ਦਲਿਤ ਨੇਤਾ ਧੰਨਾ ਸਿੰਘ ਗੁਲਸ਼ਨ ਸਾਬਕਾ ਮੰਤਰੀ ਦੀ ਤਸਵੀਰ ਨਾ ਲੱਗਣ 'ਤੇ ਰੋਸ
ਅੰਮ੍ਰਿਤਸਰ : ਕੇਂਦਰੀ ਸਿੱਖ ਅਜਾਇਬ ਘਰ ਵਿਚ ਅੱਜ ਤਿੰਨ ਅਹਿਮ ਸ਼ਖ਼ਸੀਅਤਾਂ ਦੀਆਂ ਤਸਵੀਰਾਂ ਸੀ੍ਰ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਲਾ ਰਹੇ ਹਨ। ਸਿੱਖ ਅਜਾਇਬ ਘਰ ਚ ਵਿੱਖ-ਵੱਖ ਧਾਰਮਕ, ਰਾਜਨੀਤਕ,ਪੰਥਕ ਆਗੂਆਂ, ਸੈਨਿਕ ਜਰਨੈਲਾਂ, ਸਿੱਖ ਸੰਘਰਸ਼ ਵਿਚ ਅਹਿਮ ਯੋਗਦਾਨ ਪਾਉਣ ਵਾਲਿਆਂ ਦੀਆਂ ਤਸਵੀਰਾਂ ਲਾਈਆਂ ਹਨ।
Photo
ਪਰ ਧੰਨਾ ਸਿੰਘ ਗੁਲਸ਼ਨ ਸਾਬਕਾ ਕੇਂਦਰੀ ਰਾਜ ਮੰਤਰੀ ਦੀ ਤਸਵੀਰ ਸਿੱਖ ਅਜਾਇਬ ਘਰ ਵਿਚ ਨਾ ਲਾਉਣ ਕਰ ਕੇ, ਬੇਟੀ ਬੀਬੀ ਪ੍ਰਮਜੀਤ ਕੌਰ ਗੁਲਸ਼ਨ ਸਾਬਕਾ ਲੋਕ-ਸਭਾ ਮੈਂਬਰ ਨੇ ਮੁੱਦਾ ਚੁਕਿਆ ਹੈ ਕਿ ਦਲਿਤ ਪਰਵਾਰਾਂ ਨਾਲ ਸ਼੍ਰੋਮਣੀ ਅਕਾਲੀ ਦਲ ਵਿਚ ਵਿਤਕਰਾ ਕੀਤਾ ਜਾਂਦਾ ਹੈ।
Photo
ਬੀਬੀ ਗੁਲਸ਼ਨ ਨੇ ਸੁਖਦੇਵ ਸਿੰਘ ਢੀਂਡਸਾ ਤੇ ਹੋਰ ਆਗੂਆਂ ਦੀ ਮੌਜੂਦਗੀ ਵਿਚ ਬਾਦਲਾਂ ਤੇ ਦੋਸ਼ ਲਾਉਂਦੇ ਹੋਏ ਕਿਹਾ ਕਿ ਵੱਡੇ-ਛੋਟੇ ਬਾਦਲ ਨੂੰਂ ਇਕ ਸਾਲ ਤੋਂ ਬੇਨਤੀ ਕਰਦੀ ਰਹੀ ਹਾਂ ਕਿ ਮੇਰੇ ਪਿਤਾ ਦੀ ਕੁਰਬਾਨੀ ਘੱਟ ਨਹੀਂ ਪਰ ਸਾਨੂੰ ਵਿਸਾਰਿਆ ਜਾ ਰਿਹਾ ਹੈ। ਪਰ ਇਨਸਾਫ਼ ਨਾ ਮਿਲਣ ਕਰ ਕੇ ਉਹ ਅਪਣੇ ਹਮਾਇਤੀਆਂ ਨਾਲ ਬਾਦਲਾਂ ਦੇ ਇਕ ਪਾਸੜ ਰਵਈਏ ਕਾਰਨ ਪਾਰਟੀ ਛੱਡ ਦਿਤੀ ਹੈ।
Photo
ਧੰਨਾ ਸਿੰਘ ਗੁਲਸ਼ਨ ਬਠਿੰਡਾ ਤੋਂ ਲੋਕ ਸਭਾ ਮੈਂਬਰ ਬਣਨ ਬਾਅਦ ਮੋਰਾਰਜੀ ਡਿਸਾਈ ਦੀ ਸਰਕਾਰ ਵਿਚ ਵਜ਼ੀਰ ਰਹੇ। ਅਕਾਲੀ ਮੋਰਚਿਆਂ ਵਿਚ ਉਨ੍ਹਾਂ ਵੱਧ ਚੜ੍ਹ ਕੇ ਭਾਗ ਲਿਆ, ਕੈਦਾਂ ਕੱਟੀਆਂ। ਉਹ ਐਮਰਜੈਂਸੀ ਵਿਰੁਧ, ਧਰਮ ਯੁਧ, ਪੈਪਸੂ ਸਰਕਾਰ ਵਿਰੁਧ,ਪੰਜਾਬੀ ਸੂਬਾ ਮੋਰਚਾ, 1960 ਅਤੇ ਵਿਧਾਨ ਸਭਾ ਵਿਚ ਗ਼ਰੀਬਾਂ ਦੇ ਹੱਕਾਂ ਦੀ ਗੱਲ ਕਰਦੇ ਰਹੇ। ਉਹ ਕਈ ਵਿਧਾਨ ਸਭਾ ਕਮੇਟੀਆਂ ਦੇ ਮੈਂਬਰ ਰਹੇ।
