ਕਹਿੰਦੇ ਨੇ ਕਿ ਵਿਆਹ ਦਾ ਲੱਡੂ ਜੋ ਖਾਂਦਾ ਹੈ ਉਹ ਵੀ ਪਛਤਾਉਂਦਾ ਹੈ ਤੇ ਜਿਹੜਾ ਨਹੀਂ ਖਾਂਦਾ ਉਹ ਵੀ। ਲੋਕਾਂ ਦਾ ਕਹਿਣਾ ਹੈ ਕਿ ..
ਜਕਾਰਤਾ : ਕਹਿੰਦੇ ਨੇ ਕਿ ਵਿਆਹ ਦਾ ਲੱਡੂ ਜੋ ਖਾਂਦਾ ਹੈ ਉਹ ਵੀ ਪਛਤਾਉਂਦਾ ਹੈ ਤੇ ਜਿਹੜਾ ਨਹੀਂ ਖਾਂਦਾ ਉਹ ਵੀ। ਲੋਕਾਂ ਦਾ ਕਹਿਣਾ ਹੈ ਕਿ ਵਿਆਹ ਜ਼ਿੰਦਗੀ ਬਦਲ ਦਿੰਦਾ ਹੈ ਤੇ ਇੰਡੋਨੇਸ਼ੀਆ ਵਿਆਹ ਦੇ ਰਿਸ਼ਤੇ ਨੂੰ ਮਜ਼ਬੂਤ ਕਰਨ ਲਈ ਖਾਸ ਕਦਮ ਚੁੱਕ ਰਿਹਾ ਹੈ। ਅਸਲ 'ਚ ਇੱਥੇ ਸਰਕਾਰ ਪ੍ਰੀ-ਵੈਡਿੰਗ ਕੋਰਸ ਸ਼ੁਰੂ ਕਰਵਾਉਣ ਜਾ ਰਹੀ ਹੈ। ਇਸ 'ਚ ਵਿਆਹ ਕਰਨ ਜਾ ਰਹੇ ਜੋੜਿਆਂ ਨੂੰ ਵਿਆਹ ਦੇ ਬਾਅਦ ਜ਼ਿੰਦਗੀ 'ਚ ਹੋਣ ਵਾਲੇ ਬਦਲਾਵਾਂ ਬਾਰੇ ਸਿੱਖਿਅਤ ਕੀਤਾ ਜਾਵੇਗਾ।
Wedding
ਕੋਰਸ 'ਚ ਸਿਹਤ ਦਾ ਧਿਆਨ ਰੱਖਣ, ਬੀਮਾਰੀਆਂ ਤੋਂ ਬਚਣ ਤੇ ਬੱਚਿਆਂ ਦੀ ਦੇਖ-ਭਾਲ ਦੀ ਟਰੇਨਿੰਗ ਦਿੱਤੀ ਜਾਵੇਗੀ ਤਾਂ ਕਿ ਇਹ ਜੋੜੇ ਸਫਲ ਵਿਆਹੁਤਾ ਜ਼ਿੰਦਗੀ ਨੂੰ ਜੀਅ ਸਕਣ। ਵਿਆਹ ਲਾਇਕ ਉਮਰ ਹੋਣ 'ਤੇ ਸਾਰੇ ਨੌਜਵਾਨਾਂ ਲਈ ਇਹ ਕੋਰਸ ਜ਼ਰੂਰੀ ਹੈ। ਫੇਲ ਹੋਣ ਵਾਲਿਆਂ ਨੂੰ ਸਰਕਾਰ ਵਿਆਹ ਦਾ ਅਧਿਕਾਰ ਨਹੀਂ ਦੇਵੇਗੀ ਭਾਵ ਛੜਿਆਂ ਦੀ ਗਿਣਤੀ ਵਧ ਸਕਦੀ ਹੈ।
Wedding
ਇੰਡੋਨੇਸ਼ੀਆ ਦੇ ਅਖਬਾਰ ਮੁਤਾਬਕ,''ਇਹ ਕੋਰਸ 2020 'ਚ ਸ਼ੁਰੂ ਹੋਵੇਗਾ ਅਤੇ ਮੁਫਤ 'ਚ ਕਰਵਾਇਆ ਜਾਵੇਗਾ। ਤਿੰਨ ਮਹੀਨੇ ਦਾ ਇਹ ਕੋਰਸ ਇੰਡੋਨੇਸ਼ੀਆ ਦੇ ਮਨੁੱਖੀ ਵਿਕਾਸ ਅਤੇ ਭਾਈਚਾਰਕ ਮੰਤਰਾਲੇ ਨੇ ਧਾਰਮਿਕ ਅਤੇ ਸਿਹਤ ਵਿਭਾਗ ਨਾਲ ਮਿਲ ਕੇ ਤਿਆਰ ਕੀਤਾ ਹੈ। ਸਿਹਤ ਵਿਭਾਗ ਦੀ ਡਾਇਰੈਕਟਰ ਜਨਰਲ ਨੇ ਕਿਹਾ ਕਿ ਅਜਿਹਾ ਪਹਿਲੀ ਵਾਰ ਨਹੀਂ ਹੋ ਰਿਹਾ ਹੈ।
Wedding
ਪਹਿਲਾਂ ਵੀ ਵਿਭਾਗ ਵਿਆਹ ਲਾਇਕ ਨੌਜਵਾਨਾਂ ਨੂੰ ਇਹ ਕੋਰਸ ਕਰਵਾਉਂਦਾ ਰਿਹਾ ਹੈ ਪਰ ਇਸ ਵਾਰ ਇਹ ਪੂਰੇ ਦੇਸ਼ 'ਚ ਲਾਗੂ ਕੀਤਾ ਜਾ ਰਿਹਾ ਹੈ। ਇੰਡੋਨੇਸ਼ੀਆ ਦੇ ਮਨੁੱਖੀ ਵਿਕਾਸ ਮੰਤਰੀ ਮੁਹਾਜਿਰ ਨੇ ਕਿਹਾ ਕਿ ਕੋਰਸ ਜ਼ਰੂਰੀ ਇਸ ਲਈ ਕੀਤਾ ਹੈ ਤਾਂ ਕਿ ਲੋਕ ਵਿਆਹ ਦੇ ਬਾਅਦ ਪੂਰੀ ਤਰ੍ਹਾਂ ਜ਼ਿੰਮੇਵਾਰ ਰਹਿਣ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
