ਭੀੜ ਨਾਲ ਭਰੀਆਂ ਸੜਕਾਂ ਉਤੇ ਚੱਲਣ ਵਾਲੇ ਦਿੱਲੀ ਵਾਸੀਆਂ ਲਈ ਇਕ ਰਾਹਤ ਭਰੀ....
ਨਵੀਂ ਦਿੱਲੀ : ਭੀੜ ਨਾਲ ਭਰੀਆਂ ਸੜਕਾਂ ਉਤੇ ਚੱਲਣ ਵਾਲੇ ਦਿੱਲੀ ਵਾਸੀਆਂ ਲਈ ਇਕ ਰਾਹਤ ਭਰੀ ਖਬਰ ਹੈ। ਰਾਜਧਾਨੀ ਦੀਆਂ ਸੜਕਾਂ ਉਤੇ ਭਾਰੀ ਟ੍ਰੈਫਿਕ ਦੇ ਦਬਾਅ ਨੂੰ ਘੱਟ ਕਰਨ ਲਈ ਕੇਂਦਰ ਸਰਕਾਰ ਇਕ ਨਵੀਂ ਯੋਜਨਾ ਲੈ ਕੇ ਆ ਰਹੀ ਹੈ। ਸੜਕ ਟ੍ਰਾਂਸਪੋਰਟ ਅਤੇ ਰਾਜ ਮਾਰਗ ਮੰਤਰੀ ਨਿਤੀਨ ਗਡਕਰੀ ਸ਼ਨੀਵਾਰ ਨੂੰ 2,820 ਕਰੋੜ ਰੁਪਏ ਦੀ ਲਾਗਤ ਨਾਲ ਤਿਆਰ ਹੋਣ ਵਾਲੇ ਹਾਈਵੇ ਪ੍ਰੋਜੇਕਟ ਦਾ ਉਦਾਘਟਨ ਕਰਨਗੇ। ਇਸ ਪ੍ਰੋਜੈਕਟ ਵਿਚ ਦਿੱਲੀ ਨੂੰ ਈਸਟਰਨ ਪੈਰੀਫੇਰਲ ਐਕਸਪ੍ਰੈਸ ਨਾਲ ਜੋੜੇ ਜਾਣ ਦੀ ਯੋਜਨਾ ਹੈ। ਇਹ ਕੋਰੀਡੋਰ ਹਾਈਸਪੀਡ ਅਤੇ ਸਿਗਨਲ ਫਰੀਂ ਹੋਵੇਗਾ।
Delhi Traffic
ਸੜਕ ਟ੍ਰਾਂਸਪੋਰਟ ਮੰਤਰਾਲਾ ਦੇ ਮੁਤਾਬਕ ਇਸ ਪ੍ਰੋਜੈਕਟ ਵਿਚ ਇਕ 6 ਲਾਈਨ ਕੋਰੀਡੋਰ ਬਣਾਇਆ ਜਾਣਾ ਹੈ। ਇਹ ਕੋਰੀਡੋਰ ਪੂਰਵੀ ਦਿੱਲੀ ਦੇ ਅਕਸ਼ਰਧਾਮ ਨੂੰ ਬਾਗਪਤ ਰੋਡ ਸਥਿਤ ਈਸਟਰਨ ਪੈਰੀਫੈਰਲ ਐਕਸਪ੍ਰੈਸ (ਈਪੀਈ) ਜੰਕਸ਼ਨ ਨਾਲ ਜੋੜੇਗਾ। ਉਮੀਦ ਹੈ ਕਿ ਇਸ ਪ੍ਰੋਜੈਕਟ ਦੇ ਪੂਰੇ ਹੁੰਦੇ ਹੀ ਦਿੱਲੀ ਦੀਆਂ ਸੜਕਾਂ ਉਤੇ ਭੀੜ ਦਾ ਦਬਾਅ ਕੁੱਝ ਘੱਟ ਹੋਵੇਗਾ ਅਤੇ ਦਿੱਲੀ ਸਮੇਤ ਇਸ ਦੇ ਨੇੜੇ ਇਲਾਕੀਆਂ ਵਿਚ ਪ੍ਰਦੂਸ਼ਣ ਵਿਚ ਵੀ ਗਿਰਾਵਟ ਆਵੇਗੀ। ਸੂਤਰਾਂ ਦੇ ਮੁਤਾਬਕ ਅਕਸ਼ਰਧਾਮ ਤੋਂ ਸਹਾਰਨਪੁਰ ਬਾਇਪਾਸ ਨੂੰ ਜਾਣ ਵਾਲੀ 31.3 ਕਿ.ਮੀ ਲੰਬੀ ਇਹ ਸੜਕ ਨੈਸ਼ਨਲ ਹਾਈਵੇ-709 ਬੀ ਦਾ ਹਿੱਸਾ ਹੈ।
Delhi Traffic
ਇਹ ਪ੍ਰੋਜੈਕਟ ਦੋ ਪੜਾਵਾਂ ਵਿਚ ਪੂਰਾ ਕੀਤਾ ਜਾਵੇਗਾ। ਪਹਿਲੇ ਪੜਾਅ ਵਿਚ ਅਕਸ਼ਰਧਾਮ ਤੋਂ ਦਿੱਲੀ - ਉੱਤਰ ਪ੍ਰਦੇਸ਼ ਦੀ ਸਰਹੱਦ ਤੱਕ 14.75 ਕਿਲੋਮੀਟਰ ਸੜਕ ਦੀ ਉਸਾਰੀ ਕੀਤੀ ਜਾਵੇਗੀ ਅਤੇ ਦੂਜੇ ਪੜਾਅ ਵਿਚ ਦਿੱਲੀ-ਉੱਤਰ ਪ੍ਰਦੇਸ਼ ਸਰਹੱਦ ਤੋਂ ਈਪੀਈ ਇੰਟਰਸੈਕਸ਼ਨ ਤੱਕ 16.57 ਕਿਲੋਮੀਟਰ ਸੜਕ ਦੀ ਉਸਾਰੀ ਕੀਤੀ ਜਾਵੇਗੀ।
ਇਸ ਵਿਚ 19 ਕਿ.ਮੀ ਐਲੀਵੇਟੇਡ ਸੜਕ ਹੋਵੇਗੀ ਅਤੇ ਰਾਜ ਮਾਰਗ ਦੇ ਦੋਨੋਂ ਪਾਸੇ ਤਿੰਨ-ਤਿੰਨ ਲਾਈਨਾਂ ਹੋਣਗੀਆਂ। ਇਸ ਵਿਚ ਨਵੀਂ ਦਿੱਲੀ-ਆਨੰਦ ਵਿਹਾਰ ਰੇਲਵੇ ਲਾਈਨ ਅਤੇ ਦਿਲਸ਼ਾਦ ਗਾਰਡਨ- ਆਈਐਸਬੀਟੀ ਮੈਟਰੋ ਲਾਈਨ ਉਤੇ ਓਵਰ ਬ੍ਰਿਜ਼, ਅੱਠ ਨਵੇਂ ਅੰਡਰਪਾਸ, ਸੱਤ ਰੈਂਪ, 15 ਵੱਡੇ ਜੰਕਸ਼ਨ, 34 ਛੋਟੇ ਜੰਕਸ਼ਨ ਦਿੱਲੀ-ਸ਼ਾਹਦਰਾ ਵਿਚ ਬਣਾਏ ਜਾਣਗੇ।
