ਸੀ.ਏ.ਏ. ਕਾਨੂੰਨ ਵਿਰੁਧ ਦੇਸ਼, ਦੁਨੀਆਂ ਵਿਚ ਉਬਾਲ

ਸਪੋਕਸਮੈਨ ਸਮਾਚਾਰ ਸੇਵਾ
Published Jan 10, 2020, 10:16 am IST
Updated Jan 10, 2020, 10:16 am IST
ਕੇਂਦਰ ਨੂੰ ਇਹ ਆਵਾਜ਼ ਸੁਣਨੀ ਹੀ ਚਾਹੀਦੀ ਹੈ
File Photo
 File Photo

ਸੀ.ਏ.ਏ. ਵਿਰੁਧ ਉਠ ਖੜਾ ਹੋਇਆ ਭਾਰਤ ਇਕ ਉਬਾਲ ਵਲ ਤੇਜ਼ੀ ਨਾਲ ਵੱਧ ਰਿਹਾ ਹੈ ਅਤੇ ਚੀਫ਼ ਜਸਟਿਸ ਆਫ਼ ਇੰਡੀਆ ਨੇ ਸਹੀ ਆਖਿਆ ਹੈ ਕਿ ਦੇਸ਼ ਬੜੇ 'ਨਾਜ਼ੁਕ' ਦੌਰ 'ਚੋਂ ਲੰਘ ਰਿਹਾ ਹੈ। ਸੁਪ੍ਰੀਮ ਕੋਰਟ ਦੇ ਚੀਫ਼ ਜਸਟਿਸ ਨੇ ਇਹ ਸ਼ਬਦ ਇਕ ਪਟੀਸ਼ਨ ਨੂੰ ਖ਼ਾਰਜ ਕਰਦਿਆਂ ਆਖੇ ਜੋ ਮੰਗ ਕਰਦੀ ਸੀ ਕਿ ਸਰਕਾਰ ਵਲੋਂ ਦਸਿਆ ਜਾਏ ਕਿ ਸੀ.ਏ.ਏ. ਸੰਵਿਧਾਨ ਅਨੁਸਾਰ ਕਿਵੇਂ ਹੈ।

CAACAA

Advertisement

ਸੀ.ਏ.ਏ. ਦੇ ਮੁੱਦੇ 'ਤੇ 60 ਪਟੀਸ਼ਨਾਂ ਸੁਪਰੀਮ ਕੋਰਟ ਵਿਚ ਦਰਜ ਹਨ ਅਤੇ ਦੋ ਸੂਬਿਆਂ ਨੇ ਸੀ.ਏ.ਏ. ਨੂੰ ਲਾਗੂ ਕਰਨ ਤੋਂ ਇਨਕਾਰ ਕਰ ਦਿਤਾ ਹੈ। ਸਰਕਾਰ ਨੂੰ ਇਸ ਵੇਲੇ ਦੋ ਹਫ਼ਤਿਆਂ ਦਾ ਸਮਾਂ ਦਿਤਾ ਗਿਆ ਹੈ। ਜਿਸ ਸਰਕਾਰ ਨੇ ਏਨੀ ਤਾਕਤ ਅਤੇ ਵਿਸ਼ਵਾਸ ਨਾਲ ਸੀ.ਏ.ਏ. ਨੂੰ ਸੰਸਦ ਵਿਚ ਪਾਸ ਕਰਵਾਇਆ ਹੈ, ਉਸ ਨੂੰ ਅੱਜ ਦੋ ਹਫ਼ਤਿਆਂ ਦੀ ਮੋਹਲਤ ਦੇਣ ਦੀ ਲੋੜ ਨਹੀਂ ਸੀ।

Supreme CourtSupreme Court

ਕੇਂਦਰੀ ਮੰਤਰੀ ਆਖਦੇ ਹਨ ਕਿ ਸਰਕਾਰ ਇਸ ਕਾਨੂੰਨ ਤੋਂ ਪਿੱਛੇ ਹਟਣ ਵਾਲੀ ਨਹੀਂ ਪਰ ਜਿਸ ਤਰ੍ਹਾਂ ਲੋਕ ਇਸ ਵਿਰੁਧ ਸੜਕਾਂ ਉਤੇ ਲਗਾਤਾਰ ਉਤਰੇ ਹੋਏ ਹਨ, ਉਸ ਨੂੰ ਵੇਖ ਕੇ, ਕੀ ਇਹ ਅੜ ਜਾਣ ਦਾ ਫ਼ੈਸਲਾ ਸਹੀ ਆਖਿਆ ਜਾ ਸਕਦਾ ਹੈ? ਅੱਜ ਸਰਕਾਰ ਨੇ ਪੂਰੀ ਕੋਸ਼ਿਸ਼ ਕੀਤੀ ਹੋਈ ਹੈ ਕਿ ਪੂਰੇ ਦੇਸ਼ ਦਾ ਵਿਰੋਧ ਸੁਰਖ਼ੀਆਂ ਵਿਚ ਨਾ ਆਵੇ ਅਤੇ ਸੋਸ਼ਲ ਮੀਡੀਆ ਉਤੇ ਪ੍ਰਚਾਰਿਆ ਨਾ ਜਾਵੇ ਪਰ ਇਸ ਦੇ ਬਾਵਜੂਦ ਸੜਕਾਂ ਖ਼ਾਲੀ ਹੋਣ ਦਾ ਨਾਂ ਨਹੀਂ ਲੈ ਰਹੀਆਂ।

BJPBJP

ਜਿਸ ਤਰ੍ਹਾਂ ਭਾਜਪਾ ਸੰਸਦ ਮੈਂਬਰ ਸਵਪਨਦਾਸ ਨੂੰ ਪਛਮੀ ਬੰਗਾਲ 'ਚ ਵਿਦਿਆਰਥੀਆਂ ਨੇ ਘੇਰ ਕੇ ਇਕ ਕਮਰੇ ਵਿਚ ਬੰਦ ਹੋਣ ਵਾਸਤੇ ਮਜਬੂਰ ਕੀਤਾ, ਸਾਫ਼ ਹੈ ਕਿ ਅੱਜ ਲੋਕ, ਸਰਕਾਰ ਦੀ ਗੱਲ ਸੁਣਨ ਲਈ ਤਿਆਰ ਹੀ ਨਹੀਂ ਹਨ। ਲੋਕਾਂ ਦੇ ਮਨਾਂ ਵਿਚ ਇਕ ਅਜਿਹੀ ਬੇਵਿਸ਼ਵਾਸੀ ਬਣ ਗਈ ਹੋਈ ਹੈ ਕਿ ਉਹ ਮੰਤਰੀ ਦੇ ਅੱਜ ਦੇ ਲਫ਼ਜ਼ਾਂ ਉਤੇ ਨਹੀਂ ਬਲਕਿ ਇਸ ਤੋਂ ਬਾਅਦ ਦੀ ਹੋਣ ਵਾਲੀ ਇਸ ਦੀ ਦੁਰਵਰਤੋਂ ਬਾਰੇ ਸੋਚ ਕੇ ਡਰ ਰਹੇ ਹਨ।

Hindu RashtraHindu Rashtra

ਦੂਜੇ ਪਾਸੇ ਅਜਿਹੇ ਨੇਤਾ ਹਨ ਜੋ ਕਹਿੰਦੇ ਹਨ ਕਿ ਕਾਨੂੰਨ ਵਿਚ ਕੋਈ ਖ਼ਰਾਬੀ ਨਹੀਂ। ਉਨ੍ਹਾਂ ਮੁਤਾਬਕ, ਜੇ ਇਹ ਕਾਨੂੰਨ ਭਾਰਤ ਨੂੰ ਇਕ ਹਿੰਦੂ ਰਾਸ਼ਟਰ ਵੀ ਐਲਾਨਦਾ ਹੈ ਤਾਂ ਉਸ ਵਿਚ ਖ਼ਰਾਬੀ ਕੀ ਹੈ? ਸੋ ਹੁਣ ਦੋਹਾਂ ਵਿਚਾਰਧਾਰਾਵਾਂ ਵਿਚ ਲੜਾਈ ਚਲ ਰਹੀ ਹੈ। ਇਕ ਬਣ ਗਿਆ ਟੁਕੜੇ ਟੁਕੜੇ ਗੈਂਗ ਅਤੇ ਦੂਜਾ ਬਣ ਗਿਆ ਸੱਚਾ ਦੇਸ਼ ਭਗਤ। ਉਂਜ ਇਕ ਨਜ਼ਰ ਨਾਲ ਵੇਖੋ ਤਾਂ ਦੋਵੇਂ ਹੀ ਦੇਸ਼ ਪ੍ਰੇਮੀ ਹਨ ਪਰ ਉਨ੍ਹਾਂ ਦੀ ਲੜਾਈ ਦੇਸ਼ ਨੂੰ ਦੋ ਧੜਿਆਂ ਵਿਚ ਵੰਡ ਰਹੀ ਹੈ।

CAA Protest CAA

ਜਿਹੜੇ ਲੋਕ ਵਿਚ ਵਿਚਾਲੇ ਲਟਕਦੇ ਰਹਿੰਦੇ ਸਨ ਅਤੇ ਅਪਣੇ ਕੰਮ ਵਿਚ ਰੁੱਝੇ ਰਹਿੰਦੇ ਸਨ, ਉਹ ਵੀ ਹੁਣ ਸੱਜੇ ਜਾਂ ਖੱਬੇ ਹੋਣ ਲਈ ਮਜਬੂਰ ਹੋ ਰਹੇ ਹਨ। ਅੱਜ ਅਸੀਂ ਨਾ ਸਿਰਫ਼ ਭਾਰਤ ਵਿਚ ਬਲਕਿ ਵਿਦੇਸ਼ਾਂ ਵਿਚ ਬੈਠੇ ਵਿਦਿਆਰਥੀਆਂ ਵਲੋਂ ਵੀ ਵਿਰੋਧ ਹੁੰਦਾ ਵੇਖ ਰਹੇ ਹਾਂ ਜੋ ਕਦੇ ਵੀ ਕਿਸੇ ਹਾਲ ਵਿਚ ਇਕ ਪੱਖ ਦੀ ਹਮਾਇਤ ਵਿਚ ਨਹੀਂ ਬੋਲਦੇ। ਦਿੱਲੀ ਵਿਚ ਜੋ ਲੋਕ 'ਵਰਸਟੀ ਚੋਣਾਂ ਵਿਚ ਹਿੱਸਾ ਨਹੀਂ ਲੈਂਦੇ, ਉਹ ਵੀ ਅੱਜ ਪ੍ਰੇਸ਼ਾਨ ਕਰ ਰਹੇ ਹਨ ਅਤੇ ਨਾਲ ਹੀ ਛੋਟੇ ਸ਼ਹਿਰਾਂ ਵਿਚ ਬੈਠੇ ਲੋਕ ਵੀ।

Deepika Padukone joins students at JNU during protestDeepika Padukone  

ਸਰਕਾਰ ਦੇ ਹੱਕ ਵਿਚ ਨਾ ਬੋਲਣ ਵਾਲਿਆਂ ਨਾਲ ਜਿਸ ਤਰ੍ਹਾਂ ਦੀ ਸਖ਼ਤੀ ਵਰਤੀ ਜਾ ਰਹੀ ਹੈ ਅਤੇ ਉਨ੍ਹਾਂ ਨੂੰ ਦੇਸ਼ ਧ੍ਰੋਹੀ ਆਖਿਆ ਜਾ ਰਿਹਾ ਹੈ, ਉਹ ਇਸ ਦਰਾੜ ਨੂੰ ਹੋਰ ਵੀ ਵੱਡੀ ਤੇ ਡੂੰਘੀ ਕਰੇਗੀ। ਬਾਲੀਵੁੱਡ ਅਦਾਕਾਰਾ ਦੀਪੀਕਾ ਪਾਦੂਕੋਣ ਵਲੋਂ ਨਹਿਰੂ ਯੂਨੀਵਰਸਟੀ ਦੇ ਵਿਦਿਆਰਥੀਆਂ ਦਾ ਸਮਰਥਨ ਕਰਨਾ, ਉਸ ਦਾ, ਬਤੌਰ ਇਕ ਭਾਰਤੀ ਨਾਗਰਿਕ, ਹੱਕ ਬਣਦਾ ਹੈ।

BJPBJP

ਪਰ ਇਸ ਨੂੰ ਲੈ ਕੇ ਭਾਜਪਾ ਦੇ ਕਾਰਕੁਨਾਂ ਵਲੋਂ ਉਸ ਦੀ ਫ਼ਿਲਮ ਦਾ ਬਾਈਕਾਟ ਕਰਨਾ, ਵਿਰੋਧੀ ਧਿਰ ਦੇ ਡਰ ਨੂੰ ਵੀ ਸੱਚਾ ਸਾਬਤ ਕਰਦਾ ਹੈ। ਭਾਜਪਾ ਸਰਕਾਰ ਇਕ ਲੋਕਤੰਤਰੀ ਸਰਕਾਰ ਹੈ ਨਾਕਿ ਇਕ ਤਾਨਾਸ਼ਾਹੀ ਸਰਕਾਰ। ਇਕ ਲੋਕਤੰਤਰ ਵਿਚ ਸਰਕਾਰ ਨੂੰ ਲੋਕਾਂ ਦੀ ਸੁਣਨੀ ਹੀ ਪੈਂਦੀ ਹੈ ਤੇ ਸੁਣਨੀ ਚਾਹੀਦੀ ਵੀ ਹੈ। ਵਿਰੋਧ, ਕਿਸੇ ਦੇਸ਼ ਵਿਰੋਧੀ ਸੋਚ ਦਾ ਨਤੀਜਾ ਨਹੀਂ ਬਲਕਿ ਦੇਸ਼ਪ੍ਰੇਮ ਕਾਰਨ ਕੀਤਾ ਜਾ ਰਿਹਾ ਹੈ।

CAA Protest CAA

ਅੱਜ ਦੇ ਦਿਨ ਜੋ ਲੋਕ ਸੜਕਾਂ ਉਤੇ ਉਤਰ ਰਹੇ ਹਨ ਤੇ ਜਿਨ੍ਹਾਂ ਨੂੰ ਟੁਕੜਾ ਟੁਕੜਾ ਗੈਂਗ ਆਖਿਆ ਜਾ ਰਿਹਾ ਹੈ, ਉਹ ਅਸਲ ਵਿਚ ਦੇਸ਼ ਨਾਲ ਜੁੜੇ ਹੋਏ ਦੇਸ਼-ਭਗਤ ਹਨ ਜਿਨ੍ਹਾਂ ਦੀ ਆਸਥਾ ਦਾ ਕੇਂਦਰ ਬਿੰਦੂ ਸੰਵਿਧਾਨ ਹੈ। ਜੋ ਲੋਕ ਇਸ ਸਮੇਂ ਸੱਤਾ ਦਾ ਹਿੱਸਾ ਹਨ, ਕੀ ਉਹ ਕੰਮ ਕਰ ਰਹੇ ਹਨ? ਜਿਨ੍ਹਾਂ ਦਾ ਲੋਕ-ਰਾਜ ਅਤੇ ਸੰਵਿਧਾਨ ਵਿਚ ਵਿਸ਼ਵਾਸ ਅਟੱਲ ਹੈ, ਉਹ ਅੱਜ ਗੁਨਾਹਗਾਰ ਦੱਸੇ ਜਾ ਰਹੇ ਹਨ।

Note BandiNote Bandi

ਇਸ ਕਾਨੂੰਨ ਨੇ ਦੇਸ਼ ਵਿਚ ਦਰਾੜਾਂ ਨੂੰ ਬਹੁਤ ਗਹਿਰਾ ਕਰ ਦਿਤਾ ਹੈ ਤੇ ਲੋਕ ਹੁਣ ਸਮਝਦੇ ਹਨ ਕਿ ਚੁੱਪ ਰਹਿਣ ਨਾਲ ਕੰਮ ਨਹੀਂ ਬਣਨਾ। ਡਰ ਇਹ ਹੈ ਕਿ ਅੱਜ ਜੇ ਫਿਰ ਚੁਪ ਰਹਿ ਗਏ ਤਾਂ ਕਲ ਕਿਸ ਉਤੇ ਹਮਲਾ ਹੋਵੇਗਾ? ਦੇਸ਼ ਨੇ ਇਸ ਸਰਕਾਰ ਦੀ ਸੋਚ ਮੁਤਾਬਕ ਬੜੇ ਬਦਲਾਅ ਸਹੇ ਹਨ। ਨੋਟਬੰਦੀ ਵਰਗਾ ਤੂਫ਼ਾਨ ਵੀ ਸਹਾਰਿਆ ਪਰ ਵਿਦਿਆਰਥੀਆਂ ਉਤੇ ਹਮਲਾ ਹੁਣ ਨਾਕਾਬਲੇ ਬਰਦਾਸ਼ਤ ਸਾਬਤ ਹੋ ਰਿਹਾ ਹੈ।  -ਨਿਮਰਤ ਕੌਰ
 

Advertisement

 

Advertisement
Advertisement