Editorial: ਇੰਡੀਆ ਗਠਜੋੜ ਵਾਲੇ ਭਾਜਪਾ ਸਰਕਾਰ ਨੂੰ ਕੀ ਹਰਾਉਣਗੇ, ਸਾਥੀ ਪਾਰਟੀਆਂ ਨੂੰ ਨੀਵਾਂ ਵਿਖਾਉਣ ਤੋਂ ਹੀ ਵਿਹਲੇ ਨਹੀਂ ਹੋ ਰਹੇ!

By : NIMRAT

Published : Jan 3, 2024, 7:20 am IST
Updated : Jan 3, 2024, 7:23 am IST
SHARE ARTICLE
India alliance
India alliance

ਇਸ ਵਕਤ ‘ਇੰਡੀਆ’ ਦੀ ਭਾਈਵਾਲੀ ਨਾਲੋਂ ਇਸ ਗਠਜੋੜ ਨੂੰ ਭਾਜਪਾ ਜ਼ਿਆਦਾ ਸੰਜੀਦਗੀ ਨਾਲ ਲੈ ਰਹੀ ਹੈ ਤੇ ਇਸ ਵਿਰੁਧ ਅਪਣੇ ਤ੍ਰਿਸ਼ੂਲ ਤਿੱਖੇ ਕਰ ਰਹੀ ਹੈ।

Editorial: ਇੰਡੀਆ (INDIA) ਗਠਬੰਧਨ ਜਿਸ ਤਰ੍ਹਾਂ ਅਪਣਾ ਨਵਾਂ ਗਠਜੋੜ ਬਣਾ ਰਿਹਾ ਹੈ ਉਹ ਕਿਸੇ ਪ੍ਰਵਾਰਕ ਲੜੀਵਾਰ ਤੋਂ ਘੱਟ ਦਿਲਚਸਪ ਨਹੀਂ। ਇਕ ਪਾਸੇ ਵੱਡੀ ਜੰਗ  ਦੀ ਤਿਆਰੀ ਹੈ ਜਿਥੇ ਭਾਜਪਾ ਉਸ ਦੇ ਵਿਰੋਧ ਵਿਚ ਅਪਣੇ ਤ੍ਰਿਸ਼ੂਲ ਤਿੱਖੇ ਕਰੀ ਜਾ ਰਹੀ ਹੈ ਤੇ ਉਸ ਦੇ ਗਦਾਧਾਰੀ, ਅਪਣੀ ਤਾਕਤ ਦਾ ਵਿਖਾਵਾ ਵੱਖ ਕਰ ਰਹੇ ਹਨ। ਪਰ ਦੂਜੇ ਪਾਸੇ ਇਕ ਅਜਿਹਾ ਗਠਜੋੜ ਬਣ ਰਿਹਾ ਹੈ ਜਿਥੋਂ ਅਜੇ ਵੀ ਮੈਂ-ਮੈਂ ਦੀਆਂ ਅਵਾਜ਼ਾਂ ਗੂੰਜ ਰਹੀਆਂ ਹਨ।

ਕੁਰਸੀਆਂ ਦੇ ਸੌਦੇ ਕਰਨ ਵਾਲੇ ਇਕੱਠੇ ਬੈਠੇ ਤਾਂ ਹਨ ਪਰ ਉਨ੍ਹਾਂ ਦੇ ਅਪਣੇ ਘਰੋਂ ਅਜਿਹੀਆਂ ਅਵਾਜ਼ਾਂ ਆ ਰਹੀਆਂ ਹਨ ਜਿਨ੍ਹਾਂ ਨੂੰ ਸੁਣ ਕੇ ਲਗਦਾ ਹੈ ਕਿ ਉਥੇ ਅਨੁਸ਼ਾਸਨ ਦੀ ਵੱਡੀ ਘਾਟ ਹੈ ਤੇ ਜਾਂ ਫਿਰ ਅੰਦਰ ਬਹਿ ਕੇ ਕੋੋਈ ਖਿਚੜੀ ਪਕਾਈ ਜਾ ਰਹੀ ਹੈ ਜਿਸ ਦਾ ਸਵਾਦ ਖਾ ਕੇ ਹੀ ਪਤਾ ਲੱਗੇਗਾ। ਇਹੀ ਲਗਦਾ ਹੈ ਕਿ ‘ਇੰਡੀਆ’ ਗਰੁਪ ਦੀਆਂ ਸਾਰੀਆਂ ਪਾਰਟੀਆਂ ਅਪਣੀ ਨਿਜੀ ਤਾਕਤ ਵਧਾ ਕੇ ਅਤੇ ਦੂਜੀਆਂ ਸਾਥੀ ਪਾਰਟੀਆਂ ਦੀ ਤਾਕਤ ਘੱਟ ਕਰ ਕੇ ਵੇਖਣ ਵਿਚ ਹੀ ਮਸਤ ਹਨ ਤੇ ਬੀਜੇਪੀ ਨੂੰ ਹਰਾਉਣ ਦੀ ਗੱਲ ਸੋਚਣ ਦੀ ਥਾਂ,ਉਹ ਅਪਣੀਆਂ ਸਹਿਯੋਗੀ ਪਾਰਟੀਆਂ ਦੀ ਤਾਕਤ ਘੱਟ ਹੁੰਦੀ ਵੇਖ ਕੇ ਜ਼ਿਆਦਾ ਖ਼ੁਸ਼ ਹੋਣਗੀਆਂ ਬਸ਼ਰਤੇ ਕਿ ਉਨ੍ਹਾਂ ਦੀ ਅਪਣੀ ਪਾਰਟੀ ਦੀ ਤਾਕਤ ਵੱਧ ਹੋਈ ਨਜ਼ਰ ਆ ਸਕੇ।

ਇਕ ਪਾਸੇ ਸ਼ਿਵ ਸੈਨਾ ਇਸ ਗਠਬੰਧਨ ਦਾ ਹਿੱਸਾ ਹੈ ਪਰ ਨਾਲ-ਨਾਲ ਸੂਬਾ ਪੱਧਰ ’ਤੇ ਕਾਂਗਰਸ ਤੇ ਸ਼ਿਵ ਸੈਨਾ ਦੀ ਖਹਿਬਾਜ਼ੀ ਵੇਖ ਕੇ ਸਵਾਲ ਉਠਣ ਲਗਦੇ ਹਨ ਕਿ ਆਖ਼ਰ ਇਹ ਸਮਝੌਤਾ ਕਰਨ ਬੈਠੇ ਹਨ ਜਾਂ ਇਕ-ਦੂਜੇ ਨੂੰ ਤਬਾਹ ਕਰਨ ਵਾਸਤੇ ਭਾਜਪਾ ਦੇ ਟ੍ਰੋਜਨ ਘੋੜੇ (Trojan Horse) ਬਣ ਕੇ ਗਠਜੋੜ ਵਿਚ ਸ਼ਾਮਲ ਹੋਏ ਹਨ। ਮਹਾਰਾਸ਼ਟਰਾ ਦੇ ਸਾਬਕਾ ਕਾਂਗਰਸੀ ਮੁੱਖ ਮੰਤਰੀ ਦਾ ਦਾਅਵਾ ਹੈ ਕਿ ਮਹਾਰਾਸ਼ਟਰ ਵਿਚ ਅਗਵਾਈ ਕਾਂਗਰਸ ਵਾਲੇ ਕਰਨਗੇ ਤੇ ਸ਼ਿਵ ਸੈਨਾ ਦਾ ਜਵਾਬ ਹੈ ਕਿ ਜਿਹੜੀ ਕਾਂਗਰਸ ਮਹਾਰਾਸ਼ਟਰ ਵਿਚ ਇਕ ਸੀਟ ਉਤੇ ਸਿਮਟ ਕੇ ਰਹਿ ਗਈ ਹੈ, ਉਹ ਉਸ ਪਿੱਛੇ ਕਿਵੇਂ ਚਲ ਸਕਦੇ ਹਨ?

ਇਹੀ ਸੁਰ ਪਛਮੀ ਬੰਗਾਲ ਵਿਚ ਵੀ ਸੁਣਾਈ ਦੇ ਰਹੀ ਹੈ ਜਿਥੇ ਟੀਐਮਸੀ ਦਾ ਮੰਨਣਾ ਹੈ ਕਿ ਬੰਗਾਲ ਵਿਚ ਗਠਬੰਧਨ ਦਾ ਚਿਹਰਾ ਟੀਐਮਸੀ ਹੀ ਹੋਵੇਗਾ ਨਾ ਕਿ ਕਾਂਗਰਸ। ਪੰਜਾਬ ਦੇ ਮੁੱਖ ਮੰਤਰੀ ਨੇ ਵੀ ਪੰਜਾਬ ਵਿਚ ਕਾਂਗਰਸ ਬਾਰੇ ਬੀਤ ਗਏ ਸਮੇਂ ਦੀ ਕਹਾਣੀ ਹੋਣ ਦਾ ਦਾਅਵਾ ਕਰ ਦਿਤਾ ਹੈ ਤੇ ਆਖ ਦਿਤਾ ਹੈ ਕਿ ਇਥੇ ਤਾਂ ‘ਇਕ ਹੁੰਦੀ ਸੀ ਕਾਂਗਰਸ’ ਦਸਦੀ ਕਥਾ ਸ਼ੁਰੂ ਹੋ ਚੁਕੀ ਹੈ। ਇਨ੍ਹਾਂ ਸੂਬਾ ਪਧਰੀ ਆਗੂਆਂ ਦਾ ਕਹਿਣਾ ਵੀ ਸਹੀ ਹੈ ਕਿਉਂਕਿ ਇਨ੍ਹਾਂ ਸਾਰੇ ਸਿਆਸਤਦਾਨਾਂ ਨੇ ਅਪਣੀ ਹੋਂਦ ਹੀ ਕਾਂਗਰਸ ਨੂੰ ਖ਼ਤਮ ਕਰ ਕੇ ਬਣਾਈ ਹੈ। ਜੇ ਅੱਜ ਉਹ ਰਾਸ਼ਟਰੀ ਪੱਧਰ ਦੀ ਜਿੱਤ ਵਾਸਤੇ ਇਕ ਮੰਚ ’ਤੇ ਖੜੇ ਹੋ ਗਏ ਤਾਂ ਆਉਣ ਵਾਲੇ ਸਮੇਂ ਵਿਚ ਉਨ੍ਹਾਂ ਦੀ ਹੋਂਦ ਦਾ ਕੀ ਬਣੇਗਾ?

ਦੂਜੇ ਪਾਸੇ ਇਨ੍ਹਾਂ ਦੇ ਵੱਡੇ ਆਗੂ ਹਰ ਤਰ੍ਹਾਂ ਦਾ ਸਮਝੌਤਾ ਕਰਨ ਵਾਸਤੇ ਤਿਆਰ ਹਨ। ਆਖ਼ਰਕਾਰ ਇਕ ਪਾਸੇ ਊਧਵ ਠਾਕਰੇ ਤੇ ਦੂਜੇ ਪਾਸੇ ਓਵੈਸੀ ਜੇ ਇਕ ਮੰਚ ’ਤੇ ਖੜੇ ਹਨ ਤਾਂ ਇਹ ਦੋਵੇਂ ਹੀ ਵੱਡੇ ਸਮਝੌਤੇ ਕਰ ਕੇ ਖੜੇ ਹਨ। ਅਕਸਰ ਮੰਨਿਆ ਜਾਂਦਾ ਹੈ ਕਿ ਕਾਂਗਰਸ ਅਪਣੀ ਪਾਰਟੀ ਅੰਦਰ ਅਨੁਸ਼ਾਸਨ ਬਣਾਈ ਰਖਣ ਵਿਚ ਅਸਫ਼ਲ ਹੈ ਜਿਸ ਕਾਰਨ ਇਹ ਅੱਜ ਗਠਬੰਧਨ ਕਰਨ ਲਈ ਮਜਬੂਰ ਹੈ, ਪਰ ਸਾਰੀਆਂ ਸੂਬਾ ਪਧਰੀ ਪਾਟਰੀਆਂ ਦਾ ਹਾਲ ਵੀ ਕਾਂਗਰਸ ਹਾਈਕਮਾਂਡ ਵਰਗਾ ਹੀ ਹੈ ਕਿਉਂਕਿ ਕੋਈ ਵੀ ਅਪਣੀ ਅਪਣੀ ਪਾਰਟੀ ਦੇ ਵਰਕਰਾਂ ਨੂੰ ਇਸ ਗਠਜੋੜ ਵਿਚ ਕੁਰਬਾਨੀ ਦੀ ਭਾਵਨਾ ਨਾਲ ਜੁੜਨ ਵਾਸਤੇ ਮਨਾ ਨਹੀਂ ਪਾ ਰਹੀ ਜਾਂ ਸ਼ਾਇਦ ਇਹ ਲੋਕ ਅਜੇ ਵੀ ਕਾਂਗਰਸ ਨੂੰ ਨੀਵਾਂ ਵਿਖਾਉਣਾ ਚਾਹੁੰਦੇ ਹਨ ਤਾਕਿ ਉਨ੍ਹਾਂ ਦੇ ਹਿੱਸੇ ਜ਼ਿਆਦਾ ਸੀਟਾਂ ਆ ਸਕਣ। ਪਰ ਇਹ ਤਾਂ ਸਾਫ਼ ਹੈ ਕਿ ਇਸ ਗਠਜੋੜ ਵਿਚ ਅਜੇ ਅਪਣੇ ਟੀਚੇ ਪ੍ਰਤੀ ਸੰਜੀਦਗੀ ਬਿਲਕੁਲ ਵੀ ਨਹੀਂ।

ਇਕ ਪਾਸੇ ਜਿਥੇ ਪ੍ਰਧਾਨ ਮੰਤਰੀ ਮੋਦੀ ਵਰਗੇ ਆਗੂ ਦਾ ਰਾਮ ਮੰਦਰ ਦੇ ਉਦਘਾਟਨ ਦੀ ਸਫ਼ਲਤਾ ਦੇ ਮਾਹੌਲ ਵਿਚ ਵਿਰੋਧ ਕਰਨਾ ਮਿਥਿਆ ਗਿਆ ਹੋਵੇ, ਉਥੇ ਇਸ ਤਰ੍ਹਾਂ ਦਾ ਵਿਵਹਾਰ ਇਸ ਗਠਜੋੜ ਵਿਚ ਵਿਸ਼ਵਾਸ ਪੈਦਾ ਨਹੀਂ ਹੋਣ ਦੇਂਦਾ। ਜੇ ਅਸਲ ਵਿਚ ਇਹ ਲੋਕ ਇਹ ਮੰਨ ਕੇ ਚਲਦੇ ਕਿ 2024 ਦੀਆਂ ਚੋਣਾਂ ਲੋਕਤੰਤਰ ਤੇ ਸੰਵਿਧਾਨ ਨੂੰ ਬਚਾਉਣ ਦਾ ਆਖ਼ਰੀ ਮੌਕਾ ਹੈ ਤਾਂ ਫਿਰ ਗੱਲ ਕੁੱਝ ਹੋਰ ਹੀ ਹੁੰਦੀ। ਇਸ ਵਕਤ ‘ਇੰਡੀਆ’ ਦੀ ਭਾਈਵਾਲੀ ਨਾਲੋਂ ਇਸ ਗਠਜੋੜ ਨੂੰ ਭਾਜਪਾ ਜ਼ਿਆਦਾ ਸੰਜੀਦਗੀ ਨਾਲ ਲੈ ਰਹੀ ਹੈ ਤੇ ਇਸ ਵਿਰੁਧ ਅਪਣੇ ਤ੍ਰਿਸ਼ੂਲ ਤਿੱਖੇ ਕਰ ਰਹੀ ਹੈ। ਪਰ ਇਹ ਵੀ ‘ਇੰਡੀਆ’ ਦੀ ਨਹੀਂ ਭਾਜਪਾ ਦੀ ਖ਼ਾਸੀਅਤ ਹੈ ਕਿ ਉਹ ਕਿਸੇ ਵੀ ਲੜਾਈ ਵਿਚ ਭਾਗ ਲੈਣ ਲਗਿਆਂ ਕਿਸੇ ਵੀ ਵਿਰੋਧੀ ਨੂੰ ਛੋਟਾ ਜਾਂ ਕਮਜ਼ੋਰ ਨਹੀਂ ਸਮਝਦੀ।
- ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

ਚੱਲ ਰਹੇ Bulldozer 'ਚ Police ਵਾਲਿਆਂ ਲਈ Ladoo ਲੈ ਆਈ ਔਰਤ ਚੀਕ ਕੇ ਬੋਲ ਰਹੀ, ਮੈਂ ਬਹੁਤ ਖ਼ੁਸ਼ ਹਾਂ ਜੀ ਮੂੰਹ ਮਿੱਠਾ

02 May 2025 5:50 PM

India Pakistan Tensions ਵਿਚਾਲੇ ਸਰਹੱਦੀ ਪਿੰਡਾਂ ਦੇ ਲੋਕਾਂ ਨੇ ਆਪਣੇ ਘਰ ਖ਼ਾਲੀ ਕਰਨੇ ਕਰ 'ਤੇ ਸ਼ੁਰੂ, ਦੇਖੋ LIVE

02 May 2025 5:49 PM

ਦੇਖੋ ਕਿਵੇਂ ਮਾਂ ਹੋਈ ਆਪਣੇ ਬੱਚੇ ਤੋਂ ਦੂਰ, ਕੈਮਰੇ ਸਾਹਮਣੇ ਦੇਖੋ ਕਿੰਝ ਬਿਆਨ ਕੀਤਾ ਦਰਦ ?

30 Apr 2025 5:54 PM

Patiala 'ਚ ਢਾਅ ਦਿੱਤੀ drug smuggler ਦੀ ਆਲੀਸ਼ਾਨ ਕੋਠੀ, ਘਰ ਦੇ ਬਾਹਰ Police ਹੀ Police

30 Apr 2025 5:53 PM

Pehalgam Attack ਵਾਲੀ ਥਾਂ ਤੇ ਪਹੁੰਚਿਆ Rozana Spokesman ਹੋਏ ਅੰਦਰਲੇ ਖੁਲਾਸੇ, ਕਿੱਥੋਂ ਆਏ ਤੇ ਕਿੱਥੇ ਗਏ ਹਮਲਾਵਰ

26 Apr 2025 5:49 PM
Advertisement