ਉੱਤਰੀ ਬ੍ਰਾਜ਼ੀਲ ਦੇ ਸੂਬੇ ਪਾਰਾ ਦੀ ਇਕ ਜੇਲ੍ਹ ਵਿਚ ਕੈਦੀਆਂ ਵਿਚਕਾਰ ਭਿਆਨਕ ਗੈਂਗਵਾਰ ਹੋ ਗਈ ਹੈ, ਜਿਸ ਦੌਰਾਨ 57 ਕੈਦੀਆਂ ਮਾਰੇ ਗਏ।
ਪਾਰਾ: ਉੱਤਰੀ ਬ੍ਰਾਜ਼ੀਲ ਦੇ ਸੂਬੇ ਪਾਰਾ ਦੀ ਇਕ ਜੇਲ੍ਹ ਵਿਚ ਕੈਦੀਆਂ ਵਿਚਕਾਰ ਭਿਆਨਕ ਗੈਂਗਵਾਰ ਹੋ ਗਈ ਹੈ, ਜਿਸ ਦੌਰਾਨ 57 ਕੈਦੀਆਂ ਮਾਰੇ ਗਏ। ਝੜਪ ਦੀ ਭਿਆਨਕਤਾ ਦਾ ਅੰਦਾਜ਼ਾ ਇਸੇ ਗੱਲ ਤੋਂ ਲਗਾਇਆ ਜਾ ਸਕਦਾ ਕਿ 16 ਕੈਦੀਆਂ ਦੇ ਸਿਰ ਧੜ ਤੋਂ ਅਲੱਗ ਕਰ ਦਿੱਤੇ ਗਏ। ਅਲਟਾਮਿਰਾ ਨਾਂਅ ਦੀ ਜੇਲ੍ਹ ਵਿਚ ਹੋਇਆ ਇਹ ਹਮਲਾ ਦੋ ਵਿਰੋਧੀ ਗੁੱਟਾਂ ਦੀ ਪੁਰਾਣੀ ਰੰਜਿਸ਼ ਦਾ ਨਤੀਜਾ ਸੀ।
Clash Between Rival Gangs In Brazil Prison
ਬ੍ਰਾਜ਼ੀਲ ਦੇ ਐਮੇਜ਼ਨ ਇਲਾਕੇ ਵਿਚ ਡਰੱਗਸ ਦੀ ਤਸਕਰੀ ਨੂੰ ਲੈ ਕੇ ਵਿਰੋਧੀ ਗੁੱਟਾਂ ਵਿਚ ਅਕਸਰ ਟੱਕਰ ਹੁੰਦੀ ਰਹਿੰਦੀ ਹੈ। ਕੈਦੀਆਂ ਵਿਚਕਾਰ ਹੋਈ ਲੜਾਈ ਦੌਰਾਨ ਜੇਲ੍ਹ ਵਿਚ ਅੱਗ ਵੀ ਲਗਾ ਦਿੱਤੀ ਗਈ, ਜਿਸ ਤੋਂ ਬਾਅਦ ਕਈ ਕੈਦੀਆਂ ਦੀ ਮੌਤ ਦਮ ਘੁਟਣ ਨਾਲ ਵੀ ਹੋ ਗਈ। ਜਾਣਕਾਰੀ ਮੁਤਾਬਕ ਅਲਟਾਮਿਰਾ ਦੀ ਇਸ ਜੇਲ੍ਹ ਵਿਚ ਸਮਰੱਥਾ ਤੋਂ ਜ਼ਿਆਦਾ ਕੈਦੀ ਬੰਦ ਸਨ ਅਤੇ ਇਹ ਲੜਾਈ ਸਥਾਨਕ ਕਮਾਂਡੋ ਕਲਾਸ ਏ ਗੈਂਗ ਅਤੇ ਕਮਾਂਡੋ ਵਰਮੇਲਹੋ ਗੈਂਗ ਦੇ ਵਿਚਕਾਰ ਹੋਈ।
Clash Between Rival Gangs In Brazil Prison
ਜਦੋਂ ਤਕ ਸੁਰੱਖਿਆ ਕਰਮੀਆਂ ਨੇ ਸਥਿਤੀ ਸੰਭਾਲੀ, ਉਦੋਂ ਤਕ 57 ਕੈਦੀਆਂ ਦੀ ਮੌਤ ਹੋ ਚੁੱਕੀ ਸੀ। ਬਾਅਦ ਵਿਚ ਕਈ ਜ਼ਖਮੀ ਕੈਦੀਆਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ। ਦੱਸ ਦਈਏ ਕਿ ਬ੍ਰਾਜ਼ੀਲ ਦੀਆਂ ਜੇਲ੍ਹਾਂ ਵਿਚ ਹਿੰਸਾ ਕੋਈ ਨਵੀਂ ਗੱਲ ਨਹੀਂ। ਇਸ ਤੋਂ ਪਹਿਲਾਂ 2017 ਵਿਚ ਬ੍ਰਾਜ਼ੀਲ ਦੇ ਮਨਾਊਸ ਵਿਚ ਡਰੱਗ ਤਸਕਰੀ ਨੂੰ ਲੈ ਕੇ 56 ਕੈਦੀਆਂ ਦੀ ਹੱਤਿਆ ਹੋਈ ਸੀ।
Clash Between Rival Gangs In Brazil Prison
ਇਸੇ ਮਾਮਲੇ ਤੋਂ ਠੀਕ ਅਗਲੇ ਦਿਨ ਮਨਾਊਸ ਦੀ ਦੂਜੀ ਜੇਲ੍ਹ ਵਿਚ 4 ਹੋਰ ਕੈਦੀ ਮਾਰੇ ਗਏ। ਉਸ ਤੋਂ ਬਾਅਦ ਇਹ ਸਿਲਸਿਲਾ ਜਾਰੀ ਰਿਹਾ ਫਿਰ 5 ਦਿਨ ਬਾਅਦ ਬੋਆ ਵਿਸਟਾ ਦੀ ਜੇਲ੍ਹ ਵਿਚ 33 ਕੈਦੀ ਮਾਰੇ ਗਏ। ਹਾਲੇ ਵੀ ਇਹ ਮੰਦਭਾਗਾ ਸਿਲਸਿਲਾ ਓਵੇਂ ਜਿਵੇਂ ਜਾਰੀ ਹੈ ਜਿਸ ਦੇ ਨਤੀਜੇ ਵਜੋਂ ਹੁਣ ਤਕ ਸੈਂਕੜੇ ਕੈਦੀਆਂ ਦੀਆਂ ਜਾਨਾਂ ਜਾ ਚੁੱਕੀਆਂ ਹਨ। ਭਾਵੇਂ ਕਿ ਦੇਸ਼ ਦੇ ਰਾਸ਼ਟਰਪਤੀ ਨੇ ਜੇਲ੍ਹਾਂ ਵਿਚ ਸਖ਼ਤੀ ਕੀਤੇ ਜਾਣ ਦੀ ਗੱਲ ਆਖੀ ਹੈ ਪਰ ਦੇਖਣਾ ਹੋਵੇਗਾ ਕਿ ਇਹ ਸਖ਼ਤੀ ਆਖ਼ਰ ਕਦੋਂ ਕੀਤੀ ਜਾਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
