ਨਵੀਂ ਦਿੱਲੀ- ਪਹਿਲੇ ਵਨਡੇ ਅਤੇ ਫਿਰ ਟੀ20 ਵਿਚ ਸ਼ਾਨਦਾਰ ਜਿੱਤ ਨਾਲ ਭਾਰਤ ਨੇ ਦੱਖਣ ਅਫਰੀਕੀ ਜ਼ਮੀਨ ਉੱਤੇ ਸਫਲ ਦੌਰੇ ਦਾ ਅੰਤ ਕਰ ਲਿਆ ਹੈ। ਪਰ ਟੀ20 ਸੀਰੀਜ਼ ਵਿਚ ਭਾਰਤੀ ਟੀਮ ਦਾ ਇਕ ਅਜਿਹਾ ਖਿਡਾਰੀ ਵੀ ਰਿਹਾ। ਜਿਸ ਨੇ ਲੰਬੇ ਸਮੇਂ ਬਾਅਦ ਟੀਮ ਵਿਚ ਵਾਪਸੀ ਕੀਤੀ ਅਤੇ ਕਪਤਾਨ ਅਤੇ ਟੀਮ ਮੈਨੇਜਮੈਂਟ ਦੇ ਭਰੋਸੇ ਉੱਤੇ ਬਿਲਕੁੱਲ ਖਰਾ ਉਤਰਿਆ। ਜੀ ਹਾਂ, ਤੁਸੀਂ ਠੀਕ ਪਛਾਣਿਆ ਅਸੀ ਗੱਲ ਕਰ ਰਹੇ ਹਾਂ ਆਲਰਾਊਂਡਰ ਸੁਰੇਸ਼ ਰੈਨਾ ਦੀ।
ਸੁਰੇਸ਼ ਰੈਨਾ ਨੇ ਦੱਖਣ ਅਫਰੀਕਾ ਨਾਲ ਖੇਡੀ ਗਈ ਟਰਾਈ ਸੀਰੀਜ ਵਿਚ ਵਧੀਆ ਪ੍ਰਦਰਸ਼ਨ ਕੀਤਾ। ਜਿਸ ਕਾਰਨ ਨੂੰ ਅਗਲੇ ਮਹੀਨੇ ਤੋਂ ਖੇਡੀ ਜਾਣ ਵਾਲੀ ਟੀ20 ਟਰਾਈ ਸੀਰੀਜ ਦੀ ਟੀਮ ਵਿਚ ਸ਼ਾਮਲ ਕੀਤਾ ਗਿਆ। 6 ਮਾਰਚ ਤੋਂ ਭਾਰਤ, ਸ਼੍ਰੀਲੰਕਾ ਅਤੇ ਬੰਗਲਾਦੇਸ਼ ਦੀਆਂ ਟੀਮਾਂ ਕੋਲੰਬੋ ਵਿਚ ਟਰਾਈ ਸੀਰੀਜ਼ ਖੇਡਣਗੀਆਂ।
ਪਰ ਆਖਰੀ ਟੀ20 ਵਿਚ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਬਾਅਦ ਖੁਦ ਉਨ੍ਹਾਂ ਦੀ ਪਤਨੀ ਪ੍ਰਿਅੰਕਾ ਵੀ ਖੁਸ਼ੀ ਨਾਲ ਝੂਮ ਉੱਠੀ। ਜਿਸਦੇ ਬਾਅਦ ਉਨ੍ਹਾਂ ਦੀ ਪਤਨੀ ਪ੍ਰਿਅੰਕਾ ਰੈਨਾ ਨੇ ਸਵੇਰੇ ਸਵੇਰੇ 4 ਵਜਕੇ 25 ਮਿੰਟ ਉੱਤੇ ਟਵਿੱਟਰ ਉੱਤੇ ਇਕ ਇਮੋਸ਼ਨਲ ਮੈਸੇਜ਼ ਲਿਖ ਕੇ ਆਪਣੀ ਖੁਸ਼ੀ ਨੂੰ ਜ਼ਾਹਰ ਕੀਤਾ।
ਪ੍ਰਿਅੰਕਾ ਨੇ ਲਿਖਿਆ, 'ਇਹ ਉਹ ਪਲ ਹੈ ਜਦੋਂ ਤੁਹਾਡਾ ਦਿਲ ਬੇਹੱਦ ਖੁਸ਼ੀ ਨਾਲ ਭਰਿਆ ਹੈ ਪਰ ਅੱਖਾਂ ਵਿਚ ਹੰਝੂ ਹੈ। ਮੇਰੀ ਜਿੰਦਗੀ ਮਾਣ ਹੈ ਤੁਹਾਡੇ ਉੱਤੇ।' ਦਰਅਸਲ ਦੱਖਣ ਅਫਰੀਕਾ ਨਾਲ ਆਖਰੀ ਟੀ20 ਵਿਚ ਖੇਡੀ ਗਈ ਰੈਨਾ ਦੀ 43 ਦੌੜਾਂ ਦੀ ਪਾਰੀ ਲਈ ਉਨ੍ਹਾਂ ਨੂੰ ਮੈਨ ਆਫ ਦਿ ਮੈਚ ਐਵਾਰਡ ਮਿਲਿਆ ਹੈ, ਨਾਲ ਹੀ ਰੈਨਾ ਦੀ ਚੋਣ ਸ਼੍ਰੀਲੰਕਾ ਜਾਣ ਵਾਲੀ ਟੀਮ ਵਿਚ ਵੀ ਹੋਇਆ ਹੈ। ਜਿਸ ਵਜ੍ਹਾ ਨਾਲ ਰੈਨਾ ਦੀ ਪਤਨੀ ਬੇਹੱਦ ਖੁਸ਼ ਹੈ।
