22 ਸਤੰਬਰ- ਜਾਣੋ ਦੇਸ਼-ਦੁਨੀਆ ਦਾ ਕਿਹੜਾ-ਕਿਹੜਾ ਇਤਿਹਾਸ ਜੁੜਿਆ ਹੈ ਇਸ ਤਰੀਕ ਦੇ ਨਾਲ 
Published : Sep 22, 2022, 11:39 am IST
Updated : Sep 22, 2022, 11:39 am IST
SHARE ARTICLE
 22 September History
22 September History

1903 – ਅਮਰੀਕਾ ਦੇ ਨਾਗਰਿਕ ਇਟਾਲੋ ਮਾਰਚਿਓਨੀ ਨੂੰ ਆਈਸਕ੍ਰੀਮ ਕੋਨ ਦਾ ਪੇਟੈਂਟ ਮਿਲਿਆ।

 

22 ਸਤੰਬਰ- ਇਹ ਤਰੀਕ ਆਪਣੀ ਬੁੱਕਲ਼ ਵਿੱਚ ਦੇਸ਼-ਵਿਦੇਸ਼ ਦੀਆਂ ਮਹੱਤਵਪੂਰਨ ਘਟਨਾਵਾਂ ਦਾ ਯਾਦਗਾਰੀ ਇਤਿਹਾਸ ਸਮੋਈ ਬੈਠੀ ਹੈ। 22 ਸਤੰਬਰ 1599 ਹੀ ਉਹ ਦਿਨ ਸੀ ਜਦੋਂ ਲੰਡਨ 'ਚ 21 ਕਾਰੋਬਾਰੀਆਂ ਦੀ ਇੱਕ ਬੈਠਕ ਹੋਈ। ਇਸ ਬੈਠਕ 'ਚ ਹੀ ਭਾਰਤ ਨਾਲ ਕਾਰੋਬਾਰ ਕਰਨ ਸੰਬੰਧੀ ਇੱਕ ਕੰਪਨੀ ਦੇ ਗਠਨ 'ਤੇ ਵਿਚਾਰ ਕੀਤਾ ਗਿਆ। ਇਹ ਕਦਮ ਭਾਰਤ 'ਚ ਈਸਟ ਇੰਡੀਆ ਕੰਪਨੀ ਦੀ ਸਥਾਪਨਾ ਦੀ ਦਿਸ਼ਾ ਵੱਲ੍ਹ ਉੱਠਣ ਵਾਲਾ ਹੀ ਇੱਕ ਅਹਿਮ ਕਦਮ ਸੀ। 

ਦੇਸ਼-ਦੁਨੀਆ ਦੇ ਇਤਿਹਾਸ 'ਚ 22 ਸਤੰਬਰ ਦੀ ਤਰੀਕ 'ਚ ਦਰਜ ਹੋਰ ਅਹਿਮ ਘਟਨਾਵਾਂ ਹੇਠ ਲਿਖੇ ਅਨੁਸਾਰ ਹਨ:- 

1599: ਲੰਡਨ ਦੇ ਫਾਊਂਡਰਜ਼ ਹਾਲ ਵਿੱਚ 21 ਵਪਾਰੀਆਂ ਦੀ ਇੱਕ ਮੀਟਿੰਗ ਹੋਈ, ਜਿਸ ਵਿੱਚ ਭਾਰਤ ਨਾਲ ਵਪਾਰ ਕਰਨ ਵਾਸਤੇ ਇੱਕ ਨਵੀਂ ਕੰਪਨੀ ਸਥਾਪਤ ਕਰਨ ਦੇ ਵਿਸ਼ੇ 'ਤੇ ਚਰਚਾ ਕੀਤੀ ਗਈ।

1903 – ਅਮਰੀਕਾ ਦੇ ਨਾਗਰਿਕ ਇਟਾਲੋ ਮਾਰਚਿਓਨੀ ਨੂੰ ਆਈਸਕ੍ਰੀਮ ਕੋਨ ਦਾ ਪੇਟੈਂਟ ਮਿਲਿਆ।

1914 – ਜਰਮਨ ਜੰਗੀ ਬੇੜੇ ਇਮਦੇਨ ਨੇ ਮਦਰਾਸ ਬੰਦਰਗਾਹ 'ਤੇ ਬੰਬਾਰੀ ਕੀਤੀ।

1949 – ਸੋਵੀਅਤ ਸੰਘ ਨੇ ਪਰਮਾਣੂ ਬੰਬ ਦਾ ਸਫ਼ਲ ਪ੍ਰੀਖਣ ਕੀਤਾ।

1955 – ਬ੍ਰਿਟੇਨ ਵਿੱਚ ਟੈਲੀਵਿਜ਼ਨ ਦਾ ਵਪਾਰੀਕਰਨ ਸ਼ੁਰੂ ਹੋਇਆ।

1965: ਸੰਯੁਕਤ ਰਾਸ਼ਟਰ ਦੀ ਪਹਿਲਕਦਮੀ 'ਤੇ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਜੰਗਬੰਦੀ ਹੋਈ।

1966: ਅਮਰੀਕੀ ਪੁਲਾੜ ਯਾਨ ਸਰਵੇਅਰ 2 ਚੰਦਰਮਾ ਦੀ ਸਤ੍ਹਾ ਨਾਲ ਟਕਰਾਇਆ।

1977: ਵਿਸ਼ਵ ਪ੍ਰਸਿੱਧ ਖਿਡਾਰੀ ਪੇਲੇ ਦੀ ਅਗਵਾਈ ਵਿੱਚ ਅਮਰੀਕਾ ਦੀ ਕੋਸਮੋਸ ਫੁੱਟਬਾਲ ਟੀਮ ਦੋ ਪ੍ਰਦਰਸ਼ਨੀ ਮੈਚ ਖੇਡਣ ਲਈ ਕਲਕੱਤਾ ਪਹੁੰਚੀ।

1979: ਜਮਾਤ-ਏ-ਇਸਲਾਮ ਸੰਗਠਨ ਦੇ ਸੰਸਥਾਪਕ ਮੈਂਬਰ ਮੌਲਾਨਾ ਅਬਦੁਲ ਅਲੀ ਮੌਦੂਦੀ ਦਾ ਦਿਹਾਂਤ ਹੋਇਆ। 

1980: ਈਰਾਨ ਅਤੇ ਇਰਾਕ ਦਰਮਿਆਨ ਚੱਲ ਰਿਹਾ ਸਰਹੱਦੀ ਸੰਘਰਸ਼ ਯੁੱਧ ਵਿੱਚ ਬਦਲ ਗਿਆ।

1988: ਕੈਨੇਡਾ ਸਰਕਾਰ ਨੇ ਦੂਜੇ ਵਿਸ਼ਵ ਯੁੱਧ ਵਿੱਚ ਜਾਪਾਨ ਅਤੇ ਕੈਨੇਡਾ ਦੇ ਨਾਗਰਿਕਾਂ ਦੀ ਨਜ਼ਰਬੰਦੀ ਲਈ ਮੁਆਫ਼ੀ ਮੰਗੀ।

1992: ਸੰਯੁਕਤ ਰਾਸ਼ਟਰ ਮਹਾਸਭਾ ਨੇ ਬੋਸਨੀਆ ਅਤੇ ਹੇਰਜੇਗੋਵੀਨਾ ਵਿਚਕਾਰ ਯੁੱਧ 'ਚ ਨਿਭਾਈ ਭੂਮਿਕਾ ਲਈ ਯੂਗੋਸਲਾਵੀਆ ਨੂੰ ਬਾਹਰ ਕੱਢ ਦਿੱਤਾ।

2011: ਭਾਰਤੀ ਯੋਜਨਾ ਆਯੋਗ ਨੇ ਸੁਪਰੀਮ ਕੋਰਟ ਵਿੱਚ ਦਾਇਰ ਇੱਕ ਹਲਫ਼ਨਾਮੇ ਵਿੱਚ ਸ਼ਹਿਰਾਂ ਵਿੱਚ 965 ਰੁਪਏ ਅਤੇ ਪਿੰਡਾਂ ਵਿੱਚ 781 ਰੁਪਏ ਪ੍ਰਤੀ ਮਹੀਨਾ ਖ਼ਰਚ ਕਰਨ ਵਾਲੇ ਵਿਅਕਤੀ ਨੂੰ ਗ਼ਰੀਬ ਮੰਨਣ ਤੋਂ ਇਨਕਾਰ ਕੀਤਾ। 

2011: ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਮਨਸੂਰ ਅਲੀ ਖਾਨ ਪਟੌਦੀ ਦਾ ਦਿਹਾਂਤ।

2018: ਅੱਤਵਾਦੀਆਂ ਨੇ ਈਰਾਨ ਵਿਚ ਸਾਲਾਨਾ ਫ਼ੌਜੀ ਪਰੇਡ 'ਤੇ ਹਮਲਾ ਕੀਤਾ, ਜਿਸ ਵਿਚ ਔਰਤਾਂ ਅਤੇ ਬੱਚਿਆਂ ਸਮੇਤ ਘੱਟੋ-ਘੱਟ 29 ਲੋਕ ਮਾਰੇ ਗਏ। ਇਸ ਹਮਲੇ ਦੀ ਜ਼ਿੰਮੇਵਾਰੀ ਇਸਲਾਮਿਕ ਸਟੇਟ ਨੇ ਲਈ।

2020: ਮਸ਼ਹੂਰ ਮਰਾਠੀ ਅਭਿਨੇਤਰੀ ਆਸ਼ਾਲਤਾ ਵਾਬਗਾਂਵਕਰ ਦਾ ਦਿਹਾਂਤ ਹੋਇਆ।

SHARE ARTICLE

ਏਜੰਸੀ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 13/07/2025

13 Jul 2025 9:00 PM

ਖੇਡਾਂ ਬਦਲਣਗੀਆਂ ਪੰਜਾਬ ਦਾ ਭਵਿੱਖ, ਕਿਵੇਂ ਖ਼ਤਮ ਹੋਵੇਗਾ ਨਸ਼ਾ ?

13 Jul 2025 8:56 PM

Chandigarh police slapped a Sikh youth | Police remove Sikh turban | Chandigarh police Latest News

12 Jul 2025 5:52 PM

Batala Conductor Woman Clash : Batala 'ਚ Conductor ਨਾਲ਼ ਤੂੰ ਤੂੰ ਮੈਂ ਮੈਂ ਮਗਰੋਂ ਔਰਤ ਹੋਈ ਬੇਹੋਸ਼

12 Jul 2025 5:52 PM

Harpal Cheema VS Partap Bajwa : ਪ੍ਰਤਾਪ ਬਾਜਵਾ ਤੇ ਹਰਪਾਲ ਚੀਮਾ ਦੀ ਹੋ ਗਈ ਬਹਿਸ ਤੁਸੀ ਗੈਂਗਸਟਰ ਪਾਲੇ ਆ

11 Jul 2025 12:17 PM
Advertisement