ਲੋਕ ਛੁੱਟੀਆਂ ਬਿਤਾਉਣ ਲਈ ਜਾਂਦੇ ਹਨ ਵੱਖ-ਵੱਖ ਥਾਵਾਂ 'ਤੇ
ਨਵੀਂ ਦਿੱਲੀ : ਸੜਕਾ ਉੱਤੇ ਜਾਮ ਲੱਗਣਾ ਆਮ ਗੱਲ ਹੈ। ਪਰ ਕੀ ਤੁਸੀ ਕਦੇ ਸੁਣਿਆ ਹੈ ਕਿ ਸੜਕਾ ਤੋਂ ਇਲਾਵਾ ਆਸਮਾਨ 'ਤੇ ਵੀ ਜਾਮ ਲੱਗ ਸਕਦਾ ਹੈ। ਜੇਕਰ ਨਹੀਂ, ਤਾਂ ਹੁਣ ਅਜਿਹਾ ਹੋਣ ਵਾਲਾ ਹੈ ਦਰਅਸਲ ਅਮਰੀਕਾ 'ਚ ਜਿਆਦਾ ਸੰਖਿਆ ਵਿਚ ਛੁੱਟੀਆ ਹੋਣ ਕਰਕੇ ਲੋਕ ਜਹਾਜ਼ ਰਾਹੀਂ ਯਾਤਰਾ ਕਰਨ ਵਾਲੇ ਹਨ ਇਸੇ ਕਰਕੇ ਅਮਰੀਕਾ ਦੇ ਆਸਮਾਨ ਵਿਚ ਨਵੇਂ ਸਾਲ ਤੱਕ ਜਾਮ ਰਹਿਣ ਵਾਲਾ ਹੈ।
ਅਮਰੀਕਾ ਵਿਚ ਕ੍ਰਿਸਮਸ ਦੇ ਮੌਕੇ 'ਤੇ 21 ਦਸੰਬਰ ਤੋਂ 1 ਜਨਵਰੀ ਤੱਕ ਲੋਕਾਂ ਨੂੰ ਛੁੱਟੀਆ ਹੁੰਦੀਆ ਹਨ। ਇਸ ਦੌਰਾਨ ਲੋਕ ਵੱਡੀ ਗਿਣਤੀ ਵਿਚ ਘੁੰਮਣ ਫਿਰਨ ਲਈ ਵੱਖ-ਵੱਖ ਥਾਵਾਂ 'ਤੇ ਜਾਂਦੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਸਾਲ ਅਮਰੀਕਾ ਉੱਪ-ਮਹਾਦੀਪ ਵਿਚ ਲਗਭਘ 10 ਕਰੋੜ ਤੋਂ ਵੱਧ ਲੋਕ 1 ਜਨਵਰੀ ਤੱਕ ਛੁੱਟੀਆਂ ਬਿਤਾਉਣਗੇ। ਬੀਤੇ 16 ਸਾਲਾਂ ਵਿਚ ਅਜਿਹਾ ਪਹਿਲੀ ਵਾਰ ਹੋ ਰਿਹਾ ਹੈ ਜਦੋਂ ਨਵੇਂ ਸਾਲ ਮੌਕੇ 70 ਲੱਖ ਲੋਕ ਜਹਾਜ਼ ਰਾਹੀਂ ਯਾਤਰਾ ਕਰਨਗੇ।
ਅਮਰੀਕਾ ਦੇ ਆਟੋਮੋਬਾਇਲ ਐਸੋਸੀਏਸ਼ਨ ਅਨੁਸਾਰ ਦੇਸ਼ ਵਿਚ ਹਰ ਸਮੇਂ 12 ਹਜ਼ਾਰ ਤੋਂ ਜਿਆਦਾ ਲੋਕ ਜਹਾਜ਼ ਰਾਹੀਂ ਆਸਮਾਨ ਵਿਚ ਉਡਾਨ ਭਰ ਰਹੇ ਹਨ। ਭਾਵ 1 ਜਨਵਰੀ ਤੱਕ 70 ਲੱਖ ਲੋਕਾਂ ਨੂੰ ਜਹਾਜ਼ ਸੇਵਾਵਾਂ ਮਿਲਣਗੀਆਂ। ਇਹ ਆਕੜਾ ਪਿਛਲੇ ਸਾਲ ਤੋਂ 4.9 ਫ਼ੀਸਦੀ ਜ਼ਿਆਦਾ ਹੈ।
ਅਮਰੀਕਾ ਵਿਚ ਛੁੱਟੀਆਂ ਦੌਰਾਨ ਲਗਭਗ 39 ਲੱਖ ਲੋਕ ਪ੍ਰਾਇਵੇਟ ਜਹਾਜ਼ ਰਾਹੀਂ ਯਾਤਰਾ ਕਰਨਗੇ। ਇਹ ਪਿਛਲੇ ਸਾਲ ਤੋਂ 3.9 ਫ਼ੀਸਦੀ ਜਿਆਦਾ ਹੈ। ਜਦਕਿ ਪਿਛਲੇ ਸਾਲ ਤੋਂ 3 ਪ੍ਰਤੀਸ਼ਤ ਜ਼ਿਆਦਾ ਲਗਭਗ 38.10 ਲੱਖ ਲੋਕ ਟਰੇਨਾਂ,ਬੱਸਾਂ ਅਤੇ ਕਰੂਜ਼ ਸ਼ਿੱਪਾ ਰਾਹੀ ਛੁੱਟੀਆਂ ਮਨਾਉਂਣਗੇ।