ਮਹਿਲਾ ਟੀ-20 ਵਿਸ਼ਵ ਕੱਪ : ਭਾਰਤ ਦੀ ਲਗਾਤਾਰ ਤੀਜੀ ਜਿੱਤ, ਨਿਊਜ਼ੀਲੈਂਡ ਨੂੰ 4 ਦੌੜਾਂ ਨਾਲ ਹਰਾਇਆ!
Published : Feb 27, 2020, 8:14 pm IST
Updated : Feb 27, 2020, 8:14 pm IST
SHARE ARTICLE
File photo
File photo

ਭਾਰਤ ਦੀ ਸੈਮੀਫ਼ਾਈਨਲ 'ਚ ਥਾਂ ਹੋਈ ਪੱਕੀ

ਮੈਲਬੌਰਨ : ਨੌਜਵਾਨ ਸਲਾਮੀ ਬੱਲੇਬਾਜ਼ ਸ਼ੇਫ਼ਾਲੀ ਵਰਮਾ ਦੀ ਤੇਜ਼ਤਰਾਰ ਪਾਰੀ ਅਤੇ ਗੇਂਦਬਾਜ਼ਾਂ ਦੇ ਇਕ ਹੋਰ ਚੰਗੇ ਪ੍ਰਦਰਸ਼ਨ ਨਾਲ ਭਾਰਤ ਨੇ ਵੀਰਵਾਰ ਨੂੰ ਇਥੇ ਨਿਊਜ਼ੀਲੈਂਡ 'ਤੇ ਰੋਮਾਂਚਕ ਮੈਚ ਵਿਚ 4 ਦੌੜਾਂ ਨਾਲ ਜਿੱਤ ਦੀ ਹੈਟ੍ਰਿਕ (ਤੀਜੀ ਜਿੱਤ) ਪੂਰੀ ਕਰਨ ਨਾਲ ਸੈਮੀਫ਼ਾਈਨਲ ਵਿਚ ਥਾਂ ਪੱਕੀ ਕੀਤੀ।

PhotoPhoto

ਸੋਲਾਂ ਸਾਲ ਦੀ ਸ਼ੇਫ਼ਾਲੀ ਨੇ 34 ਗੇਂਦਾਂ 'ਤੇ ਚਾਰ ਚੌਕਿਆਂ ਅਤੇ ਤਿੰਨ ਛੱਕਿਆਂ ਦੀ ਮਦਦ ਨਾਲ 46 ਦੌੜਾਂ ਬਣਾਈਆਂ ਪਰ ਇਸ ਦੇ ਬਾਵਜੂਦ ਭਾਰਤੀ ਟੀਮ ਪਹਿਲੇ ਬੱਲੇਬਾਜ਼ੀ ਦਾ ਸੱਦਾ ਮਿਲਣ 'ਤੇ 8 ਵਿਕਟਾ 'ਤੇ 133 ਦੌੜਾਂ ਹੀ ਬਣਾ ਸਕੀ।

PhotoPhoto

ਭਾਰਤੀ ਗੇਂਦਬਾਜ਼ਾਂ ਨੇ ਹਾਲਾਂਕਿ ਫਿਰ ਤੋਂ ਉਮੀਦ ਅਨੁਸਾਰ ਘੱਟ ਦੌੜਾਂ ਦਾ ਚੰਗਾ ਬਚਾਅ ਕੀਤਾ ਅਤੇ ਏਮੀਲੀਆ ਕੇਰ (19 ਗੇਂਦਾਂ 'ਤੇ ਅਜੇਤੂ 34 ਦੌੜਾਂ) ਦੇ ਆਖ਼ਰੀ ਪਲਾਂ ਦੇ ਧਮਾਲ ਦੇ ਬਾਵਜੂਦ ਨਿਊਜ਼ੀਲੈਂਡ ਨੂੰ 6 ਵਿਕਟਾਂ ਦੇ ਨੁਕਸਾਨ ਨਾਲ 129 ਦੌੜਾਂ 'ਤੇ ਰੋਕ ਦਿਤਾ।  ਭਾਰਤੀ ਟੀਮ ਦੀ ਇਹ ਲਗਾਤਾਰ ਤੀਜੀ ਜਿੱਤ ਹੈ।

PhotoPhoto

ਉਸ ਨੇ ਇਸ ਤੋਂ ਪਹਿਲਾਂ ਮੌਜੂਦਾ ਚੈਂਪੀਅਨਸ਼ਿਪ ਆਸਟ੍ਰੇਲੀਆ ਨੂੰ 17 ਦੌੜਾਂ ਅਤੇ ਬੰਗਲਾਦੇਸ਼ ਨੂੰ 18 ਦੌੜਾਂ ਨਾਲ ਹਰਾਇਆ। ਭਾਰਤੀ ਗਰੁੱਪ 'ਏ' ਵਿਚ ਤਿੰਨ ਮੈਚਾਂ ਵਿਚ ਛੇ ਅੰਕ ਲੈ ਕੇ ਚੋਟੀ 'ਤੇ ਹੈ ਅਤੇ ਉਹ ਸੈਮੀਫ਼ਾਈਨਲ ਵਿਚ ਥਾਂ ਬਨਾਉਣ ਵਾਲੀ ਪਹਿਲੀ ਟੀਮ ਬਣ ਗਈ ਹੈ। ਭਾਰਤੀ ਟੀਮ ਅਪਣਾ ਆਖ਼ਰੀ ਮੈਚ ਸਨਿਚਰਵਾਰ ਨੂੰ ਸ੍ਰੀਲੰਕਾ ਵਿਚ ਖੇਡੇਗੀ।

PhotoPhoto

ਭਾਰਤ ਦੇ ਸਪਿਨਰਾਂ ਨੇ ਸ਼ੁਰੂਆਤ ਚੰਗੀ ਕਰਾਈ ਪਰ ਦੀਪਤੀ ਸ਼ਰਮਾਂ ਦੇ ਓਵਰਾਂ ਵਿਚ 12 ਦੌੜਾਂ ਬਣ ਗਈਆਂ ਜਿਸ ਵਿਚ ਸਲਾਮੀ ਬੱਲੇਬਾਜ਼ ਰਾਚੇਲ ਪ੍ਰੀਸਟ 12 ਦੌੜਾਂ ਦੇ ਦੋ ਚੌਕੇ ਸ਼ਾਮਲ ਹਨ। ਤਜ਼ਰਬੇਕਾਰ ਸ਼ਿਖ਼ਾ ਪਾਂਡੇ ਨੇ ਹਾਲਾਂਕਿ ਪ੍ਰੀਸਟ ਨੂੰ ਅਗਲੇ ਓਵਰ ਵਿਚ ਆਊਟ ਕਰ ਦਿਤਾ।

PhotoPhoto

ਭਾਰਤ ਵਲੋਂ 16 ਸਾਲ ਦੀ ਸ਼ੇਫ਼ਾਲੀ ਨੇ ਫਿਰ ਤੋਂ ਟੀਮ ਨੂੰ ਤੂਫ਼ਾਨੀ ਸ਼ੁਰੂਆਤ ਦਿਵਾਈ। ਭਾਰਤ ਨੇ ਪਾਵਰਪਲੇਅ ਦੇ ਓਵਰਾਂ ਵਿਚ 49 ਦੌੜਾਂ ਬਣਾਈਆਂ। ਭਾਰਤੀ ਟੀਮ ਨੇ ਹਾਲਾਂਕਿ 43 ਦੌੜਾਂ ਅੰਦਰ ਛੇ ਵਿਕਟ ਗਵਾ ਦਿਤੇ ਜਿਸ ਨਾਲ ਉਹ ਇਸ ਸ਼ੁਰੂਆਤ ਦਾ ਫ਼ਾਇਦਾ ਨਹੀਂ ਚੁੱਕ ਸਕੀ। ਅਠਵੇਂ ਅਤੇ ਦਸਵੇਂ ਓਵਰ ਵਿਚ ਜੀਵਨਦਾਨ ਮਿਲਣ ਵਾਲੀ ਸ਼ੇਫ਼ਾਲੀ ਨੇ ਵੀ ਕੇਰ ਦੀ ਗੇਂਦ 'ਤੇ ਡੀਪ ਐਸਟਰਾ ਕਵਰ 'ਤੇ ਹੇਲੀ ਜੇਨਸਨ ਨੂੰ ਕੈਚ ਦਿਤਾ। ਸ਼ੇਫ਼ਾਲੀ ਨੂੰ ਮੈਚ ਦੀ ਚੋਟੀ ਦੀ ਖਿਡਾਰੀ ਚੁਣਿਆ ਗਿਆ।

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM

Sukhjinder Randhawa Interview On Rahul Gandhi Punjab'S Visit In Dera Baba nanak Gurdaspur|News Live

15 Sep 2025 3:00 PM

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM
Advertisement