ਫੇਸਬੁੱਕ ਦੇ ਮਲਕੀਅਤ ਵਾਲੀ ਮੋਬਾਇਲ ਮੈਸੇਜ਼ਿੰਗ ਐਪ 'ਵੱਟਸਐਪ' 31 ਦਸੰਬਰ ਤੋਂ ਕਈ ਸਮਾਰਟਫੋਨਜ਼ 'ਤੇ ਕੰਮ ਕਰਨਾ ਬੰਦ ਕਰ ਦੇਵੇਗੀ। ਰਿਪੋਰਟ ਅਨੁਸਾਰ ਮੈਸੇਜ਼ਿੰਗ ਐਪ 31 ਦਸੰਬਰ ਤੋਂ ਬਲੈਕਬੇਰੀ OS, ਬਲੈਕਬੇਰੀ 10, ਵਿੰਡੋਜ਼ ਫੋਨ 8.0 ਅਤੇ ਪੁਰਾਣੇ ਵਰਜ਼ਨ 'ਤੇ ਚੱਲਣ ਵਾਲੇ ਡਿਵਾਇਸ 'ਚ ਕੰਮ ਨਹੀਂ ਕਰੇਗਾ।

ਵੱਟਸਐਪ ਬਲਾਗ ਪੋਸਟ 'ਚ ਸਪੱਸ਼ਟ ਤੌਰ 'ਤੇ ਅੰਤ ਤਾਰੀਖ ਦਾ ਜ਼ਿਕਰ ਕੀਤਾ ਗਿਆ ਹੈ। ਇਸ ਪੋਸਟ ਦੇ ਅਨੁਸਾਰ ਬਲੈਕਬੇਰੀ OS, ਬਲੈਕਬੇਰੀ 10, ਵਿੰਡੋਜ਼ 8.0 ਅਤੇ ਪੁਰਾਣੇ ਆਪਰੇਟਿੰਗ ਸਿਸਟਮ ਵਾਲੇ ਡਿਵਾਇਸ 'ਚ 31 ਦਸੰਬਰ ਤੋਂ ਬਾਅਦ ਐਪ ਨੂੰ ਵਰਤੋਂ ਨਹੀਂ ਕਰ ਸਕਣਗੇ। ਹੁਣ ਇਸ ਤਾਰੀਖ 'ਚ ਇਕ ਹਫਤੇ ਤੋਂ ਵੀ ਘੱਟ ਸਮਾਂ ਰਹਿ ਗਿਆ ਹੈ। 

ਵੱਟਸਐਪ ਨੇ ਇਸੇ ਸਾਲ ਜੂਨ 'ਚ ਦੋਵਾਂ ਪਲੇਟਫਾਰਮ ਦੇ ਲਈ ਸੁਪੋਟ ਵਧਾ ਦਿੱਤੀ ਸੀ। ਉਸ ਸਮੇਂ ਵੱਟਸਐਪ ਨੇ ਖੁਲਾਸਾ ਕੀਤਾ ਸੀ ਕਿ 31 ਦਸੰਬਰ 2017 ਤੋਂ ਬਾਅਦ ਐਪ ਨੋਕੀਆ S40 OS 'ਤੇ ਚੱਲਣ ਵਾਲੇ ਫੋਨ 'ਚ ਕੰਮ ਕਰਨਾ ਬੰਦ ਕਰ ਦੇਵੇਗਾ। 

ਇਸ ਤੋਂ ਇਲਾਵਾ ਐਂਡਰਾਇਡ 2.3.7 ਦਾ ਇਸ ਤੋਂ ਪੁਰਾਣੇ ਵਰਜ਼ਨ ਦੇ ਲਈ ਵੀ ਵੱਟਸਐਪ 1 ਫਰਵਰੀ 2020 ਤੋਂ ਕੰਮ ਕਰਨਾ ਬੰਦ ਕਰ ਦੇਵੇਗਾ। ਇਸ ਨਾਲ 30 ਜੂਨ 2017 ਤੋਂ ਸਿਮਬੀਅਨ S60 ਤੇ ਚੱਲਣ ਵਾਲੇ ਨੋਕੀਆ ਫੋਨ ਲਈ ਮੈਸੇਜ਼ਿੰਗ ਐਪ ਲਈ ਸੁਪੋਟ ਬੰਦ ਕਰ ਦਿੱਤਾ ਗਿਆ ਸੀ।

ਬਲੈਕਬੇਰੀ ਅਤੇ ਵਿੰਡੋਜ ਫੋਨ ਲਈ ਸੁਪੋਟ ਦੀ ਤਾਰੀਖ ਨੂੰ ਹੁਣ ਹੋਰ ਅੱਗੇ ਨਹੀਂ ਵਧਾਈ ਜਾਵੇਗੀ ਅਤੇ ਦਿੱਤੀ ਗਈ ਤਾਰੀਖ ਤੋਂ ਡਿਵਾਇਸ 'ਚ ਐਪ ਸੁਪੋਟ ਬੰਦ ਹੋ ਜਾਵੇਗੀ। ਜੇਕਰ ਤੁਹਾਡੇ ਫੋਨ 'ਚ ਵੀ ਇਨ੍ਹਾਂ ਦੋਵਾਂ ਤੋਂ ਕੋਈ ਆਪਰੇਟਿੰਗ ਸਿਸਟਮ ਹੈ, ਤਾਂ ਤੁਹਾਡੇ ਵੱਟਸਐਪ ਚਲਾਉਣ ਲਈ ਇਕ ਨਵੇਂ ਫੋਨ 'ਤੇ ਅਪਗ੍ਰੇਡ ਬਾਰੇ ਸੋਚਣਾ ਚਾਹੀਦਾ ਹੈ। ਵਿੰਡੋਜ਼ ਫੋਨ 7, ਐਂਡਰਾਇਡ 2.1, ਐਂਡਰਾਇਡ 2.2 ਅਤੇ IOS 6 ਵਰਗੇ OS ਵਰਜ਼ਨ ਦੇ ਲਈ ਵੱਟਸਐਪ ਅਪਡੇਟ ਨੇ 2016 'ਚ ਸੁਪੋਟ ਬੰਦ ਹੋ ਗਈ।