ਅੰਗਰੇਜ਼ਾਂ ਦੇ ‘ਸਬਕ ਸਿਖਾਊ’ ਬਸਤੀਵਾਦੀ ਕਾਨੂੰਨ ਆਜ਼ਾਦ ਭਾਰਤ ਵਿਚ ਕਿਉਂ ਲਾਗੂ ਕੀਤੇ ਜਾ ਰਹੇ ਹਨ?
Published : Jul 17, 2021, 8:16 am IST
Updated : Jul 17, 2021, 8:16 am IST
SHARE ARTICLE
India
India

ਜਦ ਪੰਜਾਬ ਵਿਚ ਮੀਡੀਆ ਦੀ ਆਵਾਜ਼ ਨੂੰ ਬੰਦ ਕਰਨ ਦਾ ਦੌਰ ਸਾਬਕਾ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਵਲੋਂ ਸ਼ੁਰੂ ਕੀਤਾ ਗਿਆ ਤਾਂ ਉਸ ਦਾ ਲਾਭ ਕਿਸ ਨੂੰ ਹੋਇਆ ਸੀ?

ਚੀਫ਼ ਜਸਟਿਸ ਨੇ ਇਕ ਬੜਾ ਢੁਕਵਾਂ ਸਵਾਲ ਮੁੜ ਤੋਂ ਚੁਕਿਆ ਹੈ ਕਿ ਆਜ਼ਾਦੀ ਤੋਂ 74 ਸਾਲਾਂ ਮਗਰੋਂ ਵੀ ਭਾਰਤ ਨੂੰ ਅੰਗਰੇਜ਼ਾਂ ਵਲੋਂ ਬਣਾਇਆ ਦੇਸ਼-ਧ੍ਰੋਹ ਦਾ ਕਾਨੂੰਨ ਕਿਉਂ ਚਾਹੀਦਾ ਹੈ? ਜਿਸ ਦੇਸ਼ ਧ੍ਰੋਹ ਦੇ ਕਾਨੂੰਨ ਨੂੰ ਅੰਗਰੇਜ਼ਾਂ ਨੇ ਭਾਰਤ ਦੇ ਆਜ਼ਾਦੀ ਘੁਲਾਟੀਆਂ ਦੀ ਆਵਾਜ਼ ਬੰਦ ਕਰਨ ਲਈ ਬਣਾਇਆ ਸੀ ਤੇ ਇਸਤੇਮਾਲ ਕੀਤਾ ਸੀ, ਉਸ ਨੂੰ ਹੁਣ ਖ਼ਤਮ ਕਿਉਂ ਨਹੀਂ ਕੀਤਾ ਜਾਂਦਾ?

Photo

ਉਂਜ ਤਾਂ ਇਹ ਕਾਨੂੰਨ ਆਜ਼ਾਦੀ ਦੀ ਪਹਿਲੀ ਰਾਤ ਨੂੰ ਹੀ ਖ਼ਤ ਮ ਹੋ ਜਾਣਾ ਚਾਹੀਦਾ ਸੀ ਪਰ ਜਿਹੜੇ ਆਗੂ ਚਲੇ ਗਏ, ਉਨ੍ਹਾਂ ਦੀ ਸੋਚ ਨੂੰ ਅਸੀ ਨਹੀਂ ਸਮਝ ਸਕਦੇ ਪਰ ਅੱਜ ਦੀ ਮੌਜੂਦਾ ਸਰਕਾਰ ਜੋ ਦੇਸ਼ ਨੂੰ ਬਦਲਣ ਵਾਸਤੇ ਕਈ ਕਾਨੂੰਨ ਰੱਦ ਕਰ ਰਹੀ ਹੈ, ਉਹ ਇਸ ਖ਼ਾਸ ਕਾਨੂੰਨ ਨੂੰ ਖ਼ਤਮ ਕਰਨ ਦੀ ਬਜਾਏ ਕਿਉਂ ਹਰ ਵਿਰੋਧੀ ਆਵਾਜ਼ ਵਾਲੇ ਉਤੇ ਹੀ ਲਾਗੂ ਕਰ ਰਹੀ ਹੈ? ਚੀਫ਼ ਜਸਟਿਸ ਵਲੋਂ ਜਦ ਇਹ ਆਖਿਆ ਗਿਆ ਕਿ ‘ਇਸ ਕਾਨੂੰਨ ਦੀ ਵਰਤੋਂ ਮਹਾਤਮਾ ਗਾਂਧੀ ਦੀ ਆਵਾਜ਼ ਨੂੰ ਦਬਾਉਣ ਵਾਸਤੇ ਇਸਤੇਮਾਲ ਕੀਤੀ ਗਈ ਸੀ’ ਤਾਂ ਕੀ ਅੱਜ ਮੰਨ ਲਈਏ ਕਿ ਇਸ ਕਾਨੂੰਨ ਨੂੰ ਲਾਗੂ ਕਰਨ ਵਾਲੇ ਵੀ ਅੰਗਰੇਜ਼ਾਂ ਵਰਗੀ ਸੋਚ ਹੀ ਰਖਦੇ ਹਨ?

Mahatma GandhiMahatma Gandhi

ਇਸ ਦਾ ਸਬੂਤ ਇਸ ਗੱਲ ਤੋਂ ਮਿਲਦਾ ਹੈ ਕਿ ਅੰਕੜੇ ਦਸਦੇ ਹਨ ਕਿ ਭਾਜਪਾ ਸਰਕਾਰ ਦੇ ਆਉਣ ਤੋਂ ਬਾਅਦ ਇਸ ਕਾਨੂੰਨ ਦੀ ਵਰਤੋਂ ਵਿਚ  165 ਫ਼ੀ ਸਦੀ ਦਾ ਵਾਧਾ ਹੋਇਆ ਹੈ ਤੇ ਸੱਭ ਤੋਂ ਸ਼ਰਮਨਾਕ ਸੱਚ ਇਹ ਵੀ ਹੈ ਕਿ ਇਸ ਦੀ ਵਰਤੋਂ ਕਰ ਕੇ ਸਰਕਾਰ ਵਲੋਂ ਵਿਰੋਧੀ ਲੋਕਾਂ ਨੂੰ ਲੰਮੇ ਸਮੇਂ ਤਕ ਹਿਰਾਸਤ ਵਿਚ ਰਖਿਆ ਜਾਂਦਾ ਹੈ। ਪ੍ਰਧਾਨ ਮੰਤਰੀ ਵਲੋਂ ਯੋਗੀ ਆਦਤਿਆਨਾਥ ਦੀ ਕੋਵਿਡ-19 ਦੌਰਾਨ ਕਾਰਗੁਜ਼ਾਰੀ ਦੀ ਪ੍ਰਸ਼ੰਸਾ ਕੀਤੀ ਗਈ ਹੈ ਪਰ ਇਸ ‘ਰਾਮ ਰਾਜ’ ’ਚ ਵੀ ਮੁੱਖ ਮੰਤਰੀ ਜਾਂ ਪ੍ਰਧਾਨ ਮੰਤਰੀ ਬਾਰੇ ਟਿਪਣੀ ਕਰਨ ਜਾਂ ਨਾਟਕ ਵਿਚ ਕੋਈ ਤਨਜ਼ੀਆ ‘ਡਾਇਲਾਗ’ ਬੋਲਣ ਤੇ ਵੀ ਧਾਰਾ 124-ਏ ਲੱਗ ਜਾਂਦੀ ਹੈ।

Yogi with ModiYogi Adityanath with Narendra Modi

ਨਾਗਰਿਕਤਾ ਬਿਲ ਤੇ ਵੀ ਇਹੀ ਧਾਰਾ ਲਗਾਈ ਗਈ ਤੇ ਸਰਕਾਰ ਵਲੋਂ ਖੇਤੀ ਕਾਨੂੰਨ ਦਾ ਵਿਰੋਧ ਕਰਨ ਵਾਲਿਆਂ ਉਤੇ ਵੀ ਇਹੀ ਧਾਰਾ ਲਗਾਈ ਜਾ ਰਹੀ ਹੈ। ਇਸ ਦੇ ਨਾਲ ਦਾ ਦੂਜਾ ਕਾਨੂੰਨ ਯੂ.ਏ.ਪੀ.ਏ. ਵੀ ਅੰਗਰੇਜ਼ਾਂ ਦੀ ਯਾਦ ਦਿਵਾਉਂਦਾ ਹੈ ਤੇ ਉਸ ਦਾ ਵੀ ਵੱਧ ਤੋਂ ਵੱਧ ਇਸਤੇਮਾਲ ਕੀਤਾ ਗਿਆ ਹੈ। ਸੱਭ ਤੋਂ ਵੱਡੀ ਮੁਸ਼ਕਲ ਇਹੀ ਹੈ ਕਿ ਇਸ ਕਾਨੂੰਨ ਨਾਲ ਸਰਕਾਰ ਨੂੰ ਅਪਣੇ ਵਿਰੁਧ ਉਠਣ ਵਾਲੀ ਹਰ ਆਵਾਜ਼ ਦਾ ਗਲਾ ਘੋਟਣ ਦੀ ਤਾਕਤ ਮਿਲ ਜਾਂਦੀ ਹੈ ਤੇ ‘ਮੁਲਜ਼ਮ’ ਦੇ ਸਾਰੇ ਹੱਕ ਖੋਹ ਲਏ ਜਾਂਦੇ ਹਨ।

cm yogiCM yogi

ਜਦ ਇਹ ਧਾਰਾਵਾਂ ਲੱਗ ਜਾਂਦੀਆਂ ਹਨ ਤਾਂ ਨਿਆਂਪਾਲਿਕਾ ਵੀ ਪਿੱਛੇ ਹੱਟ ਜਾਂਦੀ ਹੈ ਤੇ ਮੁਲਜ਼ਮ ਭਾਵੇਂ ਬਰੀ ਵੀ ਹੋ ਜਾਵੇ, ਉਸ ਉਤੇ ਸਾਰੀ ਉਮਰ ਵਾਸਤੇ ਦਾਗ਼ ਲੱਗ ਜਾਂਦਾ ਹੈ। ਪਰ ਸੱਭ ਤੋਂ ਵੱਡਾ ਅਸਰ ਇਹ ਕਿ ਡਰ ਦਾ ਮਾਹੌਲ ਬਣ ਜਾਂਦਾ ਹੈ ਤੇ ਇਹੀ ਸਾਰੀ ਸਮੱਸਿਆ ਦੀ ਜੜ੍ਹ ਬਣ ਜਾਂਦਾ ਹੈ। ਅੰਗਰੇਜ਼ ਡਰਾਉਣਾ ਚਾਹੁੰਦੇ ਸਨ ਕਿਉਂਕਿ ਉਹ ਭਾਰਤ ਨੂੰ ਗ਼ੁਲਾਮ ਬਣਾਈ ਰਖਣਾ ਚਾਹੁੰਦੇ ਸਨ। 

Parkash Badal Parkash Badal

ਇਕ ਲੋਕਤੰਤਰ ਵਿਚ ਲੋਕਾਂ ਵਿਚੋਂ ਨਿਕਲੇ ਭਾਰਤੀਆਂ ਦੀ ਸਰਕਾਰ ਅਪਣੇ ਹੀ ਦੇਸ਼ ਵਿਚ ਡਰ ਦਾ ਮਾਹੌਲ ਕਿਉਂ ਬਣਾਉਣਾ ਚਾਹੁੰਦੀ ਹੈ? ਜਦ ਪੰਜਾਬ ਵਿਚ ਮੀਡੀਆ ਦੀ ਆਵਾਜ਼ ਨੂੰ ਬੰਦ ਕਰਨ ਦਾ ਦੌਰ ਸਾਬਕਾ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਵਲੋਂ ਸ਼ੁਰੂ ਕੀਤਾ ਗਿਆ ਤਾਂ ਉਸ ਦਾ ਲਾਭ ਕਿਸ ਨੂੰ ਹੋਇਆ ਸੀ? ਇਕ ਮੀਡੀਆ ਘਰਾਣਾ ਤਾਨਾਸ਼ਾਹੀ ਕਰ ਕੇ ਪੰਜਾਬ ਵਿਚ ਸੱਭ ਨੂੰ ਖ਼ਤਮ ਕਰਨ ਤੇ ਆ ਗਿਆ ਸੀ। ਇਥੋਂ ਤਕ ਕਿ ਦਰਬਾਰ ਸਾਹਿਬ ਤੋਂ ਜਾਰੀ ਹੋਣ ਵਾਲਾ ਹੁਕਮਨਾਮਾ ਵੀ ਇਕ ਕਾਰਪੋਰੇਟ ਦੀ ਮਲਕੀਅਤ ਬਣ ਗਿਆ।

petrol-diesel prices rise againpetrol-Diesel 

ਇਸੇ ਤਰ੍ਹਾਂ ਅੱਜ ਭਾਰਤ ਵਿਚ ਕੇਵਲ ਧਨਵਾਨਾਂ ਦੇ ਹਿਤਾਂ ਦੀ ਰਖਿਆ ਕਰਨ ਵਾਲੀਆਂ ਹਕੂਮਤਾਂ ਬਣ ਗਈਆਂ ਹਨ। ਅੰਗਰੇਜ਼ ਵੀ ਮੁਨਾਫ਼ੇ  ਵਾਸਤੇ ਗ਼ੁਲਾਮ ਬਣਾਉਂਦੇ ਸਨ ਪਰ ਹੁਣ ਗੋਰਿਆਂ ਦਾ ਨਹੀਂ ਬਲਕਿ ਅਮੀਰ ਭਾਰਤੀਆਂ ਦਾ ਰਾਜ ਹੈ। ਆਮ ਭਾਰਤੀ ਤਾਂ ਜੇ ਕਿਸਾਨਾਂ ਵਾਂਗ ਹੀ ਸੜਕਾਂ ਤੇ ਜਾ ਕੇ ਬੈਠ ਜਾਵੇ, ਕਿਸੇ ਹੁਕਮਰਾਨ ਨੂੰ ਫ਼ਰਕ ਨਹੀਂ ਪਵੇਗਾ। ਤੁਸੀ ਗੈਸ ਸਿਲੰਡਰ, ਪਟਰੌਲ-ਡੀਜ਼ਲ, ਦਾਲਾਂ, ਸਬਜ਼ੀਆਂ ਦੀਆਂ ਵਧਦੀਆਂ ਕੀਮਤਾਂ ਨੂੰ ਲੈ ਕੇ ਟਨਾਂ ਵਿਚ ਅਥਰੂ ਕੇਰ ਲਵੋ, ਪ੍ਰਧਾਨ ਮੰਤਰੀ ਦੇ ਹਜ਼ਾਰਾਂ ਕਰੋੜ ਦੇ ਬਣ ਰਹੇ ਘਰ ਬਾਰੇ ਕੁੱਝ ਵੀ ਆਖ ਲਵੋ, ਕੋਈ ਨਹੀਂ ਸੁਣੇਗਾ। ਅੱਜ ਭਾਵੇਂ ਚੀਫ਼ ਜਸਟਿਸ ਵੀ ਇਸ ਕਾਨੂੰਨ ਦਾ ਵਿਰੋਧ ਕਰ ਲੈਣ, ਸਰਕਾਰ ਇਸ ਕਾਨੂੰਨ ਨੂੰ ਰੱਦ ਕਰਨ ਲਈ ਤਿਆਰ ਨਹੀਂ ਹੋਵੇਗੀ। ਇਥੇ ਆ ਕੇ ਹੀ ਹਾਕਮ ਜਿੱਤ ਰਿਹਾ ਦਿਸਦਾ ਹੈ ਤੇ ਲੋਕ-ਰਾਜ ਹਾਰ ਕੇ ਗ਼ਰਕ ਹੋ ਰਿਹਾ ਲਗਦਾ ਹੈ। 
-ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement