ਬੰਗਲਾਦੇਸ਼ ਦੀ ਰਾਜਧਾਨੀ ਢਾਕਾ ਦੇ ਇਕ ਪੁਰਾਣੇ ਇਲਾਕੇ ਵਿਚ ਚੱਲਦੇ ਕੈਮੀਕਲ ਗੁਦਾਮਾਂ ਦੇ ਰੂਪ ਵਰਤੇ ਜਾਣ ਲੇ ਇਕ ਅਪਾਰਟਮੈਂਟ ਵਿਚ ਭਿਆਨਕ ਅੱਗ ਲੱਗ ਗਈ....
ਢਾਕਾ (ਪੀਟੀਆਈ) : ਬੰਗਲਾਦੇਸ਼ ਦੀ ਰਾਜਧਾਨੀ ਢਾਕਾ ਦੇ ਇਕ ਪੁਰਾਣੇ ਇਲਾਕੇ ਵਿਚ ਚੱਲਦੇ ਕੈਮੀਕਲ ਗੁਦਾਮਾਂ ਦੇ ਰੂਪ ਵਰਤੇ ਜਾਣ ਲੇ ਇਕ ਅਪਾਰਟਮੈਂਟ ਵਿਚ ਭਿਆਨਕ ਅੱਗ ਲੱਗ ਗਈ, ਇਸ ਕਾਰਨ ਘੱਟ ਤੋਂ ਘੱਟ 69 ਲੋਕਾਂ ਦੇ ਮਾਰੇ ਜਾਣ ਦੀ ਖ਼ਬਰ ਹੈ। ਬੰਗਲਾਦੇਸ਼ ਦੇ ਫਾਇਰ ਫਾਈਟਰਜ਼ ਵਿਭਾਗ ਦੇ ਮੁਖੀ ਨੇ ਦੱਸਿਆ ਕਿ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਅਤੇ ਅਧਿਕਾਰੀਆਂ ਨੂੰ ਇਮਾਰਤ ਅੰਦਰੋਂ ਕਈ ਲਾਸ਼ਾਂ ਮਿਲੀਆਂ ਹਨ।
Fire
ਅੱਗ ਦੀਆਂ ਲਪਟਾਂ ਸਾਰੀ ਇਮਾਰਤ ਤੱਕ ਫ਼ੈਲ ਗਈਆਂ ਹਨ। ਇਨ੍ਹਾਂ ਇਮਾਰਤਾਂ ਵਿਚ ਪਲਾਸਟਿਕ ਦੇ ਦਾਣੇ ਅਤੇ ਬਾਡੀ ਸਪ੍ਰੇਅ ਰੱਖੇ ਜਾਂਦੇ ਸਨ, ਇਸ ਤੋਂ ਇਲਾਵਾ ਰਸਾਇਣਿਕ ਗੁਦਾਮਾਂ ਦੇ ਰੂਪ ਵਿਚ ਵੀ ਇਨ੍ਹਾਂ ਨੂੰ ਵਰਤਿਆਂ ਜਾਂਦਾ ਹੈ। ਅਧਿਕਾਰੀਆਂ ਨੇ ਕਿਹਾ, ਜਦ ਅੱਗ ਲੱਗੀ ਤਾਂ ਟ੍ਰੈਫਿਕ ਜਾਮ ਲੱਗਾ ਹੋਇਆ ਸੀ, ਇਸ ਲਈ ਲੋਕ ਭੱਜ ਵੀ ਨਹੀਂ ਸਕੇ। ਜਿਸ ਥਾਂ ਅੱਗ ਲੱਗੀ ਉੱਥੇ ਗਲੀਆਂ ਬਹੁਤ ਹੀ ਤੰਗ ਹਨ।
Fire
ਇਕ ਹੋਰ ਵਿਅਕਤੀ ਨੇ ਦੱਸਿਆ ਕਿ ਗੁਦਾਮਾਂ ਚ ਬੁੱਧਵਾਰ ਰਾਤ ਨੂੰ 10.40 ਵਜੇ ਲੱਗੀ। ਅੱਗ ‘ਤੇ ਕਾਬੂ ਪਾ ਲਿਆ ਗਿਆ ਹੈ ਪਰ 200 ਤੋਂ ਵਧੇਰੇ ਫਾਇਰ ਫਾਈਟਰਜ਼ ਦੇ ਅਥੱਕ ਕੋਸ਼ਿਸ਼ਾਂ ਦੇ ਬਾਵਜੂਦ ਅੱਗ ਨਹੀਂ ਬੁਝ ਸਕੀ। ਉਨ੍ਹਾਂ ਨੇ ਕਿਹਾ ਕਿ ਇਸ ‘ਚ ਸਮਾ ਲੱਗੇਗਾ। ਉਨ੍ਹਾਂ ਕਿਹਾ ਕਿ ਗੁਦਾਮਾਂ ਵਿਚ ਰੱਖੇ ਹੋਏ ਜਲਣਸ਼ੀਲ ਪਦਾਰਥਾਂ ਕਾਰਨ ਅੱਗ ਨੇ ਇਨ੍ਹਾਂ ਭਿਆਨਕ ਰੂਪ ਲੈ ਲਿਆ ਹੈ ਕਿ ਇਸ ਨੂੰ ਬੁਝਾਉਣ ਵਿਚ ਕਾਫ਼ੀ ਸਮਾਂ ਲੱਗੇਗਾ।
Fire
ਢਾਕਾ ਮੈਡੀਕਲ ਕਾਲਜ ਹਸਪਤਾਲ ਵਿਚ ਇਕ ਪੁਲਿਸ ਜਾਂਚ ਅਧਿਕਾਰੀ ਨੇ ਦੱਸਿਆ ਕਿ ਘੱਟ ਤੋਂ ਘੱਟ 69 ਲੋਕਾਂ ਦੀਆਂ ਲਾਸ਼ਾਂ ਕੱਢੀਆਂ ਗਈਆਂ ਹਨ। ਜ਼ਿਕਰਯੋਗ ਹੈ ਕਿ ਸਾਲ 2010 ਵਿਚ ਅੱਗ ਦੀ ਅਜਿਹੀ ਹੀ ਘਟਨਾ ਇਕ ਪੁਰਾਣੀ ਇਮਾਰਤ ਵਿਚ ਵਾਪਰੀ ਸੀ, ਜਿਸ ਵਿਚ 120 ਤੋਂ ਵਧੇਰੇ ਲੋਕ ਮਾਰੇ ਗਏ ਸਨ।
