ਅੰਮ੍ਰਿਤਸਰ (ਪਰਮਿੰਦਰਜੀਤ) : ਸਿੱਖ ਪੰਥ ਦੀ ਆਜ਼ਾਦ ਹਸਤੀ ਅਤੇ ਅਡਰੀ ਹਂੋਦ ਨੂੰ ਖ਼ਤਰਾ ਤਾਂ ਸਿੱਖਾਂ ਦੇ ਇਤਿਹਾਸਕ ਦੇ ਮੂਲ ਸਰੋਤ ਮੰਨੇ ਜਾਂਦੇ ਗ੍ਰੰਥਾਂ ਤੋਂ ਹੀ ਹੈ। ਇਨ੍ਹਾਂ ਅਖੌਤੀ ਮੂਲ ਸਰੋਤਾਂ ਵਿਚ ਦਰਜ ਕਥਾ ਕਹਾਣੀਆਂ ਪੜ੍ਹ ਕੇ ਸਿੱਖ ਪੰਥ ਦੀ ਹੋਂਦ ਹਸਤੀ ਹੀ ਖ਼ਤਰੇ ਵਿਚ ਮਹਿਸੂਸ ਹੁੰਦੀ ਹੈ। ਆਖ਼ਿਰ ਉਹੀ ਹੋ ਰਿਹਾ ਹੈ ਜਿਸ ਦੀ ਸ਼ੰਕਾ ਲੰਮੇ ਸਮੇਂ ਤੋਂ ਰੋਜ਼ਾਨਾ ਸਪੋਕਸਮੈਨ ਦੇ ਬਾਨੀ ਸੰਪਾਦਕ ਜੋਗਿੰਦਰ ਸਿੰਘ ਕਰ ਰਹੇ ਸਨ।
Sikh
ਸਿੱਖ ਜਥੇਬੰਦੀਆਂ ਦਾ ਇਕ ਹਿੱਸਾ ਦਸਮ ਗ੍ਰੰਥ ਦੇ ਹੱਕ ਵਿਚ ਰਿਹਾ ਅਤੇ ਇਨ੍ਹਾਂ ਹਮੇਸ਼ਾ ਜੋਗਿੰਦਰ ਸਿੰਘ ਦੁਆਰਾ ਉਠਾਏ ਨੁਕਤਿਆਂ ਦਾ ਜਵਾਬ ਦੇਣ ਦੀ ਬਜਾਏ ਉਨ੍ਹਾਂ ਨੂੰ ਨਾਸਤਿਕ ਅਤੇ ਧਰਮ ਦਾ ਬਾਗੀ ਕਹਿਣਾ ਸ਼ੁਰੂ ਕਰ ਦਿਤਾ। ਹਾਲਾਂਕਿ ਜੋਗਿੰਦਰ ਸਿੰਘ ਨੇ ਧਰਮ ਵਿਚ ਆਈਆਂ ਉਣਤਾਈਆਂ ਬਾਰੇ ਸਿੱਖ ਪੰਥ ਨੂੰ ਸੁਚੇਤ ਕੀਤਾ ਸੀ।
Joginder Singh
ਰਾਮ ਮੰਦਰ ਦੇ ਨੀਂਹ ਪੱਥਰ ਰੱਖਣ ਸਮੇਂ ਗਿਆਨੀ ਇਕਬਾਲ ਸਿੰਘ ਵਲੋਂ ਸਿੱਖਾਂ ਨੂੰ ਲਵ ਕੁਸ਼ ਦੀ ਸੰਤਾਨ ਕਹਿਣਾ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਲੋਂ ਗੁਰੂ ਗੋਬਿੰਦ ਸਿੰਘ ਜੀ ਦੀ ਰਚਨਾ ਗੋਬਿੰਦ ਰਮਾਇਣ ਦਾ ਜ਼ਿਕਰ ਕਰਨਾ ਦਸਦਾ ਹੈ ਕਿ ਇਤਿਹਾਸ ਵਿਚ ਹੀ ਗੜਬੜ ਹੈ। ਦਸਮ ਗ੍ਰੰਥ ਵਿਚ ਚੋਵੀ ਅਵਤਾਰਾਂ ਦਾ ਜ਼ਿਕਰ ਮਿਲਦਾ ਹੈ। ਇਨ੍ਹਾਂ ਅਵਤਾਰਾਂ ਵਿਚ ਮੱਛ, ਕੱਛ, ਨਰ, ਨਰਾਇਣ, ਮਹਾਮੋਹਨੀ, ਵੈਰਾਹ, ਨਰਸਿੰਘ, ਬਾਵਨ, ਪਰਸਰਾਮ, ਬ੍ਰਹਮਾਂ, ਸ਼ਿਵ, ਜਲੰਧਰ, ਵਿਸ਼ਨੂੰ, ਅਰਹੰਤ ਦੇਵ, ਰਾਜਾ ਮਨੁ, ਧਨੰਤਰ ਵੈਦ, ਸੂਰਜ, ਚੰਦ ਸਮੇਤ ਵੀਹਵਾਂ ਅਵਤਾਰ ਸ੍ਰੀ ਰਾਮ ਦਾ ਦਸਿਆ ਗਿਆ ਹੈ।
Spokesman
ਸ੍ਰੀ ਰਾਮ ਅਵਤਾਰ ਨਾਮਕ ਅਧਿਆਏ ਵਿਚ ਉਹੀ ਕੁੱਝ ਲਿਖਿਆ ਮਿਲਦਾ ਹੈ ਜੋ ਰਮਾਇਣ ਵਿਚ ਮਿਲਦਾ ਹੈ। ਇਸ ਸਾਰੇ ਅਧਿਆਏ ਵਿਚ ਮਰੀਚ ਕਤਲ, ਸੀਤਾ ਸਵੰਬਰ, ਅਉਂਧ ਪ੍ਰਵੇਸ਼ ਵਰਨਣ, ਬਨਵਾਸ ਵਰਨਣ, ਵਣ ਪ੍ਰਵੇਸ਼ ਵਰਨਣ, ਖਰ ਅਤੇ ਦੂਖਣ ਦੈਂਤ ਯੁੱਧ ਵਰਨਣ, ਸੀਤਾ ਹਰਨ ਵਰਨਣ, ਸੀਤਾ ਖੋਜ ਵਰਨਣ, ਹਨੁਮਾਨ ਲੰਕਾ ਭੇਜਣਾ, ਪ੍ਰਹਸਤ ਯੁੱਧ ਵਰਨਣ, ਤ੍ਰਿਮੁੰਡ ਯੁੱਧ ਵਰਨਣ, ਮਹੋਦਰ ਮੰਤਰੀ ਯੁੱਧ ਵਰਨਣ ਤੋ ਲੈ ਕੇ ਮੇਘਨਾਦ ਯੁੱਧ, ਲੱਛਮਣ ਮੂਰਛਾ ਵਰਨਣ, ਰਾਵਨ :ਯੁੱਧ ਵਰਨਣ, ਸੀਤਾ ਮਿਲਾਪ ਤੋਂ ਲੈ ਕੇ ਅਯੋਧਿਆ ਆਗਮਨ, ਮਾਤਾ ਮਿਲਾਪ, ਸੀਤਾ ਬਣਵਾਸ, ਰਾਮ ਯੁਧ ਵਰਨਣ ਆਦਿ ਤਕ ਦਾ ਜ਼ਿਕਰ ਹੈ।
Guru Granth Sahib Ji
ਇਹ ਸਾਡੇ ਇਤਿਹਾਸ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਸੋਸ਼ਲ ਮੀਡੀਆ ਉਤੇ ਬੇਸ਼ੱਕ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਭਾਸ਼ਨ ਨੂੰ ਲੈ ਕੇ ਤਰ੍ਹਾਂ ਤਰ੍ਹਾਂ ਦੀਆਂ ਚਰਚਾਵਾਂ ਕੀਤੀਆਂ ਜਾ ਰਹੀਆਂ ਹਨ ਪਰ ਅਸਲੀਅਤ ਇਹ ਹੈ ਕਿ ਦਸਮ ਗ੍ਰੰਥ ਵਿਚ ਇਹ ਰਾਮਇਣ ਸ਼ਾਮਲ ਹੈ ਤੇ ਦਸਮ ਗ੍ਰੰਥ ਅੱਜ ਵੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਬਰਾਬਰ ਤਖ਼ਤ ਸ੍ਰੀ ਹਰਿੰਮਦਰ ਜੀ ਪਟਨਾ ਸਾਹਿਬ ਅਤੇ ਹਜੂਰ ਸਾਹਿਬ ਵਿਖੇ ਪ੍ਰਕਾਸ਼ ਕੀਤਾ ਜਾਂਦਾ ਹੈ ਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਹੁਕਮਨਾਮੇ ਵਾਂਗ ਇਸ ਗ੍ਰੰਥ ਤੋਂ ਹੁਕਮਨਾਮਾ ਵੀ ਲਿਆ ਜਾਂਦਾ ਹੈ। ਗੁਰੂ ਗੋਬਿੰਦ ਸਿੰਘ ਦੁਆਰਾ ਰਚਿਤ ਰਮਾਇਣ ਤੇ ਅੰਤ ਵਿਚ ਲਿਖਿਆ ਮਿਲਦਾ ਹੈ ਕਿ ਜੋ ਇਹ ਕਥਾ ਸੁਣੇ ਅਤੇ ਗਾਵੇਗਾ, ਦੁੱਖ ਤੇ ਪਾਪ ਉਸ ਦੇ ਨੇੜੇ ਨਹੀਂ ਆਉਂਣਗੇ।
