ਰਮਜ਼ਾਨ ਦੇ ਮਹੀਨੇ ਸਰਹੱਦਾਂ ਤੇ ਗੋਲੀਬਾਰੀ ਉਤੇ ਰੋਕ ਲਾ ਦਿਤੀ ਗਈ ਹੈ ਪਰ ਸਰਹੱਦਾਂ ਦੇ ਅੰਦਰ ਨਫ਼ਰਤ ਵੱਧ ਰਹੀ ਹੈ। ਜਦੋਂ ਭੜਕੀ ਹੋਈ ਭੀੜ ਦੀ ਸੋਚ ਨੂੰ ਇਕ ਵਾਰੀ ...
ਰਮਜ਼ਾਨ ਦੇ ਮਹੀਨੇ ਸਰਹੱਦਾਂ ਤੇ ਗੋਲੀਬਾਰੀ ਉਤੇ ਰੋਕ ਲਾ ਦਿਤੀ ਗਈ ਹੈ ਪਰ ਸਰਹੱਦਾਂ ਦੇ ਅੰਦਰ ਨਫ਼ਰਤ ਵੱਧ ਰਹੀ ਹੈ। ਜਦੋਂ ਭੜਕੀ ਹੋਈ ਭੀੜ ਦੀ ਸੋਚ ਨੂੰ ਇਕ ਵਾਰੀ ਸਾਡੇ ਸਮਾਜ ਵਿਚ ਪੈਰ ਧਰਨ ਦਿਤੇ ਗਏ, ਫਿਰ ਸਮਾਂ ਇਸ ਤਰ੍ਹਾਂ ਦਾ ਆਵੇਗਾ ਜਿਥੇ ਜਿਸ ਨੂੰ ਮੌਕਾ ਮਿਲੇਗਾ, ਉਹ ਦੂਜੇ ਤੇ ਹਾਵੀ ਹੋ ਜਾਵੇਗਾ ਅਰਥਾਤ ਵੋਟ ਰਾਹੀਂ ਨਹੀਂ, ਧੱਕੇ ਅਤੇ ਤਾਕਤ ਨਾਲ ਫਿਰ ਤੋਂ ਫ਼ੈਸਲੇ ਲਏ ਜਾਣੇ ਸ਼ੁਰੂ ਹੋ ਜਾਣਗੇ।
ਰਮਜ਼ਾਨ ਦੇ ਮਹੀਨੇ ਮੁਸਲਮਾਨ ਧਰਮ ਵਲੋਂ ਇਕ ਕੋਮਾਂਤਰੀ ਪੱਧਰ ਤੇ ਇਸ਼ਤਿਹਾਰੀ ਵੀਡੀਉ ਜਾਰੀ ਕੀਤੀ ਗਈ ਹੈ ਜਿਸ ਵਿਚ ਇਕ ਮੁਸਲਮਾਨ ਬੱਚਾ ਦੁਨੀਆਂ ਦੇ ਵੱਡੇ ਆਗੂਆਂ ਨੂੰ ਮੁਸਲਮਾਨ ਧਰਮ ਵਿਰੁਧ ਨਫ਼ਰਤ ਭਰੀ ਸੋਚ ਰੱਖਣ ਬਾਰੇ ਸਵਾਲ ਪੁਛਦਾ ਹੈ। ਜਿਨ੍ਹਾਂ ਨੌਜਵਾਨਾਂ ਨੇ ਆਜ਼ਾਦ ਹਵਾ ਦਾ ਅਨੰਦ ਹੀ ਨਹੀਂ ਮਾਣਿਆ, ਉਨ੍ਹਾਂ ਨੂੰ ਅਤਿਵਾਦੀ ਆਖਿਆ ਜਾ ਰਿਹਾ ਹੈ। ਇਹੀ ਗਿਲਾ ਹੈ ਮੁਸਲਮਾਨਾਂ ਦਾ।
ਸਿਆਸਤਦਾਨਾਂ ਨੂੰ ਜ਼ਿੰਮੇਵਾਰ ਕਰਾਰ ਦੇਣਾ ਬੜਾ ਆਸਾਨ ਹੋ ਪਰ ਉਨ੍ਹਾਂ ਨੇ ਤਾਂ ਬਸ ਸਮਾਜ ਦੀ ਕਮਜ਼ੋਰੀ ਦਾ ਲਾਭ ਹੀ ਉਠਾਇਆ ਹੈ ਪਰ ਕਮਜ਼ੋਰੀ ਤਾਂ ਸਮਾਜ ਦੀ ਹੀ ਹੈ। ਸਮਾਜ ਨੂੰ ਵੰਡਣਾ ਇਸ ਕਦਰ ਆਸਾਨ ਕਿਉਂ ਹੈ? ਗਗਨਦੀਪ ਸਿੰਘ ਵਰਗੇ ਲੋਕ ਘਟਦੇ ਕਿਉਂ ਜਾ ਰਹੇ ਹਨ? 120 ਕਰੋੜ ਦੀ ਆਬਾਦੀ ਵਿਚ ਕੀ ਨਫ਼ਰਤ ਪੈਦਾ ਕਰਨ ਵਾਲੇ ਵੱਧ ਗਏ ਹਨ? -ਨਿਮਰਤ ਕੌਰ