![PIA PIA](/cover/prev/dm3v3jdls687o7r62eh3gagda1-20181230194727.Medi.jpeg)
ਪਾਕਿਸਤਾਨ ਦੀ ਨੈਸ਼ਨਲ ਏਵੀਏਸ਼ਨ ਕੰਪਨੀ ਨੇ ਸੱਤ ਪਾਇਲਟਾਂ ਸਮੇਤ 50 ਤੋਂ ਵੱਧ ਕਰਮਚਾਰੀਆਂ ਦੇ ਸੰਧੀ ਰੱਦ ਕਰ ਦਿਤੇ ਹਨ। ਇਹ ਸਾਰੇ ਫ਼ਰਜ਼ੀ ਡਿਗਰੀ ਰੱਖਣ ਦੇ ਦੋਸ਼ੀ ਪਾਏ...
ਲਾਹੌਰ : ਪਾਕਿਸਤਾਨ ਦੀ ਨੈਸ਼ਨਲ ਏਵੀਏਸ਼ਨ ਕੰਪਨੀ ਨੇ ਸੱਤ ਪਾਇਲਟਾਂ ਸਮੇਤ 50 ਤੋਂ ਵੱਧ ਕਰਮਚਾਰੀਆਂ ਦੇ ਸੰਧੀ ਰੱਦ ਕਰ ਦਿਤੇ ਹਨ। ਇਹ ਸਾਰੇ ਫ਼ਰਜ਼ੀ ਡਿਗਰੀ ਰੱਖਣ ਦੇ ਦੋਸ਼ੀ ਪਾਏ ਗਏ ਸਨ। ਫ਼ਰਜ਼ੀ ਡਿਗਰੀਆਂ ਅਤੇ ਸਰਟਿਫਿਕੇਟਦੇ ਨਾਲ ਪਾਇਲਟਾਂ ਅਤੇ ਕੈਬਨ ਮੈਂਬਰਾਂ ਦੇ ਵਿਰੁਧ ਪਾਕਿਸਤਾਨ ਦੇ ਸੁਪਰੀਮ ਕੋਰਟ ਦੀ ਕਾਰਵਾਈ ਦੇ ਮੱਦੇਨਜ਼ਰ ਇਹ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ। ਪਾਕਿਸਤਾਨ ਦੇ ਸਿਵਲ ਐਵੀਏਸ਼ਨ ਅਥਾਰਟੀ (ਸੀਏਏ) ਨੇ ਇਕ ਬਿਆਨ ਵਿਚ ਕਿਹਾ ਕਿ ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਸ ਦੇ ਕਰਮਚਾਰੀਆਂ ਦੇ ਵਿਰੁਧ ਕਾਰਵਾਈ ਕੀਤੀ ਗਈ ਹੈ।
PIA
ਸਬੰਧਤ ਸਿਖਿਆ ਅਦਾਰਿਆਂ ਨੇ ਇਹਨਾਂ ਦੀ ਡਿਗਰੀਆਂ ਫ਼ਰਜ਼ੀ ਪਾਈ। ਪੀਆਈਏ ਦੇ ਬੁਲਾਰੇ ਮਸਹੂਦ ਤਜਵਰ ਨੇ ਕਿਹਾ ਕਿ ਫ਼ਰਜ਼ੀ ਡਿਗਰੀਆਂ ਰੱਖਣ ਵਾਲੇ ਸਾਰੇ ਕਰਮਚਾਰੀਆਂ ਦੇ ਮਾਮਲਿਆਂ ਦੀ ਜਾਂਚ ਸ਼ੁਰੂ ਕਰ ਦਿਤੀ ਗਈ ਹੈ। ਸੀਏਏ ਨੇ ਕਿਹਾ ਕਿ ਪੀਆਈਏ ਦੇ 400 ਹੋਰ ਕਰਮਚਾਰੀਆਂ ਦੀਆਂ ਡਿਗਰੀਆਂ ਦੀ ਜਾਂਚ ਵੀ ਚੱਲ ਰਹੀ ਹੈ। ਅਥਾਰਿਟੀ ਦੇ ਡਾਇਰੈਕਟਰ ਜਨਰਲਹਸਨ ਬੇਗ ਨੇ ਉਨ੍ਹਾਂ ਸਾਰੇ ਪਾਇਲਟਾਂ ਅਤੇ ਕਰੂ ਮੈਬਰਾਂ ਦੇ ਲਾਇਸੈਂਸ ਵੀ ਮੁਅੱਤਲ ਕਰਨ ਦੇ ਨਿਰਦੇਸ਼ ਦਿਤੇ ਹਨ ਜਿਨ੍ਹਾਂ ਨੇ ਹੁਣੇ ਤੱਕ ਅਪਣੀ ਡਿਗਰੀਆਂ ਅਤੇ ਸਰਟਿਫਿਕੇਟ ਜਮ੍ਹਾਂ ਨਹੀਂ ਕੀਤੇ ਹਨ।