ਦੁਨੀਆ ਭਰ ਵਿਚ ਉਮੀਦ ਸੀ ਕਿ ਆਕਸਫੋਰਡ ਯੂਨੀਵਰਸਿਟੀ ਵੱਲੋਂ ਬਣਾਈ ਗਈ ਕੋਰੋਨਾ ਵਾਇਰਸ ਦੀ ਵੈਕਸੀਨ ਦਸੰਬਰ ਦੇ ਅਖੀਰ ਤੱਕ ਬਜ਼ਾਰ ਵਿਚ ਆ ਜਾਵੇਗੀ।
ਨਵੀਂ ਦਿੱਲੀ: ਦੁਨੀਆ ਭਰ ਵਿਚ ਉਮੀਦ ਸੀ ਕਿ ਆਕਸਫੋਰਡ ਯੂਨੀਵਰਸਿਟੀ ਵੱਲੋਂ ਬਣਾਈ ਗਈ ਕੋਰੋਨਾ ਵਾਇਰਸ ਦੀ ਵੈਕਸੀਨ ਦਸੰਬਰ ਦੇ ਅਖੀਰ ਤੱਕ ਬਜ਼ਾਰ ਵਿਚ ਆ ਜਾਵੇਗੀ। ਪਰ ਵਿਸ਼ਵ ਸਿਹਤ ਸੰਗਠਨ ਨੇ ਇਹਨਾਂ ਉਮੀਦਾਂ ‘ਤੇ ਪਾਣੀ ਫੇਰ ਦਿੱਤਾ ਹੈ। ਵਿਸ਼ਵ ਸਿਹਤ ਸੰਗਠਨ ਦੇ ਸੀਨੀਅਰ ਅਧਿਕਾਰੀ ਮਾਈਕ ਰਿਆਨ ਨੇ ਕਿਹਾ ਕਿ ਕਿਸੇ ਵੀ ਵੈਕਸੀਨ ਦੀ ਪਹਿਲੀ ਵਰਤੋਂ ਸਾਲ 2021 ਦੇ ਸ਼ੁਰੂਆਤੀ ਮਹੀਨਿਆਂ ਵਿਚ ਵੀ ਸੰਭਵ ਹੈ।
Corona Vaccine
ਵਿਸ਼ਵ ਸਿਹਤ ਸੰਗਠਨ ਨੇ ਕਿਹਾ ਹੈ ਕਿ ਇਸ ਸਾਲ ਦੇ ਅਖੀਰ ਤੱਕ ਕੋਰੋਨਾ ਵਾਇਰਸ ਦੀ ਕੋਈ ਵੈਕਸੀਨ ਨਹੀਂ ਮਿਲੇਗੀ। ਲੋਕਾਂ ਨੂੰ ਉਮੀਦ ਸੀ ਕਿ ਆਕਸਫੋਰਡ ਯੂਨੀਵਰਸਿਟੀ ਦੀ ਵੈਕਸੀਨ ਦਸੰਬਰ ਤੱਕ ਮਿਲ ਜਾਵੇਗੀ ਪਰ ਅਜਿਹਾ ਨਹੀਂ ਹੋਵੇਗਾ। ਮੀਡੀਆ ਰਿਪੋਰਟ ਮੁਤਾਬਕ ਆਕਸਫੋਰਡ ਯੂਨੀਵਰਸਿਟੀ ਦੀ ਵੈਕਸੀਨ ਨਾਲ ਯੂਰੋਪ, ਅਮਰੀਕਾ, ਮੈਕਸੀਕੋ ਅਤੇ ਰੂਸ ਨੂੰ ਸਭ ਤੋਂ ਜ਼ਿਆਦਾ ਉਮੀਦਾਂ ਸੀ।
WHO
ਵਿਸ਼ਵ ਸਿਹਤ ਸੰਗਠਨ ਦੇ ਐਮਰਜੈਂਸੀ ਪ੍ਰੋਗਰਾਮ ਦੇ ਮੁਖੀ ਨੇ ਕਿਹਾ ਕਿ ਦੁਨੀਆ ਭਰ ਦੇ ਖੋਜਕਰਤਾ ਬਹੁਤ ਤੇਜ਼ੀ ਨਾਲ ਕੰਮ ਕਰ ਰਹੇ ਹਨ ਤਾਂ ਜੋ ਵੈਕਸੀਨ ਬਣਾਈ ਜਾ ਸਕੇ ਪਰ ਬਜ਼ਾਰ ਵਿਚ ਵੈਕਸੀਨ ਇਸ ਸਾਲ ਦੇ ਅਖੀਰ ਤੱਕ ਨਹੀਂ ਆ ਸਕੇਗੀ।
WHO
ਮਾਈਕ ਇਸ ਸਮੇਂ ਵਿਸ਼ਵ ਸਿਹਤ ਸੰਗਠਨ ਦੀ ਉਸ ਟੀਮ ਦੇ ਮੁਖੀ ਹਨ ਜੋ ਇਹ ਦੇਖੇਗੀ ਕਿ ਦੁਨੀਆ ਦੇ ਸਾਰੇ ਦੇਸ਼ਾਂ ਨੂੰ ਸਹੀ ਸਮੇਂ ‘ਤੇ ਸਹੀ ਮਾਤਰਾ ਵਿਚ ਵੈਕਸੀਨ ਮਿਲੇ। ਮਾਈਕ ਨੇ ਕਿਹਾ ਕਿ ਸੰਗਠਨ ਇਹ ਕੋਸ਼ਿਸ਼ ਕਰੇਗਾ ਕਿ ਸਾਰਿਆਂ ਨੂੰ ਸਹੀ ਸਮੇਂ ‘ਤੇ ਸਹੀ ਮਾਤਰਾ ਵਿਚ ਵੈਕਸੀਨ ਮਿਲੇ।
