ਕਾਂਗਰਸ ਪਾਰਟੀ ਨੇ ਆਖ਼ਰਕਾਰ ਅਪਣਾ ਪੰਜਾਬ ਪ੍ਰਧਾਨ ਤੇ ਵਿਧਾਨ ਸਭਾ ਦਾ ਲੀਡਰ ਚੁਣ ਲਿਆ ਹੈ।
ਨਵਜੋਤ ਸਿਧੂ ਤੋਂ ਬਾਅਦ, ਦੂਜੀ ਚੁਨੌਤੀ ਕਾਂਗਰਸ ਦੇ ਐਮ.ਪੀ. ਧੜੇ ਵਲੋਂ ਆਵੇਗੀ ਜੋ ਅਪਣੀ ਹਾਈਕਮਾਂਡ ਦੇ ਫ਼ੈਸਲੇ ਨਾਲ ਨਾਰਾਜ਼ ਹਨ ਕਿਉਂਕਿ ਉਨ੍ਹਾਂ ਦੀ ਨਾ ਕੈਪਟਨ ਅਮਰਿੰਦਰ ਸਿੰਘ ਦੇ ਸਮੇਂ ਸੁਣਵਾਈ ਹੋਈ ਤੇ ਨਾ ਚਰਨਜੀਤ ਸਿੰਘ ਚੰਨੀ ਦੇ ਸਮੇਂ। ਉਨ੍ਹਾਂ ਨੂੰ ਸਿਰਫ਼ ਦੋਹਾਂ ਮੁੱਖ ਮੰਤਰੀਆਂ ਦੇ ਅੰਤਮ ਦਿਨਾਂ ਵਿਚ ਇਸਤੇਮਾਲ ਕੀਤਾ ਗਿਆ ਪਰ ਜਦ ਉਨ੍ਹਾਂ ਕੋਲ ਅੱਜ ਕੋਈ ਤਾਕਤ ਹੀ ਨਹੀਂ ਛੱਡੀ ਗਈ ਤਾਂ ਉਹ ਅਗਲੀਆਂ ਚੋਣਾਂ ਵਿਚ ਕੀ ਕਹਿ ਕੇ ਵੋਟਾਂ ਮੰਗਣਗੇ? ਕੀ ਉਨ੍ਹਾਂ ਨੂੰ ਲਗਦਾ ਹੈ ਕਿ ਰਾਹੁਲ ਗਾਂਧੀ ਦੇ ਨਾਮ ਤੇ ਉਨ੍ਹਾਂ ਨੂੰ ਦੁਬਾਰਾ ਐਮ.ਪੀ. ਬਣਨ ਦਾ ਮੌਕਾ ਮਿਲ ਜਾਵੇਗਾ?
Navjot Singh Sidhu
ਆਉਣ ਵਾਲਾ ਸਮਾਂ ਹੀ ਦਸੇਗਾ ਕਿ ਰਾਜਾ ਵੜਿੰਗ ਦੇ ਕਾਂਗਰਸ ਪ੍ਰਧਾਨ ਬਣਨ ਨਾਲ ਪੰਜਾਬ ਕਾਂਗਰਸ ਇਕਜੁਟ ਹੋਵੇਗੀ ਜਾਂ ਬਿਲਕੁਲ ਹੀ ਬਿਖਰ ਜਾਵੇਗੀ। ਪਰ ਜਿਵੇਂ ਹਾਲਾਤ ਸਾਰੇ ਦੇਸ਼ ਵਿਚ ਬਣਦੇ ਜਾ ਰਹੇ ਹਨ, ਜਾਪਦਾ ਹੈ ਕਿ ਰਾਹੁਲ ਨੇ ਜੇ ਅਪਣੀ ਜ਼ਿੰਮੇਵਾਰੀ ਪੂਰੀ ਤਰ੍ਹਾਂ ਨਾ ਸੰਭਾਲੀ ਤਾਂ ਦੇਸ਼, ਵਿਰੋਧੀ-ਧਿਰ ਰਹਿਤ ਲੋਕਤੰਤਰ ਬਣ ਕੇ ਹੀ ਰਹੇਗਾ।
Raja Warring
ਕਾਂਗਰਸ ਪਾਰਟੀ ਨੇ ਆਖ਼ਰਕਾਰ ਅਪਣਾ ਪੰਜਾਬ ਪ੍ਰਧਾਨ ਤੇ ਵਿਧਾਨ ਸਭਾ ਦਾ ਲੀਡਰ ਚੁਣ ਲਿਆ ਹੈ। ਬੜੇ ਨਾਮ ਚਰਚਾ ਵਿਚ ਆਏ ਸਨ ਪਰ ਆਖ਼ਰਕਾਰ ਰਾਹੁਲ ਗਾਂਧੀ ਦੇ ਭਰੋਸੇਮੰਦ ਹੀ ਗਲਾਂ ਵਿਚ ਹਾਰ ਪੁਆ ਸਕੇ। ਰਾਹੁਲ ਗਾਂਧੀ ਹਾਲ ਵਿਚ ਇਹ ਕਹਿੰਦੇ ਸੁਣਾਈ ਦਿਤੇ ਕਿ ਉਹ ਸਿਆਸਤ ਵਿਚ ਨਹੀਂ ਰਹਿਣਾ ਚਾਹੁੰਦੇ ਪਰ ਹਰ ਕੋਈ ਜਾਣਦਾ ਹੈ ਕਿ ਉਨ੍ਹਾਂ ਦਾ ਜਨਮ ਹੀ ਸਿਆਸਤ ਵਿਚ ਹੋਇਆ ਸੀ।
Rahul Gandhi
ਸੋ ਉਹ ਚਾਹੁਣ ਨਾ ਚਾਹੁਣ, ਉਨ੍ਹਾਂ ਕੋਲ ਹੋਰ ਰਸਤਾ ਹੀ ਕੋਈ ਨਹੀਂ। ਰਸਤੇ ਤਾਂ ਹਰ ਬੰਦੇ ਕੋਲ ਕਈ ਕਈ ਹੁੰਦੇ ਹਨ ਪਰ ਹੁਣ ਇਹ ਵੀ ਸਾਫ਼ ਹੈ ਕਿ ਰਾਹੁਲ ਗਾਂਧੀ ਨੇ ਸਿਆਸਤ ਵਿਚ ਰਹਿਣਾ ਹੈ ਪਰ ਉਨ੍ਹਾਂ ਵਲੋਂ ਲਗਾਤਾਰ ਕੀਤੀ ਜਾ ਰਹੀ ਨਾਂਹ ਨਾਂਹ ਵੀ ਇਕ ਰਾਜਸੀ ਡਰਾਮੇ ਤੋਂ ਵੱਧ ਕੁੱਝ ਨਹੀਂ। ਨਾ ਉਹ ਤੇ ਨਾ ਉਨ੍ਹਾਂ ਦੀ ਮਾਤਾ ਸੋਨੀਆ ਗਾਂਧੀ ਹੀ ਕਮਾਨ ਛੱਡ ਸਕਦੇ ਹਨ ਤੇ ਨਾ ਪੂਰੀ ਤਰ੍ਹਾਂ ਸਰਗਰਮ ਹੋ ਕੇ ਕੰਮ ਹੀ ਕਰਨਾ ਚਾਹੁੰਦੇ ਹਨ। ਸੋਚ ਵਿਚਾਰ ਕਰ ਕੇ ਹੁਣ ਜਿਹੜੇ ਨਵੇਂ ਚਿਹਰੇ ਪੰਜਾਬ ਵਿਚ ਲਗਾਏ ਗਏ ਹਨ, ਉਹ ਅਪਣੇ ਆਪ ਵਿਚ ਬਿਹਤਰ ਚਿਹਰੇ ਹਨ। ਪਰ ਕੀ ਉਨ੍ਹਾਂ ਦਾ ਲਗਾਇਆ ਜਾਣਾ ਰਾਹੁਲ ਗਾਂਧੀ ਪ੍ਰਤੀ ਵਫ਼ਾਦਾਰੀ ਦਾ ਇਨਾਮ ਹੀ ਹੈ ਜਾਂ ਉਹ ਪੰਜਾਬ ਕਾਂਗਰਸ ਨੂੰ ਇਕਜੁਟ ਕਰਨ ਦੀ ਸਮਰੱਥਾ ਵੀ ਰਖਦੇ ਹਨ?
Congress
ਪੰਜਾਬ ਕਾਂਗਰਸ ਦੀ ਸੱਭ ਤੋਂ ਵੱਡੀ ਕਮਜ਼ੋਰੀ ਇਹ ਰਹੀ ਹੈ ਕਿ ਉਹ ਅਪਣਿਆਂ ਵਿਰੁਧ ਹੀ ਜੰਗ ਛੇੜੀ ਰਖਦੇ ਹਨ ਤੇ ਇਸ ਤਰ੍ਹਾਂ ਵਾਰ ਕਰਦੇ ਹਨ ਕਿ ਵਿਰੋਧੀਆਂ ਵਾਸਤੇ ਕਾਂਗਰਸ ਨੂੰ ਮਾਰਨ ਲਈ ਕੰਮ ਹੀ ਕੋਈ ਨਹੀਂ ਬਚਦਾ। ਇਹੀ ਵੱਡਾ ਕਾਰਨ ਸੀ ਕਿ ਕਾਂਗਰਸ ਨੂੰ ਸ਼ਰਮਨਾਕ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਪਰ ਕੀ ਇਸ ਨਵੀਂ ਲੀਡਰਸ਼ਿਪ ਦੇ ਆ ਜਾਣ ਨਾਲ ਹੁਣ ਸਾਰੇ ਇਕਜੁਟ ਹੋ ਜਾਣਗੇ ਜਾਂ ਕਾਂਗਰਸ ਦੀ ਅੰਦਰੂਨੀ ਡੈਮੋਕਰੇਸੀ ਦਾ ਅਰਥ ਇਹ ਹੈ ਕਿ ਤੁਸੀ ਆਪਸ ਵਿਚ ਬੇਸ਼ੱਕ ਚਿੱਕੜ ਉਛਾਲਦੇ ਰਹੋ ਪਰ ਰਾਹੁਲ ਗਾਂਧੀ ਉਤੇ ਨਹੀਂ?
Sonia Gandhi
ਕਾਂਗਰਸ ਹਾਈਕਮਾਨ ਨੇ ਪਹਿਲੀ ਵਾਰ ਜਿਸ ਫੁਰਤੀ ਨਾਲ ਸੁਰਜੀਤ ਸਿੰਘ ਧੀਮਾਨ ਨੂੰ ਕਢਿਆ ਹੈ, ਉਹ ਇਹੀ ਦਰਸਾਉਂਦਾ ਹੈ ਕਿ ਕਾਂਗਰਸ ਵਿਚ ਆਉਣ ਵਾਲੇ ਸਮੇਂ ਵਿਚ ਵੀ ਅਨੁਸ਼ਾਸਨ ਨਹੀਂ ਆਉਣ ਵਾਲਾ। ਸ਼ਰਤ ਇਹ ਹੈ ਕਿ ਉਹ ਰਾਹੁਲ ਗਾਂਧੀ ਬਾਰੇ ਕੁੱਝ ਨਾ ਆਖਣ, ਬਾਕੀ ਸੱਭ ਠੀਕ ਹੈ। ਹੁੁਣ ਜਾਖੜ ਜੀ ਨੂੰ ਵੀ ਅਨੁਸ਼ਾਸਨ ਤੋੜਨ ਦਾ ਨੋਟਿਸ ਦੇ ਦਿਤਾ ਗਿਆ ਹੈ ਪਰ ਵੇਲੇ ਸਿਰ ਕੁੱਝ ਕੀਤਾ ਨਾ ਤੇ ਅੱਜ ਇਹ ਨੋਟਿਸ ਕਿਸੇ ਕੰਮ ਨਹੀਂ ਆਉਣਗੇ, ਸਿਵਾਏ ਵਿਖਾਵਾ ਕਰਨ ਦੇ।
Navjot Singh Sidhu
ਆਉਣ ਵਾਲੇ ਸਮੇਂ ਵਿਚ ਪੰਜਾਬ ਕਾਂਗਰਸ ਵਿਚ ਹੋਰ ਬੜੇ ਧਮਾਕੇ ਹੋਣ ਦੇ ਆਸਾਰ ਹਨ ਕਿਉਂਕਿ ਕਈ ਪ੍ਰਮੁੱਖ ਆਗੂਆਂ ਨੂੰ ਇਕ ਨੌਜਵਾਨ ਆਗੂ ਦੀ ਕਮਾਨ ਹੇਠ ਕੰਮ ਕਰਨਾ ਗਵਾਰਾ ਨਹੀਂ ਹੋਵੇਗਾ। ਨਵਜੋਤ ਸਿੰਘ ਸਿੱਧੂ ਨੂੰ ਸ਼ਾਇਦ ਅਪਣੇ ਦੁਬਾਰਾ ਪ੍ਰਧਾਨ ਨਾ ਬਣਾਏ ਜਾਣ ਦਾ ਅੰਦਾਜ਼ਾ ਸੀ ਜਿਸ ਕਾਰਨ ਉਨ੍ਹਾਂ ਨੇ ਅਪਣੇ ਧੜੇ ਵਾਸਤੇ ਕਾਂਗਰਸ ਵਿਚ ਹੀ ਵਲਗਣ ਤਿਆਰ ਕਰਨੀ ਸ਼ੁਰੂ ਕਰ ਦਿਤੀ ਸੀ। ਸ਼ਾਇਦ ਇਕ ਹੋਰ ਇਮਾਨਦਾਰ ਪਾਰਟੀ ਬਣਨ ਜਾ ਰਹੀ ਹੈ ਜੋ ਪੰਜਾਬ ਦੀ ਸੂਬਾ ਪਧਰੀ ਪਾਰਟੀ ਸਾਬਤ ਹੋ ਸਕਦੀ ਹੈ ਕਿਉਂਕਿ ਨਵਜੋਤ ਸਿੰਘ ਸਿੱਧੂ ਨੂੰ ਸਿਰਫ਼ ਤੇ ਸਿਰਫ਼ ਪੰਜਾਬ ਵਿਚ ਹੀ ਦਿਲਚਸਪੀ ਹੈ। ਉਹ ਪੰਜਾਬ ਨੂੰ ਬਾਕੀ ਸੂਬੇ ਜਾਂ ਪੀ.ਐਮ.ਓ. ਦੇ ਰਸਤੇ ਵਾਂਗ ਨਹੀਂ ਵੇਖਦੇ।
Captain Amarinder Singh
ਨਵਜੋਤ ਸਿਧੂ ਤੋਂ ਬਾਅਦ, ਦੂਜੀ ਚੁਨੌਤੀ ਕਾਂਗਰਸ ਦੇ ਐਮ.ਪੀ. ਧੜੇ ਵਲੋਂ ਆਵੇਗੀ ਜੋ ਅਪਣੀ ਹਾਈਕਮਾਂਡ ਦੇ ਫ਼ੈਸਲੇ ਨਾਲ ਨਾਰਾਜ਼ ਹਨ ਕਿਉਂਕਿ ਉਨ੍ਹਾਂ ਦੀ ਨਾ ਕੈਪਟਨ ਅਮਰਿੰਦਰ ਸਿੰਘ ਦੇ ਸਮੇਂ ਸੁਣਵਾਈ ਹੋਈ ਤੇ ਨਾ ਚਰਨਜੀਤ ਸਿੰਘ ਚੰਨੀ ਦੇ ਸਮੇਂ। ਉਨ੍ਹਾਂ ਨੂੰ ਸਿਰਫ਼ ਦੋਹਾਂ ਮੁੱਖ ਮੰਤਰੀਆਂ ਦੇ ਅੰਤਮ ਦਿਨਾਂ ਵਿਚ ਇਸਤੇਮਾਲ ਕੀਤਾ ਗਿਆ ਪਰ ਜਦ ਉਨ੍ਹਾਂ ਕੋਲ ਅੱਜ ਕੋਈ ਤਾਕਤ ਹੀ ਨਹੀਂ ਛੱਡੀ ਗਈ ਤਾਂ ਉਹ ਅਗਲੀਆਂ ਚੋਣਾਂ ਵਿਚ ਕੀ ਕਹਿ ਕੇ ਵੋਟਾਂ ਮੰਗਣਗੇ? ਕੀ ਉਨ੍ਹਾਂ ਨੂੰ ਲਗਦਾ ਹੈ ਕਿ ਰਾਹੁਲ ਗਾਂਧੀ ਦੇ ਨਾਮ ਤੇ ਉਨ੍ਹਾਂ ਨੂੰ ਦੁਬਾਰਾ ਐਮ.ਪੀ. ਬਣਨ ਦਾ ਮੌਕਾ ਮਿਲ ਜਾਵੇਗਾ?
Raja Warring
ਆਉਣ ਵਾਲਾ ਸਮਾਂ ਹੀ ਦਸੇਗਾ ਕਿ ਰਾਜਾ ਵੜਿੰਗ ਦੇ ਕਾਂਗਰਸ ਪ੍ਰਧਾਨ ਬਣਨ ਨਾਲ ਪੰਜਾਬ ਕਾਂਗਰਸ ਇਕਜੁਟ ਹੋਵੇਗੀ ਜਾਂ ਬਿਲਕੁਲ ਹੀ ਬਿਖਰ ਜਾਵੇਗੀ। ਪਰ ਜਿਵੇਂ ਹਾਲਾਤ ਸਾਰੇ ਦੇਸ਼ ਵਿਚ ਬਣਦੇ ਜਾ ਰਹੇ ਹਨ, ਜਾਪਦਾ ਹੈ ਕਿ ਰਾਹੁਲ ਨੇ ਜੇ ਅਪਣੀ ਜ਼ਿੰਮੇਵਾਰੀ ਪੂਰੀ ਤਰ੍ਹਾਂ ਨਾ ਸੰਭਾਲੀ ਤਾਂ ਦੇਸ਼, ਵਿਰੋਧੀ-ਧਿਰ ਰਹਿਤ ਲੋਕਤੰਤਰ ਬਣ ਕੇ ਹੀ ਰਹੇਗਾ।
-ਨਿਮਰਤ ਕੌਰ
