ਅਹੁਦੇ ਅਪਣੇ ਟੱਬਰ ਨੂੰ ਵੰਡ ਕੇ ਤੇ ਲੋਕ ਰਾਜ ਦੀ ਰੋਲਤੀ ਪੱਤ ਯਾਰੋ..........

ਅਹੁਦੇ ਅਪਣੇ ਟੱਬਰ ਨੂੰ ਵੰਡ ਕੇ ਤੇ ਲੋਕ ਰਾਜ ਦੀ ਰੋਲਤੀ ਪੱਤ ਯਾਰੋ,

ਮੀਰੀ-ਪੀਰੀ ਨੂੰ ਪਿੱਠ ਦੇ ਰੱਖ ਦਿਤੀ, ਉਤੇ ਧਰਮ ਦੇ ਸਿਆਸਤ ਦੀ ਲੱਤ ਯਾਰੋ,

ਮਿੰਨ੍ਹੇ ਮੀਸਣੇ ਢੀਠ ਹੋ ਕਰਨ ਦਾਅਵੇ, ਜਿਨ੍ਹਾਂ ਵਿਚ ਨਾ ਰਾਈ ਵੀ ਸੱਚ ਯਾਰੋ |

ਵੋਟਾਂ ਵਾਸਤੇ ਕਰੀਆਂ ਬੇਅਦਬੀਆਂ ਵੀ, ਗੋਲੀਬਾਰੀ ਦੀ ਕਰੀ ਸੀ ਅੱਤ ਯਾਰੋ, 

ਭੇਡਾਂ ਵਾਂਗ ਸਿਰ ਚੁਕਣਾ ਭੁਲਿਆ ਏ, 'ਚੋਗੇ' ਖਾਣ ਲਈ ਸਾਥੀਆਂ ਬੰਨਿ੍ਹਆਂ ਨੂੰ, 

ਹਕ ਕਿਸੇ ਦੇ ਨਾਹੀਂ ਇਤਿਹਾਸ ਦਿਸਦਾ, ਪੁੱਤਰ-ਮੋਹ ਵਿਚ ਹੋ ਗਏ ਅੰਨਿ੍ਹਆਂ ਨੂੰ |

-ਤਰਲੋਚਨ ਸਿੰਘ 'ਦੁਪਾਲਪੁਰ', ਸੰਪਰਕ : 001-408-915-1268