ਮਾਰੇ ਗਏ ਸੀਨੀਅਰ ਆਈਐਸਆਈਐਸ ਅਧਿਕਾਰੀ ਦੀ ਪਛਾਣ ਉਸਾਮਾ ਜਮਾਲ ਮੁਹੰਮਦ ਇਬਰਾਹਿਮ ਅਲ-ਜਨਬੀ ਵਜੋਂ ਹੋਈ ਹੈ
US News: ਸੀਰੀਆ ਵਿਚ ਅਮਰੀਕੀ ਹਵਾਈ ਹਮਲੇ ਵਿਚ ਆਈਐਸਆਈਐਸ ਦਾ ਇਕ ਸੀਨੀਅਰ ਅਧਿਕਾਰੀ ਮਾਰਿਆ ਗਿਆ ਹੈ। ਅਮਰੀਕਾ ਨੇ ਦਾਅਵਾ ਕਰਦੇ ਹੋਏ ਕਿਹਾ ਕਿ ਮਾਰੇ ਗਏ ਸੀਨੀਅਰ ਆਈਐਸਆਈਐਸ ਅਧਿਕਾਰੀ ਦੀ ਪਛਾਣ ਉਸਾਮਾ ਜਮਾਲ ਮੁਹੰਮਦ ਇਬਰਾਹਿਮ ਅਲ-ਜਨਬੀ ਵਜੋਂ ਹੋਈ ਹੈ, ਜੋ ਅਤਿਵਾਦੀਆਂ ਦੀ ਭਰਤੀ ਕਰਦਾ ਸੀ। ਯੂਐਸ ਸੈਂਟਰਲ ਕਮਾਂਡ ਨੇ ਕਿਹਾ ਕਿ ਉਸ ਦੀ ਮੌਤ ਨਾਲ ਅਤਿਵਾਦੀ ਹਮਲੇ ਕਰਨ ਦੀ ਆਈਐਸਆਈਐਸ ਦੀ ਸਮਰੱਥਾ ਵਿਚ ਰੁਕਾਵਟ ਆਵੇਗੀ।
ਐਕਸ 'ਤੇ ਸਾਂਝੇ ਕੀਤੇ ਗਏ ਇਕ ਬਿਆਨ ਵਿਚ, ਯੂਐਸ ਸੈਂਟਰਲ ਕਮਾਨ ਨੇ ਕਿਹਾ ਕਿ ਸੀਰੀਆ ਵਿਚ ਯੂਐਸ ਸੈਂਟਰਲ ਕਮਾਂਡ ਦੇ ਹਵਾਈ ਹਮਲੇ ਵਿਚ ਆਈਐਸਆਈਐਸ ਦਾ ਇਕ ਸੀਨੀਅਰ ਅਧਿਕਾਰੀ ਮਾਰਿਆ ਗਿਆ। 16 ਜੂਨ ਨੂੰ, ਯੂਐਸ ਸੈਂਟਰਲ ਕਮਾਂਡ ਨੇ ਸੀਰੀਆ ਵਿਚ ਇਕ ਹਵਾਈ ਹਮਲਾ ਕੀਤਾ, ਜਿਸ ਵਿਚ ਆਈਐਸਆਈਐਸ ਦੇ ਇਕ ਸੀਨੀਅਰ ਅਧਿਕਾਰੀ ਉਸਾਮਾ ਜਮਾਲ ਮੁਹੰਮਦ ਇਬਰਾਹਿਮ ਅਲ-ਜਨਬੀ ਦੀ ਮੌਤ ਹੋ ਗਈ।
ਸੀਐਨਐਨ ਦੀ ਰਿਪੋਰਟ ਮੁਤਾਬਕ ਅਮਰੀਕੀ ਫੌਜ ਅਫਰੀਕਾ ਅਤੇ ਮੱਧ ਪੂਰਬ ਵਿਚ ਆਈਐਸਆਈਐਸ ਦੇ ਦਹਿਸ਼ਤਗਰਦਾਂ ਨੂੰ ਨਿਸ਼ਾਨਾ ਬਣਾ ਰਹੀ ਹੈ। ਸੀਐਨਐਨ ਨੇ ਯੂਐਸ ਅਫ਼ਰੀਕਾ ਕਮਾਂਡ ਦੇ ਹਵਾਲੇ ਨਾਲ ਰਿਪੋਰਟ ਕੀਤੀ ਸੀ ਕਿ ਲਗਭਗ ਤਿੰਨ ਹਫ਼ਤੇ ਪਹਿਲਾਂ, ਸੋਮਾਲੀਆ ਵਿਚ ਧਾਰਦਾਰ ਦੇ ਨੇੜੇ ਇਕ ਦੂਰ-ਦੁਰਾਡੇ ਦੇ ਖੇਤਰ ਵਿਚ ਇਕ ਹਵਾਈ ਹਮਲੇ ਵਿਚ ਤਿੰਨ ਆਈਐਸਆਈਐਸ ਅਤਿਵਾਦੀਆਂ ਦੇ ਮਾਰੇ ਜਾਣ ਦੀ ਖਬਰ ਹੈ।
ਜਨਵਰੀ ਤੋਂ ਮਾਰਚ ਤੱਕ, ਸੈਂਟਕਾਮ ਅਤੇ ਇਸ ਦੇ ਸਹਿਯੋਗੀਆਂ ਨੇ ਕਥਿਤ ਤੌਰ 'ਤੇ ਸੀਰੀਆ ਵਿਚ ਸੱਤ ਆਈਐਸਆਈਐਸ ਕਾਰਕੁਨਾਂ ਨੂੰ ਮਾਰਿਆ ਅਤੇ 27 ਹੋਰਾਂ ਨੂੰ ਹਿਰਾਸਤ ਵਿਚ ਲਿਆ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਇਸੇ ਦੌਰਾਨ ਇਰਾਕ 'ਚ 11 ਅਤਿਵਾਦੀ ਮਾਰੇ ਗਏ ਅਤੇ 36 ਲੋਕਾਂ ਨੂੰ ਹਿਰਾਸਤ 'ਚ ਲਿਆ ਗਿਆ।
(For more Punjabi news apart from US Army says it killed senior ISIS official in Syria, stay tuned to Rozana Spokesman)
