ਤੌਰ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਪਾਣੀਆਂ ਵਾਸਤੇ ਕੇਂਦਰ ਵਿਚ ਅਪਣੀ ਪਾਰਟੀ ਵਿਰੁਧ ਬਗ਼ਾਵਤ ਕੀਤੀ |
ਭਗਵੰਤ ਮਾਨ ਨੂੰ ਵੀ ਦਿੱਲੀ ਦੀ ਸਿਆਸਤ ਤੋਂ ਵੱਖ ਹੋ ਕੇ ਪੰਜਾਬ ਵਾਸਤੇ ਖੜੇ ਹੋਣ ਦੀ ਤਾਕਤ ਜੁਟਾਣੀ ਪਵੇਗੀ | ਉਨ੍ਹਾਂ ਬੀ.ਐਸ.ਐਫ਼ ਦਾ ਦਾਇਰਾ ਵਧਾਉਣ ਦੇ ਮੁੱਦੇ ਤੇ ਜਿੱਤ ਤੋਂ ਪਹਿਲਾਂ ਹੀ ਕੇਂਦਰ ਨੂੰ ਸਹੀ ਦਰਸਾ ਕੇ ਪੰਜਾਬ ਦੀ ਮੰਗ ਕਮਜ਼ੋਰ ਕਰ ਦਿਤੀ ਹੈ |
PM Modi
ਬਤੌਰ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਪਾਣੀਆਂ ਵਾਸਤੇ ਕੇਂਦਰ ਵਿਚ ਅਪਣੀ ਪਾਰਟੀ ਵਿਰੁਧ ਬਗ਼ਾਵਤ ਕੀਤੀ | ਕਾਂਗਰਸ ਹਾਈਕਮਾਂਡ ਦੇ ਆਦੇਸ਼ ਤੇ ਪੰਜਾਬ ਸਰਕਾਰ ਨੇ ਕਿਸਾਨਾਂ ਨੂੰ ਕੇਂਦਰ ਦਾ ਵਿਰੋਧ ਕਰਨ ਦੀ ਆਜ਼ਾਦੀ ਦਿਤੀ ਤੇ ਚਰਨਜੀਤ ਸਿੰਘ ਚੰਨੀ ਨੇ ਪੰਜਾਬੀਆਂ ਨੂੰ ਅਪਣੇ ਸੂਬੇ ਦੀਆਂ ਕੁੰਜੀਆਂ ਕਿਸੇ ਬਾਹਰਲੇ ਦੇ ਹੱਥ ਦੇਣ ਤੋਂ ਵਰਜ ਕੇ ਕੋਈ ਵੱਡਾ ਰਾਜਨੀਤਕ ਜੁਰਮ ਨਹੀਂ ਕਰ ਦਿਤਾ | ਉਨ੍ਹਾਂ ਵਲੋਂ ਬੋਲੇ ਸ਼ਬਦਾਂ ਨੂੰ ਇਸ ਸੰਦਰਭ ਵਿਚ ਹੀ ਵੇਖਿਆ ਜਾਣਾ ਚਾਹੀਦਾ ਹੈ |
CM Channi
ਚਰਨਜੀਤ ਸਿੰਘ ਚੰਨੀ ਵਲੋਂ ਇਕ ਬਿਆਨ ਦਿਤਾ ਗਿਆ ਜਿਸ ਤੋਂ ਬਾਅਦ ਸਾਰੇ ਸੋਸ਼ਲ ਮੀਡੀਆ ਵਿਚ ਚਰਚਾ ਛਿੜ ਪਈ | ਉਨ੍ਹਾਂ ਵਲੋਂ ਆਖਿਆ ਗਿਆ ਕਿ 'ਪੰਜਾਬੀਉ ਇਕੱਠੇ ਹੋ ਜਾਵੋ ਤੇ ਕਿਸੇ ਯੂ.ਪੀ., ਬਿਹਾਰ, ਦਿੱਲੀ ਦੇ ਭਈਏ ਨੂੰ ਪੰਜਾਬ ਦੀ ਵਾਗਡੋਰ ਨਾ ਫੜਾ ਦੇਣੀ |' ਇਸ ਗੱਲ ਤੇ ਇਤਰਾਜ਼ ਕੀਤਾ ਜਾ ਰਿਹਾ ਹੈ ਤੇ ਆਖਿਆ ਜਾ ਰਿਹਾ ਹੈ ਕਿ ਦਿੱਲੀ, ਬਿਹਾਰ, ਉਤਰ ਪ੍ਰਦੇਸ਼ ਦੇ ਲੋਕਾਂ ਦੀ ਬੇਇੱਜ਼ਤੀ ਕੀਤੀ ਗਈ ਹੈ |
cm charanjit singh channi
ਪਰ ਇਸੇ ਮੀਡੀਆ ਨੇ ਸਾਰੇ ਦੇਸ਼ ਵਿਚ ਬੈਠੇ ਕਿਸਾਨਾਂ ਦੇ ਸਿਰਾਂ ਦੀਆਂ ਪੱਗਾਂ ਵੇਖ ਕੇ ਸਾਰੇ ਸਿੱਖ ਕਿਸਾਨਾਂ ਨੂੰ ਅਤਿਵਾਦੀ, ਖ਼ਾਲਿਸਤਾਨੀ ਦਸਿਆ ਸੀ | ਉਸ ਸਮੇਂ ਇਹੀ ਮੀਡੀਆ ਪੰਜਾਬ ਨੂੰ ਬਦਨਾਮ ਕਰਨ ਲਈ ਇਕੱਠਾ ਹੋਇਆ ਸੀ, ਸਿਵਾਏ ਪੱਤਰਕਾਰ ਰਵੀਸ਼ ਕੁਮਾਰ ਦੇ | ਸੋਸ਼ਲ ਮੀਡੀਆ 'ਚੋਂ ਕੋਈ ਵੀ ਸਿੱਖਾਂ ਦੇ ਹੱਕ ਵਿਚ ਨਹੀਂ ਸੀ ਨਿਤਰਿਆ |
Manohar Lal Khattar
ਕਿਸੇ ਵੀ ਸੂਬੇ ਦੇ ਮੁੱਖ ਮੰਤਰੀ ਨੇ ਪੰਜਾਬ ਤੋਂ ਗਏ ਕਿਸਾਨਾਂ ਦੇ ਹੱਕ ਵਿਚ ਆਵਾਜ਼ ਨਹੀਂ ਸੀ ਚੁਕੀ | ਖੱਟਰ ਸਾਹਿਬ ਨੇ ਤਾਂ ਸਿੱਖ ਕਿਸਾਨਾਂ ਨਾਲ ਨਕਸਲੀ ਅਤਿਵਾਦੀਆਂ ਵਰਗਾ, ਮਾਰਨ ਕੁੱਟਣ ਵਾਲਾ ਸਲੂਕ ਹੀ ਕੀਤਾ | ਕੀ ਕਿਸੇ ਨੂੰ ਅਫ਼ਸੋਸ ਹੋਇਆ? ਸਾਡਾ ਪੰਜਾਬੀ ਮੀਡੀਆ ਕਿਸਾਨਾਂ ਦੇ ਹੱਕ ਵਿਚ ਡੱਟ ਗਿਆ ਸੀ ਜਿਸ ਕਰ ਕੇ ਹੌਲੀ-ਹੌਲੀ ਸੱਭ ਨੂੰ ਕਿਸਾਨਾਂ ਦੀ ਆਵਾਜ਼ ਸੁਣਨੀ ਹੀ ਪਈ |
ਪੰਜਾਬ ਤੋਂ ਗਏ ਹਿੰਦੂ ਵਪਾਰੀਆਂ ਤੇ ਸਮਰਥਕਾਂ ਨੇ ਅਪਣੇ ਆਪ ਨੂੰ ਹਿੰਦੂ ਅਤਿਵਾਦੀ ਆਖਿਆ ਤੇ ਦਿੱਲੀ ਦੇ ਹਾਕਮਾਂ ਨੂੰ ਮਜਬੂਰ ਕੀਤਾ ਕਿ ਦੇਸ਼ ਕਿਸਾਨਾਂ ਨੂੰ ਕਿਸਾਨਾਂ ਵਜੋਂ ਹੀ ਵੇਖੇ | ਸੋ ਜੇ ਦਿੱਲੀ, ਬਿਹਾਰ ਤੇ ਯੂ.ਪੀ. ਦੇ ਰਹਿਣ ਵਾਲੇ ਨੂੰ 'ਭਈਏ' ਆਖਿਆ ਜਾਂਦਾ ਹੈ ਤਾਂ ਇਸ ਵਿਚ ਖ਼ਰਾਬੀ ਕੀ ਹੈ? ਸਾਨੂੰ ਤਾਂ ਅਤਿਵਾਦੀ ਅਤੇ ਜੋਕਰ ਆਖਣ ਦੀ ਵੀ ਜੁਰਅਤ ਕੀਤੀ ਜਾਂਦੀ ਹੈ |
Charanjit Singh Channi
ਪਰ ਜੋ ਚਰਨਜੀਤ ਸਿੰਘ ਚੰਨੀ ਨੇ ਕਿਹਾ, ਉਸ ਵਿਚ ਸੁਨੇਹਾ ਇਹ ਨਹੀਂ ਸੀ ਕਿ ਉਹ ਭਈਏ ਹਨ ਸਗੋਂ ਇਸ ਸੂਬੇ ਦੀ ਸਿਆਸਤ ਸੂਬੇ ਵਿਚ ਰਹਿਣ ਵਾਲਾ ਹੀ ਕੋਈ ਸਮਝ ਸਕਦਾ ਹੈ | ਅੰਬਿਕਾ ਸੋਨੀ ਇਹ ਨਹੀਂ ਸਨ ਸਮਝ ਸਕੇ ਕਿ ਸੁਨੀਲ ਜਾਖੜ ਪੰਜਾਬੀ ਹਨ |
Sunil Jakhar
ਉਨ੍ਹਾਂ ਦੇ ਸਿੱਖ ਜਾਂ ਹਿੰਦੂ ਹੋਣ ਨਾਲ ਫ਼ਰਕ ਨਹੀਂ ਪੈਂਦਾ | ਜੋ ਕੋਈ ਪੰਜਾਬ ਵਿਚ ਅਪਣਾ ਬਚਪਨ ਬਿਤਾ ਚੁੱਕਾ ਹੈ, ਜੋ ਇਸ ਧਰਤੀ ਨਾਲ ਜੁੜਿਆ ਹੈ, ਉਹੀ ਉਸ ਦਾ ਦਰਦ ਸਮਝ ਸਕਦਾ ਹੈ | ਇਹ ਹਰ ਸੂਬੇ ਦੇ ਲੋਕਾਂ ਉਤੇ ਇਕੋ ਜਿਹਾ ਢੁਕਦਾ ਹੈ |
Mamata Banerjee
ਕੀ ਚਰਨਜੀਤ ਸਿੰਘ ਚੰਨੀ ਨੂੰ ਗੁਜਰਾਤ ਵਿਚ ਲੜਾਇਆ ਜਾ ਸਕਦਾ ਹੈ ਜਾਂ ਮਮਤਾ ਬੈਨਰਜੀ ਨੂੰ ਦਿੱਲੀ ਵਿਚ? ਮਮਤਾ ਬੈਨਰਜੀ ਨੂੰ ਤਾਂ ਗੋਆ ਨੇ ਵੀ ਸਵੀਕਾਰ ਨਹੀਂ ਕੀਤਾ |
Ambika Soni
ਭਾਰਤ ਵੱਖ-ਵੱਖ ਸੂਬਿਆਂ ਦਾ ਸਮੂਹ ਹੈ ਤੇ ਇਹ ਸਮੂਹ, ਕੇਂਦਰ ਦੀ ਸਰਕਾਰ ਵਿਚ ਝਲਕਦਾ ਹੈ | ਜਿਸ ਸੂਬੇ ਦਾ ਮੰਤਰੀ ਬਣਦਾ ਹੈ, ਜ਼ਿਆਦਾਤਰ ਮਾਮਲਿਆਂ ਵਿਚ, ਉਸ ਦੀ ਜਨਮ ਭੂਮੀ ਨੂੰ ਸੱਭ ਤੋਂ ਵੱਧ ਲਾਭ ਹੁੰਦਾ ਹੈ | ਪ੍ਰਧਾਨ ਮੰਤਰੀ ਗੁਜਰਾਤੀ ਹਨ ਇਸ ਕਰ ਕੇ ਅੱਜ ਦੇਸ਼ ਦੇ ਸੱਭ ਤੋਂ ਅਮੀਰ ਵੀ ਦੋ ਗੁਜਰਾਤੀ ਹਨ | ਅਸੀ ਇਨਸਾਨ ਹਾਂ ਤੇ ਇਹ ਸਾਡੀ ਕੁਦਰਤੀ ਕਮਜ਼ੋਰੀ ਹੈ |
ਜਿਹੜੀ ਤਾਕਤ ਅਪਣੇ ਸੂਬੇ ਦੇ ਹੱਕਾਂ ਵਾਸਤੇ ਲੜਨ ਵਾਸਤੇ ਚਾਹੀਦੀ ਹੁੰਦੀ ਹੈ, ਉਹ ਸੂਬੇ ਦੇ ਆਜ਼ਾਦ ਵਸਨੀਕ ਕੋਲੋਂ ਹੀ ਮਿਲ ਸਕਦੀ ਹੈ | ਜਦ ਕਰਨਾਟਕਾ, ਤਾਮਿਲਨਾਡੂ ਨਾਲ ਅਪਣੇ ਪਾਣੀ ਵਾਸਤੇ ਲੜਦਾ ਹੈ ਤਾਂ ਉਸ ਦੀ ਤਾਕਤ ਅਪਣੇ ਸੂਬੇ ਦੇ ਪਿਆਰ ਵਿਚੋਂ ਹੀ ਉਪਜਦੀ ਹੈ | ਜੇ ਤਾਮਿਲਨਾਡੂ ਦਾ ਇਕ ਵਸਨੀਕ, ਕਰਨਾਟਕਾ ਦਾ ਮੁੱਖ ਮੰਤਰੀ ਬਣ ਗਿਆ ਤਾਂ ਕੀ ਉਹ ਕਰਨਾਟਕਾ ਦਾ ਪਾਣੀ ਤਾਮਿਲਨਾਡੂ ਵਲ ਨਹੀਂ ਮੋੜੇਗਾ?
Bhagwant Mann
ਭਗਵੰਤ ਮਾਨ ਨੂੰ ਵੀ ਦਿੱਲੀ ਦੀ ਸਿਆਸਤ ਤੋਂ ਵੱਖ ਹੋ ਕੇ ਪੰਜਾਬ ਵਾਸਤੇ ਖੜੇ ਹੋਣ ਦੀ ਤਾਕਤ ਜੁਟਾਣੀ ਪਵੇਗੀ | ਉਨ੍ਹਾਂ ਬੀ.ਐਸ.ਐਫ਼ ਦਾ ਦਾਇਰਾ ਵਧਾਉਣ ਦੇ ਮੁੱਦੇ ਤੇ ਜਿੱਤ ਤੋਂ ਪਹਿਲਾਂ ਹੀ ਕੇਂਦਰ ਨੂੰ ਸਹੀ ਦਰਸਾ ਕੇ ਪੰਜਾਬ ਦੀ ਮੰਗ ਕਮਜ਼ੋਰ ਕਰ ਦਿਤੀ ਹੈ | ਬਤੌਰ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਪਾਣੀਆਂ ਵਾਸਤੇ ਕੇਂਦਰ ਵਿਚ ਅਪਣੀ ਪਾਰਟੀ ਵਿਰੁਧ ਬਗ਼ਾਵਤ ਕੀਤੀ |
Captain Amarinder Singh
ਕਾਂਗਰਸ ਹਾਈਕਮਾਂਡ ਦੇ ਆਦੇਸ਼ ਤੇ ਪੰਜਾਬ ਸਰਕਾਰ ਨੇ ਕਿਸਾਨਾਂ ਨੂੰ ਕੇਂਦਰ ਦਾ ਵਿਰੋਧ ਕਰਨ ਦੀ ਆਜ਼ਾਦੀ ਦਿਤੀ ਤੇ ਚਰਨਜੀਤ ਸਿੰਘ ਚੰਨੀ ਨੇ ਪੰਜਾਬੀਆਂ ਨੂੰ ਅਪਣੇ ਸੂਬੇ ਦੀਆਂ ਕੁੰਜੀਆਂ ਕਿਸੇ ਬਾਹਰਲੇ ਦੇ ਹੱਥ ਦੇਣ ਤੋਂ ਵਰਜ ਕੇ ਕੋਈ ਵੱਡਾ ਰਾਜਨੀਤਕ ਜੁਰਮ ਨਹੀਂ ਕਰ ਦਿਤਾ | ਉਨ੍ਹਾਂ ਵਲੋਂ ਬੋਲੇ ਸ਼ਬਦਾਂ ਨੂੰ ਇਸ ਸੰਦਰਭ ਵਿਚ ਵੇਖਿਆ ਜਾਣਾ ਚਾਹੀਦਾ ਹੈ |
- ਨਿਮਰਤ ਕੌਰ
