ਧੂੜ ਜੰਮੀ ਚਿਹਰੇ ’ਤੇ, ਸ਼ੀਸ਼ੇ ਨੂੰ ਸਾਫ਼ ਕਰੀ ਜਾਂਦੇ ਸੀ, ਆਪੇ ਹੀ ਦਿੰਦੇ ਛੇਕ ਤੇ ਆਪੇ ਹੀ ਮਾਫ਼ ਕਰੀ ਜਾਂਦੇ ਸੀ..
ਧੂੜ ਜੰਮੀ ਚਿਹਰੇ ’ਤੇ, ਸ਼ੀਸ਼ੇ ਨੂੰ ਸਾਫ਼ ਕਰੀ ਜਾਂਦੇ ਸੀ।
ਆਪੇ ਹੀ ਦਿੰਦੇ ਛੇਕ ਤੇ ਆਪੇ ਹੀ ਮਾਫ਼ ਕਰੀ ਜਾਂਦੇ ਸੀ।
ਪਹਿਲਾਂ ਖਾਧਾ ਬਹੁਤ ਮੇਵਾ ਤੇ ਕਹਿੰਦੇ ਗੁਰੂ-ਘਰ ਸੇਵਾ,
ਪਹਿਲਾਂ ਖ਼ਜ਼ਾਨੇ, ਫਿਰ ਜੁੱਤੇ, ਬਈ ਸਾਫ਼ ਕਰੀ ਜਾਂਦੇ ਸੀ।
ਕੀ ਕਰੂ ਲਾਫ਼ਟਰ ਜਮਾਤ, ਇਨ੍ਹਾਂ ਨੇ ਤਾਂ ਪਾ ਦਿਤੀ ਮਾਤ ,
ਇਹ ਤਾਂ ਸਾਰੀ ਹੀ ਕੌਮ ਦੇ ਨਾਲ, ਲਾਫ਼ ਕਰੀ ਜਾਂਦੇ ਸੀ।
ਬਰਖ਼ੁਰਦਾਰ ਸਾਹਬ ਫਿਰ ਜਦ ਗਏ ਦਰਬਾਰ ਸਾਹਬ,
ਸਪੋਰਟਸ ਬੂਟ, ਪਾਲਿਸ਼-ਬੁਰਸ਼ ਲੈ ਸਾਫ਼ ਕਰੀ ਜਾਂਦੇ ਸੀ।
ਪਾਵਰ ਤਾਂ ਜੀਹਦੀ ਵੀ ਆਈ, ਕੋਈ ਛੱਡੇ ਨਾ ਮਲਾਈ,
ਸਾਰੇ ਆਪਸ ’ਚ ਈ ਯਾਰੋ, ਹਾਫ਼-ਹਾਫ਼ ਕਰੀ ਜਾਂਦੇ ਸੀ।
- ਹਰਮੀਤ ਸਿਵੀਆਂ ਬਠਿੰਡਾ
ਮੋਬਾ:- 8054757806