ਕਿਸਾਨਾਂ ਨਾਲ ਦਿਲੋਂ ਮਨੋਂ ਕਿਹੜੀ ਸਿਆਸੀ ਪਾਰਟੀ ਹਮਦਰਦੀ ਰਖਦੀ ਹੈ?ਕਾਂਗਰਸ, ਅਕਾਲੀ, ਭਾਜਪਾ, ਆਪ...?
Published : Sep 22, 2020, 8:36 am IST
Updated : Sep 22, 2020, 8:36 am IST
SHARE ARTICLE
Congress BJP, AAP
Congress BJP, AAP

ਥੋੜੇ ਦਿਨ ਪਹਿਲਾਂ ਹੀ, ਪ੍ਰਕਾਸ਼ ਸਿੰਘ ਬਾਦਲ ਨੇ ਆਰਡੀਨੈਂਸਾਂ ਦੇ ਹੱਕ ਵਿਚ ਵੱਡਾ ਬਿਆਨ ਜਾਰੀ ਕੀਤਾ ਸੀ।

ਖੇਤੀ ਬਿਲ ਵਿਚ ਸੋਧ ਦੇ ਪਾਸ ਹੋ ਜਾਣ ਤੋਂ ਬਾਅਦ ਅੱਜ ਕਿਸਾਨਾਂ ਨਾਲ ਖੜੇ ਹੋਣ ਵਾਸਤੇ ਸਿਆਸਤਦਾਨਾਂ ਅੰਦਰ ਦੌੜ ਲੱਗ ਗਈ ਹੈ। ਪਰ ਕੀ ਇਨ੍ਹਾਂ ਵਿਚ ਕੋਈ ਸਚਮੁਚ ਵੀ ਕਿਸਾਨਾਂ ਦਾ ਹਮਦਰਦ ਹੈ ਜਾਂ ਨਹੀਂ? ਕੇਂਦਰ ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਬਿਲ ਉਤੇ ਉਨ੍ਹਾਂ ਨੂੰ ਪੂਰਾ ਵਿਸ਼ਵਾਸ ਹੈ ਕਿ ਉਹ ਇਸ ਨਾਲ ਕਿਸਾਨਾਂ ਨੂੰ ਵਧਦਾ ਫੁਲਦਾ ਵੇਖੇਗੀ। ਕੇਂਦਰ ਸਰਕਾਰ ਦਾ ਇਹ ਵੀ ਕਹਿਣਾ ਹੈ ਕਿ ਵਿਰੋਧੀ ਪਾਰਟੀਆਂ ਕਿਸਾਨਾਂ ਦੇ ਮਨਾਂ ਵਿਚ ਵਹਿਮ ਪੈਦਾ ਕਰ ਕੇ ਉਨ੍ਹਾਂ ਨੂੰ ਡਰਾ ਰਹੀਆਂ ਹਨ।

Farmers ProtestFarmers Protest

ਇਥੇ ਇਹ ਵੀ ਸਹੀ ਹੈ ਕਿ ਵਿਰੋਧੀ ਧਿਰ ਜੇ ਸੱਚੀ ਮੁੱਚੀ ਕਿਸਾਨ ਦੇ ਹੱਕ ਵਿਚ ਹੁੰਦੀ ਤਾਂ ਉਹ ਬਿਲ ਪਾਸ ਕਰਨ ਦੀ ਉਡੀਕ ਹੀ ਨਾ ਕਰਦੀ ਤੇ ਜਿਸ ਦਿਨ ਆਰਡੀਨੈਂਸ ਦੀ ਗੱਲ ਛਿੜੀ ਸੀ, ਵਿਰੋਧ ਉਸੇ ਦਿਨ ਹੀ ਸ਼ੁਰੂ ਹੋ ਜਾਣਾ ਸੀ। ਕਾਂਗਰਸ ਪਾਰਟੀ ਜੋ ਇਸ ਵਿਰੋਧ ਵਿਚ ਸੱਭ ਤੋਂ ਅੱਗੇ ਹੈ, ਉਸ ਲਈ ਅਪਣੀ ਇਸ ਦੇਰੀ ਵਾਸਤੇ ਜਵਾਬ ਦੇਣਾ ਬਣਦਾ ਹੈ, ਖ਼ਾਸ ਕਰ ਕੇ ਜਦ ਖੇਤੀ ਮੰਤਰੀ ਤੋਮਰ ਵਲੋਂ ਕਾਂਗਰਸੀ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਵਿਚਾਰ ਵਟਾਂਦਰੇ ਲਈ ਸੱਦਿਆ ਗਿਆ ਸੀ। ਉਹ ਸ਼ਾਮਲ ਤਾਂ ਨਹੀਂ ਹੋ ਸਕੇ ਸਨ ਪਰ ਉਨ੍ਹਾਂ ਨੂੰ ਜਾਣਕਾਰੀ ਤਾਂ ਸੀ ਕਿ ਇਹ ਬਿੱਲ ਆਉਣ ਵਾਲਾ ਹੈ।

CM Amrinder SinghCM Amrinder Singh

ਫਿਰ ਜਦ ਆਰਡੀਨੈਂਸ ਤੇ ਹਸਤਾਖਰ ਹੋਏ, ਤਾਂ ਵੀ ਕਾਂਗਰਸ ਦੇ ਰਾਜ ਸਭਾ ਮੈਂਬਰ ਪ੍ਰਤਾਪ ਸਿੰਘ ਬਾਜਵਾ ਨੇ ਇਸ ਆਰਡੀਨੈਂਸ ਵਿਰੁਧ ਆਵਾਜ਼ ਚੁੱਕੀ। ਪੰਜਾਬ ਵਿਚ ਅਡਾਨੀ ਗਰੁਪ ਵਲੋਂ ਇਸੇ ਸੋਚ ਅਧੀਨ ਵੱਡੇ ਗੋਦਾਮ ਬਣਾਉਣ ਦੀ ਤਿਆਰੀ ਦੀ ਖ਼ਬਰ ਸਾਂਝੀ ਕੀਤੀ ਗਈ ਤੇ ਇਨ੍ਹਾਂ ਗੋਦਾਮਾਂ ਨੂੰ ਰੇਲ ਲਾਈਨ ਨਾਲ ਜੋੜਨ ਦੀ ਤਿਆਰੀ ਤੇ ਵੀ ਚਾਨਣਾ ਪਾਇਆ ਗਿਆ। ਕਾਂਗਰਸੀ ਕਿਉਂਕਿ ਅਪਣੀ ਅੰਦਰੂਨੀ ਲੜਾਈ ਨੂੰ ਜ਼ਿਆਦਾ ਮਹੱਤਵ ਦੇ ਰਹੇ ਸਨ, ਇਸ ਆਵਾਜ਼ ਨੂੰ ਅਣਸੁਣਿਆ ਕਰ ਦਿਤਾ ਗਿਆ। ਪਰ ਕਾਂਗਰਸ ਜਾਣਦੀ ਹੈ ਕਿ ਉਸ ਕੋਲ ਲੋਕ ਸਭਾ ਵਿਚ ਲੋੜੀਂਦੀ ਤਾਕਤ ਨਹੀਂ ਤੇ ਜਿਹੜੇ ਅੱਜ ਸੜਕਾਂ ਤੇ ਉਤਰੇ ਹਨ, ਉਨ੍ਹਾਂ ਨੂੰ ਪਹਿਲਾਂ ਉਤਰਨਾ ਚਾਹੀਦਾ ਸੀ।

Parkash Badal With Sukhbir BadalParkash Badal With Sukhbir Badal

ਦੂਜੀ ਕਿਸਾਨ ਪੱਖੀ ਪਾਰਟੀ ਅਕਾਲੀ ਦਲ, ਜੋ ਅੱਜ ਕਿਸਾਨਾਂ ਤੋਂ ਮਾਫ਼ੀ ਮੰਗਦੀ ਫਿਰ ਰਹੀ ਹੈ, ਜੇਕਰ ਉਸ ਦੀ ਕੇਂਦਰੀ ਵਜ਼ੀਰ ਇਸ ਆਰਡੀਨੈਂਸ ਤੇ ਹਸਤਾਖਰ ਹੀ ਨਾ ਕਰਦੀ ਤਾਂ ਇਥੋਂ ਤਕ ਨੌਬਤ ਹੀ ਨਾ ਆਉਂਦੀ। ਅਕਾਲੀ ਦਲ ਅੱਜ ਭਾਵੇਂ ਅਪਣੀ ਕੇਂਦਰ ਵਿਚਲੀ ਕੁਰਸੀ ਤਿਆਗੀ ਬੈਠਾ ਹੈ, ਉਹ ਦਿਲੋਂ ਇਨ੍ਹਾਂ ਖੇਤੀ ਸੋਧ ਬਿੱਲਾਂ ਨੂੰ ਠੀਕ ਸਮਝਦਾ ਹੈ। ਥੋੜੇ ਦਿਨ ਪਹਿਲਾਂ ਹੀ, ਪ੍ਰਕਾਸ਼ ਸਿੰਘ ਬਾਦਲ ਨੇ ਆਰਡੀਨੈਂਸਾਂ ਦੇ ਹੱਕ ਵਿਚ ਵੱਡਾ ਬਿਆਨ ਜਾਰੀ ਕੀਤਾ ਸੀ।

Parkash Singh BadalParkash Singh Badal

ਬੀਬੀ ਹਰਸਿਮਰਤ ਨੇ ਕੁਰਸੀ ਛੱਡਣ ਤੋਂ ਬਾਅਦ ਵੀ ਪ੍ਰਧਾਨ ਮੰਤਰੀ ਮੋਦੀ ਦੀ ਕਿਸਾਨ ਪੱਖੀ ਸੋਚ ਤੇ ਇਨ੍ਹਾਂ ਸੋਧਾਂ ਵਿਚ ਵਿਸ਼ਵਾਸ ਪ੍ਰਗਟਾਇਆ। ਉਨ੍ਹਾਂ ਇਹ ਗ਼ਲਤੀ ਨਹੀਂ ਕਬੂਲੀ ਕਿ  ਉਹ ਕਿਸਾਨਾਂ ਦੀ ਗੱਲ ਸਰਕਾਰ ਤਕ ਨਹੀਂ ਪੰਹੁਚਾ ਸਕੀ। ਹੁਣ ਜਦ ਪਿਛਲੇ ਦੋ ਮਹੀਨੇ ਉਹ ਐਲਾਨ ਕਰਦੀ ਰਹੀ ਕਿ ਇਹ ਸੋਧ ਸਹੀ ਹੈ ਤਾਂ ਉਹ ਤੇ ਉਸ ਦੀ ਪਾਰਟੀ, ਦਿਲੋਂ ਕਿਸਾਨਾਂ ਦੀ ਹਮਾਇਤ ਵਿਚ ਕਿਵੇਂ ਖੜੀ ਹੋ ਸਕੇਗੀ? ਅਕਾਲੀ ਦਲ ਭਾਵੇਂ ਕਿਸੇ ਵਕਤ ਕਿਸਾਨੀ ਪਾਰਟੀ ਰਹੀ ਹੋਵੇਗੀ ਪਰ ਅੱਜ ਉਹ ਪੂੰਜੀਪਤੀਆਂ ਦੀ ਪਾਰਟੀ ਹੈ।

Harsimrat Kaur BadalHarsimrat Kaur Badal

ਹੁਣ ਉਹ ਸਿਰਫ਼ ਕਾਂਗਰਸ ਨੂੰ ਕਿਸਾਨਾਂ ਨਾਲ ਖੜਾ ਹੁੰਦਾ ਵੇਖ, ਅਪਣੀ ਇਕ ਕੁਰਸੀ ਦੀ 'ਕੁਰਬਾਨੀ' ਦੇ ਰਹੀ ਹੈ ਪਰ ਕਿਸਾਨ ਦੇ ਹੱਕ ਵਿਚ ਆਉਣ ਵਾਸਤੇ ਉਨ੍ਹਾਂ ਨੂੰ ਕਹਿਣਾ ਪਵੇਗਾ ਕਿ ਭਾਜਪਾ ਕਿਸਾਨ-ਵਿਰੋਧੀ ਪਾਰਟੀ ਹੈ ਅਤੇ ਇਹ ਵੀ ਦਸਣਾ ਪਵੇਗਾ ਕਿ ਫਿਰ ਅਜੇ ਤਕ ਉਸ ਨੇ ਕਿਸਾਨ-ਵਿਰੋਧੀ ਪਾਰਟੀ ਨਾਲ ਭਾਈਵਾਲੀ ਕਿਉਂ ਬਣਾਈ ਹੋਈ ਹੈ? ਤੀਜੀ ਪਾਰਟੀ ਆਮ ਆਦਮੀ ਪਾਰਟੀ, ਜੋ ਦਹਾੜਦੀ ਤਾਂ ਬਹੁਤ ਉੱਚਾ ਹੈ ਪਰ ਉਸ ਵਿਚ ਅਜੇ ਏਨੀ ਤਾਕਤ ਨਹੀਂ ਕਿ ਕੁੱਝ ਖ਼ਾਸ ਬਦਲਾਅ ਲਿਆ ਸਕੇ। ਉਨ੍ਹਾਂ ਨੂੰ ਸਿਰਫ਼ ਸਿਆਸੀ ਤੀਰ ਛਡਣੇ ਆਉਂਦੇ ਹਨ ਕਿਉਂਕਿ ਉਨ੍ਹਾਂ ਨੂੰ ਭਾਜਪਾ ਤੇ ਕਾਂਗਰਸ ਨੂੰ ਖ਼ਤਮ ਕਰਨ ਦੀ ਨੀਤੀ ਆਉਂਦੀ ਹੈ ਪਰ ਇਸ ਸੱਭ ਕੁੱਝ ਦੇ ਪਿੱਛੇ ਅਸਲ ਗੱਲ ਕੀ ਹੈ, ਉਸ ਤੋਂ ਅਜੇ ਉਹ ਅਣਜਾਣ ਹਨ।

Bhagwant MaanBhagwant Maan 

ਇਹ ਪਾਰਟੀ ਸਰਹੱਦ ਪਾਰ ਕਰਦਿਆਂ ਹੀ ਅਪਣੇ ਵਿਚਾਰ ਬਦਲ ਲੈਂਦੀ ਹੈ ਜਿਵੇਂ ਪਾਣੀਆਂ ਦੇ ਮੁੱਦੇ ਤੇ ਉਨ੍ਹਾਂ ਦਾ ਪੱਖ ਪੰਜਾਬ, ਹਰਿਆਣਾ ਤੇ ਦਿੱਲੀ ਵਿਚ ਵਖਰਾ-ਵਖਰਾ ਸੀ। ਸਿਆਸੀ ਤੇ ਕ੍ਰਾਂਤੀਕਾਰੀ ਸੋਚ ਦੇ ਦੌਰ ਵਿਚ ਆਪ ਅੱਗੇ ਤਾਂ ਆ ਗਈ ਪਰ ਅਜੇ ਇਸ ਦੀ ਜਵਾਨੀ ਦੀ ਦਾੜ੍ਹੀ ਵੀ ਨਹੀਂ ਫੁੱਟੀ ਜਦਕਿ ਸਮਾਂ 70 ਸਾਲ ਦੀ ਸਿਆਣਪ ਮੰਗਦਾ ਹੈ। ਸੋ ਅਨੰਦਾਤਾ ਇਨ੍ਹਾਂ ਸਿਆਸੀ ਖਿਡਾਰੀਆਂ ਵਿਚ ਰੁਲ ਕੇ ਰਹਿ ਗਿਆ ਹੈ। ਰਾਜ ਸਭਾ ਵਿਚ ਜਿਸ ਤਰ੍ਹਾਂ ਬਿੱਲ ਪਾਸ ਹੋਇਆ, ਦਿਲ ਕੰਬਦਾ ਸੀ ਵੇਖ ਕੇ ਕਿ ਇਸ ਲੋਕਤੰਤਰ ਵਿਚ ਕਿਸ ਤਰ੍ਹਾਂ ਦਾ ਸਲੂਕ, ਦੇਸ਼ ਦੇ ਅੰਨਦਾਤੇ ਨਾਲ ਹੋ ਰਿਹਾ ਹੈ।

Farmers ProtestFarmers Protest

ਭਾਜਪਾ ਸਿਰ ਸੱਤਾ ਦਾ ਨਸ਼ਾ ਚੜ੍ਹ ਗਿਆ ਹੈ ਤੇ ਉਸ ਨੂੰ ਨਹੀਂ ਦਿਸ ਰਿਹਾ ਕਿ ਦੇਸ਼ ਦੀ ਥਾਲੀ ਕਿਸ ਦੇ ਸਹਾਰੇ ਚਲ ਰਹੀ ਹੈ? ਇਸ ਸਮੇਂ ਕਿਸਾਨ ਕੀ ਕਰੇਗਾ? ਸਿਆਸੀ ਘੁੰਮਣਘੇਰੀ ਵਿਚ ਫੱਸ ਜਾਵੇਗਾ ਜਾਂ ਅਪਣੀ ਆਵਾਜ਼ ਬੁਲੰਦ ਕਰਨ ਦਾ ਕੰਮ ਅਪਣੇ ਹੱਥਾਂ ਵਿਚ ਰਹਿਣ ਦੇਵੇਗਾ? ਕੋਈ ਵੀ ਸਿਆਸੀ ਪਾਰਟੀ, ਤੋੜ ਤਕ ਉਸ ਨਾਲ ਨਹੀਂ ਨਿਭਣ ਵਾਲੀ, ਉਹ ਅਧਵਾਟੇ ਮੋਰਚਾ ਛੱਡ ਕੇ ਭੱਜ ਜਾਣ ਵਿਚ ਚੰਗੀਆਂ ਮਾਹਰ ਹਨ? -ਨਿਮਰਤ ਕੌਰ

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

Navdeep Jalveda Wala Water Cannon ਗ੍ਰਿਫ਼ਤਾਰ! ਹਰਿਆਣਾ ਦੀ ਪੁਲਿਸ ਨੇ ਕੀਤੀ ਵੱਡੀ ਕਾਰਵਾਈ, ਕਿਸਾਨੀ ਅੰਦੋਲਨ ਵਿੱਚ

29 Mar 2024 4:16 PM

Simranjit Mann ਦਾ ਖੁੱਲ੍ਹਾ ਚੈਲੇਂਜ - 'ਭਾਵੇਂ ਸੁਖਪਾਲ ਖਹਿਰਾ ਹੋਵੇ ਜਾਂ ਕੋਈ ਹੋਰ, ਮੈਂ ਨਹੀਂ ਆਪਣੇ ਮੁਕਾਬਲੇ ਕਿਸੇ

29 Mar 2024 3:30 PM

ਭਾਜਪਾ ਦੀ ਸੋਚ ਬਾਬੇ ਨਾਨਕ ਵਾਲੀ : Harjit Grewal ਅਕਾਲੀ ਦਲ 'ਤੇ ਰੱਜ ਕੇ ਵਰ੍ਹੇ ਭਾਜਪਾ ਆਗੂ ਅਕਾਲੀ ਦਲ ਬਾਰੇ ਕਰਤੇ

29 Mar 2024 2:07 PM

ਦੇਖੋ ਚੋਣ ਅਧਿਕਾਰੀ ਕਿਵੇਂ ਸਿਆਸੀ ਇਸ਼ਤਿਹਾਰਬਾਜ਼ੀ ਅਤੇ Paid ਖ਼ਬਰਾਂ ਉੱਤੇ ਰੱਖ ਰਿਹਾ ਹੈ ਨਜ਼ਰ, ਕਹਿੰਦਾ- ਝੂਠੀਆਂ....

29 Mar 2024 1:14 PM

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM
Advertisement