ਰਿਆਲਿਟੀ ਸ਼ੋਅ ਬਿਗ ਬਾਸ ਸੀਜਨ 11 ਦੇ ਫਿਨਾਲੇ ਵਿੱਚ ਹੁਣ ਦੋ ਹਫਤੇ ਦਾ ਸਮਾਂ ਬਾਕੀ ਹੈ, ਪਰ ਇਸ ਸ਼ੋਅ ਵਿੱਚ ਹਿੱਸਾ ਲੈਣ ਵਾਲੇ ਕੰਟੈਸਟੈਂਟਸ ਦੀ ਕਿਸਮਤ ਦੇ ਤਾਲੇ ਹੁਣ ਤੋਂ ਖੁੱਲਣੇ ਸ਼ੁਰੂ ਹੋ ਗਏ ਹਨ।
ਬਿਗ ਬਾਸ ਦਾ ਹਰ ਸੀਜਨ ਕੰਟੈਸਟੈਂਟਸ ਲਈ ਟੀ.ਵੀ ਇੰਡਸਟਰੀ ਜਾਂ ਫਿਰ ਬਾਲੀਵੁਡ ਵਿੱਚ ਦਰਵਾਜੇ ਖੋਲ੍ਹਣ ਵਾਲੇ ਸਾਬਤ ਹੁੰਦਾ ਹੈ। ਇਸ ਸੀਜਨ ਵਿੱਚ ਵੀ ਅਜਿਹਾ ਹੀ ਹੋ ਰਿਹਾ ਹੈ। ਮੀਡੀਆ ਰਿਪੋਰਟਸ ਵਿੱਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਦੋ ਹਫਤੇ ਪਹਿਲਾਂ ਘਰ ਤੋਂ ਬਾਹਰ ਹੋਈ ਅਰਸ਼ੀ ਖਾਨ ਨੂੰ ਬਾਲੀਵੁਡ ਵਲੋਂ ਵੱਡਾ ਆਫਰ ਮਿਲਿਆ ਹੈ।
ਅਰਸ਼ੀ ਖਾਨ ਦੇ ਮੈਨੇਜਰ ਅਤੇ ਪਬਲੀਸਿਸਟ ਫਲਿਨ ਰੇਮੇਡੀਅੋਜ ਨੇ ਅਰਸ਼ੀ ਖਾਨ ਦੇ ਬਾਲੀਵੁਡ ਵਿੱਚ ਐਂਟਰੀ ਕਰਨ ਦੀ ਜਾਣਕਾਰੀ ਦਿੱਤੀ ਹੈ, ਨਾਲ ਹੀ ਉਨ੍ਹਾਂ ਨੇ ਕਿਹਾ ਹੈ, ਅਰਸ਼ੀ ਖਾਨ ਨੇ ਬਾਲੀਵੁਡ ਦੀ ਫਿਲਮ ਸਾਇਨ ਕਰ ਲਈ ਹੈ। ਅਜੇ ਅਸੀ ਉਸ ਫਿਲਮ ਦੇ ਬਾਰੇ ਵਿੱਚ ਨਹੀਂ ਦੱਸ ਸਕਦੇ ।
ਦਸ ਦਈਏ ਕਿ ਅਰਸ਼ੀ ਖਾਨ ਬਿਗ ਬਾਸ ਸੀਜਨ 11 ਦੀ ਸਭ ਤੋਂ ਜ਼ਿਆਦਾ ਇੰਟਰਟੇਨਮੈਂਟ ਕਰਨ ਵਾਲੀ ਕੰਟੈਸਟੈਂਟ ਮੰਨੀ ਜਾਂਦੀ ਹੈ। ਅਰਸ਼ੀ ਖਾਨ ਉਸ ਸਮੇਂ ਵੀ ਸੁਰਖੀਆਂ ਵਿੱਚ ਆ ਗਈ ਸੀ। ਜਦੋਂ ਉਹ ਗੂਗਲ ਉੱਤੇ ਭਾਰਤ ਦੀ ਸਭ ਤੋਂ ਜ਼ਿਆਦਾ ਸਰਚ ਕੀਤੀ ਜਾਣ ਵਾਲੀ ਹਸਤੀਆਂ ਵਿੱਚ ਸ਼ਾਮਿਲ ਹੋਈ। ਅਰਸ਼ੀ ਖਾਨ ਤੋਂ ਪਹਿਲਾਂ ਸਪਨਾ ਚੌਧਰੀ ਨੂੰ ਵੀ ਬਾਲੀਵੁਡ ਵਿੱਚ ਕੰਮ ਕਰਨ ਦਾ ਆਫਰ ਮਿਲਿਆ ਹੈ।