ਐਂਬੂਲੈਂਸ ਦੇ ਪਿੱਛੇ-ਪਿੱਛੇ ਹਸਪਤਾਲ ਪਹੁੰਚਿਆ ਕੁੱਤਾ
ਇਸਤਾਂਬੁਲ: ਤੁਸੀਂ ਮਨੁੱਖ ਦੀ ਕੁੱਤੇ ਨਾਲ ਦੋਸਤੀ ਅਤੇ ਕੁੱਤਿਆਂ ਦੀ ਵਫ਼ਾਦਾਰੀ ਨਾਲ ਜੁੜੀਆਂ ਕਈ ਕਹਾਣੀਆਂ ਸੁਣੀਆਂ ਹੋਣਗੀਆਂ, ਪਰ ਤੁਰਕੀ ਦੇ ਇਸਤਾਂਬੁਲ ਵਿੱਚ ਕੁੱਤੇ ਦੀ ਵਫ਼ਾਦਾਰੀ ਦੀ ਇੱਕ ਅਨੌਖੀ ਘਟਨਾ ਸਾਹਮਣੇ ਆਈ ਹੈ। ਦਰਅਸਲ, ਇਥੇ ਇਕ ਕੁੱਤਾ ਆਪਣੀ ਗੰਭੀਰ ਰੂਪ ਵਿਚ ਬੀਮਾਰ ਮਾਲਕਣ ਨੂੰ ਦੇਖਣ ਲਈ ਕਈ ਦਿਨਾਂ ਤੋਂ ਹਸਪਤਾਲ ਦੇ ਬਾਹਰ ਇੰਤਜ਼ਾਰ ਕਰਦਾ ਰਿਹਾ।
Dog loyalty
ਮਹੱਤਵਪੂਰਨ ਗੱਲ ਇਹ ਹੈ ਕਿ ਕੁੱਤੇ ਨੂੰ ਉਸਦੀ ਮਾਲਕਣ ਨੂੰ ਮਿਲਣ ਦੀ ਇੱਛਾ, ਹਸਪਤਾਲ ਖਿੱਚ ਕੇ ਲੈ ਆਈ। ਇਹ ਕੁੱਤਾ ਪੂਰੀ ਤਰ੍ਹਾਂ ਆਪਣੀ ਮਾਲਕਣ ਲਈ ਸਮਰਪਤ ਹੈ। ਇਸ ਕਾਰਨ ਕਰਕੇ, ਕੁੱਤੇ ਨੇ ਆਪਣੀ ਮਾਲਕਣ ਦੀ ਉਡੀਕ ਵਿਚ ਹਸਪਤਾਲ ਦੇ ਬਾਹਰ ਕਈ ਦਿਨ ਬਿਤਾਏ।
pet dog
ਐਂਬੂਲੈਂਸ ਦੇ ਪਿੱਛੇ-ਪਿੱਛੇ ਹਸਪਤਾਲ ਪਹੁੰਚਿਆ ਕੁੱਤਾ
ਜਦੋਂ ਐਂਬੂਲੈਂਸ ਕੁੱਤੇ ਦੀ ਮਾਲਕਣ ਨੂੰ ਇਲਾਜ ਲਈ ਹਸਪਤਾਲ ਲੈ ਕੇ ਆ ਰਹੀ ਸੀ ਤਾਂ ਕੁੱਤਾ ਐਂਬੂਲੈਂਸ ਦੇ ਪਿੱਛੇ- ਪਿੱਛੇ ਹਸਪਤਾਲ ਪਹੁੰਚਿਆ। ਇਸ ਤੋਂ ਬਾਅਦ, ਤੁਰਕੀ ਦੇ ਇਸਤਾਂਬੁਲ ਵਿੱਚ ਲਗਾਤਾਰ ਕਈ ਦਿਨ ਕੁੱਤਾ ਹਸਪਤਾਲ ਦੇ ਗੇਟ ਦੇ ਕੋਲ ਬੈਠਾ ਅਤੇ ਆਪਣੀ ਮਾਲਕਣ ਦੇ ਬਾਹਰ ਆਉਣ ਦਾ ਇੰਤਜ਼ਾਰ ਕਰਦਾ ਰਿਹਾ। ਇਸ ਦੌਰਾਨ ਬੀਮਾਰ ਔਰਤ ਦੀ ਧੀ ਕੁੱਤੇ ਨੂੰ ਇਕ ਵਾਰ ਆਪਣੇ ਘਰ ਲੈ ਗਈ ਸੀ, ਪਰ ਕੁੱਤਾ ਭੱਜ ਕੇ ਹਸਪਤਾਲ ਪਹੁੰਚ ਗਿਆ।
ਸਵੇਰ ਤੋਂ ਰਾਤ ਤੱਕ ਮਾਲਕਣ ਦੀ ਉਡੀਕ ਕਰਦਾ ਰਿਹਾ
ਸੁਰੱਖਿਆ ਗਾਰਡ ਨੇ ਦੱਸਿਆ ਕਿ ਕੁੱਤਾ ਹਰ ਰੋਜ਼ ਸਵੇਰੇ 9 ਵਜੇ ਹਸਪਤਾਲ ਦੇ ਗੇਟ ਨੇੜੇ ਆਉਂਦਾ ਸੀ ਅਤੇ ਦੇਰ ਰਾਤ ਤੱਕ ਇਥੇ ਆਪਣੀ ਮਾਲਕਣ ਦਾ ਇੰਤਜ਼ਾਰ ਕਰਦਾ ਰਹਿੰਦਾ ਸੀ।
