Editorial: ਪੈਸੇ ਦੀ ਦੌੜ ਵਿਚ ਲੱਗੇ ਲੋਕਾਂ ਦੀ ਲਾਪ੍ਰਵਾਹੀ ਕਾਰਨ ਮਾਸੂਮ ਲੋਕ ਹਰ ਰੋਜ਼ ਮ+ਰਦੇ ਹਨ ਪਰ....
Published : May 28, 2024, 7:04 am IST
Updated : May 28, 2024, 7:45 am IST
SHARE ARTICLE
File Image
File Image

ਇਹ ਪਹਿਲੀ ਵਾਰ ਨਹੀਂ ਹੋਵੇਗਾ ਜਦ ਸਾਡੇ ਸਿਸਟਮ ਵਿਚ ਢਿੱਲਾਂ ਕਾਰਨ ਭਾਰਤੀ ਲੋਕਾਂ ਨੂੰ ਦਰਦਨਾਕ ਅੰਤ ਵੇਖਣ ਨੂੰ ਮਿਲਿਆ ਹੈ।

Editorial: ਰਾਜਕੋਟ ਵਿਚ 27 ਲੋਕ ਜਿਨ੍ਹਾਂ ਵਿਚ 6 ਬੱਚੇ ਵੀ ਸਨ, ਅੱਗ ਵਿਚ ਸੜ ਕੇ ਦਰਦਨਾਕ ਮੌਤ ਮਾਰੇ ਗਏ ਹਨ। ਸਵਾਲ ਜੋ ਬਾਕੀ ਰਹਿ ਗਿਆ ਹੈ, ਉਹ ਇਹ ਹੈ ਕਿ ਕਸੂਰਵਾਰ ਕਿਸ ਨੂੰ ਠਹਿਰਾਇਆ ਜਾਵੇਗਾ। ਉਸ ਖੇਡ ਜ਼ੋਨ ਦੇ ਮਾਲਕ ਨੂੰ ਜ਼ਿੰਮੇਵਾਰ ਠਹਿਰਾਇਆ ਜਾਵੇਗਾ ਜਾਂ ਉਸ ਅਫ਼ਸਰ ਨੂੰ ਜੋ ਉਸ ਖੇਡਾਂ ਦੀ ਦੁਕਾਨ ਨੂੰ ਐਨਓਸੀ ਦੇ ਕੇ ਗਿਆ ਸੀ ਜਾਂ ਅਸੀ ਅਪਣੇ ਇਸ ਸਿਸਟਮ ਵਿਚ ਵਸਦਾ ਤੇ ਮਕਬੂਲ ਫ਼ਿਕਰਾ ‘ਸੱਭ ਚਲਦਾ ਹੈ’ ਵਾਲੀ ਸੋਚ ਨੂੰ ਜ਼ਿੰਮੇਵਾਰ ਬਣਾਵਾਂਗੇ?

ਇਹ ਪਹਿਲੀ ਵਾਰ ਨਹੀਂ ਹੋਵੇਗਾ ਜਦ ਸਾਡੇ ਸਿਸਟਮ ਵਿਚ ਢਿੱਲਾਂ ਕਾਰਨ ਭਾਰਤੀ ਲੋਕਾਂ ਨੂੰ ਦਰਦਨਾਕ ਅੰਤ ਵੇਖਣ ਨੂੰ ਮਿਲਿਆ ਹੈ। 1997 ਵਿਚ ਉਪਹਾਰ ਸਿਨੇਮਾ ਨੇ ਇਸੇ ਢਿੱਲ ਕਾਰਨ 59 ਲੋਕਾਂ ਨੂੰ ਝੁਲਸ ਕੇ ਮਰਨ ਦਿਤਾ ਸੀ ਜਿਸ ਦੀ ਕੀਮਤ 18 ਸਾਲ ਬਾਅਦ ਮਾਲਕਾਂ ਉਤੇ 3 ਕਰੋੜ ਦਾ ਜੁਰਮਾਨਾ ਲੱਗਾ ਤੇ ਇਕ ਸਾਲ ਦੀ ਸਜ਼ਾ ਮਿਲੀ (ਜੋ ਬਜ਼ੁਰਗ ਹੋਣ ਦੇ ਨਾਤੇ ਮਾਫ਼ ਕਰ ਦਿਤੀ ਗਈ ਸੀ)। ਪੰਜਾਬ ਵਿਚ ਪਿਛਲੇ ਮਹੀਨੇ ਕੇਕ ਬਣਾਉਣ ਵਿਚ ਢਿੱਲ ਵਰਤਣ ਕਾਰਨ ਇਕ 10 ਸਾਲ ਦੀ ਬੱਚੀ ਅਪਣੇ ਹੀ ਜਨਮ ਦਿਨ ਤੇ ਮਾਰੀ ਗਈ ਸੀ।

ਗੁਰੂ ਗ੍ਰਾਮ ਸਕੂਲ ਬੱਸ ਚਾਲਕ ਦੀ ਢਿੱਲ ਅਤੇ ਬੱਸ ਦੀ ਹਾਲਤ ਕਾਰਨ ਛੇ ਬੱਚੇ ਅਤੇ 20 ਲੋਕ ਮਾਰੇ ਗਏ ਸਨ। ਦਿੱਲੀ ਵਿਚ ਪਿਛਲੇ ਹਫ਼ਤੇ ਛੇ ਨਵ-ਜੰਮੇ ਬੱਚੇ ਅੱਗ ਵਿਚ ਝੁਲਸ ਕੇ ਮਾਰੇ ਗਏ ਤੇ ਉਸ ਹਸਪਤਾਲ ਕੋਲ ਕੋਈ ਲਾਈਸੈਂਸ ਹੀ ਕੋਈ ਨਹੀਂ ਸੀ। ਉਸ ਕੋਲ ਅੱਗ ਬੁਝਾਉਣ ਦਾ ਸਮਾਨ ਜਾਂ ਬਚਾਅ ਵਾਸਤੇ ਵਖਰਾ ਰਸਤਾ ਵੀ ਨਹੀਂ ਸੀ। ਮੁੰਬਈ ਵਿਚ ਇਕ ਬਿਲ ਬੋਰਡ ਦੇ ਡਿੱਗਣ ਨਾਲ 15 ਲੋਕ ਮਾਰੇ ਗਏ ਜਦਕਿ ਉਸ ਬਿਲਬੋਰਡ ਨੂੰ ਉਤਾਰਨ ਵਾਸਤੇ ਹੁਕਮ ਜਾਰੀ ਕੀਤਾ ਜਾ ਚੁੱਕਾ ਸੀ। ਅਨੇਕਾਂ ਦਰਦਨਾਕ ਹਾਦਸੇ ਚੱਪੇ ਚੱਪੇ ’ਤੇ ਹੁੰਦੇ ਹਨ ਪਰ ਕਦੇ ਵੀ ਕਿਸੇ ਸਰਕਾਰੀ ਸਥਾਨ, ਜਿਥੇ ਕਿਸੇ ਤਾਕਤਵਰ ਸਿਆਸਤਦਾਨ ਜਾਂ ਅਫ਼ਸਰਸ਼ਾਹੀ ਨੇ ਬੈਠਣਾ ਹੁੰਦਾ ਹੈ, ਉਸ ਸਥਾਨ ਤੇ ਕੋਈ ਢਿੱਲ ਵਰਤੀ ਗਈ ਨਹੀਂ ਵੇਖੀ ਗਈ।

ਆਮ ਵੇਖਿਆ ਜਾਂਦਾ ਹੈ ਕਿ ਸਰਹੱਦਾਂ ’ਤੇ ਫ਼ੌਜ ਕੋਲ ਪੂਰਾ ਸੁਰੱਖਿਆ ਸਮਾਨ ਨਹੀਂ ਹੁੰਦਾ ਪਰ ਤਸਵੀਰ ਖਿਚਵਾਉਣ ਲਈ ਜਾਣ ਵਾਲੇ ਸਿਆਸਤਦਾਨ ਕੋਲ ਤਾਂ ਸੱਭ ਤੋਂ ਵਧੀਆ ਸੁਰੱਖਿਆ ਕਵਚ ਹੁੰਦਾ ਹੈ। ਸਿਆਸਤਦਾਨ ਦੀ ਗੱਡੀ ਤਿੰਨ-ਚਾਰ ਸਾਲ ਬਾਅਦ ਬਦਲ ਦਿਤੀ ਜਾਂਦੀ ਹੈ ਪਰ ਸਕੂਲਾਂ ਦੀਆਂ ਬਸਾਂ ਦੀ ਜਾਂਚ ਦੀ ਗੱਲ ਦੀ ਵੀ 500 ਦੇ ਨੋਟ ਨਾਲ ਅਣਦੇਖੀ ਕਰ ਦਿਤੀ ਜਾਂਦੀ ਹੈ। ਪਿਛਲੇ ਸਾਲ ਗੁਜਰਾਤ ਵਿਚ ਇਕ ਪੁਲ ਡਿਗਿਆ ਸੀ ਕਿਉਂਕਿ ਉਸ ਨੂੰ ਬਣਾਉਣ ਵਾਲਾ ਕੰਟਰੈਕਟਰ ਹੀ ਕੰਮ ਕਰਨ ਦੀ ਕਾਬਲੀਅਤ ਨਹੀਂ ਸੀ ਰਖਦਾ ਪਰ ਕੀ ਹੋਇਆ? ਆਮ ਇਨਸਾਨ ਵਾਸਤੇ ਬਣੀਆਂ ਸਹੂਲਤਾਂ ਨੂੰ ਹਲਕੇ ਪੱਧਰ ਤੇ ਚਲਣ ਦਿਤਾ ਜਾਂਦਾ ਹੈ ਕਿਉਂਕਿ ਉਹ ਭ੍ਰਿਸ਼ਟ ਸਿਸਟਮ ਵਾਸਤੇ ਇਕ ਐਸੀ ਮੁਰਗੀ ਹੈ ਜੋ ਹਰ ਰੋਜ਼ ਅੰਡਾ ਦੇਂਦੀ ਹੈ।

ਚੱਪੇ ਚੱਪੇ ਤੇ ਗ਼ੈਰ-ਕਾਨੂੰਨੀ, ਨਿਯਮਾਂ ਦੀ ਉਲੰਘਣਾ ਕਰਦੇ ਛੋਟੇ ਉਦਯੋਗ ਹਨ ਜੋ ਹਫ਼ਤਾ ਦੇਂਦੇ ਹਨ ਤੇ ਹਲਕਾ ਕੰਮ ਚਲਾਈ ਰਖਦੇ ਹਨ। 140 ਕਰੋੜ ਵਿਚ ਆਏ ਦਿਨ ਕੁੱਝ ਦਰਦਨਾਕ ਮੌਤਾਂ ਸਿਰਫ਼ ਇਕ ਦੋ ਦਿਨ ਦੀਆਂ ਸੁਰਖ਼ੀਆਂ ਨੂੰ ਹੀ ਨਿਆਂ ਸਮਝ ਸਕਦੀਆਂ ਹਨ। ਸਾਡੇ ਦੇਸ਼ ਵਿਚ ਤਾਂ ਮਰਨ ਵਾਲਿਆਂ ’ਚੋਂ ਬਹੁਤਿਆਂ ਨੂੰ ਅਖ਼ਬਾਰੀ ਸੁਰਖ਼ੀ ਵੀ ਨਸੀਬ ਨਹੀਂ ਹੁੰਦੀ। ਕਿਸੇ ਮਾਲਕ ਨੂੰ ਉਪਹਾਰ ਸਿਨੇਮਾ ਦੇ ਮਾਲਕਾਂ ਵਾਂਗ ਇਕ ਅੱਧ ਸਾਲ ਸਲਾਖ਼ਾਂ ਪਿਛੇ ਬਿਤਾਣਾ ਪੈ ਜਾਵੇਗਾ ਪਰ ਬਦਲੇਗਾ ਤਾਂ ਕੁੱਝ ਵੀ ਨਹੀਂ!
- ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM

Punjab Flood Rescue Operation : ਲੋਕਾਂ ਦੀ ਜਾਨ ਬਚਾਉਣ ਲਈ ਪਾਣੀ 'ਚ ਉਤਰਿਆ ਫੌਜ ਦਾ 'HULK'

28 Aug 2025 2:55 PM

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM

400 ਬੱਚਿਆਂ ਦੇ ਮਾਂ-ਪਿਓ ਆਏ ਕੈਮਰੇ ਸਾਹਮਣੇ |Gurdaspur 400 students trapped as floodwaters |Punjab Floods

27 Aug 2025 3:13 PM

'ਅਕਾਲੀਆਂ ਦੇ ਝੂਠ ਦਾ ਪਰਦਾਫ਼ਾਸ਼, Video Edit ਕਰਕੇ Giani harpreet singh ਨੂੰ ਕੀਤਾ ਗਿਆ ਬਦਨਾਮ'| Sukhbir Badal

24 Aug 2025 3:07 PM
Advertisement