Advertisement

ਚੋਣਾਂ ਦਾ ਮਾਹੌਲ ਕਿਸੇ ਨੂੰ ਵੀ 'ਅਣਐਲਾਨੀ ਐਮਰਜੈਂਸੀ' ਨਾ ਲੱਗੇ, ਇਹ ਜ਼ਿੰਮੇਵਾਰੀ ਚੋਣ ਕਮਿਸ਼ਨ...

ਸਪੋਕਸਮੈਨ ਸਮਾਚਾਰ ਸੇਵਾ
Published Apr 16, 2019, 1:18 am IST
Updated Apr 16, 2019, 1:18 am IST
ਚੋਣਾਂ ਦਾ ਮਾਹੌਲ ਕਿਸੇ ਨੂੰ ਵੀ 'ਅਣਐਲਾਨੀ ਐਮਰਜੈਂਸੀ' ਨਾ ਲੱਗੇ, ਇਹ ਜ਼ਿੰਮੇਵਾਰੀ ਚੋਣ ਕਮਿਸ਼ਨ ਤੇ ਸੁਪ੍ਰੀਮ ਕੋਰਟ ਦੀ ਹੈ...
Lok Sabha elections : Big responsibility of Election Commission and Supreme Court
 Lok Sabha elections : Big responsibility of Election Commission and Supreme Court

1977 ਬਾਰੇ ਗੱਲ ਕਰਦੇ ਹੋਏ ਸਿਆਸਤਦਾਨ ਹਮੇਸ਼ਾ ਉਸ ਨੂੰ ਲੋਕਤੰਤਰ ਦੀ ਕਾਲੀ ਰਾਤ ਕਹਿ ਕੇ ਯਾਦ ਕਰਦੇ ਹਨ ਜਦ ਤਾਕਤ 'ਚ ਅੰਨ੍ਹੀ ਹੋਈ ਇੰਦਰਾ ਗਾਂਧੀ ਨੇ ਦੇਸ਼ ਵਿਚ ਐਮਰਜੰਸੀ ਲਾ ਦਿਤੀ ਸੀ। ਅੱਜ ਦੇ ਆਗੂ ਅਪਣੇ ਕਿੱਸੇ ਸੁਣਾਉਂਦੇ ਹਨ ਜਦ ਉਨ੍ਹਾਂ ਨੂੰ ਜੇਲਾਂ ਵਿਚ ਡੱਕ ਦਿਤਾ ਗਿਆ ਸੀ। ਪਰ ਉਨ੍ਹਾਂ ਕਾਲੇ ਦਿਨਾਂ ਵਿਚ ਵੀ ਅਜਿਹੀਆਂ ਸੰਸਥਾਵਾਂ ਸਨ ਤੇ ਅਜਿਹੇ ਲੋਕ ਵੀ ਸਨ ਜੋ ਰਾਤ ਦੇ ਭੱਜ ਜਾਣ ਤੇ ਸੂਰਜ ਦੇ ਚੜ੍ਹਨ ਦੀ ਉਡੀਕ ਵਿਚ ਬੈਠ ਜਾਣ ਜਾਂ ਸੌਂ ਜਾਣ ਲਈ ਇਕ ਪਲ ਲਈ ਵੀ ਤਿਆਰ ਨਾ ਹੋਏ। 

2019 Lok Sabha election2019 Lok Sabha election

ਇੰਦਰਾ ਗਾਂਧੀ ਵਿਰੁਧ ਰਾਜ ਨਾਰਾਇਣ ਨੇ ਚੋਣਾਂ ਵਿਚ ਅਪਣੀ ਤਾਕਤ ਦੀ ਦੁਰਵਰਤੋਂ ਦਾ ਦੋਸ਼ ਲਾ ਕੇ ਕੇਸ ਪਾਇਆ ਅਤੇ ਅਦਾਲਤ ਨੇ ਉਸ ਦੀ ਚੋਣ ਨੂੰ ਰੱਦ ਕਰ ਦਿਤਾ। ਨਾਲ ਹੀ ਛੇ ਸਾਲ ਵਾਸਤੇ ਉਸ ਦੇ ਚੋਣ ਮੈਦਾਨ 'ਚ ਉਤਰਨ 'ਤੇ ਅਲਾਹਾਬਾਦ ਹਾਈ ਕੋਰਟ ਵਲੋਂ ਵੀ ਰੋਕ ਲਾ ਦਿਤੀ ਗਈ। ਇੰਦਰਾ ਗਾਂਧੀ ਨੇ ਗੱਦੀ ਛੱਡਣ ਦੀ ਥਾਂ ਐਮਰਜੰਸੀ ਲਾ ਦਿਤੀ ਜਿਸ ਤੋਂ ਲੋਕ ਔਖੇ ਹੋ ਗਏ ਅਤੇ ਕਾਂਗਰਸ ਪਾਰਟੀ ਨੂੰ ਅਪਣੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਅੱਜ ਜਿਸ ਸਮੇਂ ਨੂੰ ਲੋਕ ਅਣਐਲਾਨੀ ਐਮਰਜੰਸੀ ਆਖ ਰਹੇ ਹਨ, ਉਸ ਸਮੇਂ ਦੇ ਆਗੂਆਂ ਦੀ ਹਉਮੈ, ਹੰਕਾਰ ਤੇ ਤਾਕਤ ਦਾ ਦੁਰਉਪਯੋਗ ਇੰਦਰਾ ਗਾਂਧੀ ਦੇ ਮੁਕਾਬਲੇ ਵਿਚ ਘੱਟ ਨਹੀਂ ਪਰ ਅੱਜ ਇਨ੍ਹਾਂ ਸਾਰਿਆਂ ਨੂੰ ਕਾਬੂ ਕਰਨ ਵਾਲੀ ਤਾਕਤ ਨਜ਼ਰ ਨਹੀਂ ਆ ਰਹੀ ਜਦਕਿ ਇੰਦਰਾ ਗਾਂਧੀ ਦੀ ਐਮਰਜੈਂਸੀ ਵਿਰੁਧ ਲੋਕਾਂ ਨੂੰ ਅਗਵਾਈ ਦੇਣ ਲਈ ਜੈਪ੍ਰਕਾਸ਼ ਨਾਰਾਇਣ ਵਰਗੀ ਵੱਡੀ ਹਸਤੀ ਮੌਜੂਦ ਸੀ ਤੇ ਬਾਕੀ ਸਾਰੇ ਲੀਡਰ ਉਸ ਦੀ ਛਤਰ ਛਾਇਆ ਹੇਠ ਜੁੜ ਕੇ ਕੰਮ ਕਰਨ ਲਈ ਝੱਟ ਇਕੱਤਰ ਹੋ ਗਏ ਸਨ।

Maneka GandhiManeka Gandhi

ਮੇਨਕਾ ਗਾਂਧੀ ਨੇ ਮੁਸਲਮਾਨ ਵੋਟਰਾਂ ਨੂੰ ਵੋਟ ਪਾਉਣ ਲਈ ਇਕ ਲੱਠਮਾਰ ਵਾਲੇ ਢੰਗ ਨਾਲ ਧਮਕੀ ਦਿਤੀ ਹੈ। ਮੇਨਕਾ ਦਾ ਹੰਕਾਰ ਉਸ ਤੋਂ ਅਖਵਾ ਗਿਆ ਕਿ ਮੁਸਲਮਾਨ ਉਸ ਨੂੰ ਵੋਟ ਦੇਣ ਭਾਵੇਂ ਨਾ, ਜਿੱਤੇਗੀ ਤਾਂ ਉਹ ਹਰ ਹਾਲਤ ਵਿਚ ਹੀ ਪਰ ਬਾਅਦ ਵਿਚ ਬੂਥ ਦਾ ਵੋਟ ਰੀਕਾਰਡ ਕਢਵਾ ਕੇ ਪਤਾ ਲਗਾਏਗੀ ਕਿ ਉਸ ਨੂੰ ਵੋਟਾਂ ਕਿਸ ਕਿਸ ਨੇ ਪਾਈਆਂ ਸਨ। ਜੇ ਮੁਸਲਮਾਨ ਬੂਥਾਂ ਤੋਂ ਭਾਰੀ ਹੁੰਗਾਰਾ ਨਾ ਮਿਲਿਆ ਤਾਂ ਉਹ ਮੁਸਲਮਾਨਾਂ ਦੇ ਕੰਮ ਨਹੀਂ ਕਰੇਗੀ। ਰੌਲਾ ਪੈਣ ਮਗਰੋਂ ਸਨਿਚਰਵਾਰ ਨੂੰ ਚੋਣ ਕਮਿਸ਼ਨ ਨੇ ਨੋਟਿਸ ਦਿਤਾ, ਪਰ ਐਤਵਾਰ ਨੂੰ ਮੇਨਕਾ ਗਾਂਧੀ ਨੇ ਇਹੀ ਲਫ਼ਜ਼ ਮੁੜ ਦੁਹਰਾ ਦਿਤੇ। 

Smriti IraniSmriti Irani

ਸਮ੍ਰਿਤੀ ਇਰਾਨੀ ਪਿਛਲੇ ਪੰਜ ਸਾਲਾਂ ਤੋਂ ਹਰ ਮੰਚ ਤੋਂ ਦਹਾੜ ਦਹਾੜ ਕੇ ਅਪਣੀ ਸਿਖਿਆ ਯੋਗਤਾ ਬਾਰੇ ਜੋ ਬੋਲਦੀ ਆ ਰਹੀ ਹੈ, ਅੱਜ ਉਨ੍ਹਾਂ ਦੇ ਅਪਣੇ ਸ਼ਬਦਾਂ ਵਿਚ ਹੀ ਗ਼ਲਤ ਸੀ। ਪਿਛਲੀ ਚੋਣ ਵਿਚ ਸਮ੍ਰਿਤੀ ਇਰਾਨੀ ਨੇ ਆਖਿਆ ਸੀ ਕਿ ਉਹ ਬੀ.ਕਾਮ. ਪਾਸ ਹਨ ਅਤੇ ਯੇਲ 'ਵਰਸਟੀ ਤੋਂ ਡਿਗਰੀ ਹਾਸਲ ਕਰ ਚੁੱਕੇ ਹਨ। ਹੁਣ ਉਨ੍ਹਾਂ ਨੇ ਦਸਿਆ ਹੈ ਕਿ ਉਨ੍ਹਾਂ ਸਿਰਫ਼ ਇਕ ਸਾਲ ਬੀ.ਏ. ਕਰਨ ਤੋਂ ਬਾਅਦ ਪੜ੍ਹਾਈ ਛੱਡ ਦਿਤੀ ਸੀ। ਯੇਲ, ਜੋ ਕਿ ਦੁਨੀਆਂ ਦੀ ਅੱਵਲ ਦਰਜੇ ਦੀ 'ਵਰਸਟੀ ਹੈ, ਵਿਚ ਦੋ ਚਾਰ ਦਿਨ ਜਮਾਤ ਵਿਚ ਬੈਠਣ ਨਾਲ ਮੰਤਰੀ ਸਾਹਿਬਾ ਉਸ 'ਵਰਸਟੀ ਦੀ ਗਰੈਜੁਏਟ ਨਹੀਂ ਬਣ ਜਾਂਦੀ ਅਤੇ ਜਿੱਥੇ ਸਾਡੇ ਸਿਆਸਤਦਾਨ ਛੇਵੀਂ ਜਮਾਤ ਫ਼ੇਲ੍ਹ ਵੀ ਹਨ, ਉਥੇ ਸਮ੍ਰਿਤੀ ਇਰਾਨੀ ਦਾ 12ਵੀਂ ਪਾਸ ਹੋਣਾ ਵੀ ਕਾਫ਼ੀ ਹੈ ਪਰ ਉਨ੍ਹਾਂ ਦਾ ਝੂਠ ਬੋਲਣਾ ਅਤੇ ਜਿਸ ਲਹਿਜੇ ਵਿਚ ਉਹ ਝੂਠ ਬੋਲਦੇ ਹਨ, ਉਹ ਉਨ੍ਹਾਂ ਦੇ ਕਿਰਦਾਰ ਨੂੰ ਬਹੁਤ ਨੀਵਾਂ ਬਣਾ ਦੇਂਦਾ ਹੈ। 

Varun GandhiVarun Gandhi

ਵਰੁਣ ਗਾਂਧੀ ਨੂੰ ਮੁਸਲਮਾਨਾਂ ਵਿਰੁਧ ਬੋਲਣ ਵਾਸਤੇ ਇਕ ਰਾਤ ਜੇਲ ਵਿਚ ਵੀ ਬੈਠਣਾ ਪਿਆ ਪਰ ਉਨ੍ਹਾਂ ਦੀ ਲੀਡਰੀ ਕਾਇਮ ਹੈ। ਸਾਡੇ ਪ੍ਰਧਾਨ ਮੰਤਰੀ ਨੂੰ ਚੋਣ ਕਮਿਸ਼ਨ ਨੇ ਫ਼ੌਜੀਆਂ ਦਾ ਸਹਾਰਾ ਲੈ ਕੇ ਵੋਟ ਮੰਗਣ ਤੋਂ ਮਨ੍ਹਾਂ ਕੀਤਾ ਹੈ, ਪਰ ਉਹ ਹੁਣ ਜਲਿਆਂਵਾਲੇ ਬਾਗ਼ ਦੇ ਸ਼ਹੀਦਾਂ ਬਾਰੇ ਵੀ ਸਿਆਸਤ ਖੇਡ ਰਹੇ ਹਨ। ਸਵਾਲ ਸਿਰਫ਼ ਚੋਣ ਜ਼ਾਬਤੇ ਦੀ ਉਲੰਘਣਾ ਦਾ ਨਹੀਂ, ਸਵਾਲ ਇਨ੍ਹਾਂ ਦੀ ਜਿੱਤ ਤੋਂ ਬਾਅਦ ਦਾ ਹੈ। ਜਿਹੜਾ ਉਮੀਦਵਾਰ ਅੱਜ ਧਮਕੀ ਦੇ ਰਿਹਾ ਹੈ, ਉਸ ਨੂੰ ਸਿਰਫ਼ ਨੋਟਿਸ ਦੇਣ ਦਾ ਕੀ ਫ਼ਾਇਦਾ? ਕੀ ਇਸ ਨੋਟਿਸ ਨਾਲ ਯੋਗੀ ਆਦਿਤਿਆਨਾਥ, ਮੇਨਕਾ ਗਾਂਧੀ, ਵਰੁਣ ਗਾਂਧੀ ਦੇ ਦਿਲਾਂ ਵਿਚ ਮੁਸਲਮਾਨਾਂ ਵਾਸਤੇ ਪਿਆਰ ਸਤਿਕਾਰ ਵੱਧ ਜਾਵੇਗਾ? ਜਿੱਤ ਤੋਂ ਬਾਅਦ ਤਾਂ ਚੋਣ ਕਮਿਸ਼ਨ ਦਾ ਕੰਮ ਹੀ ਖ਼ਤਮ ਹੋ ਜਾਵੇਗਾ ਅਤੇ ਇਨ੍ਹਾਂ ਸਿਆਸਤਦਾਨਾਂ ਵਲੋਂ ਅਪਣੀ ਮਰਜ਼ੀ ਕਰਨ ਉਤੇ ਕੋਈ ਰੋਕ ਟੋਕ ਨਹੀਂ ਰਹੇਗੀ ਅਤੇ ਇਸੇ ਨੂੰ ਅਣਐਲਾਨੀ ਐਮਰਜੰਸੀ ਦਾ ਕੋੜਾ ਫੱਲ ਆਖਿਆ ਗਿਆ ਹੈ। 

PM Narendra ModiNarendra Modi

ਜਿਸ ਉਮੀਦਵਾਰ ਦੀ ਕਾਰਗੁਜ਼ਾਰੀ ਵਿਚ ਨਫ਼ਰਤ, ਧਮਕੀਆਂ, ਦੂਜਿਆਂ ਦੀ ਕਮਜ਼ੋਰੀ ਦਾ ਫ਼ਾਇਦਾ ਲੈ ਲੈਣ ਦੀ ਰੁਚੀ ਸਾਫ਼ ਦਿਸ ਰਹੀ ਹੋਵੇ, ਉਸ ਨੂੰ ਨੋਟਿਸ ਦੇ ਕੇ ਹੀ ਰੁਕ ਜਾਣ ਦਾ ਕੋਈ ਲਾਭ ਨਹੀਂ ਹੋਵੇਗਾ। ਚੋਣ ਕਮਿਸ਼ਨ ਨੂੰ ਅੱਜ ਇਸ ਦੇਸ਼ ਦੇ ਆਜ਼ਾਦੀ ਤੋਂ ਬਾਅਦ ਦੇ ਇਤਿਹਾਸ ਵਲ ਵੇਖਣ ਦੀ ਜ਼ਰੂਰਤ ਹੈ। ਅੱਜ ਚੋਣ ਕਮਿਸ਼ਨ ਗ਼ੁਲਾਮ ਭਾਰਤ ਦੀ ਅਫ਼ਸਰਸ਼ਾਹੀ ਅਤੇ ਮਹਾਰਾਜਿਆਂ ਵਾਂਗ ਅਪਣੇ ਹਾਕਮਾਂ ਦੀ ਅਧੀਨਗੀ ਕਰ ਰਿਹਾ ਹੈ। ਜਿਹੜੀ ਆਜ਼ਾਦੀ ਏਨੀਆਂ ਕੁਰਬਾਨੀਆਂ ਤੋਂ ਬਾਅਦ ਮਿਲੀ ਹੈ, ਉਸ ਨੂੰ ਇਸ ਤਰ੍ਹਾਂ ਰੁਲਣ ਦੇਣਾ ਚੋਣ ਕਮਿਸ਼ਨ ਨੂੰ ਬਦਨਾਮੀ ਤੋਂ ਨਹੀਂ ਬਚਾ ਸਕੇਗਾ। ਸੁਪਰੀਮ ਕੋਰਟ ਦੇ ਲਫ਼ਜ਼ ਇਥੇ ਸਹੀ ਲਗਦੇ ਹਨ ਕਿ 'ਕੀ ਚੋਣ ਕਮਿਸ਼ਨ ਨੂੰ ਅਪਣੀ ਤਾਕਤ ਦਾ ਅੰਦਾਜ਼ਾ ਵੀ ਹੈ?'  - ਨਿਮਰਤ ਕੌਰ

Location: India, Punjab
Advertisement
Advertisement
Advertisement

 

Advertisement