Poems: ਦਿਲ ਤੋੜ ਕੇ ਛੋੜ ਗਿਆ ਮੈਨੂੰ...
Published : Aug 1, 2024, 12:48 pm IST
Updated : Aug 1, 2024, 2:16 pm IST
SHARE ARTICLE
Poems in punjabi
Poems in punjabi

ਦਿਲ ਤੋੜ ਕੇ ਛੋੜ ਗਿਆ ਮੈਨੂੰ, ਜਿਉਂਦੇ ਜੀਅ ਹੀ ਰੋੜ੍ਹ ਗਿਆ ਮੈਨੂੰ।

ਦਿਲ ਤੋੜ ਕੇ ਛੋੜ ਗਿਆ ਮੈਨੂੰ...


ਦਿਲ ਤੋੜ ਕੇ ਛੋੜ ਗਿਆ ਮੈਨੂੰ,
ਜਿਉਂਦੇ ਜੀਅ ਹੀ ਰੋੜ੍ਹ ਗਿਆ ਮੈਨੂੰ।
    ਆਸ ਬੜੀ ਸੀ ਤੇਰੇ ਉਤੇ,
    ਆਸਾਂ ਨੂੰ ਨਾ ਬੂਰ ਪਿਆ,
ਭੱਠੀ ਵਾਲੀ ਬਣ ਤੂੰ ਭੁੰਨਿਆ,
ਉਮਰ ਦਾ ਪਿੱਛੇ ਪੂਰ ਪਿਆ,
    ਦਾਣਿਆਂ ਦੇ ਵਿਚ ਦਾਤੀ ਬਣ ਕੇ,
    ਪਲਟ-ਪਲਟ ਕੇ ਮੋੜ ਗਿਆ ਮੈਨੂੰ,
ਦਿਲ ਤੋੜ ਕੇ ਛੋੜ ਗਿਆ ਮੈਨੂੰ,
ਜਿਉਂਦੇ ਜੀਅ ਹੀ ਰੋੜ੍ਹ ਗਿਆ ਮੈਨੂੰ।
    ਕੀ ਮਿਲਿਆ ਵੇ ਧੋਖੇਬਾਜ਼ਾਂ,
    ਪਹਿਲ ਕਾਹਤੋਂ ਤੂੰ ਕਰਨੀ ਸੀ,
ਹੱਸ-ਹੱਸ ਲਾ ਕੇ ਮੋੜਿਆ ਮੁੱਖ ਨੂੰ,
ਤੇਰੀ ਕੀਤੀ ਵੇ ਮੈਂ ਭਰਨੀ ਸੀ,
    ਤੇਰੇ ਦੁੱਖ ਵੇ ਬਣ ਗਏ ਅੱਖ਼ਰ,
    ਕਵਿਤਾਵਾਂ ਨਾਲ ਤੂੰ ਜੋੜ ਗਿਆ ਮੈਨੂੰ,
ਦਿਲ ਤੋੜ ਕੇ ਛੋੜ ਗਿਆ ਮੈਨੂੰ,
ਜਿਉਂਦੇ ਜੀਅ ਹੀ ਰੋੜ੍ਹ ਗਿਆ ਮੈਨੂੰ।
ਜਿਹੜੇ ਕਰਦੇ ਉਹੀ ਭਰਦੇ,
ਵਿਚ ਕਿਤਾਬਾਂ ਲਿਖਿਆ ਵੇ,
    ਸ਼ੁਕਰ ਕਰਾਂ ਮੈਂ ਫਿਰ ਵੀ ਤੇਰਾ,
    ਤੈਥੋਂ ਬਹੁਤ ਕੱੁਝ ਸਿਖਿਆ ਵੇ,
ਉਥੇ ਹੀ ਮੈਨੂੰ ਮੁਰਸ਼ਦ ਮਿਲਿਆ,
ਜਿਥੇ ਤੂੰ ਛੋੜ ਗਿਆ ਮੈਨੂੰ,
    ਦਿਲ ਤੋੜ ਕੇ ਤੋੜ ਗਿਆ ਮੈਨੂੰ,
    ਜਿਉਂਦੇ ਜੀਅ ਹੀ ਰੋੜ੍ਹ ਗਿਆ ਮੈਨੂੰ।
‘ਸੁਰਿੰਦਰ’ ਵੇ ਤੂੰ ਉਦਾਸ ਹੋਈ ਨਾ,
ਉਦਾਸਿਆਂ ਦਾ ਕੋਈ ਯਾਰ ਨਹੀਂ,
    ਰੱਬ ਬਣ ਕੇ ਇਥੇ ਕੋਈ ਨਹੀਂ ਮਿਲਦਾ,
    ਰੱਬ ਜਿਹਾ ਕੋਈ ਪਿਆਰ ਨਹੀਂ,
ਤੇਰੇ ਕਰ ਕੇ ਰੱਬ ਵੇ ਮਿਲਿਆ,
ਦੇ ਖ਼ੁਸ਼ੀਆਂ ਲੱਖ ਕਰੋੜ ਗਿਆ ਮੈਨੂੰ,
    ਦਿਲ ਤੋੜ ਕੇ ਛੋੜ ਗਿਆ ਮੈਨੂੰ,
    ਜਿਉਂਦੇ ਜੀਅ ਹੀ ਰੋੜ੍ਹ ਗਿਆ ਮੈਨੂੰ।


-ਸੁਰਿੰਦਰ ‘ਮਾਣੂੰਕੇ ਗਿੱਲ’।
8872321000

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

'ਕਰਨ ਔਜਲਾ ਵੱਲੋਂ ਪਸ਼ੂਆਂ ਲਈ 10 ਹਜ਼ਾਰ ਕਿੱਲੋ ਚਾਰੇ ਦੀ ਸੇਵਾ, ਹੜ੍ਹ ਪ੍ਰਭਾਵਿਤ ਪਿੰਡਾਂ 'ਚ ਜਾਣ ਲਈ ਟਰਾਲੀਆਂ....

05 Sep 2025 3:13 PM

Situation at Ludhiana Sasrali critical : ਜੇ ਇਹ ਬੰਨ੍ਹ ਟੁੱਟਦਾ ਤਾਂ 24 ਤੋਂ 25 ਪਿੰਡ ਡੁੱਬਣਗੇ Punjab Floods

05 Sep 2025 1:31 PM

ਆਹ ਫ਼ਸਲ ਤਾਂ ਬਰਬਾਦ ਹੋ ਗਈ, ਅਗਲੀ ਵੀ ਖ਼ਤਰੇ 'ਚ - ਕੇਂਦਰੀ ਮੰਤਰੀ ਸ਼ਿਵਰਾਜ ਚੌਹਾਨ

04 Sep 2025 9:50 PM

ਹੜ੍ਹ ਪੀੜਤਾਂ ਦੇ ਹੱਕ 'ਚ ਆਏ ਦਿਲਜੀਤ ਦੋਸਾਂਝ

04 Sep 2025 9:48 PM

Punjab Flood News : Sutlej River ਦੇ ਪਾਣੀ ਨੇ ਡੋਬੇ ਸੈਂਕੜੇ ਪਿੰਡ, 'ਕੋਠੀਆਂ ਟੁੱਟ-ਟੁੱਟ ਪਾਣੀ 'ਚ ਡਿੱਗ ਰਹੀਆਂ'

01 Sep 2025 3:21 PM
Advertisement