ਯੂਕੇ ਸਥਿਤ 'ਖਾਲਸਾ ਏਡ ਕੌਮਾਂਤਰੀ NGO' ਰਮਜ਼ਾਨ ਮਹੀਨੇ ਵਿਚ ਹਰ ਰੋਜ਼ 5000 ਸੀਰਿਆਈ ਸ਼ਰਣਾਰਥੀਆਂ ਲਈ ਇਫ਼ਤਾਰ ਭੋਜਨ ਦੀ ਸੇਵਾ ਕਰ ਰਹੀ ਹੈ।
ਬੇਰੂਤ, ਯੂਕੇ ਸਥਿਤ 'ਖਾਲਸਾ ਏਡ ਕੌਮਾਂਤਰੀ NGO' ਰਮਜ਼ਾਨ ਮਹੀਨੇ ਵਿਚ ਹਰ ਰੋਜ਼ 5000 ਸੀਰਿਆਈ ਸ਼ਰਣਾਰਥੀਆਂ ਲਈ ਇਫ਼ਤਾਰ ਭੋਜਨ ਦੀ ਸੇਵਾ ਕਰ ਰਹੀ ਹੈ। ਖਾਲਸਾ ਏਡ ਨੇ ਮਹਾਨ ਸੇਵਾ ਕਾਰਜ ਨੂੰ ਇੰਨੀ ਨਿਮਰਤਾ ਨਾਲ ਅੰਜਾਮ ਦਿੱਤਾ ਹੈ ਕਿ ਉਨ੍ਹਾਂ ਦੀ ਥਾਂ ਦੁਨੀਆ ਦੇ ਹਰ ਇਕ ਇੰਨਸਾਨ ਦੇ ਦਿਲ ਵਿਚ ਬਣੀ ਹੋਈ ਹੈ। ਸਾਵਾ ਫਾਰ ਡਿਵਲਪਮੈਂਟ ਐਂਡ ਏਡ, ਸਥਾਨਕ ਲਿਬਨਾਨੀ ਚੈਰਿਟੀ ਦੇ ਸਹਿਯੋਗ ਨਾਲ 5,000 ਤੋਂ ਜ਼ਿਆਦਾ ਸੀਰਿਆਈ ਮੁਸਲਮਾਨ ਸ਼ਰਣਾਰਥੀਆਂ ਨੂੰ ਤਾਜ਼ਾ ਭੋਜਨ ਮੁਹਈਆ ਕਰਵਾ ਰਿਹਾ ਹੈ।
ਇਹ ਸਾਵਾ ਸਹਾਇਤਾ ਦੁਆਰਾ ਚਲਾਇਆ ਜਾ ਰਿਹਾ ਇੱਕ ਮਹੀਨੇ ਦੀ ਲੰਮੀ ਪਹਿਲ ਦਾ ਹਿੱਸਾ ਹੈ। SAWA ਦਾ ਮਤਲਬ ਅਰਬੀ ਭਾਸ਼ਾ ਵਿਚ “ਨਾਲ ਮਿਲਕੇ” ਹੈ।ਖ਼ਾਲਸਾ ਸਹਾਇਤਾ, ‘ਰਮਜਾਨ ਕਿਚਨ’ ਦੇ ਮਾਧਿਅਮ ਤੋਂ ਲਿਬਨਾਨ ਅਤੇ ਇਰਾਕ ਵਿਚ ਸੀਰਿਆਈ ਸ਼ਰਣਾਰਥੀਆਂ ਨੂੰ ਇਫ਼ਤਾਰ ਲਈ ਖਾਣ ਪੀਣ ਦੇ ਸਮਾਨ ਦੇ ਪੈਕੇਟ ਮੁਹਈਆ ਕਰਕੇ ਮਨੁੱਖਤਾ ਦੀ ਸੇਵਾ ਵਿਚ ਯੋਗਦਾਨ ਦੇ ਰਿਹਾ ਹੈ।
ਪਿਛਲੇ ਕੁੱਝ ਸਾਲਾਂ ਤੋਂ, ਖ਼ਾਲਸਾ ਏਡ ਲਿਬਨਾਨ ਅਤੇ ਤੁਰਕੀ ਸਮੇਤ ਕਈ ਦੇਸ਼ਾਂ ਵਿਚ ਸ਼ਰਣਾਰਥੀਆਂ ਨੂੰ ਨਿਰਸਵਾਰਥ ਸੇਵਾ ਪ੍ਰਦਾਨ ਕਰਦੀ ਆ ਰਹੀ ਹੈ। ਖ਼ਾਲਸਾ ਏਡ ਦੇ ਮੁਖੀ ਰਵਿੰਦਰ ਸਿੰਘ ਨੇ ਆਖਿਆ ਕਿ ਮਨੁੱਖਤਾ ਲਈ ਕੰਮ ਕਰਨ ਵਾਲੀ ਏਜੰਸੀ ਨੂੰ ਭਾਰਤ ਵਿਚ ਸੱਤਾਧਾਰੀਆਂ ਵਲੋਂ ਨਿਸ਼ਾਨਾ ਬਣਾਇਆ ਗਿਆ ਸੀ ਜਦੋਂ ਉਹ ਰੋਹਿੰਗਿਆ ਮੁਸਲਮਾਨਾਂ ਦੀ ਮਦਦ ਲਈ ਬੰਗਲਾਦੇਸ਼ ਵਿਚ ਗਏ ਸਨ।
ਉਨ੍ਹਾਂ ਕਿਹਾ ਕਿ ਜਿਵੇਂ ਹੀ ਅਸੀਂ ਬੰਗਲਾਦੇਸ਼ ਵਿਚ ਸੇਵਾ ਕਾਰਜ ਸ਼ੁਰੂ ਕੀਤਾ, ਅਤੇ ਸਾਡੀ ਮੁਹਿੰਮ ਦੇ ਮੈਂਬਰ ਬਾਂਗਲਾਦੇਸ਼ ਵਿਚ ਉਤਰੇ ਤਾਂ ਭਾਰਤ ਦੇ ਰਾਈਟ ਵਿੰਗ ਦੇ ਸਮੂਹਾਂ ਨੇ ਸਿੱਖ ਲੋਕਾਂ ਅਤੇ ਰੋਹਿੰਗਿਆ ਸ਼ਰਨਾਰਥੀ ਬੱਚਿਆਂ ਦੀਆਂ ਤਸਵੀਰਾਂ ਪੋਸਟ ਕਰਨਾ ਸ਼ੁਰੂ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਉਹ ਕੀ ਪੋਸਟ ਕਰ ਰਹੇ ਸਨ? ਇਹ ਸਾਡੇ ਕੰਮ ਨੂੰ ਕਮਜ਼ੋਰ ਕਰਨ ਲਈ ਇੱਕ ਕੇਂਦਰਿਤ ਕੋਸ਼ਿਸ਼ ਸੀ।
ਫਿਰ ਵੀ ਇਨ੍ਹਾਂ ਸੱਤਾਧਾਰੀ ਨਿਸ਼ਾਨਿਆਂ ਦੀ ਪਰਵਾਹ ਕੀਤੇ ਬਿਨਾਂ ਖਾਲਸਾ ਏਡ ਅਪਣੀ ਸੇਵਾ ਕਾਰਜ ਦੀ ਨਿਰੰਤਰ ਚਾਲ ਤੁਰਦੀ ਜਾ ਰਹੀ ਹੈ ਅਤੇ ਮਨੁੱਖਤਾ ਦੀ ਇਸ ਮਹਾਨ ਸੇਵਾ ਕਾਰਜ ਮੁਹਿੰਮ ਨੂੰ ਅਗਾਂਹ ਵਧਾਈ ਜਾ ਰਹੀ ਹੈ।