ਪ੍ਰਤੀ ਵਿਅਕਤੀ ਕੋਲੋਂ ਵਸੂਲੇ 5,000 ਤੋਂ 35,000 ਡਾਲਰ

ਵਾਸ਼ਿੰਗਟਨ: ਗ਼ੈਰ-ਕਾਨੂੰਨੀ ਢੰਗ ਨਾਲ ਭਾਰਤੀਆਂ ਨੂੰ ਕੈਨੇਡਾ ਰਾਹੀਂ ਅਮਰੀਕਾ ਭੇਜਣ ਦੇ ਮਾਮਲੇ ਵਿਚ ਕੈਨੇਡਾ ਰਹਿੰਦੇ ਸਿਮਰਨਜੀਤ ਸਿੰਘ ਨਾਂਅ ਦੇ ਵਿਅਕਤੀ ਨੇ ਅਪਣਾ ਦੋਸ਼ ਕਬੂਲਿਆ ਹੈ। ਭਾਰਤੀ ਮੂਲ ਦਾ ਸਿਮਰਨਜੀਤ ਸਿੰਘ ਬਰੈਂਪਟਨ ਵਿਚ ਰਹਿ ਰਿਹਾ ਸੀ। ਨਿਊਯਾਰਕ ਦੇ ਐਲਬੈਨੀ ਦੀ ਇਕ ਅਦਾਲਤ ਵਿਚ ਸਿਮਰਨਜੀਤ ਸਿੰਘ ਸ਼ੈਲੀ ਨੇ ਅਪਣੇ ਵਿਰੁਧ ਛੇ ਤਸਕਰੀ ਅਤੇ 3 ਤਸਕਰੀ ਦੀ ਸਾਜ਼ਸ਼ ਕਰਨ ਦੇ ਦੋਸ਼ ਕਬੂਲ ਕੀਤੇ ਹਨ। ਅਮਰੀਕੀ ਅਧਿਕਾਰੀਆਂ ਅਨੁਸਾਰ ਸਿਮਰਨਜੀਤ ਸਿੰਘ 1,000 ਤੋਂ ਵੱਧ ਲੋਕਾਂ ਨੂੰ ਕੈਨੇਡਾ ਰਾਹੀਂ ਅਮਰੀਕਾ ਭੇਜਣ ਦਾ ਦਾਅਵਾ ਕਰ ਚੁੱਕਿਆ ਹੈ।

ਇਹ ਵੀ ਪੜ੍ਹੋ: ਮਨੀਪੁਰ ਜਿਨਸੀ ਸੋਸ਼ਣ ਮਾਮਲਾ: CBI ਨੇ ਅਣਪਛਾਤਿਆਂ ਵਿਰੁਧ ਮਾਮਲਾ ਦਰਜ ਕਰ ਕੇ ਸ਼ੁਰੂ ਕੀਤੀ ਜਾਂਚ 

ਅਦਾਲਤੀ ਦਸਤਾਵੇਜ਼ਾਂ ਅਨੁਸਾਰ, ਸਿਮਰਨਜੀਤ ਸਿੰਘ ਵਿਰੁਧ ਦਰਜ ਮਾਮਲੇ ਮਾਰਚ 2020 ਅਤੇ ਅਪ੍ਰੈਲ 2022 ਦਰਮਿਆਨ ਸੇਂਟ ਲੌਰੈਂਸ ਨਦੀ ਪਾਰ ਕਰਨ ਦੀਆਂ ਚਾਰ ਅਸਫਲ ਕੋਸ਼ਿਸ਼ਾਂ ਦੇ ਮਨੁੱਖੀ ਸਰੋਤਾਂ, ਫੇਸਬੁੱਕ ਮੈਸੇਜ ਅਤੇ ਸਰਵਿਲੈਂਸ ‘ਤੇ ਅਧਾਰਤ ਸਨ। ਅਧਿਕਾਰੀਆਂ ਮੁਤਾਬਕ ਸਿਮਰਨਜੀਤ ਸਿੰਘ ਇਕ ਦਲਾਲ ਵਜੋਂ ਕੰਮ ਕਰਦਾ ਸੀ ਅਤੇ ਭਾਰਤੀ ਨਾਗਰਿਕਾਂ ਨੂੰ ਅਮਰੀਕਾ ਪਹੁੰਚਾਉਣ ਲਈ ਪ੍ਰਤੀ ਵਿਅਕਤੀ ਕੋਲੋਂ 5,000 ਡਾਲਰ ਤੋਂ 35,000 ਡਾਲਰ ਵਸੂਲਦਾ ਸੀ।

ਇਹ ਵੀ ਪੜ੍ਹੋ: ਕੈਨੇਡਾ ਦੇ ਰਿਚਮੰਡ 'ਚ ਗੈਂਗਸਟਰ ਰਵਿੰਦਰ ਸਮਰਾ ਦਾ ਕਤਲ

ਉਧਰ ਸਿਮਰਨਜੀਤ ਸਿੰਘ ਦੇ ਵਕੀਲ ਲੀ ਕਲਿੰਡਨ ਨੇ ਦਾ ਕਹਿਣਾ ਹੈ ਕਿ ਸਿਮਰਨਜੀਤ ਇਕ ਵੱਡੇ ਨੈਟਵਰਕ ਦਾ ਮਾਮੂਲੀ ਹਿੱਸਾ ਹੈ। ਲੀ ਨੇ ਕਿਹਾ, “ਮੈਂ ਸਪੱਸ਼ਟ ਨਹੀਂ ਕਹਿ ਸਕਦਾ ਕਿ ਉਸ ਨੂੰ ਪੂਰੇ ਨੈਟਵਰਕ ਬਾਰੇ ਕਿੰਨੀ ਕੁ ਜਾਣਕਾਰੀ ਹੋਵੇਗੀ। ਹਰ ਕੋਈ ਕਿਸੇ ਨੂੰ ਜਵਾਬਦੇਹ ਹੁੰਦਾ ਹੈ ਪਰ ਇਸ ਲੜੀ ਵਿਚ ਸੱਭ ਤੋਂ ਸਿਖਰ ‘ਤੇ ਕੌਣ ਹੈ, ਮੈਨੂੰ ਨਹੀਂ ਲੱਗਦਾ ਕਿ ਉਸ ਨੂੰ ਪਤਾ ਹੋਵੇਗਾ”।

ਇਹ ਵੀ ਪੜ੍ਹੋ: ਤਾਮਿਲਨਾਡੂ 'ਚ ਪਟਾਕਾ ਫੈਕਟਰੀ 'ਚ ਧਮਾਕਾ, 8 ਲੋਕਾਂ ਦੀ ਮੌਤ ਹੋ ਜਾਣ ਦੀ ਖ਼ਬਰ

ਸਿਮਰਨਜੀਤ ਸਿੰਘ ਦੀ ਸਜ਼ਾ ਸਬੰਧੀ ਅਦਾਲਤੀ ਸੁਣਵਾਈ 28 ਦਸੰਬਰ 2023 ਨੂੰ ਤੈਅ ਹੋਈ ਹੈ। ਦਸਿਆ ਜਾ ਰਿਹਾ ਹੈ ਕਿ ਸਿਮਰਨਜੀਤ ਨੂੰ 15 ਸਾਲ ਦੀ ਜੇਲ ਅਤੇ ਭਾਰਤ ਡਿਪੋਰਟ ਕਰਨ ਦੀ ਸਜ਼ਾ ਹੋ ਸਕਦੀ ਹੈ। ਸਿਮਰਨਜੀਤ ਸਿੰਘ ਨੂੰ 2022 ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਅਤੇ ਉਸ ਵੇਲੇ ਉਸ ਨੂੰ ਕੈਨੇਡਾ ’ਚੋਂ ਬਾਹਰ ਕੱਢੇ ਜਾਣ ਦੇ ਹੁਕਮ ਹੋ ਚੁੱਕੇ ਸਨ। ਕੈਨੇਡੀਅਨ ਅਧਿਕਾਰੀਆਂ ਨੇ ਸਿਮਰਨਜੀਤ ਨੂੰ ਅਮਰੀਕੀ ਅਧਿਕਾਰੀਆਂ ਨੂੰ ਸੌਂਪ ਦਿਤਾ ਸੀ।

ਇਹ ਵੀ ਪੜ੍ਹੋ: ਮੁਹਾਲੀ ਦੇ ਸਪੋਰਟਸ ਕੰਪਲੈਕਸ ਤੋਂ ਵੱਡੀ ਖ਼ਬਰ, ਖਿਡਾਰੀਆਂ ਨੂੰ ਖਵਾ ਦਿਤਾ ਕਿਰਲੀ ਵਾਲਾ ਦਲੀਆ

2020 ਵਿਚ ਭਾਰਤ ਤੋਂ ਮੌਂਟਰੀਅਲ ਆਇਆ ਸੀ ਸਿਮਰਨਜੀਤ ਸਿੰਘ

ਸਥਾਨਕ ਮੀਡੀਆ ਰਿਪੋਰਟਾਂ ਅਨੁਸਾਰ ਸਿਮਰਨਜੀਤ ਸਿੰਘ 2010 ਵਿਚ ਅਪਣੀ ਪਹਿਲੀ ਪਤਨੀ ਅਤੇ ਇਕ ਬੱਚੇ ਨਾਲ ਭਾਰਤ ਤੋਂ ਮੌਂਟਰੀਅਲ ਆਇਆ ਸੀ। ਬਾਅਦ ਵਿਚ ਉਸ ਦੀ ਮਾਂ ਅਤੇ ਦੂਸਰਾ ਬੱਚਾ ਵੀ ਉਥੇ ਆ ਗਏ। ਇਸ ਦੌਰਾਨ ਉਸ ਦੇ ਪ੍ਰਵਾਰ ਨੇ ਰਿਫ਼ਿਊਜੀ ਕਲੇਮ ਫ਼ਾਈਲ ਕੀਤਾ ਸੀ ਪਰ ਅਦਾਲਤੀ ਦਸਤਾਵੇਜ਼ਾਂ ਅਨੁਸਾਰ ਸਾਰਿਆਂ ਦੇ ਰਿਫ਼ਿਊਜੀ ਕਲੇਮ ਰੱਦ ਹੋ ਗਏ। ਦਸਿਆ ਜਾ ਰਿਹਾ ਹੈ ਕਿ ਸਿਮਰਨਜੀਤ ਨੇ ਕੈਨੇਡਾ ਵਿਚ ਰਹਿਣ ਲਈ ਦੁਬਾਰਾ ਵਿਆਹ ਕਰਵਾਇਆ ਸੀ।