ਘਟਦੀ ਆਬਾਦੀ ਦੀ ਸਮੱਸਿਆ ਨਾਲ ਜੂਝ ਰਹੇ ਜਾਪਾਨ ਵਿਚ ਇਸ ਸਾਲ ਨੌਂ ਲੱਖ ਤੋਂ ਘੱਟ ਬੱਚਿਆਂ ਦਾ ਜਨਮ ਹੋਇਆ...
ਟੋਕੀਓ: ਘਟਦੀ ਆਬਾਦੀ ਦੀ ਸਮੱਸਿਆ ਨਾਲ ਜੂਝ ਰਹੇ ਜਾਪਾਨ ਵਿਚ ਇਸ ਸਾਲ ਨੌਂ ਲੱਖ ਤੋਂ ਘੱਟ ਬੱਚਿਆਂ ਦਾ ਜਨਮ ਹੋਇਆ। ਜਾਪਾਨ ਦੇ ਜਨ ਕਲਿਆਣ ਮੰਤਰਾਲੇ ਵੱਲੋਂ ਮੰਗਲਵਾਰ ਨੂੰ ਜਾਰੀ ਅੰਕੜਿਆਂ ਅਨੁਸਾਰ 2019 'ਚ ਦੇਸ਼ ਵਿਚ ਸਿਰਫ਼ ਅੱਠ ਲੱਖ 64 ਹਜ਼ਾਰ ਬੱਚਿਆਂ ਨੇ ਜਨਮ ਲਿਆ।
New Baby
ਦੇਸ਼ ਵਿਚ 1899 ਤੋਂ ਜਨਸੰਖਿਆ ਸਬੰਧੀ ਅੰਕੜੇ ਇਕੱਠੇ ਕਰਨ ਦੀ ਵਿਵਸਥਾ ਸ਼ੁਰੂ ਹੋਈ ਸੀ ਤਦ ਤੋਂ ਇਹ ਬੱਚਿਆਂ ਦੇ ਜਨਮ ਦਾ ਸਭ ਤੋਂ ਘੱਟ ਅੰਕੜਾ ਹੈ। ਸਾਲ 2018 ਵਿਚ ਦੇਸ਼ ਵਿਚ ਨੌਂ ਲੱਖ 18 ਹਜ਼ਾਰ ਚਾਰ ਸੌ ਬੱਚਿਆਂ ਦਾ ਜਨਮ ਹੋਇਆ ਸੀ।
Japan
ਤਾਜ਼ਾ ਅੰਕੜਿਆਂ ਤੋਂ ਇਹ ਵੀ ਪਤਾ ਚੱਲਦਾ ਹੈ ਕਿ ਜਾਪਾਨ ਵਿਚ ਇਸ ਸਾਲ ਜਨਮ ਦੀ ਤੁਲਨਾ ਵਿਚ ਮੌਤ ਦਾ ਅੰਕੜਾ ਪੰਜ ਲੱਖ 12 ਹਜ਼ਾਰ ਜ਼ਿਆਦਾ ਰਿਹਾ। ਇਹ ਵੀ ਜਨਮ ਅਤੇ ਮੌਤ ਵਿਚ ਹੁਣ ਤਕ ਦਾ ਸਭ ਤੋਂ ਵੱਡਾ ਅੰਤਰ ਹੈ।
Babies
ਘੱਟਦੀ ਜਨਸੰਖਿਆ ਦੀ ਚਿੰਤਾ ਵਿਚਕਾਰ ਜਾਪਾਨ ਸਰਕਾਰ ਨੇ ਉਮੀਦ ਪ੍ਰਗਟਾਈ ਹੈ ਕਿ ਇਸ ਸਾਲ ਜਨਮ ਦਰ ਪਿਛਲੇ ਸਾਲ ਦੇ 1.42 ਫ਼ੀਸਦੀ ਤੋਂ ਕੁਝ ਜ਼ਿਆਦਾ 1.8 ਫ਼ੀਸਦੀ ਰਹੇਗੀ। ਜਾਪਾਨ ਦੀ ਮੌਜੂਦਾ ਆਬਾਦੀ ਕਰੀਬ 12.68 ਕਰੋੜ ਹੈ।
