ਆਉ ਵੀਰੋ ਨਸ਼ੇ ਛੱਡ ਕੇ, ਫਿਰ ਤੋਂ ਸਿਹਤਾਂ ਬਣਾਈਏ.....
ਆਉ ਵੀਰੋ ਨਸ਼ੇ ਛੱਡ ਕੇ, ਫਿਰ ਤੋਂ ਸਿਹਤਾਂ ਬਣਾਈਏ,
ਕਰਮਾਂ ਦੇ ਨਾਲ ਮਿਲੀ ਇਹ ਕਾਇਆ, ਅਜਾਈਂ ਨਾ ਇਸ ਨੂੰ ਗਵਾਈਏ,
ਨਸ਼ਿਆਂ ਵਾਲੇ ਹੜ੍ਹ ਨੂੰ ਰਲ ਕੇ, ਦੇਸ਼ ਤੋਂ ਦੂਰ ਭਜਾਈਏ,
ਪਹਿਲਾਂ ਵਾਂਗ ਬਣ ਕੇ ਯੋਧੇ, ਜੱਗ ਤੇ ਨਾਮ ਕਮਾਈਏ,
ਮਾਪਿਆਂ ਦੀਆਂ ਆਸਾਂ ਦੇ ਤਾਰੇ, ਵਿਚ ਅਸਮਾਨ ਚਮਕਾਈਏ,
ਮੁਰਝਾ ਗਏ ਫੁੱਲਾਂ ਜਹੇ ਚਿਹਰੇ, ਮੁੜ ਕੇ ਰੌਣਕ ਲਿਆਈਏ,
ਔਖਾ ਹੈ ਬੇਸ਼ਕ ਇਹ ਸੱਭ, ਰਲ ਮਿਲ ਕਰ ਵਿਖਾਈਏ,
ਜ਼ਿੰਦਾ ਕਰ ਕੇ ਅਣਖ ਅਪਣੀ ਨੂੰ, 'ਧੀਮਾਨ' ਅਣਖੀ ਫਿਰ ਅਖਵਾਈਏ।
-ਮਨਜੀਤ ਕੌਰ ਧੀਮਾਨ, ਸੰਪਰਕ : 94646-33059