ਉਹਨਾਂ ਨੇ ਇਕ ਅੰਗਰੇਜ਼ੀ ਅਖਬਾਰ ਨਾਲ ਗੱਲ ਕਰ ਕੇ ਦਸਿਆ ਕਿ ਮੈਂ ਪੰਕਜ ਪਾਰਾਸ਼ਰ ਅਤੇ ਨਾਗਾਰਜੁਨ ਨੂੰ ਮਿਲਿਆ।
ਨਵੀਂ ਦਿੱਲੀ: ਅਦਾਕਾਰਾ ਸ਼੍ਰੀਦੇਵੀ ਦੀ ਬਾਥਟਬ ਵਿਚ ਡੁੱਬ ਕੇ ਹੋਈ ਮੌਤ ਦੇ ਰਾਜ਼ ਤੋਂ ਹੁਣ ਇਕ ਹੋਰ ਪਰਦਾ ਉੱਠਿਆ ਹੈ। ਅਦਾਕਾਰਾ ਦੇ ਨਾਮ ਤੇ ਉਹਨਾਂ ਦੀ ਇਕ ਜੀਵਨੀ ਸ਼੍ਰੀਦੇਵੀ: 'ਦ ਏਟਰਨਲ ਗਾਡੇਸ' ਲਿਖਣ ਵਾਲੇ ਲੇਖਕ ਸਤਿਯਾਰਥ ਨਾਇਕ ਨੇ ਇਹ ਖੁਲਾਸਾ ਕੀਤਾ ਹੈ ਕਿ ਸ਼੍ਰੀਦੇਵੀ ਨੂੰ ਘਟ ਬਲੱਡ ਪ੍ਰੈਸ਼ਰ ਦੀ ਬਿਮਾਰੀ ਰਹਿੰਦੀ ਸੀ। ਇਸ ਤੇ ਉਸ ਨੇ ਸ਼੍ਰਦੇਵੀ ਦੇ ਨੇੜਲੇ ਕਈ ਲੋਕਾਂ ਦੇ ਬਿਆਨ ਵੀ ਸ਼ਾਮਲ ਕੀਤੇ ਹਨ।
ਉਹਨਾਂ ਨੇ ਇਕ ਅੰਗਰੇਜ਼ੀ ਅਖਬਾਰ ਨਾਲ ਗੱਲ ਕਰ ਕੇ ਦਸਿਆ ਕਿ ਮੈਂ ਪੰਕਜ ਪਾਰਾਸ਼ਰ ਅਤੇ ਨਾਗਾਰਜੁਨ ਨੂੰ ਮਿਲਿਆ। ਉਹਨਾਂ ਦੋਵਾਂ ਨੇ ਹੀ ਉਸ ਨੂੰ ਇਸ ਬਾਰੇ ਦਸਿਆ ਕਿ ਸ਼੍ਰੀਦੇਵੀ ਨੂੰ ਲੋਅ ਬਲੱਡ ਪ੍ਰੈਸ਼ਰ ਦੀ ਬਿਮਾਰੀ ਸੀ। ਜਦੋਂ ਉਹ ਉਹਨਾਂ ਨਾਲ ਕੰਮ ਕਰ ਰਹੀ ਸੀ ਤਾਂ ਉਹ ਕਈ ਵਾਰ ਬਾਥਰੂਮ ਵਿਚ ਬੇਹੋਸ਼ ਹੋ ਗਈ ਸੀ। ਫਿਰ ਉਸ ਨੇ ਇਸ ਮਾਮਲੇ ਦੀ ਹੋ ਜਾਣਕਾਰੀ ਲਈ ਸ਼੍ਰੀਦੇਵੀ ਦੀ ਭਤੀਜੀ ਮਾਹੇਸ਼ਵਰੀ ਨਾਲ ਮੁਲਾਕਾਤ ਕੀਤੀ।
ਉਸ ਨੇ ਵੀ ਇਹੀ ਦਸਿਆ ਕਿ ਉਹਨਾਂ ਨੇ ਸ਼੍ਰੀਦੇਵੀ ਨੂੰ ਬਾਥਰੂਮ ਦੇ ਫਰਸ਼ ਤੇ ਡਿੱਗੀ ਪਾਇਆ ਸੀ ਅਤੇ ਉਹਨਾਂ ਦੇ ਚਿਹਰੇ ਤੋਂ ਲਹੂ ਵਹਿ ਰਿਹਾ ਸੀ। ਬੋਨੀ ਨੇ ਵੀ ਉਹਨਾਂ ਨੂੰ ਦਸਿਆ ਕਿ ਇਕ ਦਿਨ ਇਸ ਤਰ੍ਹਾਂ ਹੀ ਚਲਦੇ ਹੋਏ ਅਚਾਨਕ ਡਿੱਗ ਪਈ। ਇਸ ਤੋਂ ਪਹਿਲਾਂ ਕੇਰਲ ਦੇ ਇਕ DGP ਨੇ ਕਿਹਾ ਸੀ ਕਿ ਸ਼੍ਰੀਦੇਵੀ ਦੀ ਮੌਤ ਦਾ ਹਾਦਸਾ ਨਹੀਂ ਬਲਕਿ ਹੱਤਿਆ ਸੀ।
24 ਫਰਵਰੀ 2018 ਨੂੰ ਦੇਸ਼ ਦੀ ਪਹਿਲੀ ਔਰਤ ਸੁਪਰਸਟਾਰ ਸ਼੍ਰੀਦੇਵੀ ਦੀ ਮੌਤ ਦੀ ਖਬਰ ਨੇ ਦੇਸ਼ ਨੂੰ ਹੈਰਾਨ ਕਰ ਦਿੱਤਾ ਸੀ। ਮ੍ਰਿਤਕ ਸਰਟੀਫਿਕੇਟ ਵਿਚ ਕਿਹਾ ਗਿਆ ਹੈ ਕਿ ਮੌਤ ਹਾਦਸੇ ਵਿਚ ਡੁੱਬਣ ਕਾਰਨ ਹੋਈ ਹੈ।
ਇਸ ਤੋਂ ਬਾਅਦ ਉਸ ਦੀ ਰਹੱਸਮਈ ਮੌਤ ਨੂੰ ਲੈ ਕੇ ਖ਼ਬਰਾਂ ਸਾਹਮਣੇ ਆਈਆਂ ਸਨ। ਪਰ ਹੁਣ ਇਸ ਰਹੱਸਮਈ ਮੌਤ ਤੋਂ ਪਰਦਾ ਉੱਠ ਚੁੱਕਿਆ ਹੈ। ਉਹਨਾਂ ਦੇ ਪਤੀ ਨੇ ਦਸਿਆ ਕਿ ਉਹਨਾਂ ਨੂੰ ਅਜੇ ਵੀ ਉਸ ਦੀ ਮੌਤ ਦਾ ਸਦਮਾ ਲੱਗਿਆ ਹੋਇਆ ਹੈ। ਉਹ ਇਸ ਸਦਮੇ ਤੋਂ ਅਜੇ ਤਕ ਬਾਹਰ ਨਹੀਂ ਆ ਸਕੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।