 'ਚ ਸਰਕਾਰ ਦਾ ਹੈਡ ਕੁਆਰਟਰ ਹੈ ਅਤੇ ਇਥੇ ਲੋਕ ਸਵੇਰ ਤੋਂ ਲੈ ਕੇ ਰਾਤ ਤਕ ਡਟੇ ਹੋਏ ਸਨ। ਅਚਾਨਕ ਰਾਤ 9 ਵਜੇ ਇਕ ਪ੍ਰਦਰਸ਼ਨਕਾਰੀ ਬੋਹੇਸ਼ ਹੋ ਗਿਆ।


ਪ੍ਰਦਰਸ਼ਨਕਾਰੀਆਂ ਨੇ ਜਿਵੇਂ ਹੀ ਐਂਬੁਲੈਂਸ ਦੇ ਹੂਟਰ ਦੀ ਆਵਾਜ਼ ਸੁਣੀ ਤਾਂ ਉਨ੍ਹਾਂ ਨੇ ਤੁਰੰਤ ਐਂਬੁਲੈਂਸ ਦੇ ਜਾਣ ਲਈ ਰਸਤਾ ਛੱਡ ਦਿੱਤਾ। ਕੁਝ ਯੂਜਰਾਂ ਨੇ ਤਾਂ ਭੀੜ ਦੀ ਤੁਲਨਾ ਲਾਲ ਸਾਗਰ ਨਾਲ ਕਰ ਦਿੱਤੀ। ਹਾਂਗਕਾਂਗ 'ਚ ਇਸ ਸਮੇਂ ਇਤਿਹਾਸ ਦਾ ਸੱਭ ਤੋਂ ਵੱਡਾ ਵਿਰੋਧ ਪ੍ਰਦਰਸ਼ਨ ਜਾਰੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਐਤਵਾਰ ਨੂੰ ਪ੍ਰਦਰਸ਼ਨਕਾਰੀਆਂ ਦੀ ਗਿਣਤੀ 3,38,000 ਸੀ ਅਤੇ ਇਹ ਸੱਭ ਤੋਂ ਵੱਧ ਹੈ।