ਮੁਕੇਸ਼ ਅੰਬਾਨੀ ਨੇ 31 ਅਕਤੂਬਰ ਨੂੰ ਮੁੰਬਈ ਵਿਚ ਸੱਭ ਤੋਂ ਵੱਡੇ ਮਾਲ ਜਿਓ ਵਰਲਡ ਪਲਾਜ਼ਾ ਦਾ ਉਦਘਾਟਨ ਕੀਤਾ।
Shehnaaz Gill at Jio World Plaza Ramp: ਦੇਸ਼ ਦੇ ਸੱਭ ਤੋਂ ਵੱਡੇ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਨੇ 31 ਅਕਤੂਬਰ ਨੂੰ ਮੁੰਬਈ ਵਿਚ ਸੱਭ ਤੋਂ ਵੱਡੇ ਮਾਲ ਜਿਓ ਵਰਲਡ ਪਲਾਜ਼ਾ ਦਾ ਉਦਘਾਟਨ ਕੀਤਾ। ਇਹ ਸ਼ਾਨਦਾਰ ਮਾਲ 1 ਨਵੰਬਰ ਯਾਨੀ ਅੱਜ ਤੋਂ ਲੋਕਾਂ ਲਈ ਖੁੱਲ੍ਹ ਰਿਹਾ ਹੈ ਪਰ ਇਸ ਤੋਂ ਇਕ ਦਿਨ ਪਹਿਲਾਂ ਮੁੰਬਈ 'ਚ ਲਾਂਚ ਈਵੈਂਟ 'ਚ ਬਾਲੀਵੁੱਡ ਸਿਤਾਰੇ ਆਏ ਸਨ।
ਇਸ ਦੌਰਾਨ ਪੰਜਾਬ ਦੀ ਕੈਟਰੀਨਾ ਕੈਫ ਸ਼ਹਿਨਾਜ਼ ਗਿੱਲ ਵੀ ਈਵੈਂਟ ਨੂੰ ਚਾਰ ਚੰਦ ਲਗਾਉਂਦੀ ਨਜ਼ਰ ਆਈ। ਸ਼ਹਿਨਾਜ਼ ਗਿੱਲ ਨੇ ਲਾਲ ਰੰਗ ਦੀ ਡਰੈੱਸ ਵਿਚ ਜੀਓ ਵਰਲਡ ਪਲਾਜ਼ਾ ਰੈਂਪ 'ਤੇ ਅਪਣਾ ਜਾਦੂ ਬਿਖੇਰਿਆ। ਉਨ੍ਹਾਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਉਤੇ ਕਾਫੀ ਵਾਇਰਲ ਵੀ ਹੋ ਰਹੀਆਂ ਹਨ ਅਤੇ ਪ੍ਰਸ਼ੰਸਕ ਸ਼ਹਿਨਾਜ਼ ਦੇ ਇਸ ਅੰਦਾਜ਼ ਨੂੰ ਬੇਹੱਦ ਪਸੰਦ ਵੀ ਕਰ ਰਹੇ ਹਨ।
ਇਸ ਦੌਰਾਨ ਹਾਲਾਂਕਿ, ਜਿਸ ਚੀਜ਼ ਨੇ ਸਾਰਿਆਂ ਦਾ ਧਿਆਨ ਖਿੱਚਿਆ ਉਹ ਸੀ ਸ਼ਹਿਨਾਜ਼ ਦੀ ਇਵੈਂਟ ਵਿਚ ਸੋਨਮ ਕਪੂਰ ਅਤੇ ਕਰਿਸ਼ਮਾ ਕਪੂਰ ਨਾਲ ਗੱਲਬਾਤ। ਇੰਟਰਨੈੱਟ 'ਤੇ ਵਾਇਰਲ ਹੋ ਰਹੇ ਵੀਡੀਉ 'ਚ ਸ਼ਹਿਨਾਜ਼ ਗਿੱਲ, ਸੋਨਮ ਅਤੇ ਕਰਿਸ਼ਮਾ ਨੂੰ ਸ਼ੁਭਕਾਮਨਾਵਾਂ ਦਿੰਦੀ ਹੈ, ਜੋ ਗੋਲਡਨ ਅਤੇ ਲਾਲ ਰੰਗ 'ਚ ਦਿਖ ਰਹੀਆਂ ਸਨ। ਪਰ ਯੂਜ਼ਰਜ਼ ਦਾ ਕਹਿਣਾ ਹੈ ਦੋਵੇਂ ਅਭਿਨੇਤਰੀਆਂ ਨੇ ਸ਼ਹਿਨਾਜ਼ ਨੂੰ "ਅਣਦੇਖਿਆ" ਕੀਤਾ। ਇਕ ਯੂਜ਼ਰ ਨੇ ਲਿਖਿਆ, "ਉਨ੍ਹਾਂ ਦੋਵਾਂ ਨੇ ਅਖੀਰ ਵਿਚ ਉਸ ਨੂੰ ਨਜ਼ਰਅੰਦਾਜ਼ ਕਰ ਦਿਤਾ।"
ਜਿਓ ਵਰਲਡ ਪਲਾਜ਼ਾ ਮਾਲ ਦੇ ਲਾਂਚ ਈਵੈਂਟ 'ਚ ਸਿਤਾਰਿਆਂ ਤੋਂ ਇਲਾਵਾ ਕ੍ਰਿਕਟਰਾਂ ਅਤੇ ਉਦਯੋਗਪਤੀਆਂ ਨੇ ਵੀ ਰੈੱਡ ਕਾਰਪੇਟ 'ਤੇ ਅਪਣੀ ਮੌਜੂਦਗੀ ਦਾ ਅਹਿਸਾਸ ਕਰਵਾਇਆ। ਸਲਮਾਨ ਖਾਨ ਤੋਂ ਲੈ ਕੇ ਦੀਪਿਕਾ ਪਾਦੁਕੋਣ ਤਕ ਅਤੇ ਜਾਹਨਵੀ ਤੋਂ ਲੈ ਕੇ ਸੋਨਮ ਤਕ ਕਈ ਸਿਤਾਰਿਆਂ ਨੇ ਰੈੱਡ ਕਾਰਪੇਟ 'ਤੇ ਅਪਣਾ ਜਾਦੂ ਬਿਖੇਰਿਆ।
For more news apart from Shehnaaz Gill spreads her magic at Jio World Plaza Ramp, stay tuned to Rozana Spokesman