Iran Satellites News: ਈਰਾਨ ਦੇ ਬੈਲਿਸਟਿਕ ਮਿਜ਼ਾਈਲ ਪ੍ਰੋਗਰਾਮ ’ਚ ਹੋਰ ਵਾਧਾ ਹੋਣ ਦਾ ਡਰ ਪ੍ਰਗਟਾਇਆ
Three satellites sent by Iran into space news in punjabi : ਈਰਾਨ ਨੇ ਐਤਵਾਰ ਨੂੰ ਕਿਹਾ ਕਿ ਉਸ ਨੇ ਪੁਲਾੜ ਵਿਚ ਤਿੰਨ ਸੈਟੇਲਾਈਟ ਸਫਲਤਾਪੂਰਵਕ ਲਾਂਚ ਕੀਤੇ ਹਨ। ਇਸ ਦੇ ਨਾਲ ਹੀ ਪਛਮੀ ਦੇਸ਼ਾਂ ਨੇ ਈਰਾਨ ਦੇ ਤਾਜ਼ਾ ਪ੍ਰੋਗਰਾਮ ਦੀ ਆਲੋਚਨਾ ਕੀਤੀ ਅਤੇ ਡਰ ਜਤਾਇਆ ਕਿ ਇਸ ਨਾਲ ਈਰਾਨ ਦੇ ਬੈਲਿਸਟਿਕ ਮਿਜ਼ਾਈਲ ਪ੍ਰੋਗਰਾਮ ’ਚ ਹੋਰ ਵਾਧਾ ਹੋਵੇਗਾ। ਸਰਕਾਰੀ ਸਮਾਚਾਰ ਏਜੰਸੀ ਇਰਨਾ ਨੇ ਕਿਹਾ ਕਿ ਇਸ ਪ੍ਰੀਖਣ ਵਿਚ ਈਰਾਨ ਦੇ ਸਿਮੋਰਗ ਰਾਕੇਟ ਦੀ ਸਫਲ ਵਰਤੋਂ ਵੀ ਕੀਤੀ ਗਈ, ਜੋ ਪਹਿਲਾਂ ਵੀ ਕਈ ਵਾਰ ਅਸਫਲ ਰਿਹਾ ਹੈ। ਇਹ ਪ੍ਰੀਖਣ ਮੱਧ ਪੂਰਬ ਗਾਜ਼ਾ ਪੱਟੀ ਵਿਚ ਵਧੇ ਤਣਾਅ ਦੇ ਵਿਚਕਾਰ ਹੋਇਆ ਹੈ ਕਿਉਂਕਿ ਹਮਾਸ ਨੂੰ ਲੈ ਕੇ ਇਜ਼ਰਾਈਲ ਦੀ ਜੰਗ ਨਿਰੰਤਰ ਜਾਰੀ ਹੈ।
ਇਹ ਵੀ ਪੜ੍ਹੋ: West Indies Won Test Match News: ਵੈਸਟਇੰਡੀਜ਼ ਨੇ 27 ਸਾਲਾਂ ਬਾਅਦ ਆਸਟ੍ਰੇਲੀਆ ’ਚ ਜਿੱਤਿਆ ਟੈਸਟ ਮੈਚ
ਈਰਾਨ ਨੇ ਇਸ ਸੰਘਰਸ਼ ਵਿਚ ਫੌਜੀ ਦਖਲਅੰਦਾਜ਼ੀ ਨਹੀਂ ਕੀਤੀ ਹੈ ਪਰ ਇਸ ਮਹੀਨੇ ਦੇ ਸ਼ੁਰੂ ਵਿਚ ਇਸਲਾਮਿਕ ਸਟੇਟ ਆਤਮਘਾਤੀ ਬੰਬ ਧਮਾਕੇ ਅਤੇ ਯਮਨ ਦੇ ਹੂਤੀ ਵਿਦਰੋਹੀਆਂ ਵਰਗੀਆਂ ਫ਼ਰਜ਼ੀ ਜਥੇਬੰਦੀਆਂ ਵਲੋਂ ਜੰਗ ਨਾਲ ਜੁੜੇ ਹਮਲਿਆਂ ਤੋਂ ਬਾਅਦ ਉਸ ਨੂੰ ਕਾਰਵਾਈ ਕਰਨ ਲਈ ਮੌਲਵੀਆਂ ਦੇ ਦਬਾਅ ਦਾ ਸਾਹਮਣਾ ਕਰਨਾ ਪਿਆ ਹੈ। ਈਰਾਨ ਦੇ ਸਰਕਾਰੀ ਟੈਲੀਵਿਜ਼ਨ ਵਲੋਂ ਜਾਰੀ ਕੀਤੀ ਗਈ ਫੁਟੇਜ ’ਚ ਰਾਤ ਦੇ ਸਮੇਂ ਸਿਮੋਰਗ ਰਾਕੇਟ ਨੂੰ ਲਾਂਚ ਕਰਦੇ ਹੋਏ ਵਿਖਾਇਆ ਗਿਆ ਹੈ। ਲਾਂਚ ਈਰਾਨ ਦੇ ਪੇਂਡੂ ਸੇਮਨਾਨ ਸੂਬੇ ਦੇ ਇਮਾਮ ਖੁਮੈਨੀ ਪੁਲਾੜ ਕੇਂਦਰ ਤੋਂ ਕੀਤਾ ਗਿਆ ਸੀ। ਸਰਕਾਰੀ ਟੀ.ਵੀ. ਨੇ ਲਾਂਚ ਕੀਤੇ ਗਏ ਸੈਟੇਲਾਈਟਾਂ ਨੂੰ ਮਹਿਦਾ ਕੀਹਾਨ-2 ਅਤੇ ਹਤਫ-1 ਦਾ ਨਾਂ ਦਿਤਾ ਹੈ। ਸਰਕਾਰੀ ਟੈਲੀਵਿਜ਼ਨ ਦੇ ਅਨੁਸਾਰ, ਮਹਿਦਾ ਇਕ ਖੋਜ ਉਪਗ੍ਰਹਿ ਹੈ, ਜਦਕਿ ਕੀਹਾਨ ਅਤੇ ਹਤਫ ਕ੍ਰਮਵਾਰ ਗਲੋਬਲ ਸਥਿਤੀ ਅਤੇ ਸੰਚਾਰ ’ਤੇ ਕੇਂਦ੍ਰਤ ਨੈਨੋ ਸੈਟੇਲਾਈਟ ਹਨ।
ਇਹ ਵੀ ਪੜ੍ਹੋ: Amritsar News: ਅੰਮ੍ਰਿਤਸਰ 'ਚ ਕਰੋੜਾਂ ਦੀ ਹੈਰੋਇਨ ਸਮੇਤ 2 ਨਸ਼ਾ ਤਸਕਰ ਕਾਬੂ
ਅਮਰੀਕਾ ਨੇ ਪਹਿਲਾਂ ਕਿਹਾ ਸੀ ਕਿ ਈਰਾਨ ਦੇ ਸੈਟੇਲਾਈਟ ਤਜਰਬੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਦੇ ਪ੍ਰਸਤਾਵ ਦੀ ਉਲੰਘਣਾ ਕਰਦੇ ਹਨ ਅਤੇ ਉਸ ਨੂੰ ਪ੍ਰਮਾਣੂ ਹਥਿਆਰ ਪਹੁੰਚਾਉਣ ਵਿਚ ਸਮਰੱਥ ਬੈਲਿਸਟਿਕ ਮਿਜ਼ਾਈਲਾਂ ਨਾਲ ਜੁੜੀਆਂ ਗਤੀਵਿਧੀਆਂ ਤੋਂ ਬਚਣ ਦੀ ਅਪੀਲ ਕੀਤੀ ਸੀ। ਈਰਾਨ ਦੇ ਬੈਲਿਸਟਿਕ ਮਿਜ਼ਾਈਲ ਪ੍ਰੋਗਰਾਮ ਨਾਲ ਜੁੜੀਆਂ ਸੰਯੁਕਤ ਰਾਸ਼ਟਰ ਦੀਆਂ ਪਾਬੰਦੀਆਂ ਪਿਛਲੇ ਸਾਲ ਅਕਤੂਬਰ ’ਚ ਖਤਮ ਹੋ ਗਈਆਂ ਸਨ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਅਮਰੀਕੀ ਖੁਫੀਆ ਭਾਈਚਾਰੇ ਦੇ 2023 ਦੇ ਵਿਸ਼ਵ ਵਿਆਪੀ ਖਤਰੇ ਦੇ ਮੁਲਾਂਕਣ ਵਿਚ ਕਿਹਾ ਗਿਆ ਹੈ ਕਿ ਸੈਟੇਲਾਈਟ ਲਾਂਚ ਗੱਡੀਆਂ ਦੇ ਵਿਕਾਸ ਨਾਲ ਈਰਾਨ ਘੱਟ ਸਮੇਂ ਵਿਚ ਅੰਤਰ-ਮਹਾਦੀਪ ਬੈਲਿਸਟਿਕ ਮਿਜ਼ਾਈਲਾਂ ਵਿਕਸਤ ਕਰਨ ਦੇ ਯੋਗ ਹੋ ਜਾਵੇਗਾ ਕਿਉਂਕਿ ਇਨ੍ਹਾਂ ’ਚ ਵੀ ਇਸੇ ਤਰ੍ਹਾਂ ਦੀ ਤਕਨਾਲੋਜੀ ਦੀ ਵਰਤੋਂ ਹੁੰਦੀ ਹੈ। ਅਮਰੀਕੀ ਫੌਜ ਅਤੇ ਵਿਦੇਸ਼ ਮੰਤਰਾਲੇ ਨੇ ਤੁਰਤ ਟਿਪਣੀ ਲਈ ਬੇਨਤੀਆਂ ਦਾ ਜਵਾਬ ਨਹੀਂ ਦਿਤਾ। ਅਮਰੀਕੀ ਫੌਜ ਨੇ 20 ਜਨਵਰੀ ਨੂੰ ਦੇਸ਼ ਦੇ ਅਰਧ ਸੈਨਿਕ ਰੈਵੋਲਿਊਸ਼ਨਰੀ ਗਾਰਡ ਵਲੋਂ ਈਰਾਨੀ ਸੈਟੇਲਾਈਟ ਦੇ ਸਫਲ ਲਾਂਚ ਨੂੰ ਸਵੀਕਾਰ ਕੀਤਾ ਹੈ। (ਪੀਟੀਆਈ)
(For more Punjabi news apart from Three satellites sent by Iran into space news in punjabi, stay tuned to Rozana Spokesman)
