Advertisement
  ਪੰਥਕ   ਪੰਥਕ/ਗੁਰਬਾਣੀ  30 Apr 2019  ਸੌਦਾ ਸਾਧ ਦੇ ਚੇਲੇ ਨੇ ਸਿੱਧਾ ਹੀ ਸੌਦਾ ਸਾਧ ਨੂੰ ਗੁਰੁ ਗੋਬਿੰਦ ਸਿੰਘ ਜੀ ਦਾ ਰੂਪ ਦਸਿਆ

ਸੌਦਾ ਸਾਧ ਦੇ ਚੇਲੇ ਨੇ ਸਿੱਧਾ ਹੀ ਸੌਦਾ ਸਾਧ ਨੂੰ ਗੁਰੁ ਗੋਬਿੰਦ ਸਿੰਘ ਜੀ ਦਾ ਰੂਪ ਦਸਿਆ

ਸਪੋਕਸਮੈਨ ਸਮਾਚਾਰ ਸੇਵਾ
Published May 1, 2019, 1:17 am IST
Updated May 1, 2019, 1:17 am IST
ਹਨੀਪ੍ਰੀਤ ਨੂੰ ਸਾਹਿਬਜ਼ਾਦਾ ਫ਼ਤਿਹ ਸਿੰਘ ਦਾ ਅਵਤਾਰ ਕਿਹਾ
Pic-1
 Pic-1

ਖਾਲੜਾ : ਅਕਸਰ ਹੀ ਕੋਈ ਨਾ ਕੋਈ ਡੇਰਿਆਂ ਨਾਲ ਜੁੜਿਆ ਜਾਂ ਹੋਰ ਸ਼ਰਾਰਤੀ ਅਨਸਰ ਰੋਜ਼ਾਨਾ ਹੀ ਅਜਿਹਾ ਕਾਰਾ ਕਰਦਾ ਹੈ ਜਿਸ ਨਾਲ ਸਿੱਖ ਭਾਵਨਾਵਾਂ ਨੂੰ ਭਾਰੀ ਠੇਸ ਪਹੁੰਚਦੀ  ਹੈ। ਹੁਣ ਇਕ ਵਾਰ ਫਿਰ ਸੋਸ਼ਲ ਮੀਡੀਆ ਉਪਰ ਸੌਦਾ ਸਾਧ ਦੇ ਇਕ ਚੇਲੇ ਵਲੋਂ ਅਪਣੀ ਬੇਵਕੂਫ਼ੀ ਜ਼ਾਹਰ ਕਰਦਿਆਂ ਬਹੁਤ ਹੀ ਸ਼ਰਮਨਾਕ ਕਾਰਾ ਕਰਦਿਆਂ ਇਕ ਵੀਡੀਉ ਪਾਈ ਹੈ ਜਿਸ ਵਿਚ ਉਹ ਸੌਦਾ ਸਾਧ ਨੂੰ ਸਿੱਧਾ ਹੀ ਗੁਰੁ ਗੋਬਿੰਦ ਸਿੰਘ ਜੀ ਦਾ ਰੂਪ ਅਤੇ ਹਨੀਪ੍ਰੀਤ ਨੂੰ ਸਾਹਿਬਜ਼ਾਦਾ ਫ਼ਤਿਹ ਸਿੰਘ ਜੀ ਦਾ ਅਵਤਾਰ ਦਸ ਰਿਹਾ ਹੈ।

Sauda SadhSauda Sadh

ਉਹ ਕਹਿ ਰਿਹਾ ਹੈ ਕਿ ਫ਼ਤਿਆਬਾਦ ਦਾ ਨਾਮ ਵੀ ਇਸੇ ਕਰ ਕੇ ਹੀ ਰਖਿਆ ਗਿਆ ਹੈ ਜਿਸ ਵਿਚ ਉਹ ਅਪਣੇ ਦਿਮਾਗ਼ ਦਾ ਦੀਵਾਲਾ ਕਢਦਿਆਂ ਕਹਿੰਦਾ ਹੈ ਕਿ 'ਡੰਕਾ ਬਾਜ਼ੇ ਫ਼ਤਿਹ ਕਾ ਨਿਹਕਲੰਕ ਅਵਤਾਰ' ਕਿ ਸੌਦਾ ਸਾਧ ਨੇ ਫ਼ਿਲਮਾਂ ਰਾਹੀਂ ਦੁਨੀਆਂ ਵਿਚ ਫ਼ਤਿਹ ਦਾ ਡੰਕਾ ਅਪਣਾ ਬੋਲਬਾਲਾ ਕੀਤਾ ਹੈ। ਉਸ ਵਿਚ ਉਹ ਫ਼ਤਿਹ ਕਾ ਤੋਂ ਸਾਹਿਬਜ਼ਾਦਾ ਫ਼ਤਿਹ ਸਿੰਘ ਜੀ ਦਾ ਨਾਮ ਵਰਤਦਿਆਂ ਉਸ ਨੂੰ ਹਨੀਪ੍ਰੀਤ ਨਾਲ ਜੋੜ ਰਿਹਾ ਹੈ।

Pic-2Pic-2

ਇਸ ਵੀਡੀਉ ਵਿਚ ਉਹ ਸਾਫ਼ ਲਫ਼ਜ਼ਾਂ ਵਿਚ ਕਹਿ ਰਿਹਾ ਹੈ ਕਿ 2008 ਵਿਚ ਸਲਾਬਤਪੁਰਾ ਡੇਰੇ ਵਿਚ ਜਦੋਂ ਸੌਦਾ ਸਾਧ ਨੇ ਰੂਹਾਨੀ ਜਾਮ ਪਿਆਇਆ ਸੀ ਉਸ ਸਮੇਂ ਸਾਰਿਆਂ ਨੇ ਕਿਹਾ ਸੀ ਕਿ ਅੱਜ ਤਾਂ ਇਹ ਜਮ੍ਹਾਂ ਹੀ ਗੁਰੁ ਗੋਬਿੰਦ ਸਿੰਘ ਜੀ ਹੀ ਲੱਗ ਰਹੇ ਹਨ। ਉਹ ਕਹਿੰਦਾ ਹੈ ਕਿ ਕੀ ਕੋਈ ਸਿੱਖ ਅਜੇ ਤਕ ਡੇਰੇ ਵਿਚ ਆਇਆ ਹੀ ਨਹੀਂ ਕਿ ਜਿਸ ਨੂੰ ਇਸ ਗੱਲ ਦਾ ਪਤਾ ਲੱਗ ਸਕੇ। ਇਸ ਸਬੰਧੀ ਗੱਲ ਕਰਦਿਆਂ ਪ੍ਰਚਾਰਕ ਭਾਈ ਕਰਨਬੀਰ ਸਿੰਘ, ਭਾਈ ਸੰਦੀਪ ਸਿੰਘ, ਭਾਈ ਗੁਰਸ਼ਰਨ ਸਿੰਘ ਨੇ ਕਿਹਾ ਕਿ ਇਹ ਲੋਕ ਅਪਣੀ ਅਕਲ ਦਾ ਦੀਵਾਲਾ ਕਢਦਿਆਂ ਅਜਿਹੀਆਂ ਗੱਲਾਂ ਕਰਦਿਆਂ ਪੰਜਾਬ ਦੇ ਸ਼ਾਂਤ ਮਾਹੌਲ ਨੂੰ ਲਾਂਬੂ ਲਾਉਣਾ ਚਾਹੁੰਦੇ ਹਨ ਅਤੇ ਪ੍ਰਸ਼ਾਸਨ ਵੀ ਇਨ੍ਹਾਂ ਨੂੰ ਨੱਥ ਨਹੀਂ ਪਾ ਰਿਹਾ।

Pic-3Pic-3

Advertisement

ਉਨ੍ਹਾਂ ਕਿਹਾ ਕਿ ਬੜੀ ਸ਼ਰਮ ਦੀ ਗੱਲ ਹੈ ਕਿ ਇੰਨਾ ਕੁੱਝ ਵਾਪਰਦਿਆਂ ਵੀ ਜਿਹੜੇ ਲੀਡਰ ਚਾਹੇ ਉਹ ਅਪਣੇ ਆਪ ਨੂੰ ਪੰਥਕ ਅਖਵਾਉਣ ਵਾਲੇ ਹੋਣ ਜਾਂ ਦੂਸਰੇ ਜਿਹੜੇ ਰੋਜ਼ਾਨਾ ਸਟੇਜਾਂ 'ਤੇ ਬੋਲਦੇ ਹਨ ਕਿ ਪੰਜਾਬ ਵਸਦਾ ਗੁਰਾਂ ਦੇ ਨਾਮ 'ਤੇ ਅਤੇ ਉਸੇ ਪੰਜਾਬ ਦੀ ਧਰਤੀ 'ਤੇ ਇਹ ਲੋਕ ਗੁਰੁ ਸਾਹਿਬ ਪ੍ਰਤੀ ਡੇਰੇਦਾਰਾਂ ਅਤੇ ਉਨ੍ਹਾਂ ਦੇ ਚੇਲਿਆਂ ਵਲੋਂ ਵਰਤੀ ਜਾ ਰਹੀ ਭੱਦੀ ਸ਼ਬਦਾਵਲੀ ਨੂੰ ਸੁਣਨ ਤੋਂ ਬਾਅਦ ਵੀ ਜਾ ਕੇ ਵੋਟਾਂ ਦੀ ਖ਼ਾਤਰ ਨੱਕ ਰਗੜਦੇ ਹਨ। ਇਨ੍ਹਾਂ ਦਾ ਬਾਈਕਾਟ ਕੀਤਾ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਸ਼ਾਸਨ ਅਜਿਹੇ ਵਿਅਕਤੀ ਵਿਰੁਧ ਕਰੜੀ ਕਾਰਵਾਈ ਕਰੇ ਜਿਸ ਨੇ ਅਪਣੀ ਗੰਦੀ ਜ਼ੁਬਾਨ ਤੋਂ ਦਸ਼ਮੇਸ਼ ਪਿਤਾ ਜੀ ਅਤੇ ਸਤਿਕਾਰਯੋਗ ਸਾਹਿਬਜ਼ਾਦਾ ਫ਼ਤਿਹ ਸਿੰਘ ਦੀ ਤੁਲਨਾ ਪਾਖੰਡੀ ਸਾਧ ਅਤੇ ਉਸ ਦੀ ਚੇਲੀ ਨਾਲ ਕਰ ਕੇ ਸਿੱਖ ਹਿਰਦਿਆਂ ਨਾਲ ਭਾਰੀ ਖਿਲਵਾੜ ਕੀਤਾ ਹੈ।

Location: India, Punjab
Advertisement

 

Advertisement