'ਕੰਪਨੀ ਉਸ ਨੂੰ 20 ਸਾਲਾਂ ਤੋਂ ਬਿਨਾਂ ਕੋਈ ਕੰਮ ਦਿੱਤੇ ਮੋਟੀ ਤਨਖਾਹ ਦੇ ਰਹੀ ਹੈ'
French Woman salary without work : ਸੈਲਰੀ ਦਾ ਇੰਤਜ਼ਾਰ ਹਰ ਕਿਸੇ ਨੂੰ ਹੁੰਦਾ ਹੈ। ਕੰਮ ਤੋਂ ਬਾਅਦ ਜਦੋਂ ਮਹੀਨੇ ਦੇ ਅੰਤ ਵਿੱਚ ਸੈਲਰੀ ਆਉਂਦੀ ਹੈ ਤਾਂ ਲੋਕ ਸਾਰੀ ਟੈਨਸ਼ਨ ਭੁੱਲ ਜਾਂਦੇ ਹਨ ਪਰ ਅਜਿਹਾ ਕੋਈ ਨਹੀਂ ਹੋਵੇਗਾ ,ਜਿਸਨੂੰ ਬਿਨਾਂ ਕੰਮ ਤੋਂ ਸੈਲਰੀ ਮਿਲਦੀ ਹੋਵੇ। ਹਾਲਾਂਕਿ ਅਜਿਹਾ ਹੀ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਕ ਫਰਾਂਸੀਸੀ ਔਰਤ ਨੇ ਦੂਰਸੰਚਾਰ ਦਿੱਗਜ ਔਰੇਂਜ ਦੇ ਖਿਲਾਫ ਇੱਕ ਹੈਰਾਨ ਕਰਨ ਵਾਲਾ ਮੁਕੱਦਮਾ ਦਾਇਰ ਕੀਤਾ ਹੈ।
ਦਰਅਸਲ ਔਰਤ ਨੇ ਕੰਪਨੀ 'ਤੇ ਦੋਸ਼ ਲਗਾਇਆ ਕਿ ਕੰਪਨੀ ਨੇ ਉਸ ਨੂੰ ਕੋਈ ਕੰਮ ਨਹੀਂ ਦਿੱਤਾ। ਕੰਪਨੀ ਉਸ ਨੂੰ 20 ਸਾਲਾਂ ਤੋਂ ਬਿਨਾਂ ਕੋਈ ਕੰਮ ਦਿੱਤੇ ਮੋਟੀ ਤਨਖਾਹ ਦੇ ਰਹੀ ਹੈ। ਜੇਕਰ ਕਿਸੇ ਨੂੰ ਬਿਨਾਂ ਕੰਮ ਕੀਤੇ ਤਨਖਾਹ ਮਿਲਦੀ ਹੈ ਤਾਂ ਕੌਣ ਖੁਸ਼ ਨਹੀਂ ਹੋਵੇਗਾ ਪਰ ਔਰਤ ਨੇ ਇਸ ਨੂੰ ਕੰਪਨੀ ਦੀ ਘਟੀਆ ਕੋਸ਼ਿਸ਼ ਦੱਸਿਆ ਹੈ। ਲਾਰੈਂਸ ਵੈਨ ਵਾਸਨਹੋਵ ਦਾਅਵਾ ਕਰਦਾ ਹੈ ਕਿ ਜਦੋਂ ਉਸਨੇ ਅਪਾਹਜਤਾ ਦੇ ਕਾਰਨ ਟ੍ਰਾਂਸਫਰ ਦੀ ਬੇਨਤੀ ਕੀਤੀ ਤਾਂ ਕੰਪਨੀ ਨੇ ਉਸਨੂੰ ਕਿਸੇ ਵੀ ਯੋਜਨਾ ਵਿੱਚ ਸ਼ਾਮਿਲ ਬੰਦ ਕਰ ਦਿੱਤਾ।
ਕੀ ਹੈ ਪੂਰਾ ਮਾਮਲਾ
ਮਿਰਗੀ ਅਤੇ ਅੰਸ਼ਿਕ ਅਧਰੰਗ ਤੋਂ ਪੀੜਤ ਫਰਾਂਸ ਦੀ ਲਾਰੇਂਸ ਵੈਨ ਵਾਸਨਹੋਵ ਨੇ ਦੱਸਿਆ ਕਿ 1993 ਵਿੱਚ ਫਰਾਂਸ ਟੈਲੀਕਾਮ ਨੇ ਉਸ ਨੂੰ ਨੌਕਰੀ 'ਤੇ ਰੱਖਿਆ ਸੀ। ਉਹ ਅੰਸ਼ਕ ਤੌਰ 'ਤੇ ਅਧਰੰਗ ਦਾ ਸ਼ਿਕਾਰ ਹੈ। ਜਦੋਂ ਔਰੇਂਜ ਨੇ ਫਰਾਂਸ ਟੈਲੀਕਾਮ ਨੂੰ ਹਾਸਲ ਕੀਤਾ, ਓਦੋਂ ਵੀ ਲਾਰੇਂਸ ਦੀ ਨੌਕਰੀ ਜਾਰੀ ਰਹੀ ਪਰ ਕੁਝ ਚੀਜ਼ਾਂ ਪੂਰੀ ਤਰ੍ਹਾਂ ਬਦਲ ਗਈਆਂ ਸਨ।
ਆਪਣੀ ਸਿਹਤ ਸਮੱਸਿਆ ਦੇ ਬਾਵਜੂਦ ਵੈਨ ਵਾਸੇਨਹੋਵ ਨੇ ਸ਼ੁਰੂ ਵਿੱਚ ਕੰਪਨੀ ਵਿੱਚ ਕਈ ਭੂਮਿਕਾਵਾਂ ਨਿਭਾਈਆਂ, ਜਿਸ ਵਿੱਚ HR ਅਤੇ ਸਕੱਤਰ ਤੱਕ ਦੇ ਅਹੁਦੇ ਸ਼ਾਮਲ ਸਨ। 2002 ਵਿੱਚ ਉਸਨੇ ਕਿਸੇ ਹੋਰ ਵਿਭਾਗ ਵਿੱਚ ਸਿਫਟ ਕਰਨ ਦੀ ਬੇਨਤੀ ਕੀਤੀ, ਪਰ ਨਵਾਂ ਰੋਲ ਉਸਦੇ ਲਈ ਠੀਕ ਨਹੀਂ ਸੀ। ਔਰੇਂਜ ਨੇ ਉਸ ਨੂੰ ਕੋਈ ਵੀ ਕੰਮ ਦੇਣਾ ਬੰਦ ਕਰ ਦਿੱਤਾ ਪਰ ਉਸ ਨੂੰ ਪੂਰੀ ਤਨਖਾਹ ਮਿਲਦੀ ਰਹੀ।
ਲਾਰੈਂਸ ਦਾ ਮੰਨਣਾ ਹੈ ਕਿ ਇਹ ਸਭ ਉਸਨੂੰ ਅਧਿਕਾਰਤ ਤੌਰ 'ਤੇ ਨੌਕਰੀ ਤੋਂ ਕੱਢੇ ਬਿਨ੍ਹਾਂ ਨੌਕਰੀ ਛੱਡਣ ਲਈ ਮਜਬੂਰ ਕਰਨ ਦਾ ਇੱਕ ਤਰੀਕਾ ਸੀ। ਉਹ ਹਮੇਸ਼ਾ ਅਲੱਗ-ਥਲੱਗ ਮਹਿਸੂਸ ਕਰਦੀ ਸੀ ਅਤੇ ਕੰਪਨੀ ਦੇ ਇਸ ਵਿਵਹਾਰ ਤੋਂ ਨਾਖੁਸ਼ ਸੀ। ਸਾਲ 2015 ਵਿੱਚ ਉਨ੍ਹਾਂ ਨੇ ਇਸ ਵਿਤਕਰੇ ਵਿਰੁੱਧ ਸੰਘਰਸ਼ ਕਰਨ ਲਈ ਸਰਕਾਰ ਅਤੇ ਉੱਚ ਅਧਿਕਾਰੀਆਂ ਕੋਲ ਮੁੱਦਾ ਰੱਖਿਆ। ਇਸ ਤੋਂ ਬਾਅਦ ਔਰੇਂਜ ਵਿਚੋਲਾ ਲੈ ਇਕ ਆਈ ਪਰ ਸਥਿਤੀ ਵਿਚ ਸੁਧਾਰ ਨਹੀਂ ਹੋਇਆ।
ਲਾਰੈਂਸ ਨੇ ਇਸ ਤਜ਼ਰਬੇ ਨੂੰ ਅਸਹਿ ਦੱਸਦਿਆਂ ਕਿਹਾ ਹੈ ਕਿ ਬਿਨਾਂ ਕਿਸੇ ਕੰਮ ਦੇ ਘਰ ਰਹਿਣ ਲਈ ਤਨਖ਼ਾਹ ਮਿਲਣਾ ਭਾਰੀ ਬੋਝ ਹੈ। ਉਸ ਨੂੰ ਲੱਗਦਾ ਹੈ ਕਿ ਉਸ ਦਾ ਸਮਾਂ ਬਰਬਾਦ ਹੋਇਆ ਅਤੇ ਉਸ ਦੀ ਪੇਸ਼ੇਵਰ ਸਮਰੱਥਾ ਘਟ ਗਈ ਹੈ, ਜਿਸ ਕਾਰਨ ਉਸ ਨੂੰ ਕਾਨੂੰਨ ਦਾ ਸਹਾਰਾ ਲੈਣਾ ਪਿਆ ਹੈ।
