ਤੁਰ ਗਿਆ ਅੱਜ ਯਾਰ ਜਵੰਦਾ, ਛੱਡ ਕੇ ਇਹ ਸੰਸਾਰ ਜਵੰਦਾ
ਤੁਰ ਗਿਆ ਅੱਜ ਯਾਰ ਜਵੰਦਾ
ਛੱਡ ਕੇ ਇਹ ਸੰਸਾਰ ਜਵੰਦਾ
ਹੱਸ ਹੱਸ ਕੇ ਸੀ ਗੱਲਾਂ ਕਰਦਾ
ਖਿੜੀ ਫੁੱਲਾਂ ਦੀ ਗੁਲਜਾਰ ਜਵੰਦਾ
ਸੋਣੇ ਤੋਂ ਵੀ ਸੀ ਵੱਧ ਚਮਕਦਾ
ਹੀਰਿਆਂ ਦਾ ਸੀ ਹਾਰ ਜਵੰਦਾ
ਥੋੜੇ ਚਿਰ ਵਿਚ ਬੜਾ ਸੋਹਣਾਂ ਗਾ ਕੇ
ਗੀਤਾਂ ਨੂੰ ਲਾ ਗਿਆ ਚੰਨ ਚਾਰ ਜਵੰਦਾ
ਬਾਬਲ ਤੇਰੀ ਪੱਗ ਵੇ ਉੱਚੀ ਗਾ ਕੇ
ਕਰ ਗਿਆ ਧੀਆਂ ਦਾ ਸਤਿਕਾਰ ਜਵੰਦਾ
ਤੇਰਾ ਨਾ ਸਕੂਨ ਰੱਖ ਦੇਵਾਂ ਕਹਿ ਕੇ
ਭਰ ਗਿਆ ਹੰਝੂਆਂ ਵਿਚ ਖਾਰ ਜਵੰਦਾ
ਜਿਸ ਥਾਂ ਤੋਂ ਨੀ ਕੋਈ ਮੁੜਦਾ ਜਾ ਕੇ
ਉਸ ਥਾਂ ਗਿਆ ਉਡਾਰੀ ਮਾਰ ਜਵੰਦਾ
ਕੰਨਾਂ ਵਿਚ ਸੀ ਰਸ ਘੋਲੀ ਜਾਂਦਾ
ਦਿਲਦਾਰਾਂ ਦਾ ਦਿਲਦਾਰ ਜਵੰਦਾ
ਪੁੱਤ ਮਰੇ ਨਾ ਭੁੱਲਦੀਆਂ ਮਾਵਾਂ ਗਾ ਕੇ
ਗਿਆ ਅੱਗ ਸਿਵਿਆਂ ਦੀ ਠਾਰ ਜਵੰਦਾ
ਜ਼ਿੰਦਗੀ ਦੀ ਜੰਗ ਲੜਦਾ ਹੋਇਆ
ਗਿਆ ਮੌਤ ਦੇ ਹੱਥੋਂ ਹਾਰ ਜਵੰਦਾ
ਮੀਤੇ, ਮਾਲਾ ਵਿਚੋਂ ਇਕ ਮੋਤੀ ਟੁੱਟਿਆ
ਗਿਆ ਮਾਲਾ ਤਾਈਂ ਖਿਲਾਰ ਜਵੰਦਾ
ਨਦੀ ਦੇ ਵਾਂਗੂੰ ਸੀ ਵਹਿਨ ਓਸਦਾ
ਨਿਰੀ ਦੁੱਧਾਂ ਦੀ ਸੀ ਧਾਰ ਜਵੰਦਾ
ਸੋਹਣੀ ਦਿੱਖ ਦਾ ਮਾਲਕ ਸੀ ਓਹ
ਸੀ ਟੁਣਕੇ ਦੀ ਟੁਣਕਾਰ ਜਵੰਦਾ
ਤੁਰ ਗਿਆ ਸੱਭ ਦਾ ਯਾਰ ਜਵੰਦਾ
ਛੱਡ ਕੇ ਇਹ ਸੰਸਾਰ ਜਵੰਦਾ
ਅਮਰਜੀਤ ਸਿੰਘ ਸਿੱਧੂ ਬਠਿੰਡਾ
9464073505
