ਫ਼ਰਾਂਸ ਦੇ ਗ੍ਰਹਿ ਮੰਤਰੀ ਨੇ ਵੀ ਇਸ ਘਟਨਾ ਦੀ ਪੁਸ਼ਟੀ ਕਰਦਿਆਂ ਲੋਕਾਂ ਨੂੰ ਸ਼ਾਂਤੀ ਬਣਾਏ ਰੱਖਣ ਦੀ ਅਪੀਲ ਕੀਤੀ ਹੈ।
ਫ਼ਰਾਂਸ ਦੇ ਟੂਲੋ ਸ਼ਹਿਰ ਵਿਚ ਸ਼ੁਕਰਵਾਰ ਨੂੰ ਗੋਲੀਬਾਰੀ ਦੀਆਂ ਦੋ ਵੱਖ-ਵੱਖ ਘਟਨਾਵਾਂ ਵਾਪਰੀਆਂ। ਪਹਿਲੀ ਘਟਨਾ ਸ਼ਹਿਰ ਦੇ ਕਾਰਕਾਸੋਨ ਇਲਾਕੇ 'ਚ ਹੋਈ, ਜਿਥੇ ਇਕ ਬੰਦੂਕਧਾਰੀ ਹਮਲਾਵਰ ਨੇ ਇਕ ਪੁਲਿਸ ਵਾਲੇ ਨੂੰ ਗੋਲੀ ਮਾਰ ਦਿਤੀ।ਦੂਜੀ ਘਟਨਾ ਟ੍ਰੇਬੇਸ ਇਲਾਕੇ 'ਚ ਹੋਈ। ਇਥੇ ਹਮਲਾਵਰ ਨੇ ਇਕ ਸੁਪਰ ਮਾਰਕੀਟ 'ਚ ਗੋਲੀਬਾਰੀ ਕੀਤੀ। ਇਸ 'ਚ ਦੋ ਲੋਕਾਂ ਦੀ ਮੌਤ ਹੋ ਗਈ। ਉਥੇ ਹੀ ਕੁਝ ਲੋਕਾਂ ਨੂੰ ਬੰਦੀ ਬਣਾ ਲਿਆ ਗਿਆ। ਅਤਿਵਾਦੀ ਸੰਗਠਨ ਆਈ.ਐਸ.ਆਈ.ਐਸ. ਨੇ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ। ਫ਼ਰਾਂਸ ਦੇ ਗ੍ਰਹਿ ਮੰਤਰੀ ਨੇ ਵੀ ਇਸ ਘਟਨਾ ਦੀ ਪੁਸ਼ਟੀ ਕਰਦਿਆਂ ਲੋਕਾਂ ਨੂੰ ਸ਼ਾਂਤੀ ਬਣਾਏ ਰੱਖਣ ਦੀ ਅਪੀਲ ਕੀਤੀ ਹੈ।
Terrorist attack in France
ਮੀਡੀਆ ਰੀਪੋਰਟ ਮੁਤਾਬਕ ਸੁਪਰ ਮਾਰਕੀਟ 'ਚ ਹੋਏ ਅਤਿਵਾਦੀ ਹਮਲੇ ਵਿਚ 12 ਲੋਕ ਜ਼ਖ਼ਮੀ ਹੋ ਗਏ। ਪੁਲਿਸ ਨੇ ਸੁਪਰ ਮਾਰਕੀਟ ਦੀ ਘੇਰਾਬੰਦੀ ਕਰ ਦਿਤੀ। ਹਮਲਾਵਾਰ ਸ਼ੁਕਰਵਾਰ ਸਵੇਰੇ ਲਗਭਗੇ 11:15 ਵਜੇ ਟ੍ਰੇਬੇਸ ਦੇ ਸੁਪਰ ਮਾਰਕੀਟ 'ਚ ਦਾਖ਼ਲ ਹੋਇਆ ਸੀ। ਜ਼ਿਕਰਯੋਗ ਹੈ ਕਿ ਫ਼ਰਾਂਸ ਸੀਰੀਆ ਅਤੇ ਇਰਾਕ 'ਚ ਅਮਰੀਕੀ ਫ਼ੌਜ ਦਾ ਸਾਥ ਦਿੰਦਾ ਰਿਹਾ ਹੈ। ਇਸ ਲਈ ਆਈ.ਐਸ.ਆਈ.ਐਸ. ਉਸ ਨੂੰ ਨਿਸ਼ਾਨਾ ਬਣਾ ਰਿਹਾ ਹੈ।ਅਮਰੀਕੀ ਅਗਵਾਈ ਵਾਲੀ ਫ਼ੌਜ ਨੂੰ ਫ਼ਰਾਂਸ ਦੀ ਫ਼ੌਜ ਵੀ ਅਤਿਵਾਦ ਵਿਰੁਧ ਲੜਾਈ ਲੜਨ 'ਚ ਸਹਿਯੋਗ ਦੇ ਰਹੀ ਹੈ। ਫ਼ਰਾਂਸ ਸੀਰੀਆ ਤੇ ਈਰਾਕ ਵਿਚ ਹੀ ਨਹੀਂ, ਮਾਲੀ ਤੇ ਲੀਬੀਆ 'ਚ ਵੀ ਅਮਰੀਕੀ ਫ਼ੌਜ ਦਾ ਸਾਥ ਦੇ ਚੁੱਕਾ ਹੈ। ਪੂਰੇ ਯੂਰਪ 'ਚ ਫ਼ਰਾਂਸ ਵਿਚ ਹੀ ਸੱਭ ਤੋਂ ਵੱਧ ਮੁਸਲਮਾਨ ਰਹਿੰਦੇ ਹਨ। ਅਜਿਹੇ 'ਚ ਆਈ.ਐਸ. ਇਥੇ ਅਪਣਾ ਸਲੀਪਰ ਸੈਲ ਆਸਾਨੀ ਨਾਲ ਸਰਗਰਮ ਕਰ ਲੈਂਦਾ ਹੈ। (ਪੀਟੀਆਈ)
