ਨਰਮ ਮੁਲਿਮ ਤੇਰੀ ਕਾਇਆ
ਨੀ ਘੁੱਗੀਏ ਤੂੰ ਲਗਦੀ ਪਿਆਰੀ
ਨਰਮ ਮੁਲਿਮ ਤੇਰੀ ਕਾਇਆ
ਕਾਦਰ ਸੋਹਣਾ ਰੂਪ ਬਣਾਇਆ
ਸ਼ਾਇਰ ਤੇਰੇ ਤੋਂ ਬਲਿਹਾਰੀ ਨੀ ਘੁੱਗੀਏ....
ਪੰਛੀ ਬੇਸ਼ੱਕ ਹੋਰ ਬੜੇ ਨੇ
ਕਾਵਾਂ ਜਿਹੇ ਚਿਤਚੋਰ ਬੜੇ ਨੇ
ਤੈਨੂੰ ਨਾ ਆਵੇ ਹੁਸ਼ਿਆਰੀ ਨੀ ਘੁੱਗੀਏ....
ਦੂਰ ਦੁਰਾਡੇ ਤੂੰ ਉੱਡ ਜਾਵੇ
ਸ਼ਾਂਤੀ ਦਾ ਪੈਗਾਮ ਪੁਚਾਵੇਂ
ਤੂੰ ਅਮਨ ਦੀ ਮਲਿਕਾ ਨਿਆਰੀ ਨੀ ਘੁੱਗੀਏ.....
ਘੂੰ ਘੂੰ ਤੇਰੀ ਮਨ ਨੂੰ ਮੋਂਹਦੀ
ਪੰਛੀਆਂ ਨਾਲ ਇਹ ਧਰਤੀ ਸੋਂਹਦੀ
ਇਹ ਕਾਦਰ ਦੀ ਮਾਇਆ ਸਾਰੀ
ਨੀ ਘੁੱਗੀਏ ਤੂੰ ਲੱਗਦੀ ਪਿਆਰੀ....