ਨਵੀਂ ਦਿੱਲੀ, 28 ਨਵੰਬਰ: ਉਦਯੋਗ ਸੰਗਠਨ ਫਿੱਕੀ ਨੇ ਕਿਹਾ ਕਿ ਨੋਟਬੰਦੀ ਅਤੇ ਵਸਤੂ ਅਤੇ ਸੇਵਾ ਟੈਕਸ (ਜੀ. ਐਸ. ਟੀ.) ਨੂੰ ਲਾਗੂ ਕੀਤੇ ਜਾਣ ਕਾਰਨ ਆਈ ਆਰਥਕ ਸੁਸਤੀ ਹੁਣ ਖ਼ਤਮ ਹੋ ਰਹੀ ਹੈ ਅਤੇ ਚਾਲੂ ਵਿੱਤੀ ਸਾਲ ਦੀ ਦੂਜੀ ਤਿਮਾਹੀ 'ਚ ਵਿਕਾਸ ਦਰ 6.2 ਫ਼ੀ ਸਦੀ ਅਤੇ ਤੀਜੀ ਤਿਮਾਹੀ 'ਚ ਇਸ ਦੇ ਵਧ ਕੇ 6.7 ਫ਼ੀ ਸਦੀ 'ਤੇ ਪਹੁੰਚਣ ਦਾ ਅੰਦਾਜ਼ਾ ਹੈ। ਮਾਰਚ 'ਚ ਖ਼ਤਮ ਹੋ ਰਹੇ ਵਿੱਤੀ ਸਾਲ 'ਚ ਵਿੱਤੀ ਘਾਟਾ ਦੇ 3.3 ਫ਼ੀ ਸਦੀ ਅਤੇ ਆਰਥਕ ਵਿਕਾਸ ਦਰ 6.7 ਫ਼ੀ ਸਦੀ ਰਹਿਣ ਦੀ ਸੰਭਾਵਨਾ ਹੈ। ਫਿੱਕੀ ਨੇ ਅੱਜ ਇਥੇ ਜਾਰੀ ਆਰਥਕ ਪਰਿਦ੍ਰਿਸ਼ ਸਰਵੇਖਣ ਅਨੁਸਾਰ ਨੋਟਬੰਦੀ ਦਾ ਅਸਰ ਖ਼ਤਮ ਹੋ ਚੁੱਕਾ ਹੈ ਅਤੇ ਜੀ. ਐਸ. ਟੀ. ਨੂੰ ਲੈ ਕਈ ਅਸਥਿਰਤਾ ਵੀ ਲਗਭਗ ਖ਼ਤਮ ਹੋ ਚੁੱਕੀ ਹੈ ਅਤੇ ਨਵੀਂ ਅਸਿੱਧੀ ਟੈਕਸ ਵਿਵਸਥਾ ਹੁਣ ਸਥਿਰ ਹੋ ਰਹੀ ਤੇ ਅੱਗੇ ਅਰਥਵਿਵਸਥਾ 'ਚ ਸੁਧਾਰ ਵੇਖਣ ਨੂੰ ਮਿਲ ਸਕਦਾ ਹੈ।
ਰੀਪੋਰਟ 'ਚ ਕਿਹਾ ਹੈ ਕਿ ਆਰਥਕ ਵਿਕਾਸ ਦਰ 'ਚ ਜੇਕਰ ਅਨੁਮਾਨ ਤੋਂ ਜ਼ਿਆਦਾ ਦੀ ਤੇਜ਼ੀ ਆਈ ਤਾਂ ਵਿਕਾਸ ਦਰ 7.1 ਫ਼ੀ ਸਦੀ ਤਕ ਜਾ ਸਕਦੀ ਹੈ ਪਰ ਜੇਕਰ ਗਿਰਾਵਟ ਆਉਂਦੀ ਹੈ ਤਾਂ ਉਹ 5.9 ਫ਼ੀ ਸਦੀ 'ਤੇ ਆ ਸਕਦੀ ਹੈ। ਸਰਵੇਖਣ 'ਚ ਸ਼ਾਮਲ ਅਰਥਸ਼ਾਸਤਰੀ ਨੇ ਜੀ. ਐਸ. ਟੀ. ਨਾਲ ਜੁੜੇ ਅਨੁਪਾਲਨਾ ਦੇ ਬੋਝ ਨੂੰ ਘੱਟ ਕਰਨ ਲਈ ਸਰਕਾਰ ਵਲੋਂ ਚੁੱਕੇ ਗਏ ਕਦਮਾਂ ਅਤੇ ਜੀ. ਐਸ. ਟੀ ਨੂੰ ਸਰਲਤਾ ਨਾਲ ਲਾਗੂ ਕਰਨ ਦੀ ਦਿਸ਼ਾ 'ਚ ਜਾਰੀ ਕੋਸ਼ਿਸ਼ਾਂ ਦੇ ਨਾਲ ਹੀ ਸਰਕਾਰੀ ਬੈਂਕਾਂ ਦੇ ਪੁਨਰਪੰਜੀਕਰਨ ਦੀ ਯੋਜਨਾ, ਇੰਫ਼ਰਾਸਟਰਕਚਰ ਖੇਤਰ ਦੇ ਨਿਵੇਸ਼ ਵਧਾਉਣ ਵਾਲੇ ਕਦਮਾਂ ਨੂੰ ਸਹਾਰਾ ਅਤੇ ਕਿਹਾ ਹੈ ਕਿ ਵਿਕਾਸ 'ਚ ਤੇਜ਼ੀ ਲਿਆਉਣ ਦੀ ਰੁਕਾਵਟ ਨੂੰ ਸਰਕਾਰ ਨੇ ਸਪੱਸ਼ਟ ਤੌਰ 'ਤੇ ਦੂਰ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। (ਏਜੰਸੀ)
