ਆਈਪੀਐਲ ਸੱਟੇਬਾਜ਼ੀ ਵਿਚ ਹੁਣ ਸਲਮਾਨ ਖਾਨ ਦੇ ਭਰਾ ਅਤੇ ਅਦਾਕਾਰ - ਨਿਰਦੇਸ਼ਕ ਅਰਬਾਜ਼ ਖਾਨ ਦਾ ਨਾਮ ਆਇਆ ਹੈ। ਠਾਣੇ ਪੁਲਿਸ ਨੇ ਕੋਮਾਂਤਰੀ ਸੱਟੇਬਾਜ਼ੀ ਮਾਮਲੇ 'ਚ ਉਨ੍ਹਾਂ...
ਨਵੀਂ ਦਿੱਲੀ : ਆਈਪੀਐਲ ਸੱਟੇਬਾਜ਼ੀ ਵਿਚ ਹੁਣ ਸਲਮਾਨ ਖਾਨ ਦੇ ਭਰਾ ਅਤੇ ਅਦਾਕਾਰ - ਨਿਰਦੇਸ਼ਕ ਅਰਬਾਜ਼ ਖਾਨ ਦਾ ਨਾਮ ਆਇਆ ਹੈ। ਠਾਣੇ ਪੁਲਿਸ ਨੇ ਕੋਮਾਂਤਰੀ ਸੱਟੇਬਾਜ਼ੀ ਮਾਮਲੇ 'ਚ ਉਨ੍ਹਾਂ ਨੂੰ ਸਮਨ ਭੇਜਿਆ ਹੈ। ਮੀਡੀਆ ਰਿਪੋਰਟ ਅਨੁਸਾਰ, 50 ਸਾਲ ਦੇ ਅਰਬਾਜ਼ ਖਾਨ ਨੂੰ ਥਾਣੇ ਪੁਲਿਸ ਨੇ ਸ਼ੁਕਰਵਾਰ ਨੂੰ ਦੁਪਹਿਰ ਬਾਅਦ ਸਮਨ ਭੇਜਿਆ ਗਿਆ। ਪੁਲਿਸ ਨੇ ਹਾਲ ਹੀ 'ਚ ਇਕ ਸੱਟੇਬਾਜ਼ੀ ਰੈਕੇਟ ਦਾ ਭੰਡਾਫੋੜ ਕੀਤਾ ਸੀ।
Arbaaz Khan placing bets in IPL
ਇਸ ਮਾਮਲੇ ਵਿਚ 42 ਸਾਲ ਦੇ ਇਕ ਬੁਕੀ ਸੋਨੂ ਜਾਲਾਨ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਪੁਲਿਸ ਨੇ ਇਹ ਸਮਨ ਅਰਬਾਜ਼ ਖਾਨ ਦੇ ਬਾਂਡ੍ਰਾ ਸਥਿਤ ਘਰ ਭੇਜਿਆ ਸੀ। ਇਸ ਸਮਨ ਮੁਤਾਬਕ ਇਸ 'ਚ ਕਿਹਾ ਗਿਆ ਹੈ ਕਿ ਮੁੰਬਈ ਤੋਂ ਚਲਣ ਵਾਲੇ ਘੋਟਾਲੇ ਨਾਲ ਸਬੰਧਤ ਜਾਂਚ ਲਈ ਉਨ੍ਹਾਂ ਦੀ ਹਾਜ਼ਰੀ ਜ਼ਰੂਰੀ ਹੈ। ਸੂਤਰਾਂ ਅਨੁਸਾਰ, ਸ਼ੱਕ ਹੈ ਕਿ ਅਰਬਾਸ ਖਾਨ ਉਨ੍ਹਾਂ ਲੋਕਾਂ ਵਿਚੋਂ ਇਕ ਸਨ, ਜਿਨ੍ਹਾਂ ਨੇ ਭਾਰਤ ਦੇ ਮੁੱਖ ਸੱਟੇਬਾਜ਼ਾਂ ਸੋਨੂ ਜਾਲਾਨ ਉਰਫ਼ ਸੋਨੂ ਮਾਲਦ ਵਿਚੋਂ ਇਕ ਵਲੋਂ ਚਲਾਏ ਜਾ ਰਹੇ ਘੋਟਾਲੇ 'ਚ ਭਾਰੀ ਦਾਅ ਲਗਾਏ ਸਨ।
bets in IPL
ਕਿਹਾ ਜਾ ਰਿਹਾ ਹੈ ਕਿ ਸੋਨੂ ਜਾਲਾਨ ਉਰਫ਼ ਸੋਨੂ ਬਾਟਲਾ ਨਾ ਸਿਰਫ਼ ਭਾਰਤ ਵਿਚ ਸਗੋਂ ਦੂਜੇ ਮੁਲਕਾਂ ਵਿਚ ਵੀ ਸੱਟੇਬਾਜ਼ੀ ਦਾ ਰੈਕੇਟ ਚਲਾਉਂਦਾ ਹੈ। ਉਸ ਦੇ ਅੰਡਰਵਰਲਡ ਦੇ ਦਾਉਦ ਇਬ੍ਰਾਹਮ ਨਾਲ ਵੀ ਸਬੰਧ ਹਨ। ਸੋਨੂ ਜਾਲਾਨ ਨੂੰ ਕਲਿਆਣ ਕੋਰਟ ਤੋਂ ਉਸ ਸਮੇਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਜਦੋਂ ਉਹ ਇਸ ਕੇਸ 'ਚ ਇਕ ਦੋਸ਼ੀ ਨੂੰ ਮਿਲਣ ਆਇਆ ਸੀ। ਕਿਹਾ ਜਾ ਰਿਹਾ ਹੈ ਕਿ ਪੁਲਿਸ ਪੁੱਛਗਿਛ ਵਿਚ ਬੁਕੀ ਨੇ ਅਰਬਾਸ ਖਾਨ ਦਾ ਨਾਮ ਲਿਆ ਹੈ। ਇਸ ਲਈ ਪੁਲਿਸ ਹੁਣ ਉਨ੍ਹਾਂ ਨੂੰ ਵੀ ਪੁੱਛਗਿਛ ਕਰੇਗੀ।
