ਓਏਨ ਨੇ ਦੂਜਿਆਂ ਦੀ ਮਦਦ ਦੀ ਬੇਹਤਰੀਨ ਮਿਸਾਲ ਕੀਤੀ ਕਾਇਮ
ਵਾਸ਼ਿੰਗਟਨ- ਆਸਟ੍ਰੇਲੀਆ ਦੇ ਜੰਗਲਾਂ ਵਿਚ ਲੱਗੀ ਅੱਗ ਨਾਲ ਪ੍ਰਭਾਵਿਤ ਜਾਨਵਰਾਂ ਦੀ ਮਦਦ ਲਈ ਅਮਰੀਕਾ ਦੇ ਸ਼ਹਿਰ ਮੈਸਾਚੁਸੇਟਸ ਦੇ ਇਕ 6 ਸਾਲਾ ਬੱਚੇ ਨੇ ਹੁਣ ਤੱਕ 2.5 ਲੱਖ ਡਾਲਰ (ਕਰੀਬ 1.75 ਕਰੋੜ ਰੁਪਏ) ਦੀ ਰਾਸ਼ੀ ਜੁਟਾਈ ਹੈ। ਇਹ ਰਾਸ਼ੀ ਜੁਟਾਉਣ ਲਈ 6 ਸਾਲਾ ਓਏਨ ਕੌਲੀ ਨੇ ਆਪਣੇ ਹੱਥਾਂ ਨਾਲ ਮਿੱਟੀ ਦੇ ਬਰਤਨ ਬਣਾਏ। ਅਜਿਹਾ ਕਰ ਕੇ ਓਏਨ ਨੇ ਦੂਜਿਆਂ ਦੀ ਮਦਦ ਦੀ ਬੇਹਤਰੀਨ ਮਿਸਾਲ ਕਾਇਮ ਕੀਤੀ ਹੈ।
File
ਓਏਨ ਦੇ ਪਿਤਾ ਸਾਈਮਨ ਨੇ ਦੱਸਿਆ,''ਮੇਰੀ ਪਤਨੀ ਕੈਟਲਿਨ ਨੇ ਓਏਨ ਨੂੰ ਆਸਟ੍ਰੇਲੀਆ ਦੇ ਜੰਗਲਾਂ ਵਿਚ ਲੱਗੀ ਅੱਗ ਦੇ ਬਾਰੇ ਵਿਚ ਦੱਸਿਆ ਅਤੇ ਕਿਹਾ ਕਿ ਹਾਲੇ ਉੱਥੇ ਜਾਣ ਦਾ ਸਹੀ ਸਮਾਂ ਨਹੀਂ ਹੈ।'' ਉਦੋਂ ਓਏਨ ਨੂੰ ਆਸਟ੍ਰੇਲੀਆ ਵਿਚ ਜੰਗਲੀ ਅੱਗ ਨਾਲ ਭਾਰੀ ਗਿਣਤੀ ਵਿਚ ਜਾਨਵਰਾਂ ਦੇ ਪ੍ਰਭਾਵਿਤ ਹੋਣ ਬਾਰੇ ਪਤਾ ਚੱਲਿਆ। ਇਹ ਜਾਣ ਕੇ ਓਏਨ ਕਾਫੀ ਸਮਾਂ ਉਦਾਸ ਰਿਹਾ।
File
ਮਾਂ ਕੈਟਲਿਨ ਨੇ ਓਏਨ ਨੂੰ ਬਾਅਦ ਵਿਚ ਕੰਗਾਰੂਆਂ ਸਮੇਤ ਕੁਝ ਜਾਨਵਰਾਂ ਦੀਆਂ ਮੀਂਹ ਵਿਚ ਭਿੱਜਦੀਆਂ ਤਸਵੀਰਾਂ ਬਣਾਈਆਂ ਅਤੇ ਕਿਹਾ ਕਿ ਉਹ ਆਸਟ੍ਰੇਲੀਆ ਵਿਚ ਕੁਝ ਅਜਿਹਾ ਹੀ ਦੇਖਣਾ ਚਾਹੁੰਦੇ ਹਨ। ਕੈਟਲਿਨ ਨੇ ਓਏਨ ਨੂੰ ਪੁੱਛਿਆ ਕੀ ਉਹ ਜਾਨਵਰਾਂ ਦੀ ਮਦਦ ਕਰਨੀ ਚਾਹੁੰਦਾ ਹੈ ਤਾਂ ਉਸ ਦਾ ਜਵਾਬ ਹਾਂ ਸੀ। ਇੱਥੇ ਦੱਸ ਦਈਏ ਕਿ ਓਵੇਨ ਅਮਰੀਕੀ ਹੈ ਅਤੇ ਮੈਸਾਚੁਸੇਟਸ ਵਿਚ ਰਹਿੰਦਾ ਹੈ।
File
ਉਸ ਦੇ ਪਿਤਾ ਸਾਈਮਨ ਸਿਡਨੀ ਵਿਚ ਵੱਡੇ ਹੋਏ ਅਤੇ ਪਰਿਵਾਰ ਕੁਝ ਮਹੀਨਿਆ ਲਈ ਆਸਟ੍ਰੇਲੀਆ ਵਿਚ ਵੀ ਰਿਹਾ। ਉਦੋਂ ਓਵੇਨ ਛੋਟਾ ਸੀ। ਇਸ ਮਗਰੋਂ ਪਰਿਵਾਰ ਨੇ ਓਏਨ ਦੀ ਕਲਾਕਾਰੀ ਨਾਲ ਪੈਸੇ ਇਕੱਠੇ ਕਰਨ ਦੀ ਸੋਚੀ। ਉਹਨਾਂ ਨੇ ਓਏਨ ਨੂੰ ਮਿੱਟੀ ਦੇ ਛੋਟੇ-ਛੋਟੇ ਖਿਡੌਣੇ ਬਣਾਉਣ ਲਈ ਕਿਹਾ। ਇਹਨਾਂ ਖਿਡੋਣਿਆਂ ਨੂੰ ਮਾਤਾ-ਪਿਤਾ ਨੇ ਆਪਣੇ ਰਿਸ਼ਤੇਦਾਰਾਂ, ਦੋਸਤਾਂ ਅਤੇ ਜਾਣ-ਪਛਾਣ ਵਾਲਿਆਂ ਨੂੰ ਵੇਚ ਦਿੱਤਾ।
File
ਤਾਂ ਜੋ ਇਸ ਨਾਲ ਮਿਲੀ ਰਾਸ਼ੀ ਆਸਟ੍ਰੇਲੀਆ ਸਥਿਤ ਕਿਸੇ ਸੰਸਥਾ ਨੂੰ ਦਿੱਤੀ ਜਾ ਸਕੇ। ਉਹਨਾਂ ਨੇ ਪਹਿਲੇ 100 ਖਿਡੌਣੇ ਬਣਾ ਕੇ 1 ਹਜ਼ਾਰ ਡਾਲਰ (ਕਰੀਬ 70 ਹਜ਼ਾਰ ਰੁਪਏ) ਜੁਟਾਉਣ ਦਾ ਟੀਚਾ ਰੱਖਿਆ ਪਰ ਜਦੋਂ ਇਕ ਸਥਾਨਕ ਅਖਬਾਰ ਨੂੰ ਇਸ ਪਹਿਲ ਬਾਰੇ ਪਤਾ ਚੱਲਿਆ ਤਾਂ ਉਸ ਨੇ ਇਸ ਦਾ ਪ੍ਰਚਾਰ ਕਰਨ ਦੀ ਯੋਜਨਾ ਬਣਾਈ।
File
ਇਸ ਗੱਲ ਨਾਲ ਉਤਸ਼ਾਹਿਤ ਕੌਲੀ ਪਰਿਵਾਰ ਨੇ ਗੋ ਫੰਡ ਮੀ ਨਾਮ ਨਾਲ ਇਕ ਵੈਬਪੇਜ ਬਣਾਇਆ ਅਤੇ 5 ਹਜ਼ਾਰ ਡਾਲਰ (3.5 ਲੱਖ ਰੁਪਏ) ਇਕੱਠੇ ਕਰਨ ਦਾ ਟੀਚਾ ਮਿਥਿਆ। ਭਾਵੇਂਕਿ ਹੁਣ ਤੱਕ ਉਹ ਕਰੀਬ 1.75 ਕਰੋੜ ਰੁਪਏ ਦੀ ਰਾਸ਼ੀ ਇਕੱਠੀ ਕਰ ਚੁੱਕੇ ਹਨ।
