ਡੀਜ਼ਲ ਦੀਆਂ ਕੀਮਤਾਂ ਵਿਚ ਹੱਦੋਂ ਵੱਧ ਵਾਧਾ ਗ਼ਰੀਬ ਦਾ ਕਮਾਊ ਪਹੀਆ ਜਾਮ ਕਰ ਕੇ ਰੱਖ ਦੇਵੇਗਾ!
Published : Jul 15, 2020, 7:13 am IST
Updated : Jul 15, 2020, 7:13 am IST
SHARE ARTICLE
Petrol-Diesel
Petrol-Diesel

ਇਹ ਗੱਲ ਹੋਰ ਵੀ ਹਜ਼ਮ ਕਰਨੀ ਔਖੀ ਹੋ ਗਈ ਜਦ ਜਨਤਾ ਨੂੰ ਪਤਾ ਲੱਗਾ ਕਿ ਭਾਰਤੀ ਤੇਲ ਕੰਪਨੀਆਂ ਕੱਚਾ ਤੇਲ ਖ਼ਰੀਦ ਕੇ ਤੇ ਉਸ ਨੂੰ ਸਾਫ਼ ਕਰ ਕੇ 13 ਹੋਰ ਦੇਸ਼ਾਂ ਵਿਚ ਭੇਜਦੀਆਂ ਹਨ।

ਡੀਜ਼ਲ ਦੀਆਂ ਕੀਮਤਾਂ ਭਾਰਤ ਵਿਚ ਕਦੇ ਏਨੀਆਂ ਉਚਾਈਆਂ ਨੂੰ ਛੂਹ ਲੈਣਗੀਆਂ, ਇਸ ਬਾਰੇ ਲੋਕਾਂ ਨੇ ਕਦੇ ਸੋਚਿਆ ਵੀ ਨਹੀਂ ਹੋਣਾ। ਡੀਜ਼ਲ ਤਾਂ ਸਗੋਂ ਪਟਰੌਲ ਦਾ ਗ਼ਰੀਬ ਭਰਾ ਹੁੰਦਾ ਸੀ ਜਿਸ ਨੂੰ ਹਮੇਸ਼ਾ ਗ਼ਰੀਬਾਂ ਦਾ ਸਹਾਰਾ ਮੰਨਿਆ ਜਾਂਦਾ ਸੀ। ਡੀਜ਼ਲ ਕੰਮ ਆਉਂਦਾ ਸੀ, ਜਾਂ ਤਾਂ ਟਰੱਕਾਂ ਵਿਚ ਜਾਂ ਖੇਤਾਂ ਵਿਚ ਕੰਮ ਕਰਦੇ ਟਰੈਕਟਰਾਂ ਜਾਂ ਜਨਰੇਟਰਾਂ ਵਿਚ। ਜਦ ਡੀਜ਼ਲ ਦੀਆਂ ਗੱਡੀਆਂ ਸ਼ੁਰੂ-ਸ਼ੁਰੂ ਵਿਚ ਆਈਆਂ ਤਾਂ ਪਟਰੌਲ ਵਾਲਿਆਂ ਦੇ ਨੱਕ ਸੁਕੜਨ ਲਗਦੇ।

Petrol-DieselPetrol-Diesel

ਪਰ ਹੌਲੀ-ਹੌਲੀ ਡੀਜ਼ਲ ਗੱਡੀਆਂ ਵਧਣੀਆਂ ਸ਼ੁਰੂ ਹੋ ਗਈਆਂ ਤੇ ਪਰਵਾਰਕ ਖ਼ਰਚਾ ਵੀ ਕਾਬੂ ਹੇਠ ਰਖਣਾ ਸੰਭਵ ਹੋ ਗਿਆ। ਅਮੀਰਾਂ ਦੀ ਗਿਣਤੀ ਤਾਂ 1-2 ਫ਼ੀ ਸਦੀ ਹੀ ਹੈ। ਡੀਜ਼ਲ ਸਾਰੇ ਭਾਰਤ ਦਾ ਚਹੇਤਾ ਤੇਲ ਬਣ ਗਿਆ ਜੋ ਦੇਸ਼ ਦੇ ਆਰਥਕ ਪਹੀਏ ਨੂੰ ਘੁੰਮਦਾ ਰੱਖ ਰਿਹਾ ਸੀ। ਪਰ ਅੱਜ ਜਦ ਡੀਜ਼ਲ ਪਟਰੌਲ ਤੋਂ ਵੀ ਮਹਿੰਗਾ ਹੋ ਗਿਆ ਹੈ ਤਾਂ ਇਉਂ ਜਾਪਦਾ ਹੈ ਜਿਵੇਂ ਸਰਕਾਰ ਆਮ ਭਾਰਤੀ ਦਾ ਚੱਕਾ ਜਾਮ ਕਰਨ ਦੀ ਸੋਚੀ ਬੈਠੀ ਹੈ।

Petrol-Diesel PricesPetrol-Diesel Prices

ਪਹਿਲਾਂ ਕੇਂਦਰ ਸਰਕਾਰ ਨੇ ਪਿਛਲੇ ਛੇ ਸਾਲਾਂ ਤੋਂ ਭਾਰਤ ਦੇ ਆਮ ਨਾਗਰਿਕ ਨੂੰ ਪਟਰੌਲ-ਡੀਜ਼ਲ ਦੀ ਭਾਰੀ ਕੀਮਤ ਚੁਕਾਉਣੀ ਪੈ ਰਹੀ ਹੈ ਜਦਕਿ ਦੁਨੀਆਂ ਭਰ ਵਿਚ ਕੱਚੇ ਤੇਲ ਦੀ ਕੀਮਤ ਹੇਠਾਂ ਆਈ ਹੋਈ ਹੈ। ਪਰ ਅੱਜ ਤਕ ਕਦੇ ਡੀਜ਼ਲ ਨੇ ਪਟਰੌਲ ਅੱਗੇ ਸਿਰ ਨਹੀਂ ਸੀ ਚੁਕਿਆ। ਇਹ ਗੱਲ ਹੋਰ ਵੀ ਹਜ਼ਮ ਕਰਨੀ ਔਖੀ ਹੋ ਗਈ ਜਦ ਆਮ ਜਨਤਾ ਨੂੰ ਪਤਾ ਲੱਗਾ ਕਿ ਭਾਰਤੀ ਤੇਲ ਕੰਪਨੀਆਂ ਕੱਚਾ ਤੇਲ ਖ਼ਰੀਦ ਕੇ ਤੇ ਉਸ ਨੂੰ ਸਾਫ਼ ਕਰ ਕੇ 13 ਹੋਰ ਦੇਸ਼ਾਂ ਵਿਚ ਭੇਜਦੀਆਂ ਹਨ।

TaxTax

ਜਿਸ ਕੀਮਤ 'ਤੇ ਉਹ ਤੇਲ ਬਾਹਰ ਭੇਜਦੀਆਂ ਹਨ, ਉਹ ਤਕਰੀਬਨ ਭਾਰਤੀ ਨਾਗਰਿਕ ਕੋਲੋਂ ਲਈ ਜਾਂਦੀ ਕੀਮਤ ਤੋਂ ਅੱਧੀ ਹੁੰਦੀ ਹੈ। ਅੱਜ ਡੀਜ਼ਲ ਦੀ ਕੀਮਤ  70-71 ਹੈ ਪਰ ਭਾਰਤ ਦੀਆਂ ਕੰਪਨੀਆਂ 13 ਦੇਸ਼ਾਂ ਵਿਚ 30-35 ਰੁਪਏ ਵਿਚ ਪਟਰੌਲ-ਡੀਜ਼ਲ ਭੇਜਦੀਆਂ ਹਨ।  ਹੁਣ ਇਹ ਤੇਲ ਜਦ ਭਾਰਤ ਵਿਚ ਸਾਫ਼ ਹੋ ਕੇ ਵਿਦੇਸ਼ਾਂ ਵਿਚ ਸਸਤਾ ਵਿਕ ਸਕਦਾ ਹੈ, ਸਾਡੇ ਕੋਲ ਆਉਣ ਤੇ ਮਹਿੰਗਾ ਕਿਉਂ ਹੋ ਜਾਂਦਾ ਹੈ?

Oil CompanyOil Company

ਇਸ ਵਿਚ ਕੇਂਦਰ ਸਰਕਾਰ ਦਾ ਟੈਕਸ, ਸੂਬਾ ਸਰਕਾਰਾਂ ਦਾ ਟੈਕਸ ਤੇ ਤੇਲ ਕੰਪਨੀਆਂ ਦਾ ਟੈਕਸ ਸ਼ਾਮਲ ਹੋ ਜਾਂਦਾ ਹੈ। ਹਾਲ ਹੀ ਵਿਚ ਕੀਮਤਾਂ ਵਧੀਆਂ ਕਿਉਂਕਿ ਜਦ ਤਾਲਾਬੰਦੀ ਹੋਈ ਤਾਂ ਸਾਰੀ ਵਿਕਰੀ ਬੰਦ ਹੋ ਗਈ ਸੀ। ਤੇਲ ਕੰਪਨੀਆਂ ਨੇ ਅਪਣਾ ਨੁਕਸਾਨ ਪੂਰਾ ਕਰਨ ਵਾਸਤੇ ਕੀਮਤਾਂ ਵਧਾ ਦਿਤੀਆਂ। ਕੇਂਦਰ ਨੇ ਤਾਂ ਲਗਾਤਾਰ ਕੀਮਤਾਂ ਵਧਾਈਆਂ ਪਰ ਹੁਣ ਸੂਬਾ ਸਰਕਾਰਾਂ ਨੇ ਵੀ ਟੈਕਸ ਵਧਾ ਦਿਤਾ ਹੈ।

Truckers owners pay 48000 crore rupees a year in bribes savelife foundation reportsTrucks 

ਸੋ ਇਥੇ ਇਹ ਸਮਝ ਨਹੀਂ ਆ ਰਿਹਾ ਕਿ ਇਹ ਸਾਰੇ ਮਿਲ ਕੇ ਭਾਰਤ ਦੀ ਅਰਥ ਵਿਵਸਥਾ ਨੂੰ ਉਸ ਹੱਦ ਤਕ ਨਚੋੜਨ ਦੀ ਕੋਸ਼ਿਸ਼ ਕਿਉਂ ਕਰ ਰਹੇ ਹਨ ਜਿਥੇ ਜਾ ਕੇ ਉਸ ਦੀ ਜਾਨ ਹੀ ਨਿਕਲ ਜਾਏ? ਕੀ ਇਨ੍ਹਾਂ ਸਾਰਿਆਂ ਦੀ ਸੋਚ ਇਹ ਬਣ ਚੁਕੀ ਹੈ ਕਿ ਗ਼ਰੀਬੀ ਤਾਂ ਹਟਣੀ ਨਹੀਂ, ਕਿਉਂ ਨਾ ਗ਼ਰੀਬ ਨੂੰ ਹੀ ਮਰਨ ਲਈ ਮਜਬੂਰ ਕਰ ਦਈਏ? ਆਖ਼ਰ ਜਦ ਕੀਮਤਾਂ ਇਸ ਉੱਚੀ ਦਰ 'ਤੇ ਟਿਕੀਆਂ ਰਹਿਣਗੀਆਂ ਤਾਂ ਆਟੋ ਚਾਲਕ, ਕਿਸਾਨ, ਟਰੱਕ ਚਲਾਉਣ ਵਾਲੇ ਤੇ ਇਨ੍ਹਾਂ ਨਾਲ ਆਟੋ ਮੋਬਾਈਲ ਉਦਯੋਗ ਵੀ ਹੋਰ ਦਬ ਜਾਵੇਗਾ।

EconomyEconomy

ਤਾਲਾਬੰਦੀ ਤੋਂ ਪਹਿਲਾਂ ਹੀ ਇਹ ਸੈਕਟਰ ਨੌਕਰੀਆਂ ਘਟਾਈ ਜਾ ਰਿਹਾ ਸੀ, ਹੁਣ ਤਾਂ ਨੌਕਰੀਆਂ ਦਾ ਬਚਣਾ ਹੀ ਮੁਸ਼ਕਲ ਹੋ ਗਿਆ ਹੈ। ਸ਼ਾਇਦ ਸਾਡੀਆਂ ਸਰਕਾਰਾਂ ਦੀ ਮਨਸ਼ਾ ਏਨੀ ਮਾੜੀ ਵੀ ਨਹੀਂ ਪਰ ਅਪਣੇ ਖ਼ਾਲੀ ਖ਼ਜ਼ਾਨੇ ਸਾਹਮਣੇ ਉਹ ਵੀ ਮਜਬੂਰ ਹਨ। ਸਰਕਾਰਾਂ ਕੋਲ ਤਨਖ਼ਾਹਾਂ ਵਾਸਤੇ ਵੀ ਪੈਸੇ ਨਹੀਂ ਹਨ ਅਤੇ ਤੇਲ ਤੋਂ ਆ ਰਹੀ ਐਕਸਾਈਜ਼ ਆਮਦਨ ਇਨ੍ਹਾਂ ਨੂੰ ਬਚਾ ਰਹੀ ਹੈ, ਪਰ ਸਾਡੀਆਂ ਸਰਕਾਰਾਂ ਬੇਵਕੂਫ਼ੀ ਦੀਆਂ ਸ਼ਿਕਾਰ ਜ਼ਰੂਰ ਹਨ।

Pm Narinder ModiPm Narinder Modi

ਖ਼ਜ਼ਾਨੇ ਭਰਨ ਵਾਸਤੇ ਉਹ ਭਾਰਤ ਦੇ ਅਰਥ ਸ਼ਾਸਤਰ ਨੂੰ ਵੱਡੀ ਸੱਟ ਮਾਰ ਰਹੀਆਂ ਹਨ। ਬੜੇ ਸਿਆਣੇ ਦਿਮਾਗ਼ਾਂ ਨੇ ਭਾਰਤ ਵਿਚ ਉਦਯੋਗ ਨੂੰ ਉਸਾਰਿਆ ਸੀ ਪਰ ਅੱਜ ਫਿਰ ਭਾਰਤ ਇਕ ਨਵੇਂ ਕਾਲ ਵਲ ਚਲ ਰਿਹਾ ਹੈ ਜਿਥੇ ਸਰਕਾਰ-ਹਮਾਇਤੀ ਕੁੱਝ ਤਾਕਤਾਂ ਨੂੰ ਭਾਰਤ ਦੀ ਕੁਲ ਦੌਲਤ ਸੰਭਾਲੀ ਜਾ ਰਹੀ ਹੈ ਤੇ ਗ਼ਰੀਬ ਦੀ ਲੋੜ ਨੂੰ ਪੂਰੀ ਤਰ੍ਹਾਂ ਵਿਸਾਰ ਦਿਤਾ ਗਿਆ ਹੈ।      - ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM

400 ਬੱਚਿਆਂ ਦੇ ਮਾਂ-ਪਿਓ ਆਏ ਕੈਮਰੇ ਸਾਹਮਣੇ |Gurdaspur 400 students trapped as floodwaters |Punjab Floods

27 Aug 2025 3:13 PM

'ਅਕਾਲੀਆਂ ਦੇ ਝੂਠ ਦਾ ਪਰਦਾਫ਼ਾਸ਼, Video Edit ਕਰਕੇ Giani harpreet singh ਨੂੰ ਕੀਤਾ ਗਿਆ ਬਦਨਾਮ'| Sukhbir Badal

24 Aug 2025 3:07 PM

Florida Accident: Truck Driver Harjinder Singh ਨੂੰ ਕੋਈ ਸਜ਼ਾ ਨਾ ਦਿਓ, ਇਸ ਨੂੰ ਬੱਸ ਘਰ ਵਾਪਸ ਭੇਜ ਦਿੱਤਾ ਜਾਵੇ

24 Aug 2025 3:07 PM

Greater Noida dowry death : ਹਾਏ ਓਹ ਰੱਬਾ, ਮਾਪਿਆਂ ਦੀ ਸੋਹਣੀ ਸੁਨੱਖੀ ਧੀ ਨੂੰ ਜ਼ਿੰ+ਦਾ ਸਾ+ੜ'ਤਾ

24 Aug 2025 3:06 PM
Advertisement