ਆਸਕਰ ਅਕੈਡਮੀ ਨੇ ਇਸ ਸਾਲ ਦੁਨੀਆਂ ਦੇ 50 ਦੇਸ਼ਾਂ ਤੋਂ ਕੁੱਲ਼ 395 ਲੋਕਾਂ ਨੂੰ ਕਲਾਸ ਆਫ 2021 ਲਈ ਸੱਦਾ ਭੇਜਿਆ ਹੈ।
ਮੁੰਬਈ: ਆਸਕਰ (Oscar) ਨੇ ਇਸ ਸਾਲ ਦੁਨੀਆਂ ਦੇ 50 ਦੇਸ਼ਾਂ ਤੋਂ ਕੁੱਲ਼ 395 ਲੋਕਾਂ ਨੂੰ ਕਲਾਸ ਆਫ 2021 ਲਈ ਸੱਦਾ ਭੇਜਿਆ ਹੈ। ਇਸ ਸਾਲ ਅਕੈਡਮੀ (Academy Awards) ਵੱਲੋਂ ਭਾਰਤ ਵਿਚ ਤਿੰਨ ਲੋਕਾਂ ਨੂੰ ਸੱਦਾ ਭੇਜਿਆ ਗਿਆ ਹੈ। ਇਹ ਤਿੰਨ ਲੋਕ ਹਨ ਬਾਲੀਵੁੱਡ ਅਦਾਕਾਰਾ ਵਿਦਿਆ ਬਾਲਨ, ਫ਼ਿਲਮ ਨਿਰਮਾਤਾ ਏਕਤਾ ਕਪੂਰ ਤੇ ਉਸ ਦੀ ਮਾਂ ਸ਼ੋਭਾ ਕਪੂਰ। ਦੱਸ ਦਈਏ ਕਿ ਇਹ ਅਮਰੀਕੀ ਸੰਸਥਾ ਆਸਕਰ ਪੁਰਸਕਾਰ (Oscar Awards) ਦਿੰਦੀ ਹੈ।
Vidya Balan
ਹੋਰ ਪੜ੍ਹੋ: ਕੋਰੋਨਾ ਦੀ ਦੂਜੀ ਲਹਿਰ ਦੌਰਾਨ ਭਾਰਤ ਲਈ ਅਰਦਾਸਾਂ ਕਰ ਰਹੇ ਸੀ ਪਾਕਿਸਤਾਨੀ- ਅਧਿਐਨ
ਅਕੈਡਮੀ ਦੀ ਵੈੱਬਸਾਈਟ ਅਨੁਸਾਰ ਸੂਚੀ ’ਚ 50 ਦੇਸ਼ਾਂ ਦੇ ਕਲਾਕਾਰਾਂ ਤੇ ਫ਼ਿਲਮ ਨਿਰਮਾਤਾਵਾਂ ਦੇ ਲੋਕਾਂ ਦੇ ਨਾਮ ਸ਼ਾਮਲ ਹਨ, ਜਿਨ੍ਹਾਂ ਨੇ ਫ਼ਿਲਮਾਂ ’ਚ ਯੋਗਦਾਨ ਪਾ ਕੇ ਆਪਣੀ ਪਛਾਣ ਬਣਾਈ ਹੈ। ਵਿਦਿਆ ਬਾਲਨ (Bollywood star Vidya Balan) ਜੋ ਹਾਲ ਹੀ ’ਚ ਐਮਾਜ਼ੋਨ ਪ੍ਰਾਈਮ ਦੇ ਸ਼ੋਅ ‘ਸ਼ੇਰਨੀ’ ’ਚ ਦੇਖੀ ਗਈ ਸੀ, ਉਸ ਨੂੰ 2021 ਦੀ ਸੂਚੀ ’ਚ ਸ਼ਾਮਲ ਕੀਤਾ ਗਿਆ ਹੈ, ਜਿਸ ’ਚ ਹਾਲੀਵੁੱਡ ਸਟਾਰ ਜੇਨੇਟ ਜੈਕਸਨ, ਰਾਬਰਟ ਪੈਟੀਨਸਨ, ਐੱਚ. ਈ., ਹੈਨਰੀ ਗੋਲਡਿੰਗ ਤੇ ਈਜ਼ਾ ਗੋਂਜ਼ਾਲੇਜ਼ ਸ਼ਾਮਲ ਹਨ।
Vidya Balan, Ekta Kapoor, Shobha Kapoor
ਹੋਰ ਪੜ੍ਹੋ: ਬਿਜਲੀ ਸੰਕਟ 'ਤੇ ਸਿੱਧੂ ਦੇ ਟਵੀਟ, 'ਸਹੀ ਦਿਸ਼ਾ 'ਚ ਕੰਮ ਕਰਾਂਗੇ ਤਾਂ ਬਿਜਲੀ ਕੱਟ ਲਾਉਣ ਦੀ ਲੋੜ ਨਹੀਂ
ਨਿਰਮਾਤਾ ਏਕਤਾ ਕਪੂਰ (Film producer Ekta Kapoor) ਤੇ ਉਸ ਦੀ ਮਾਂ ਸ਼ੋਭਾ ਕਪੂਰ (Shobha Kapoor) ਵੀ ਨਵੇਂ ਮੈਂਬਰਾਂ ਵਜੋਂ ਇਸ ਸੂਚੀ ’ਚ ਸ਼ਾਮਲ ਹਨ। ਅਕੈਡਮੀ ਨੇ ਕਿਹਾ ਕਿ 2021 ਦੀ ਸੂਚੀ ’ਚ 46 ਫੀਸਦੀ ਔਰਤਾਂ, 39 ਫੀਸਦੀ ਘੱਟ ਪ੍ਰਤੀਨਿਧਤਵ ਵਾਲੇ ਭਾਈਚਾਰੇ ਦੇ ਲੋਕ, 53 ਫੀਸਦੀ ਅਜਿਹੇ ਲੋਕ ਸ਼ਾਮਲ ਹਨ, ਜੋ ਦੁਨੀਆ ਦੇ 49 ਦੇਸ਼ਾਂ ਦੇ ਹਨ। ਭਾਰਤੀ ਫ਼ਿਲਮ ਉਦਯੋਗ ਦੇ ਏ. ਆਰ. ਰਹਿਮਾਨ, ਅਮਿਤਾਭ ਬੱਚਨ, ਸ਼ਾਹਰੁਖ ਖ਼ਾਨ, ਆਮਿਰ ਖ਼ਾਨ, ਸਲਮਾਨ ਖ਼ਾਨ ਤੇ ਨਿਰਮਾਤਾ ਆਦਿਤਿਆ ਚੋਪੜਾ ਤੇ ਗੁਨੀਤ ਮੋਂਗਾ ਪਹਿਲਾਂ ਹੀ ਅਕੈਡਮੀ ਦੇ ਮੈਂਬਰ ਹਨ।
Ekta Kapoor
ਹੋਰ ਪੜ੍ਹੋ: ਆਰਥਿਕ ਤੰਗੀ ਤੋਂ ਦੁਖੀ ਮਾਂ ਨੇ ਤਿੰਨ ਸਾਲਾ ਬੱਚੀ ਨੂੰ ਜ਼ਿੰਦਾ ਦਫਨਾਇਆ
ਅਕੈਡਮੀ ਹਰ ਸਾਲ ਪੂਰੀ ਦੁਨੀਆ ਦੇ ਕੁਝ ਫਿਲਮੀ ਲੋਕਾਂ ਨੂੰ ਆਪਣੇ ਨਾਲ ਜੋੜਦੀ ਹੈ। ਇਹ ਲੋਕ ਅਦਾਕਾਰਾਂ ਤੋਂ ਲੈ ਕੇ ਤਕਨੀਕੀ ਵਿਭਾਗ ਤੋਂ ਵੀ ਹੋ ਸਕਦੇ ਹਨ ਜਿਨ੍ਹਾਂ ਨੂੰ ਸੱਦਾ ਦਿੱਤਾ ਜਾਂਦਾ ਹੈ। ਚੁਣੇ ਹੋਏ ਲੋਕਾਂ ਨੂੰ ਇਹ ਸੱਦਾ ਨਕਾਰਨ ਦਾ ਅਧਿਕਾਰ ਵੀ ਹੁੰਦਾ ਹੈ ਪਰ ਆਮ ਤੌਰ 'ਤੇ ਲੋਕ ਅਕੈਡਮੀ ਦੇ ਸੱਦੇ ਦੀ ਬੇਨਤੀ ਤੋਂ ਇਨਕਾਰ ਨਹੀਂ ਕਰਦੇ, ਜੋ ਵੀ ਵਿਅਕਤੀ ਇਸ ਬੇਨਤੀ ਨੂੰ ਸਵੀਕਾਰ ਕਰਦਾ ਹੈ, ਅਕੈਡਮੀ ਵਿਚ ਸ਼ਾਮਲ ਹੁੰਦਾ ਹੈ, ਉਸਨੂੰ ਆਸਕਰ ਅਵਾਰਡ ਲਈ ਮੁਕਾਬਲਾ ਕਰਨ ਵਾਲੀਆਂ ਫਿਲਮਾਂ ਲਈ ਵੋਟ ਪਾਉਣ ਦਾ ਮੌਕਾ ਮਿਲਦਾ ਹੈ।
Shobha Kapoor
ਹੋਰ ਪੜ੍ਹੋ: ਰਾਹੁਲ ਗਾਂਧੀ ਦਾ ਤੰਜ਼, ‘ਜੁਲਾਈ ਆ ਗਿਆ, ਵੈਕਸੀਨ ਨਹੀਂ ਆਈ’, ਸਿਹਤ ਮੰਤਰੀ ਨੇ ਦਿੱਤਾ ਕਰਾਰਾ ਜਵਾਬ
ਇਸ ਸਾਲ ਭਾਰਤੀ ਮੈਂਬਰਾਂ ਤੋਂ ਇਲਾਵਾ, ਅਕੈਡਮੀ ਨੇ 'ਮਿਨਾਰੀ' ਪ੍ਰਸਿੱਧੀ ਯੁਹ-ਜੁੰਗ ਯੂਨ, 'ਪ੍ਰੋਮਿਸਿੰਗ ਜੰਗ ਵੋਮੈਨ' , ਵਾਲੀ ਐਮਰੈਲਡ ਫੈਨਲ, 'ਦਿ ਫਾਦਰ' ਫੇਮ ਫਲੋਰੀਅਨ ਜ਼ੇਲਰ ਵਰਗੇ ਆਸਕਰ ਜੇਤੂਆਂ ਨੂੰ ਵੀ ਬੁਲਾਇਆ ਗਿਆ ਹੈ। ਇਨ੍ਹਾਂ ਤੋਂ ਇਲਾਵਾ, ਇਸ ਸਾਲ ਅਕੈਡਮੀ ਦੁਆਰਾ ਹੈਨਰੀ ਗੋਲਡਿੰਗ, ਵੈਨੇਸਾ ਕਿਰਬੀ, ਰਾਬਰਟ ਪੈਟੀਨਸਨ, ਯਾਹੀਆ ਅਬਦੁਲ ਮਤਿਨ 2 ਵਰਗੇ ਅਦਾਕਾਰਾਂ ਨੂੰ ਵੀ ਇਸ ਸਾਲ ਅਕੈਡਮੀ ਵਿਚ ਆਪਣੇ ਨਾਲ ਜੋੜਿਆ ਗਿਆ ਹੈ।
