ਤਿੰਨ ਕਾਲੇ ਕਾਨੂੰਨਾਂ ਦਾ ਪਹਿਲਾ ਖਰੜਾ ਅਕਾਲੀਆਂ ਨੇ ਹੀ ਤਿਆਰ ਕਰ ਕੇ ਕੇਂਦਰ ਨੂੰ ਦਿਤਾ ਸੀ!
Published : Sep 16, 2021, 8:00 am IST
Updated : Sep 16, 2021, 1:59 pm IST
SHARE ARTICLE
Akalis
Akalis

ਅਕਾਲੀ ਦਲ ਦੇ ਭ੍ਰਿਸ਼ਟਾਚਾਰ ਤੋਂ ਕਈ ਗੁਣਾਂ ਵੱਧ ਨਰਾਜ਼ਗੀ ਬਰਗਾੜੀ ਤੇ ਸੌਦਾ ਸਾਧ ਨੂੰ ਦਿਤੀ ਮਾਫ਼ੀ ਕਾਰਨ ਹੈ ਜੋ ਸਿੱਖਾਂ ਦੇ ਮਨ ਵਿਚ ਇਕ ਡੂੰਘੀ ਸੱਟ ਮਾਰ ਚੁੱਕੇ ਹਨ।

 

ਜਿਨ੍ਹਾਂ ਖੇਤੀ ਕਾਨੂੰਨਾਂ ਨੇ ਸਾਰੇ ਦੇਸ਼ ਦੇ ਕਿਸਾਨਾਂ ਨੂੰ ਰਾਜਧਾਨੀ ਦੀਆਂ ਸਰਹੱਦਾਂ ਤੇ ਇਕ ਸਾਲ ਤੋਂ ਬੈਠਣ ਲਈ ਮਜਬੂਰ ਕੀਤਾ ਹੋਇਆ ਹੈ, ਨਵਜੋਤ ਸਿੰਘ ਸਿੱਧੂ ਵਲੋਂ ਪ੍ਰਗਟਾਵਾ ਕੀਤਾ ਗਿਆ ਹੈ ਕਿ ਉਹ ਕਾਨੂੰਨ ਤਾਂ ਸੱਭ ਤੋਂ ਪਹਿਲਾਂ ਅਕਾਲੀ ਸਰਕਾਰ ਨੇ ਹੀ ਬਣਾਏ ਸਨ। ਅਕਾਲੀ ਸਰਕਾਰ ਨੇ ਹੀ ਵਿਧਾਨ ਸਭਾ ਵਿਚ 2013 ਵਿਚ ਪੰਜਾਬ ਦੇ ਕੰਰੈਕਟ ਖੇਤੀ ਦੇ ਕਾਗ਼ਜ਼ ਪੇਸ਼ ਕੀਤੇ ਸਨ ਜੋ ਕਿ ਹੁਣ ਦੇ ਤਿੰਨ ਖੇਤੀ ਕਾਨੂੰਨਾਂ ਦੀ ਬੁਨਿਆਦ ਜਾਪਦੇ ਹਨ। 2013 ਵਿਚ ਇਹ ਐਕਟ ਪਾਸ ਨਹੀਂ ਸੀ ਹੋ ਸਕਿਆ ਕਿਉਂਕਿ ਉਸ ਵਕਤ ਕਾਂਗਰਸ ਨੇ ਡੱਟ ਕੇ ਵਿਰੋਧ ਕੀਤਾ ਸੀ। ਪਰ ਇਸ ਵਿਚ ਜੋ ਜੋ ਸ਼ਰਤਾਂ ਸਨ, ਉਹੀ ਕੇਂਦਰ ਦੇ ਖੇਤੀ ਕਾਨੂੰਨਾਂ ਵਿਚ ਹੁਣ ਵੀ ਸ਼ਾਮਲ ਕੀਤੀਆਂ ਗਈਆਂ ਸਨ ਮਤਲਬ ਕਿ ਐਮ.ਐਸ.ਪੀ. ਨਹੀਂ ਦਿਤੀ ਜਾਇਆ ਕਰੇਗੀ, ਕਿਸਾਨ ਅਦਾਲਤ ਵਿਚ ਨਹੀਂ ਜਾ ਸਕਣਗੇ ਅਤੇ ਐਸ.ਡੀ.ਐਮ. ਦਾ ਫ਼ੈਸਲਾ ਅੰਤਮ ਹੋਵੇਗਾ।

Navjot SidhuNavjot Sidhu

ਨਵਜੋਤ ਸਿੰਘ ਸਿੱਧੂ ਨੇ ਨਾ ਸਿਰਫ਼ ਇਨ੍ਹਾਂ ਕਾਨੂੰਨਾਂ ਬਾਰੇ ਬਲਕਿ ਇਨ੍ਹਾਂ ਸਬੰਧੀ ਆਰਡੀਨੈਂਸ ਜਾਰੀ ਹੋਣ ਬਾਅਦ ਅਕਾਲੀ ਦਲ ਦੇ ਇਕ ਹਵਾ ਦੇ ਰੁਖ਼ ਦੱਸਣ ਵਾਲੇ ਟੀਨ ਦੇ ਕੁੱਕੜ ਵਾਂਗ ਅਪਣੇ ਸਟੈਂਡ ਨੂੰ ਬਦਲਣ ਨੂੰ ਦਰਸਾਉਣ ਵਾਲੇ ਕਈ ਤੱਥ ਵੀ ਪੇਸ਼ ਕੀਤੇ। ਉਨ੍ਹਾਂ ਵਲੋਂ ਦਾਅਵਾ ਕੀਤਾ ਗਿਆ ਕਿ ਅਕਾਲੀ ਦਲ ਅਸਲ ਵਿਚ ਭਾਜਪਾ ਦੀ ਬੀ ਟੀਮ ਹੈ ਜੋ ਕਿ ਇਨ੍ਹਾਂ ਕਾਨੂੰਨਾਂ ਦੇ ਬਣਨ ਤੇ ਪਾਸ ਹੋਣ ਤੋਂ ਬਾਅਦ ਤੇ ਅੱਜ ਵੀ ਅਪਣੀ ਭਾਈਵਾਲ ਭਾਜਪਾ ਨਾਲ ਹੈ। ਅਨਿਲ ਜੋਸ਼ੀ ਵਰਗੇ ਕਈ ਭਾਜਪਾ ਆਗੂਆਂ ਦੇ ਅਕਾਲੀ ਦਲ ਵਿਚ ਸ਼ਾਮਲ ਹੋਣ ਤੇ ਇਹ ਸਵਾਲ ਤਾਂ ਚੁੱਕੇ ਜਾ ਰਹੇ ਸਨ ਕਿ ਇਹ ਕੋਈ ਚੋਣ ਰਣਨੀਤੀ ਤਾਂ ਨਹੀਂ ਸੀ ਜਿਸ ਨਾਲ ਪੰਜਾਬ ਵਿਚ ਕੇਂਦਰ ਸਰਕਾਰ ਅਪਣੀ ਤਾਕਤ ਇਕ ਟੇਢੇ ਅੰਦਾਜ਼ ਨਾਲ ਬਣਾ ਕੇ ਰੱਖ ਰਹੀ ਹੈ। ਨਵਜੋਤ ਸਿੰਘ ਸਿੱਧੂ ਅਪਣੀ ਗੱਲ ਘੁਮਾ ਕੇ ਕਰਨ ਵਾਲੇ ਨਹੀਂ ਹਨ ਅਤੇ ਉਨ੍ਹਾਂ ਮੁੜ ਤੋਂ ਇਕ ਵਾਰ ਅਪਣਾ ਇਲਜ਼ਾਮ ਸਿੱਧਾ ਸਪਾਟ ਹੋ ਕੇ ਪੇਸ਼ ਕੀਤਾ ਹੈ।

Harsimrat BadalHarsimrat Badal

ਇਹ ਸਵਾਲ ਅਕਾਲੀ ਦਲ ਨੂੰ ਇਕ ਬੜੀ ਔਖੀ ਥਾਂ ਲਿਆ ਖੜਾ ਕਰਦੇ ਹਨ ਕਿਉਂਕਿ ਉਨ੍ਹਾਂ ਨਾਲ ਕਿਸਾਨਾਂ ਦੀ ਨਰਾਜ਼ਗੀ ਅਜੇ ਬਰਕਰਾਰ ਹੈ ਤੇ ਅਸਤੀਫ਼ੇ ਤੇ ਮਾਫ਼ੀਆਂ ਮੰਗਣ ਬਾਅਦ ਵੀ ਕਿਸਾਨ ਉਨ੍ਹਾਂ ਦਾ ਵਿਰੋਧ ਛੱਡ ਨਹੀਂ ਰਹੇ। ਪਰ ਅਕਾਲੀ ਦਲ ਵਲੋਂ ਕੇਂਦਰੀ ਕੈਬਨਿਟ ਵਿਚ ਨਿਭਾਏ ਰੋਲ ਦਾ ਪਛਤਾਵਾ ਤੇ ਉਸ ਮਗਰੋਂ ਖੇਤੀ ਕਾਨੂੰਨਾਂ ਵਿਚ ਫਿਰ ਉਨ੍ਹਾਂ ਹੀ ਗੱਲਾਂ ਦਾ ਹੋਣਾ ਦਰਸਾਉਂਦਾ ਹੈ ਕਿ ਇਨ੍ਹਾਂ ਖੇਤੀ ਕਾਨੂੰਨਾਂ (ਕਾਲੇ ਕਾਨੂੰਨਾਂ) ਦੀ ਵਿਉਂਤਬੰਦੀ ਸੱਭ ਤੋਂ ਪਹਿਲਾਂ ਅਕਾਲੀ ਦਿਮਾਗ਼ਾਂ ਵਿਚ ਹੀ ਕੀਤੀ ਗਈ ਸੀ ਤੇ ਬੀਜੇਪੀ ਨੇ ਤਾਂ ਅਕਾਲੀ ‘ਵਿਦਵਾਨਾਂ’ ਦੇ ਖਰੜੇ ਹੀ ਦਿੱਲੀ ਲਿਜਾ ਕੇ ਵਰਤੇ ਹਨ। ਇਸ ਸੱਭ ਤੋਂ ਵੱਡਾ ਗੁਲਾਹ ਹੈ ਜਿਸ ਵਾਸਤੇ ਪੰਜਾਬ ਉਨ੍ਹਾਂ ਨੂੰ ਮਾਫ਼ ਨਹੀਂ ਕਰ ਸਕੇਗਾ।

Prakash Singh BadalPrakash Singh Badal

ਅਕਾਲੀ ਦਲ ਦੇ ਭ੍ਰਿਸ਼ਟਾਚਾਰ ਤੋਂ ਕਈ ਗੁਣਾਂ ਵੱਧ ਨਰਾਜ਼ਗੀ ਬਰਗਾੜੀ ਤੇ ਸੌਦਾ ਸਾਧ ਨੂੰ ਦਿਤੀ ਮਾਫ਼ੀ ਕਾਰਨ ਹੈ ਜੋ ਸਿੱਖਾਂ ਦੇ ਮਨ ਵਿਚ ਇਕ ਡੂੰਘੀ ਸੱਟ ਮਾਰ ਚੁੱਕੇ ਹਨ। ਪਰ ਅੱਜ ਕਿਸਾਨਾਂ ਨੂੰ ਇਹ ਪਤਾ ਚਲ ਜਾਏਗਾ ਕਿ ਜਿਹੜਾ ਕਾਨੂੰਨ ਉਨ੍ਹਾਂ ਨੂੰ ਕਾਰਪੋਰੇਟ ਦਾ ਗ਼ੁਲਾਮ ਬਣਾਉਣਾ ਚਾਹੁੰਦਾ ਹੈ, ਉਹ ਉਨ੍ਹਾਂ ਆਗੂਆਂ ਨੇ ਬਣਾਇਆ ਜਿਨ੍ਹਾਂ ਨੂੰ ਕਿਸਾਨ ਅਪਣੇ ਨਾਲ ਦੇ ਕਿਸਾਨ ਮੰਨਦੇ ਤੇ ਅਪਣੇ ਨੁਮਾਇੰਦਿਆਂ ਵਜੋਂ ਚੁਣਦੇ ਰਹੇ। ਅਕਾਲੀਆਂ ਵਲੋਂ ਹੀ ਕਿਸਾਨਾਂ ਨੂੰ ਮਾਰਨ ਵਾਲੇ ਕਾਨੂੰਨ ਬਣਾਏ ਗਏ ਹਨ ਤਾਂ ਇਹ ਅਕਾਲੀਆਂ ਲਈ ਡੁੱਬ ਮਰਨ ਵਾਲੀ ਗੱਲ ਹੋ ਜਾਏਗੀ।

Sukhbir BadalSukhbir Badal

ਭਾਜਪਾ ਕਾਰਪੋਰੇਟ ਦੀ ਦੋਸਤ ਹੈ ਤੇ ਉਸ ਤੋਂ ਅਪਣੇ ਦੋਸਤਾਂ ਦੀ ਰਾਖੀ ਦੀ ਉਮੀਦ ਰੱਖੀ ਜਾ ਸਕਦੀ ਹੈ, ਪਰ ਜੇ ਅਪਣੇ ਨਾਲ ਦਾ ਕਿਸਾਨ ਆਗੂ ਹੀ ਕਿਸਾਨਾਂ ਦੀ ਤਬਾਹੀ ਦਾ ਕਾਰਨ ਸਾਬਤ ਹੋਵੇਗਾ ਤਾਂ ਇਹ ਸਿੱਖ ਪੰਥਕ ਪਾਰਟੀ ਵਾਸਤੇ ਬੜੀ ਸ਼ਰਮਨਾਕ ਗੱਲ ਹੈ। ਸਿਆਣੇ ਆਖਦੇ ਹਨ ਕਿ ਕਦੇ ਨਾ ਭਰਨ ਵਾਲੇ ਜ਼ਖਮ ਹਮੇਸ਼ਾ ਦਿਲ ਤੇ ਲਗਦੇ ਹਨ ਤੇ ਉਹ ਕਦੇ ਦੁਸ਼ਮਣ ਨਹੀਂ ਲਗਾਉਂਦਾ ਬਲਕਿ ਅਪਣੇ ਹੀ ਲਗਾਉਂਦੇ ਹਨ। ਅਕਾਲੀ ਦਲ ਨੇ ਪੰਜਾਬ ਦੇ ਦਿਲ ਤੇ ਇਕ ਜ਼ਖਮ ਲਗਾ ਦਿਤਾ ਜਾਪਦਾ ਹੈ। ਇਸ ਦੋਸ਼ ਦਾ ਅਕਾਲੀ ਦਲ ਵਲੋਂ ਇਕ ਸਪੱਸ਼ਟ ਜਵਾਬ ਜ਼ਰੂਰ ਦਿਤਾ ਜਾਣਾ ਚਾਹੀਦਾ ਹੈ, ਨਾ ਕਿ ਇਸ ਨੂੰ ਸਿਆਸਤ ਦੇ ਝਮੇਲਿਆਂ ਵਿਚ ਉਲਝਾਉਣ ਦੇ ਤਰੀਕੇ ਬਣਨ ਦੇ ਯਤਨ ਲੱਭਣ ਲੱਗ ਜਾਣਾ ਚਾਹੀਦਾ ਹੈ।

-ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM

'ਚੋਰ ਵੀ ਕਹਿੰਦਾ ਮੈਂ ਚੋਰੀ ਨਹੀਂ ਕੀਤੀ, ਜੇ Kejriwal ਬੇਕਸੂਰ ਨੇ ਤਾਂ ਸਬੂਤ ਪੇਸ਼ ਕਰਨ'

29 Mar 2024 11:53 AM

Punjab-Delhi 'ਚ ਤੋੜੇਗੀ BJP GOVT ! ਕੌਰ ਗਰੁੱਪ ਦੀ ਮੀਟਿੰਗ ਤੋਂ ਪਹਿਲਾ ਬੋਲਿਆ ਆਗੂ, ਕੋਈ ਸਾਡੇ ਕੋਲ ਆਉਂਦਾ ਹੈ...

29 Mar 2024 11:34 AM

Mukhtar Ansari ਦੀ ਹੋਈ ਮੌਤ, Jail 'ਚ ਪਿਆ ਦਿਲ ਦਾ ਦੌਰਾ, UP ਦੇ ਕਈ ਜ਼ਿਲ੍ਹਿਆਂ 'ਚ High Alert

29 Mar 2024 9:33 AM

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM
Advertisement