ਅਮਰੀਕਾ ਦੇ ਕੇਂਟੁਕੀ ਸੂਬੇ ਵਿਚ ਨਸਲੀ ਨਫ਼ਰਤ ਤਹਿਤ ਇੱਕ ਹਿੰਦੂ ਮੰਦਰ ਵਿਚ ਤੋੜ-ਭੰਨ੍ਹ ਕੀਤੇ ਜਾਣਾ ਦਾ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਭਗਵਾਨ ਦੀ ਮੂਰਤੀ ’ਤੇ....
ਵਾਸ਼ਿੰਗਟਨ: ਅਮਰੀਕਾ ਦੇ ਕੇਂਟੁਕੀ ਸੂਬੇ ਵਿਚ ਨਸਲੀ ਨਫ਼ਰਤ ਤਹਿਤ ਇੱਕ ਹਿੰਦੂ ਮੰਦਰ ਵਿਚ ਤੋੜ-ਭੰਨ੍ਹ ਕੀਤੇ ਜਾਣਾ ਦਾ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਭਗਵਾਨ ਦੀ ਮੂਰਤੀ ’ਤੇ ਕਾਲਾ ਪੇਂਟ ਛਿੜਕ ਦਿਤਾ ਤੇ ਮੁੱਖ ਸਭਾ ਵਿਚ ਰੱਖੀ ਕੁਰਸੀ ’ਤੇ ਵੀ ਚਾਕੂ ਮਾਰੇ ਗਏ। ਦੱਸ ਦਈਏ ਕਿ ਲੂਈਸਵਿਲੇ ਸ਼ਹਿਰ ਵਿਚ ਸਥਿਤ ਸਵਾਮੀਨਾਰਾਇਣ ਮੰਦਰ ਵਿਚ ਇਹ ਘਟਨਾ ਐਤਵਾਰ ਦੀ ਰਾਤ ਤੋਂ ਮੰਗਲਵਾਰ ਨੂੰ ਹੋਈ।ਇਸ ਘਟਨਾ ਨਾਲ ਅਮਰੀਕਾ 'ਚ ਰਹਿਣ ਭਾਰਤੀ-ਅਮਰੀਕੀ ਸਮੁਦਾਏ ਦੇ ਲੋਕ ਰਹਿੰਦੇ ਨੇ।
ਸਥਾਨਕ ਮੀਡੀਆ ਮੁਤਾਬਕ ਇੱਥੇ ਸਵਾਮੀ ਨਰਾਇਣ ਦੇ ਮੰਦਰ ਨੂੰ ਨਿਸ਼ਾਨਾ ਬਣਾਇਆ ਗਿਆ ਅਤੇ ਭੰਨ-ਤੋੜ ਕਰ ਭਗਵਾਨ ਦੀ ਮੂਰਤੀ ’ਤੇ ਕਾਲਖ਼ ਵੀ ਮਲੀ ਗਈ। ਮੰਦਰ 'ਚ ਖਿੜਕੀਆਂ ਤੋੜੀਆਂ ਗਈਆਂ, ਕੰਧਾਂ ’ਤੇ ਗ਼ਲਤ ਸੰਦੇਸ਼ ਅਤੇ ਚਿਤਰ ਬਣਾਏ ਗਏ। ਕੇਂਟੁਕੀ ਦੇ ਲੁਈਸਵਿਲੇ ਵਿਚ ਰਹਿਣ ਵਾਲਾ ਭਾਰਤੀ-ਅਮਰੀਕੀ ਤਬਕਾ ਇਸ ਘਟਨਾ ਬਾਅਦ ਕਾਫੀ ਗੁੱਸੇ ਵਿਚ ਹੈ। ਦੂਜੇ ਪਾਸੇ ਪੁਲਿਸ ਅਧਿਕਾਰੀ ਇਸ ਮਾਮਲੇ ਨੂੰ ਨਸਲੀ ਨਫ਼ਰਤ ਦਾ ਅਪਰਾਧ ਮੰਨ ਕੇ ਜਾਂਚ ਕਰ ਰਹੇ ਹਨ।
ਉੱਥੇ ਇਸ ਘਟਨਾ ਦੀ ਸਖ਼ਤ ਸ਼ਬਦਾਂ ਵਿਚ ਨਿੰਦਾ ਅਤੇ ਦੁੱਖ ਜਾਹਿਰ ਕਰਦਿਆਂ ਸ਼ਹਿਰ ਦੇ ਮੇਅਰ ਗ੍ਰੇਗ ਫਿਸ਼ਰ ਨੇ ਸ਼ਹਿਰ ਦੇ ਲੋਕਾਂ ਨੂੰ ਅਜਿਹੇ ਨਸਲੀ ਅਪਰਾਧਾਂ ਖਿਲਾਫ ਖੜ੍ਹੇ ਹੋਣ ਦੀ ਅਪੀਲ ਕੀਤੀ ਹੈ। ਬੁੱਧਵਾਰ ਨੂੰ ਘਟਨਾ ਦਾ ਮੁਆਇਨਾ ਕਰਨ ਬਾਅਦ ਫਿਸ਼ਰ ਨੇ ਕਿਹਾ ਕਿ ਜਦੋਂ ਵੀ ਅਜਿਹੀ ਘਟਨਾ ਵਾਪਰੇਗੀ, ਉਹ ਉਸ ਖਿਲਾਫ ਖੜੇ ਹੋਣਗੇ। ਜ਼ਿਕਰਯੋਗ ਹੈ ਕਿ ਪਿਛਲੇ ਕੁਝ ਮਹੀਨਿਆਂ ਵਿੱਚ ਹਿੰਦੂ ਮੰਦਰਾਂ ’ਤੇ ਹਮਲਿਆਂ ਦੇ ਮਾਮਲੇ ਵਧ ਗਏ ਹਨ।