ਭਾਰਤ ਰਹਿੰਦੇ ਬੰਗਲਾਦੇਸ਼ੀਆਂ ਦੀ ਸੂਚੀ ਵੀ ਮੰਗ ਚੁੱਕਾ ਹੈ ਬੰਗਲਾਦੇਸ਼
ਢਾਕਾ : ਬੰਗਲਾਦੇਸ਼ ਦੇ ਵਿਦੇਸ਼ ਮੰਤਰੀ ਏ.ਕੇ. ਅਬਦੁਲ ਮੋਮਿਨ ਨੇ ਭਾਰਤ ਨੂੰ ਲੈ ਕੇ ਵਿਵਾਦਤ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਹੈ ਕਿ ਭਾਰਤ ਦੇ ਲੋਕ ਬੰਗਲਾਦੇਸ਼ ਆਉਂਦੇ ਹਨ ਕਿਉਂਕਿ ਇੱਥੇ ਅਰਥਵਿਵਸਥਾ ਭਾਰਤ ਨਾਲੋਂ ਚੰਗੀ ਹੈ ਅਤੇ ਨਾਲ ਹੀ ਇੱਥੇ ਲੋਕਾਂ ਨੂੰ ਮੁਫ਼ਤ ਖਾਣਾ ਮਿਲਦਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਜੋ ਲੋਕ ਗੈਰ-ਕਾਨੂੰਨੀ ਤਰੀਕੇ ਨਾਲ ਰਹਿੰਦੇ ਹਨ ਉਨ੍ਹਾਂ ਨੂੰ ਭਾਰਤ ਵਾਪਸ ਭੇਜਿਆ ਜਾਵੇਗਾ।
Photo
ਬੰਗਲਾਦੇਸ਼ ਦੀ ਮੀਡੀਆ ਰਿਪੋਰਟਾਂ ਮੁਤਾਬਕ ਭਾਰਤੀਆਂ ਦੇ ਬੰਗਲਾਦੇਸ਼ ਆਉਣ ਦੇ ਸਵਾਲ 'ਤੇ ਅਬਦੁੱਲ ਮੋਮਿਨ ਨੇ ਕਿਹਾ ''ਭਾਰਤ ਤੋਂ ਲੋਕ ਇਸ ਲਈ ਬੰਗਲਾਦੇਸ਼ ਆ ਰਹੇ ਹਨ ਕਿਉਂਕਿ ਇੱਥੋਂ ਦੇ ਹਲਾਤ ਕਾਫ਼ੀ ਚੰਗੇ ਹਨ। ਇੱਥੇ ਆਰਥਿਕ ਹਾਲਾਤ ਵਧੀਆਂ ਹਨ। ਭਾਰਤ ਤੋਂ ਜੋ ਲੋਕ ਆਉਂਦੇ ਹਨ ਖਾਸਕਰ ਗਰੀਬਾਂ ਨੂੰ ਇੱਥੇ ਨੌਕਰੀ ਮਿਲ ਜਾਂਦੀ ਹੈ ਅਤੇ ਨਾਲ ਹੀ ਮੁਫ਼ਤ ਖਾਣਾ ਵੀ ਮਿਲ ਜਾਂਦਾ ਹੈ। ਭਾਰਤ ਦੇ ਮਕਾਬਲੇ ਸਾਡੀ ਅਰਥਵਿਵਸਥਾ ਵਿਚ ਜ਼ਿਆਦਾ ਦਮ ਹੈ। ਭਾਰਤ ਵਿਚ ਨੌਕਰੀ ਦੀ ਕਮੀ ਹੈ। ਇਸ ਲਈ ਲੋਕ ਇੱਥੇ ਆਉਂਦੇ ਹਨ''।
Photo
ਮੋਮਿਨ ਨੇ ਅੱਗੇ ਇਹ ਵੀ ਕਿਹਾ ਹੈ ਕਿ ਕੁੱਝ ਭਾਰਤੀ ਨਾਗਰਿਕ ਆਰਥਿਕ ਕਾਰਨਾਂ ਕਰਕੇ ਏਜੰਟਾ ਦੇ ਜ਼ਰੀਏ ਗੈਰ-ਕਾਨੂੰਨੀ ਤਰੀਕੇ ਨਾਲ ਬੰਗਲਾਦੇਸ਼ ਵਿਚ ਦਾਖਲ ਹੋ ਰਹੇ ਹਨ। ਉਨ੍ਹਾਂ ਨੇ ਮੀਡੀਆ ਨੂੰ ਕਿਹਾ ''ਜੇਕਰ ਸਾਡੇ ਨਾਗਰਿਕਾਂ ਤੋ ਇਲਾਵਾ ਕੋਈ ਬੰਗਲਾਦੇਸ਼ ਵਿਚ ਦਾਖਲ ਹੁੰਦਾ ਹੈ ਤਾਂ ਅਸੀ ਉਸ ਨੂੰ ਵਾਪਸ ਭੇਜ ਦੇਣਗੇ''।
Photo
ਦੱਸ ਦਈਏ ਕਿ ਦੋ ਦਿਨ ਪਹਿਲਾਂ ਹੀ ਅਬਦੁਲ ਮੋਮਿਨ ਨੇ ਭਾਰਤ ਨੂੰ ਕਿਹਾ ਸੀ ਕਿ ਜੇਕਰ ਉਸ ਦੇ ਕੋਲ ਇੱਥੇ ਗੈਰ-ਕਾਨੂੰਨੀ ਤਰੀਕੇ ਨਾਲ ਰਹਿ ਰਹੇ ਬੰਗਲਾਦੇਸ਼ੀ ਨਾਗਰਿਕਾਂ ਦੀ ਸੂਚੀ ਹੈ ਤਾਂ ਉਹ ਦਿੱਤੀ ਜਾਵੇ ਅਤੇ ਉਹ ਉਨ੍ਹਾਂ ਨੂੰ ਵਾਪਸ ਆਉਣ ਦੀ ਮੰਜੂਰੀ ਦੇਵੇਗਾ।
